ﻭﺍﻥ ﻃﺎﻝ ﺍﻟﺴﻔﺮ | ﻣﺤﻤﺪ عبدالماجد

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

01042015

مُساهمة 

ﻭﺍﻥ ﻃﺎﻝ ﺍﻟﺴﻔﺮ | ﻣﺤﻤﺪ عبدالماجد




ﻭﺍﻥ ﻃﺎﻝ ﺍﻟﺴﻔﺮ | ﻣﺤﻤﺪ
ﻋﺒﺪ ﺍﻟﻤﺎﺟﺪ
ﺭﻣﻀﺎﻥ ﻋﺠﺐ ﻣﺎﻟﻬﺎ ﺇﺻﺎﺑﺎﺗﻮ ﻛﺘﺮﺕ ﻛﺪﺍ؟.
• ﻣﺮﺍﺕ ﻓﻲ ﺗﻠﻔﻮﻧﻚ .. ﺍﻟﻤﻮﺿﻮﻉ ﺩﺍ ﺑﻴﺤﺼﻞ.
• ﻳﻀﺮﺏ ﻟﻴﻚ ﺯﻭﻝ ... )ﺷﻨﺒﻮ ﻣﺘﻞ ﺍﻟﻌﺮﺍﺿﺎﺕ ﻣﻦ ﺍﻟﻘﻮﻥ ﻟﻠﻘﻮﻥ (.
• ﺷﻨﺒﻮ ﻣﺘﻞ ) ﻛﻨﺒﺔ ( ﺍﻻﺣﺘﻴﺎﻃﻲ ...ﺍﻟﺠﻬﺎﺯ ﺍﻟﻔﻨﻲ ﺑﺎﻻﺣﺘﻴﺎﻃﻲ ﻛﻠﻮ ﻣﻤﻜﻦ
ﻳﻘﻌﺪ ﻓﻲ )ﺷﻨﺒﻮ ( ﺩﺍ.
• ﺍﻟﺸﻨﺐ ﺑﻴﻈﻬﺮ ﻓﻲ ﺧﺪﻣﺔ ﺍﻟﺮﺳﺎﺋﻞ .. ) ﻋﺎﺭﻓﻜﻢ ﻛﺎﻥ ﺡ ﺗﻘﻮﻟﻮﺍ ﻟﻲ ﻋﺮﻓﺖ
ﺷﻨﺒﻮ ﻛﻴﻒ? (.
• ﻟﻮ ﻣﺎ ﺑﻌﺮﻑ ) ﺍﻟﺸﻨﺐ ( ﻣﺎ ﺑﻌﺮﻑ ) ﺍﻟﻜﻨﺐ (.
• ﻓﻲ ﺗﻠﻔﻮﻧﺎﺕ ﺣﺪﻳﺜﺔ ﺷﺪﻳﺪ ﻃﺒﻌﺎ.
• ﺍﻭﻝ ﺷﻲﺀ ﺍﻟﺰﻭﻝ ﺍﻟﻀﺎﺭﺏ ﻟﻴﻚ ﻳﻘﻮﻝ ﻟﻴﻚ ﻣﻌﻠﻴﺶ ﺩﺍ ﺗﻠﻔﻮﻥ ) ﺗﻬﺎﻧﻲ (.
• ﺗﻘﻮﻝ ﻟﻴﻪ ﺑﻲ ﻛﻞ ﻃﻴﺐ ﺧﺎﻃﺮ .. ﺍﺑﺪﺍ ﻭﺍﻟـﻠـﻪ .
• ﺑﻌﺪ ﺗﻼﺗﺔ ﻳﻮﻡ ﻳﻀﺮﺏ ﻟﻴﻚ ﺯﻭﻝ ﺗﺎﻧﻲ ... ) ﺑﺪﻭﻥ ﺷﻨﺐ (.
• ﻳﻘﻮﻝ ﻟﻴﻚ ﻣﻌﻠﻴﺶ ﺩﺍ ﺗﻠﻔﻮﻥ )ﺳﻤﺎﻫﺮ ( .
• ﺗﻘﻮﻝ ﻟﻴﻪ ﺳﻤﺎﻫﺮ ﻣﻨﻮ؟ ... ) ﺍﻟﻤﻮﺿﻮﻉ ﻛﺒﺮ ( .
• ﻳﻘﻮﻝ ﻟﻴﻚ ﺳﻤﺎﻫﺮ ﺍﺧﺖ ) ﺗﻬﺎﻧﻲ (.
• ﻫﻮ ﻳﻌﻨﻲ ﻧﺤﻦ ﻋﺮﻓﻨﺎ )ﺗﻬﺎﻧﻲ ( ﻋﺸﺎﻥ ﻧﻌﺮﻑ ﻟﻴﻜﻢ )ﺳﻤﺎﻫﺮ ( .
• ﻧﺎﺱ ﺍﻟﺘﻠﻔﻮﻧﺎﺕ ﺩﻳﻞ ﻋﻨﺪﻫﻢ ﺣﺎﺟﺎﺕ ﻏﺮﻳﺒﺔ .
• ﺍﻟﻤﺮﻳﺨﺎﺏ ﺩﻳﻞ ﻣﺎﻟﻬﻢ؟.
• ﻣﺎﻟﻬﻢ ﺑﺘﺨﺎﺑﻄﻮﺍ ﻛﺪﺍ؟.
• ﻟﻤﻦ ﺍﻟﻬﻼﻝ ﺳﺠﻞ ﻣﺼﻄﻔﻰ ﻋﺒﺪﻩ .. ﻗﺎﻟﻮﺍ ﻣﺼﻄﻔﻰ ﻋﺒﺪﻩ
)ﻣﻜﺴﻮﺭ ( .. ﺗﺎﻧﻲ ﻓﻲ ) ﺍﻟﻤﻘﺼﻮﺭﺓ ( ﻣﺎ ﺑﺪﻗﻬﺎ.
• ﻭﺩﻗﺎﻫﺎ .
• ﻭﻟﻤﻦ ﺍﻟﻬﻼﻝ ﺳﺠﻞ ﺑﺎﻛﻤﺒﺎ .. ﻗﺎﻟﻮﺍ ﺑﺎﻛﻤﺒﺎ ﻛﺮﺍﻋﻮ ﻭﺍﺣﺪﺓ ..ﻭﺍﻟﻜﺮﺍﻉ
ﺍﻟﻮﺍﺣﺪﺓ ﺫﺍﺗﻬﺎ ﻣﻀﺮﻭﺑﺔ .
• ﺑﺎﻛﻤﺒﺎ ﺟﺎﺏ ﻗﻮﻥ ﺑﺎﻟﻴﻤﻴﻦ ﻓﻲ ﺍﻟﻤﺮﻳﺦ ... ﺑﺎﻟﻄﺮﺷﻪ .
• ﻭﺭﺟﻊ ﺟﺎﺏ ﻟﻴﻚ ﻗﻮﻥ ﺑﺎﻟﺸﻤﺎﻝ ﻓﻲ ﺍﻟﻤﺮﻳﺦ .
• ﻧﺎﺱ ﺍﻟﻤﺮﻳﺦ ﺍﻟﻰ ﺍﻵﻥ ﺍﻟﺸﻐﻞ ﺩﺍ ﻣﺎ ﻭﻗﻊ ﻟﻴﻬﻢ .
• ﺍﻟﻬﻼﻝ ﻟﻤﻦ ﺳﺠﻞ ﺣﻤﻮﺩﺓ ﺑﺸﻴﺮ ..ﺍﻟﻤﺮﻳﺨﺎﺏ ﻗﺎﻟﻮﺍ ﺍﻫـ.
• ﻗﻠﻨﺎ ﻟﻴﻬﻢ ﺍﻟﺤﺎﺻﻞ ﺷﻨﻮ؟.
• ﻗﺎﻟﻮﺍ ﺣﻤﻮﺩﺓ ﺑﺸﻴﺮ ) ﻣﺼﺎﺏ ( ... ﺷﻬﺮ ﻣﺎ ﺑﻠﻌﺒﻮ ﻟﻴﻜﻢ .
• ﺍﻟﻐﺮﻳﺒﺔ ﺍﻥ ﺣﻤﻮﺩﺓ ﺑﺸﻴﺮ ﺍﻟﻰ ﺍﻵﻥ ﺑﺘﺄﻟﻖ ﻣﻊ ﺍﻻﻫﻠﻲ ﺷﻨﺪﻱ .. ﻭﺑﻘﺪﻡ ﻓﻲ
ﻣﺤﺎﺿﺮﺍﺕ ﺍﺻﺎﺑﺎﺕ ﺍﻟﻤﻼﻋﺐ.
• ﻣﺮﺕ ﻛﻢ ﺳﻨﺔ ﻛﺪﺍ.
• ﻭﺟﻴﻨﺎ ﺗﺎﻧﻲ ﻭﺳﺠﻞ ﺍﻟﻬﻼﻝ ﻣﻦ ﺍﻟﻤﺮﻳﺦ ﻧﺼﺮﺍﻟﺪﻳﻦ ﺍﻟﺸﻐﻴﻞ.
• ﺗﻌﺮﻓﻮﺍ )ﺣﻨﻚ ( ﺍﻟﻤﺮﻳﺨﺎﺏ ﻛﺎﻥ ﺷﻨﻮ؟.
• ﺍﻟﻤﺮﻳﺨﺎﺏ ﻗﺎﻟﻮﺍ ﻧﺼﺮﺍﻟﺪﻳﻦ ﺍﻟﺸﻐﻴﻞ ) ﻣﺼﺎﺏ ( .. ﻓﻲ ﺍﺳﺘﺪﻳﻮ ﺗﺎﻧﻲ ﻣﺎ
ﺑﻴﻠﻌﺐ.
• ﺇﻻ ﻳﻘﻌﺪ ﻳﺤﻠﻞ ﻟﻴﻜﻢ ﺍﻟﻤﺒﺎﺭﻳﺎﺕ .
• ﺍﻵﻥ ﻧﺼﺮﺍﻟﺪﻳﻦ ﺍﻟﺸﻐﻴﻞ ﺍﻓﻀﻞ ﺍﺭﺗﻜﺎﺯ ﻓﻲ ﺍﻟﺒﻠﺪ .
• ﻣﺎ ﺳﺎﺋﻞ ﻟﻴﻪ ﻓﻲ ﺯﻭﻝ.
• ﻫﺴﻊ ﺭﻣﻀﺎﻥ ﻋﺠﺐ ... ﺑﻌﻤﻞ ﻓﻲ ﻧﻔﺲ ﺍﻟﺤﺮﻛﺎﺕ.
• ﺭﻣﻀﺎﻥ ﻋﺠﺐ ﻋﻤﻠﻬﺎ ﻇﺎﻫﺮﺓ.
• ﺭﻣﻀﺎﻥ ﻋﺠﺐ ﺑﻘﻰ ﻛﻞ )48 ( ﺳﺎﻋﺔ ﻳﻌﻤﻞ ﻟﻴﻚ ﻓﻴﻬﺎ ﻣﺼﺎﺏ.
• ﻭﺍﻧﺎ ﻣﺎ ﺑﻘﺪﺭ ﺃﻟﻌﺐ.
• ﻭﻋﻨﺪﻱ ﺭﺑﺎﻁ ﺻﻠﻴﺒﻲ .. ) ﻧﻔﺲ ﺍﻟﺤﺮﻛﺎﺕ ﺍﻟﻜﺎﻥ ﺑﻌﻤﻞ ﻓﻴﻬﺎ ﺣﻤﻮﺩﺓ ﺑﺸﻴﺮ (.
• ﻭﺍﻟﺠﻤﺎﻋﺔ ﻳﺘﺠﺮﺳﻮﺍ ﻟﻴﻚ.
• ﺍﻧﺖ ﻳﺎ ﺭﻣﻀﺎﻥ ﻋﺠﺐ ) 17 ( ﻳﻮﻡ ﻏﺎﻟﺒﻚ ﺗﺼﺒﺮﻫﻢ ﻣﻊ ﺍﻟﺠﻤﺎﻋﺔ ﺩﻳﻞ .
• ﺍﺻﻠﻮ ﻣﺎ ﻓﻲ ﺩﺍﻋﻲ ﻟﻤﻮﺿﻮﻉ ) ﺍﻻﺻﺎﺑﺎﺕ ( ﺩﻱ.
• ﻳﺎ ﺯﻭﻝ ﺍﺻﺒﺮ .
• ﻳﺎ ﺯﻭﻝ ﺍﺭﻛﺰ.
• ﻳﺎ ﺯﻭﻝ ﻛﻤّﻞ ﻋﻘﺪﻙ .. )ﻧﺤﻦ ﺣﺮﻛﺎﺕ ﺑﻜﺮﻱ ﺍﻟﻤﺪﻳﻨﺔ ﺩﻱ ﻣﺎ ﺑﻨﻌﻤﻠﻬﺎ (.
• ﺍﻧﺖ ﺍﻟﺠﻤﺎﻋﺔ ﺩﻳﻞ ﻣﺴﺘﺤﻤﻠﻬﻢ ﺗﻼﺗﺔ ﺳﻨﻮﺍﺕ .. ﻣﺎ ﻋﺎﻭﺯ ﺗﺴﺘﺤﻤﻠﻬﻢ ) 17 (
ﻳﻮﻡ .
• ﻭﺇﻟّﺎ ﻋﺸﺎﻥ ﺍﻧﺖ ﻋﺎﺭﻑ ﻳﺎ ﺭﻣﻀﺎﻥ ﻋﺠﺐ .. ﺍﻥ ﻣﺴﺮﺣﻴﺔ )ﺍﻻﺻﺎﺑﺎﺕ ( ﺩﻱ
ﻫﻲ ﺍﻟﻄﺮﻳﻖ ﺍﻟﻰ ﻛﺸﻮﻓﺎﺕ ﺍﻟﻬﻼﻝ .
• ﻏﺎﻳﺘﻮ ﺍﻟﺰﻭﻝ ﻭﻗﺖ ﻳﻜﻮﻥ ﻣﺎ ﻋﺎﻭﺯ ﻟﻴﻪ ﺯﻭﻝ ﺑﻜﻮﻥ ﻇﺎﻫﺮ.
• ﺷﻐﻞ )ﺍﻟﻘﻨﻊ ( ﻇﺎﻫﺮ .
• ﻣﻮﺿﻮﻉ ﺭﻣﻀﺎﻥ ﻋﺠﺐ ﺩﺍ ﺫﻛﺮﻧﻲ ﻟﻴﻚ ﺑﻲ ﻣﻮﺿﻮﻉ ﻛﺪﺍ .
• ﻋﻨﺪﻧﺎ ﺯﻭﻝ ﻓﻲ ﺍﻟﺤﻠﺔ ﻗﺎﻟﻮﺍ ﻟﻴﻪ ﻻﺯﻡ ﺗﺘﺰﻭﺝ ﺑﻨﺖ ﻋﻤﻚ.
• ﻻﺯﻡ ﺗﻐﻄﻲ ﻗﺪﺣﻚ .
• ﺯﻭﻟﻜﻢ ﻗﺎﻝ ﻟﻴﻬﻢ ) ﻗﺪﺡ ( ﺷﻨﻮ؟.. ﻫﻲ ﻣﻮﻧﺔ ﻭﺇﻻ ﻋﺮﺱ؟ .
• ﺍﻟﻤﻬﻢ ﺣﺎﻭﻝ ﻳﻘﻨﻌﻬﻢ ﻟﻴﻚ .. ﻗﺎﻝ ﻟﻴﻬﻢ ﺍﻧﺎ ﻣﺎ ﻗﺎﻋﺪ ﺍﻓﻜﺮ ﻓﻲ ﺍﻟﻌﺮﺱ ﻓﻲ
ﺍﻟﻮﻗﺖ ﺍﻟﺤﺎﻟﻲ.
• ﻭﻣﺮﺍﺕ ﻳﻘﻮﻝ ﻟﻴﻬﻢ .. ﻋﺎﻭﺯ ﺍﺣﺠﺞ ﺍﻟﻮﺍﻟﺪﺓ .
• ﻭﻣﺮﺍﺕ ﻳﻘﻮﻝ ﻟﻴﻬﻢ .. ﻋﺎﻭﺯ ﺍﻛﻤﻞ ﺍﻟﺒﻴﺖ .. ﻟﻮ ﻣﺎ ﻋﻤﻠﺖ ﺍﻟﺒﻴﺖ ﺗﺎﻧﻲ ﺩﻭﺭ
ﻣﺎ ﺑﺘﺰﻭﺝ.
• ﻛﻞ ﻣﺎ ﻳﺠﻲ ﻋﻴﺪ ﻫﻮ ﻳﺸﻮﻑ ﻟﻴﻪ ) ﻣﺮﺍﻗﺔ ( ﺑﺎﻟﺸﻜﻞ ﺩﺍ ﻭﻳﻘﻮﻟﻬﺎ ﻟﻴﻬﻢ .
• ﻋﺸﺮ ﺳﻨﻮﺍﺕ ﺑﺎﻟﻄﺮﻳﻘﺔ ﺩﻱ.
• ﻟﻤﻦ ﺍﻟﺒﻨﺖ ﻋﺮﺳﻮﻫﺎ .
• ﺻﺎﺣﺒﻜﻢ ﺗﺎﻧﻲ ﻳﻮﻡ ﺍﻋﻠﻦ ﺧﻄﻮﺑﺘﻮ.
• ﻫﺴﻊ ﺭﻣﻀﺎﻥ ﻋﺠﺐ .. ﺑﻌﻤﻞ ﻓﻲ ﻧﻔﺲ ﺍﻟﺤﺮﻛﺎﺕ .
• ﻣﺮﺍﺕ ﻳﻘﻮﻝ ﻟﻴﻬﻢ ﻣﺼﺎﺏ .
• ﻭﻣﺮﺍﺕ ﻳﻘﻮﻝ ﻟﻴﻬﻢ ﻣﺎ ﺑﻘﺪﺭ ﺃﻟﻌﺐ.
• ﻭﻣﺮﺍﺕ ﻳﻘﻮﻝ ﻟﻴﻬﻢ ..ﻋﻨﺪﻧﺎ ﺯﻭﻝ ﻋﻴﺎﻥ.
• ﺣﺮﻛﺎﺕ ﺍﻟﺰﻭﻝ ﺍﻟﻤﺘﺨﺎﺭﺝ ﻇﺎﻫﺮﺓ ..ﻭﻭﺍﺿﺤﺔ .. ﺍﻓﻬﻤﻮﻫﺎ ﻳﺎ ﻣﺮﻳﺨﺎﺏ.
• ﺍﻟﺸﻲﺀ ﺍﻟﺠﺎﺑﻮﻩ ﻟﻴﻨﺎ .. ﻗﺎﻟﻮﺍ ﻣﺠﻠﺲ ﺍﻟﻤﺮﻳﺦ ﺍﺟﺘﻤﻊ ﺑﻲ ﺭﻣﻀﺎﻥ ﻋﺠﺐ
.. ﻭﻗﺎﻟﻮﺍ ﻟﻴﻪ ﺍﻧﺖ ﻋﺎﻭﺯ ﺷﻨﻮ؟.
• ﻗﺎﻝ ﻟﻴﻬﻢ ﺍﻧﺎ ﻋﺎﻭﺯ ﻋﺮﺑﻴﺔ ﺍﺧﺮ ﻣﻮﺩﻳﻞ .
• ﻗﺎﻟﻮﺍ ﻟﻴﻪ ﻣﺎ ﻓﻲ ﻣﺸﻜﻠﺔ .. ﺑﻨﺠﻴﺐ ﻟﻴﻚ ﺍﻟﻌﺮﺑﻴﺔ ﺍﻻﺧﺮ ﻣﻮﺩﻳﻞ .. ﺗﺎﻧﻲ
ﻋﺎﻭﺯ ﺷﻨﻮ؟.
• ﻗﺎﻝ ﻟﻴﻬﻢ ﻋﺎﻭﺯ ﺍﻛﻤﻞ ﺍﻟﺒﻴﺖ ﺳﺒﻊ ﻃﻮﺍﺑﻖ.
• ﻗﺎﻟﻮﺍ ﻟﻴﻪ ﺑﻨﻜﻤﻞ ﻟﻴﻚ ﺍﻟﺒﻴﺖ ﺳﺒﻊ ﻃﻮﺍﺑﻖ .. ﺗﺎﻧﻲ ﻋﺎﻭﺯ ﺷﻨﻮ؟.
• ﻗﺎﻝ ﻟﻴﻬﻢ ﻋﺎﻭﺯ ﺭﺻﻴﺪ ﻓﻲ ﺍﻟﺒﻨﻚ.
• ﻋﻤﻠﻮﺍ ﻟﻴﻪ ﺍﻟﺮﺻﻴﺪ ﻓﻲ ﺍﻟﺒﻨﻚ .
• ﻭﺗﺎﻧﻲ ﻳﺎ ﺭﻣﻀﺎﻥ.
• ﺍﺗﻜﻠﻢ ﻣﺎ ﺗﺨﺠﻞ ..ﻗﻮﻝ ﻳﺎ ﺭﻣﻀﺎﻥ.
• ﺭﻣﻀﺎﻥ ﻗﺎﻝ ﻟﻴﻬﻢ ﻋﺎﻭﺯ ﺍﻣﺸﻲ ﺍﻟﻬﻼﻝ.
• ﺟﻤﺎﻝ ﺍﻟﻮﺍﻟﻲ ﻗﺎﻡ ﻟﻴﻚ ﻋﻠﻰ ﺣﻴﻠﻮ .. ﻗﺎﻝ ﻟﻴﻪ ﺷﻮﻑ ﺩﻱ ﺍﻟﺤﺎﺟﺔ ﺍﻟﻮﺣﻴﺪﺓ
ﺍﻟﻤﺎ ﺑﻨﻘﺪﺭ ﻧﻌﻤﻠﻬﺎ ﻟﻴﻜﻢ.
• ﺍﻧﺘﻮﺍ ﺍﻟﺰﻭﻝ ﻭﻗﺖ ﻳﻜﻮﻥ ﻣﺎ ﻋﺎﻭﺯﻛﻢ ... ﻳﻌﻤﻞ ﻟﻴﻜﻢ ﺷﻨﻮ ﺍﻛﺘﺮ ﻣﻦ ﻛﺪﺍ؟.
• ﻗﺎﻝ ﻟﻴﻜﻢ ﺍﻧﺎ ﻣﺼﺎﺏ .. ﻣﺎ ﻓﻬﻤﺘﻮﻩ .
• ﺍﻧﺎ ﻋﻴﺎﻥ .. ﻣﺎ ﻓﻬﻤﺘﻮﻩ .
• ﺭﻣﻀﺎﻥ ﻋﺠﺐ ﻗﺎﻟﻮﺍ ﻗﺎﻝ ﻟﻠﻤﺮﻳﺨﺎﺏ ﻋﺪﻳﻞ ﻛﺪﺍ ..ﺍﻧﺎ ﻋﺎﻭﺯ ﻟﻲ )ﺑﺰﺍﺯﺍﺕ ( .
• ﻳﺎ ﺟﻤﺎﻋﺔ ﻣﺎ ﺗﻔﻬﻤﻮﻩ ﺍﻛﺘﺮ ﻣﻦ ﻛﺪﺍ ﻳﻌﻤﻞ ﻟﻴﻜﻢ ﺷﻨﻮ؟.
• ..........
• ﻣﻠﺤﻮﻇﺔ : ﻳﻄﻠﻊ ﻟﻴﻜﻢ )ﺑﻴﺎﻥ ( ﻳﻌﻨﻲ.
ﻫــــﻮﺍﻣـــــــﺶ
• ﺍﻟﻠﻴﻠﺔ ﻣﺴﺎﺣﺔ ﺍﻻﻋﻼﻥ ﻣﺎ ﺧﻠﺖ ﻟﻴﻬﺎ ﺣﺎﺟﺔ ﻟﻠﺠﻘﻮﺭ .
• ﻋﺸﺎﻥ ﻛﺪﺍ ﻧﺘﺎﻭﻕ ﺑﺲ .. ﻭﻧﺘﺨﺎﺭﺝ.
• ﺍﻋﻼﻡ ﺍﻟﻤﺮﻳﺦ ﺣﺎﻭﻝ ﻳﻌﻤﻞ ﻟﻴﻪ )ﻋﺎﺻﻔﺔ ﺣﺰﻡ ( ﺑﻴﻦ ﻛﻴﺒﻲ ﻭﻣﻌﺘﺼﻢ.
• ﺍﻧﺘﻮﺍ ﻳﺎ ﺟﻤﺎﻋﺔ ﻣﺎ ﺗﺸﻮﻓﻮﺍ ﺑﻠﺔ ﺑﺘﺎﻋﻜﻢ ﻭﻳﻦ؟ .
• ﺍﻧﺘﻮﺍ ﻣﺎ ﺗﺸﻮﻓﻮﺍ ﺗﺮﺍﻭﺭﻱ .
• ﺗﻘﻮﻝ ﺟﺎﻳﺒﻨﻮ ) ﻣﻬﻨﺪﺱ ﺻﻮﺕ (.
• ﺍﻋﻼﻡ ﺍﻟﻤﺮﻳﺦ ﺍﺻﻼ ﻣﺎ ﻋﻨﺪﻭ ﻗﺪﺭﺓ ﺍﻭ ﺷﺠﺎﻋﺔ ﻳﻨﺎﻗﺶ ﻟﻴﻪ ﻣﺸﻜﻠﺔ ﻓﻲ
ﺍﻟﻤﺮﻳﺦ.
• ﺍﻻﻋﻼﻡ ﻛﻠﻮ ﺗﺤﺖ ﺍﺩﺍﺭﺓ ﺟﻤﺎﻝ ﺍﻟﻮﺍﻟﻲ.
• ﺍﻟﺤﻤﺪﻟـﻠﻪ ﺍﻥ ﺍﻋﻼﻡ ﺍﻟﻬﻼﻝ ﻣﺘﻌﺪﺩ ﺍﻟﻤﺸﺎﺭﺏ ﻭﻛﻞ ﺯﻭﻝ ﻋﻨﺪﻭ ﺭﺃﻱ
ﻣﺨﺘﻠﻒ .
• ﺍﻟﻜﺎﺭﺩﻳﻨﺎﻝ ﺩﺍﻓﻊ ﻟﻴﻪ )40 ( ﻣﻠﻴﺎﺭ ﺟﻨﻴﻪ ..ﻭﺑﺮﺿﻮ ﺑﺘﺎﻫﺠﻢ ﻣﻦ ﺍﻋﻼﻡ
ﺍﻟﻬﻼﻝ .
• ﺷﻔﺘﻮﺍ ﺍﻋﻼﻡ ﺍﻟﻬﻼﻝ ﺭﺍﻗﻲ ﻛﻴﻒ؟.
• ...........
• ﻋﺎﺟﻞ : ﺍﻧﺖ ﻳﺎ ﺭﻣﻀﺎﻥ ﻋﺠﺐ ﻟﻮ ﻣﺎ ﻋﺎﻭﺯ ﻟﻴﻚ ﻣﺸﻜﻠﺔ ﺳﺎﻛﺖ ..ﺍﻟﺒﻔﺮﺣﻚ
ﺷﻨﻮ ﺑـ ) ﺍﻟﺠﻮﻫﺮﺓ ﺍﻟﺰﺭﻗﺎﺀ (

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى