تابعونا عبر فيس بوك

قوقل ‏+‏ ‏
Use the English Language

ﻓﻰ ﺍﻟﺴﻠﻚ - ﺑﺎﺑﻜﺮ ﺳﻠﻚ - دور الجمهور وكت الزراعه بور

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

30082016

مُساهمة 

ﻓﻰ ﺍﻟﺴﻠﻚ - ﺑﺎﺑﻜﺮ ﺳﻠﻚ - دور الجمهور وكت الزراعه بور




_
< أيها الناس
< للجمهور أدوار كثيرة يلعبها تختلف حسب إختلاف المرحلة
< فهو الداعم مادياً فى كل المرحل
< والداعم معنوياً كذلك
< والمتحلى بالصبر الجميل لما الزراعه تكون بور
< من سخريات القدر أن يكون المدعوم هو المتصدر وهو بهذا المستوى المتردى
< صافرات الإستهجان تملأ المكان إستنكاراً للهردبيس البحصل فى الملعب
< وإستغراباً من نصرٍ يأتى كيف ما معروف
< أسى أهلى الخرطوم ده محتاج لى قون تسلل؟
< أسى النسور ده بحتاج لعدم إحتساب ضربة جزاء صحيحة له؟
< ولكنها الأقدار تأتى بالعجائب
< المهم
< البعض فى مجلسنا وفر أموال اللاعبين ومستحقاتهم وحوافزهم
< أقول البعض لأن البعض يقوم والبقية قاعدة تعاين والأمر فى لآخر ينسب للمجلس
< الخير تجقلب والشكر لى حماد
< وفى بص الوالى فى عشرين حماد
< وحمدو فى بطنو
< المهم
< خاص صفحة الأحمر الوهاج
< من ناحية إستحقاقات وحوافز ومعسكرات مافى مشكلة
< تبقى النفسيات عال العال
< ولكنه زمن الزراعة البور
< لأن إمكانيات اللاعبين أكبر مما نشاهده
< فقط التوظيف مافيش
< المهم
< الحوافز فى شهر ممكن تفوق التلتمية مليون
< والعين بصيرة
< وهنا يأتى دور الجمهور
< الكورة فى إستادنا الدخل حقنا
< ليه ما نلزم أنفسنا بدخول جميع المباريات التى تقام بالقلعة الحمراء ويكون الهدف الأول دعم النادى مادياً فى المقام
الأول ودعم الفريق معنوياً
< وصدقونى الهزم الأهلى أمام الهلال هو جمهور الهلال
< فهل وعينا واجبنا فى هذه المرحلة وجينا كلنا مهما كان الأمر للإستاد لنقدم الدعم بشقيه المادى والمعنوى؟
< وفى الحتة دى بوصى المجلس بتشديد الرقابة على مافيا الدخل
< عشان ما ندفع وغيرنا يلبع
< أما الدور الثانى للجمهور فى مرحلة الزراعة البور فهو الصبر
< خاص صفحة الأحمر الوهاج
< فمن يبتعد عن الفريق قى مثل هكذا ظروف يبقى ما صاحب وجعة
< وأظن أن الشفوت أصحاب وجعة
< فهمتونى؟
< أيها الناس
< الأندية الجماهيرية لا تموت لأن جماهيرها تتواجد حولها عند المحن
< والمريخ فريقٌ جماهيرى
< يكفى أنه الوحيد الذى حقق دخلاً بلغ مليار جنيه
< يكفى انه الوحيد الذى التف حوله من داخل الإستاد خمسون الف مشجع بالتمام والكمال
< يبقى الدعم بشقيه والصبر هو المطلوب فى زمن الزراعة البور
< أيها الناس
< أتحدى فريق فى الممتاز لاعبينو ما عندهم إستحقاقات مؤجلة
< بدءاً من المدعوم وحتى آخر فريق فى الممتاز
< بمناسبة الممتاز
< الفريق الوحيد الما إتغلب أربعه هو الزعيم
< ويا عين يا عينيا
< المواسير كلها أخدت أربعة
< والمواسير الكبيرة أخدت الأربعة على أرضها وبين صافرات إستهجان جماهيرها
< خاص صفحة الأحمر الوهاج
< نحنا فى زمن الزراعة البور نحمد الله
< أيها الناس
< أتمنى ان تكون الرسالة وصلت
< وعرفنا دورنا فى هذه المرحلة
< أيها الناس
< إن تنصروا الله ينصركم
< أها
< نجى لى شمارات والى الخرتوم
< أكان شفت يا والينا
< نردر جِد لينا جِد لينا
< الطيارة تلاتة يوم ترش لينا
< ده الشغل يا والينا
< عشان نحس بدولة شغالة لينا
< والطيارة تجى قرييييييييييييبيا والينا
< إن شاء الله تكتل لنا بس الباعوض ما ينونى فينا
< رغم إنو واجبكم يا والينا
< لكن نشكركم على إهتمامكم بينا
< خاص صفحة الأحمر الوهاج
سلك كهربا
<< ننساك كيف والكلب قال لما شفته الطيارة بترش قلت يا ربى انا فى حلم ولا فى علم ولا فى الأمارات ؟!!
والى لقاااء
سلك



ـــــــــــــــــــــــ


اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى