في السلك - بابكر سلك - متاح بالحا!!!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

23082016

مُساهمة 

في السلك - بابكر سلك - متاح بالحا!!!





‫‬
* الاهله يكيلون دائما بالف مكيال
* في الميدان ده يحبون ان يظاهرهم الهواء الشوطين
* او يبقي هواء كمبرسون ساي وفاسد وريح موجهه
* وجعهم كلامي عن وصول الكشف الرسمي لروشا
* فعبروا عن وجعهم بما يحلو لهم
* ونعتونا بعدم الشفتنه
* منهم الاخ الحبيب الحويج
* الذي قال ان الكشف الرسمي للتيم ليس من اسرار الدوله
* واضاف بانه متاح لان صورة منه تسلم للفريق الخصم قبل المباراه
* وانو اي زول ممكن يمشي يطلبو من الاتحاد ويدوهو ليهو
* متاح بالحا???
* مانشرة روشا يا صلاح كان الكشف الرسمي الاصلي لفريق النسور وليس الصورة التي تسلم للفريق الخصم
* واتحداك ان تنشر ذلك الاصل تاني والي جواره ماتم تسليمه لمدير كرة الهلال
* نحن لا ندعي الشفتنه
* ولا تفوت علينا الاشياء المتاحه
* ونعرف الغير متاح
* انا و العياذ بالله من انا
* كنت الاداري المرافق لفرق المريخ لاكثر من خمسمائة مباراة ومنافسه
* سله وطائرة ويد وتنس طاولة وملاكمه وسباحه وغيرها
* وكنت واعوذ بالله من كنت
* كنت عضو الاتحاد السوداني لكرة السلة ورئيس لجنة الاستئنافات
* يعني بعرف ياحويج الاشياء المتاحه و الاشياء الحاحا وبشم من بعيد ريحة التفاحه
* قول يا الحبيب صلاح كشف النسور من المتاحه
* تقرير الحكم دحين ماحاحا??
* وافرض ان بكري المدينة بدر منه اي شئ
* هل ما دونه الحكم في تقريره كان برضو من الاشياء المتاحه لروشا حاحا برغم ان الهلال ماكان طرفا في تلك المباراه??
* طبعا عندكم كأهله تقرير الحكم لو دخلت عليهو شوية حاحا ببقي من الحاجات المتاحه
* والدليل تقرير الحكم الاتغير من اتنين لي اطناشر
* حاحا دوليه ياحبيب
* المهم
* ماحدث بالفاشر من لاعبي هلال كادوقلي علي الحكم كارثه
* لم يسبقهم عليها الا جمهور هلال الحويج عندما فلقوا رجل الخط باستاد الخرطوم اثناء مباراة النمور يوم غابوهم اتنين
* الراجل من اللاين وللانعاش
* والغريبه الكورة استمرت
* الحاحا بتخلي الكورة تستمر حتي ولو مات الحكم شخصيا
* طالما الناس تفرح لنصر يأتي علي ظهر ما يسمونه الاخطاء التحكيميه
* الامر يحتاج لقرارات قوية من ادارة هلال كادوقلي قبل قرارات الاتحاد
* فجمهور كادوقلي وهلال كادوقلي يعرفون بحسن السيرة والسريرة
* لافلقوا حكم ولا زوروا تقرير حكم ولا استفادوا من اخطاء حكم ولا قبضوهم بمنشطات بالثابته ولا اطلعوا علي تقرير حكم
* والتقرير طبعا ليس من الامور المتاحه الا اذا كان في حاحا
* ايها الناس
* ان تنصروا الله ينصركم
* نجي لي كورة امس
* عدنا بعد ان حضر مريخاب عطبرة ولم يجدونا
* مثل الفرق الصغيره
* ولج شباكنا هدف في الدقيقه الرابعه
* اسي فرقنا شنو من الهلال
* نحن فريق كبير رصيده ما صفر
* لذا حمي البدايات يجب ان لا تؤثر علينا
* ولكن اظنها الخرمجه
* البركة في النصر الذي اتي بعد قنعنا
* شأنه وشأن طفل الانابيب بعد سن اليأس
* فقدنا الامل في اشياء كثيرة
* ولكن رحمة الله كانت حاضرة ولا شئ سواها
* برغم تسيدنا للملعب في شوط اللعب التاني
* لكن الدخول في عنق الزجاجه ده بكتل ليهو زول
* القصه ماشه صعبه
* وبالمستوي ده حاتصعب علينا اكتر
* ولكن لايوجد شئ بايدينا لنغيره لان الزمن مشي
* يبقي نواصل بالحظ و الاصرار ووقفة الجمهور الشفت
* ليس بالتكتيك وحده يفوز الانسان
* ولا بسوء التنظيم الدفاعي ينهزم الانسان دائما
* الاعتماد علي العناية الإلهية يمكن ان يبقينا في دائرة التنافس
* علي العموم العودة بعد الهزيمة برضو من سمات الكبار
* شكرا شفوت عطبرة و ضواحيها علي المساندة المشرفة
* المهم
* لا نستبعد قيام الاتحاد بواسطة لجنته بايقاف بعض لاعبي مريخ السلاطين عشان صيانة مستشفي الفاشر في الخاطر
* برغم ان اولاد الفاشر غالبين وما قاموا باي عمل مشين او اعتداء
* السكوا الحكم معروفيييين
* اها
* نجي لي شمارات والي الخرتوم
*سؤال محيرنا يا والينا
*ليه المطرة والمغتربين بجونا!!!
* مستغربين الجابرهم شنو والعاجبهم شنو فينا
سلك كهربا
ننساك والكلب اتدردق في الواطه دي وكورك… يا اب طااااااقيييييييه
والي لقاء
سلك

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى