تابعونا عبر فيس بوك

قوقل ‏+‏ ‏
Use the English Language

في السلك - بابكر سلك - مابين كردنه وحميده

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

11082016

مُساهمة 

في السلك - بابكر سلك - مابين كردنه وحميده




في السلك
بابكر سلك
مابين كردنه وحميده

ــــــــ

* كردنه يقوم بمجهودات كبيرة في صيانة المستشفيات الحكومية واعادة تأهيلها
* وده شغل كبير من مواطن نبيل
* واذا استمر كردنه علي هذا المنوال الداعم للصحه في البلد دي
* صدقوني البلد دي حاتعدم المرضان
* ووقتها سنطالب كردنه رجل الاحسان ان يستورد لينا عيانين من الحبشه الشقيقه
* غايتو دي لو حصلت
* بنسكن في المستشفيات الحكومية سكن
* عيادة المريض صدقه
* غايتو حانتصدق جنس صدقات اسكت بس
* والغريبه لو مات حبشي
* نتقالد ونبكي
* نسوي شنو عاد غير نبكي
* والبكا مابجيبو ليا
* المهم
* كردنة يقوم بمجهودات تحرج مامون حميدة شديد
* اسلام لما سمعت بكردنه بصين في مستشفيات اي مدينة لاعب فيها الهلال
* قالت لي كردنه بقي وزير صحه???
* قلت ليها ابدا
* قالت لي موية صحة ساي يعني!!
* المهم كردنة اصبح مهدد حقيقي لمامون حميدة
* صيانة مدفوعة القيمه مقدما
* ولو دخلت لينا في الدواء الدائري ياكردنه
* نطلع ليك مسيرة نندد باي حاجه و نطالب بتعيينك وزيرا للصحه
* بس الخوف تعمل ليك جامعة ومستشفي تسميهو التينه وتفتح لينا نقوم نشكيك لوالينا ومايشتغل بينا
* ايها الناس
* فريق الصحه ماشي فاشر السلطان متين???
* السمعناهو قالوا مستشفي الفاشر مامحتاج لاي شئ
* مجيه ومجير وسرايرو حاضنات مراتبو في حبور
* و عندهم دواء نقاط
* مابين اربعه لي ستة نقاط وتطيب يا الحبيب
* المهم
* امس تشرفنا بالحضور علي المدرجات الشعبيه لمناصرة الزعيم الاب
* الشفوت لسه غياب
* والقصة دي ماصاح
* لنا دور كبير في الظفر بالبطولة
* ولا يتحقق هذا الدور الا بتواجدنا المستمر علي المدرجات و التشجيع بقوة
* الاولتراسات ماقصروا
* والشفاته المعروفين اولاد اولمبيوس كانوا كعادتهم اسودا تزأر وهم في كامل عدتهم وعتادهم
* حيوا معي الشفاته المعروفين
*المهم
* كورتنا امس شكلها مابطال
* يمكن خندقة السلاطين شوية كتلتها
* مع العلم بان السلاطين فريق كبير يملك من المهارات والفنيات الكتير وما كان محتاج للخندقه
* وبرغم النتيجه السلاطين فريق قوي ومتمرس وخبير ويستطيع ان يفوز علي فريق الصحه بسهوله حتي ولو قام وزير الصحه بنقل وزارة الصحة الاتحادية لفاشر السلطان
* السلاطين فريق محترم
* ولكن
* اوكرا بسلبيته وانانيته التي ادي بها بالامس ماكان في مبرر لمواصلته
* فمصعب الذي تم تغييره كان افضل منه مية مرة
* ولكن قد تكون هناك ظروف اجبرت الجهاز الفني علي الابقاء علي اوكرا
* واوكرا زاتو عارف كده
* بدليل انو كان مارق لحظة دخول محمد الرشيد
* لكن الجهاز الفني بعرف احسن من اوكرا زاتو
* ايها الناس
* ادركوا المراحل السنية
* امرها من الامور المستعجله التي يفترض ان يهتم بها ركاب بص الوالي
* لان الكمساري لما يطقطق في شأن المراحل السنية القصة لا تحتمل قولة قدااام
* ياتدفع يا تنزل
* اساسا لو ماداير تدفع راكب لي شنو??
* عشان تثبت الكرسي?
* طيب الكرسي قبلك كان ثابت وبي حقو كمان
* ولما الكمساري يطقطق مابقول قدام
* بل واشترط علي ناس قدام عدم الدفع الكمساري نيابة عنهم
* ادركوا مراحلنا السنيه والدوري علي الابواب يا بتوع بص الوالي يا ركاب
*المهم
* حكم امس بتاع كادوقلي ده عكس حالات كثيرة) بدون قصد(
* ياربي في صيانة متوقعه لمستشفي كادوقلي??
* نتمني ذلك فكادوقلي تستاهل كل خير
*لكن صدقوني
* السلاطين الشفتهم امس ديل بغلبوا فريق الصحه وبالذات ملعب النقعه اليومين دي مليان موية صحه
*لا نتوقع صيانة لمستشفي كوستي
* فرابطة ابو مرين تحب العلاج بالخارج
* ايها الناس
* ان تنصروا الله ينصركم
* اها
*نجي لي شمارات والي الخرتوم
* كان شفت يا والينا
*النوم بقي مابجينا
* لانو الحرامي مساهر بينا
*الليل والنهار حايم فينا
* بشيل حقنا ومن العندو مابدينا
* نغمد لما نصحي نلقاهو عدمنا الفرطاقة يا والينا
*يلمها المواطن يوطاها الحرامي يا والينا
سلك كهربا
ننساك كيف والكلب قال انتوا من زمن الحرامي بسكوهوا ويقولوا ياهو!!! الحرامي بقي عالم تاني ماشفتوهوا يا خلاني
والي لقاء
سلك

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى