في السلك - بابكر سلك - الموية كضبت الغطاس

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

05082016

مُساهمة 

في السلك - بابكر سلك - الموية كضبت الغطاس




في السلك
بابكر سلك
الموية كضبت الغطاس

ــــ

* ياخ ناس فطومه فلقونا جنس فلقه
* الصغار والشباب و الهلال الشاب
* الاداء وخطة كردنه والفين وسبعطاشر لاعجوز ولا محترف
* ديمقراطية الهلال وانسجام المجلس وروشا من مجلس الهلال بعرف تلاته
* كردنه وده طبعا عشان الكسكته
* وعماد الطيب عشان يرموا فيهو اخفاقات كردنه
* والباشمهندس هارون عشان لو خت كسكته ببقي كردنه بالحته
* يعني لو قال يا آدم
* آدم زاتو بجي جاري
* بس الفرق في الجيب
* كردنه جيوبو كده وكده
* وهارون جيوبو كده وكده
* ذكروني كديستنا
* مربنها في البيت عمرنا كلو قايلنها واحده
* ونستغرب
* نديها تاكل بعد نص ساعه تجينا جعانه
* نديها تاني تاني تاكل
* نلقاها والدة في المخزن
* بكرة نلقاها والده تحت الكنبه
* حيرتنا كديستنا
* اخيرا اكتشفنا انهن اخوات وبتشابهن
* بس فرق كردنه من هارون في الجيب
* ده جيبو كده وكده
* وده جيبو كده وكده
* المهم
* انعدمت الديمقراطيه داخل اروقة الهلال للدرجة التي اصبح الاهله فيها لا يعرفون غير كردنه
* تم ترحيل الصغار للرديف) اذا اعتبرناها صغار( واصبحت تشكيلة الهلال الاساسيه والدائمة متوسط اعمار اي ستة فيها تلتمية سنة
* وكثرت اخطاء الحكام التي لا تظلم
* وكعادتها صدفه ساي صبت كلها في مصلحة الهلال
* فتعثر سادومبا لان الدوخه طبيعيه لمن في سنه
* والركب تعبن مساوي شديد من جرّاء الرطوبة الناتجه عن تقدم العمر
* فسضوهوا الزول ده
* اما بشه وفداسي ونزار
* فتقدم السن اثر فيهم بالنسيان
* بقوا ينسوا الكورة وراهم
* اما الشغيل داك فخليهو ساي
* بقي ينسي روحو شايت وين
* الحاج كاريكا جابت ليها تخيل مع النسيان
* يشوت الفاول يتخيل ليهو القون فوووووق
* يلبس الشراب يتخيلو سروال
* يرفعو ليك للطقطاق
* ادوهو شارة الكابتنيه
* تلاته كور شايلها ويفتش في هيثم
* الزول ده بالطريقه دي يوم حايشيل شنطتو و يمشي المدلسه اقصد المدرسة
* الطاهر الحاج بذكرني ناس المعاشات يوم الصرف الضهر
* تلقاهو يرجف كلو ومطير عيونو زي زول المعاش القاول بتاع امجاد بي مية ماشي وجاي ومعاشو تمنين ووصل قالوا ليهو المعاش لسه
* ياها ذاتها طييرة العيون
* وكلام فطومة اختي كان يشير الي ان كردنه غطاس
* وبدأت الدورة التانيه
* ونزل المطر وفرح الجميع
* وانكشف المستور
* وضحك احمد وضحكت أمل
* اكتشفت فطومه بانو في لاعبين اكبر منها
* بالذات بعد شافت شفع المريخ يتألقون في احلك الظروف
* ونزل المطر وبرد الجو وغرق كردنه وغرقت فطومه
* ايها الناس
* ما يقوم به كردنه من دعم مستشفيات وتجيير صدليات وعديل مدارس لا علاقه له ببناء فريق قوي
* ديك اعمال خير براها
* وكم كنت اتمني ان لا يربط كردنه تبرعه السخي بالمدينة اللاعب فيها الهلال
* عشان القصة بتكون جايطه
* ياريت لو شفنا كردنه حضورا داعما لمستشفي حلفا الماعندها فريق في الممتاز
* وماعارفه ذاتو انو الحكام بلبسوا زيوت ماستر
* يعرفوا كيفن بس
* اذا كانت النيلين هنا بتقطع
* ياخ هناك الاذاعه بتتمتم
* كنت اتمني كردنه في سنار
* في القضارف
* في الشوك
* في كسلا والميرغني والتاكا بره الممتاز
* في بورتسودان وهي مدينة صاحبة فضل عليه
* ولكن ان نجده داعما دائما في المدن التي لها فرق بالممتاز فان ذلك لا يساعد علي خلق فريق قوي وشاب
* فالصدقات لاعلاقة لها بالتدريبات
* اي مدينة فيها فريق بالممتاز تلقي كردنه فيها
* رئيس نادي ولا قناة النيلين ياعمك
* المهم
* المهم جدا
* نلتقي بالاهلي اليوم
* لا تراجع لا استهتار
* فقد اعتدنا ان نأتي بعد سقوط الهلال نجرجر اذيال الثقه ونمشي الخيلاء لنفاجأ بنقاط نخسرها
* المرة دي لأ
* انها قيمة كبيرة بالنسبه لينا
* ولن يحمي تلك القيمة غير الجمهور في المقام الاول
* لذا الحضور فرض عين
* كأنه الاهلي القاهري
* لنقتلع نقاطنا من جذورها
* ونضعها بمخازننا
* الدنيا خريف
* وطالما التحكيم يخطئ
* يبقي ممكن يعملها فينا
* عشان كده الحسم المبكر ضروري
* والفرق مايكون قون
* افرض لا قدر الله اخطأ في الدقيقة تسعين
* ودرنوا
* نودي وشنا وين
* عشان كده و عشان مايخطئ
* كل القوة المدرجات جوه
* ايها الناس
* ان تنصروا الله ينصركم
* اها
* نجي لي شمارات والي الخرتوم
كان شفت يا والينا
* ناس تكورك كر علينا
* وناس تسكلب وووب علينا
* وناس تردد الله لينا
* وناس بتبكي صامت سايله عينها
* وناس تخبط بي رجلينا
* وناس تصفق بي ايدينا
* الليله ووووب ووووب علينا
* قلنا مات زولا عزيز لينا
* قالوا ابدا لكن دايرين يزيدوا المرتبات لينا
* ووووب ووووب ووووب سكلبنا مع المسكلبين يا والينا
* واتدردقنا في التراب ياهو الفضل لينا
* ونتقالد ونبكي يا والينا
* وفييييط بايادينا نقشها في دلاقينا
* ونجعر يا والينا
سلك كهربا
ننساك كيف والكلب قال المرتب لما يزيد مية المحروقات بتزيد تسعميه والنفايات تلتميه ورخص المحليات بعد المليون ميه ودمغات الدعم الشقيه… عضوهم الناس ديل
والي لقاء
سلك
لايك حتى لا تفقد وصول اخبار الصفحة اليك

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

في السلك - بابكر سلك - الموية كضبت الغطاس :: تعاليق

مُساهمة في الجمعة 5 أغسطس 2016 - 19:17 من طرف يوسف دنقلا

يا جماعة سلك ده شايل هم الهلال اكتر من كردنة .!! الزول ده مكتول في الهلال عديل انا اقترح علي كردنة يقوم يلبس سلك الكسكتة و يتعاقد معاهو علي ان يكتب فقط عن الفريق الرديف ..
يااااخي و الله يا سلك انا بقيت اخجل ليك و الله متين ح تبقي زول انت

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى