ست المكان "كلمات" خالد شقوري

إرسال مساهمة في موضوع

اذهب الى الأسفل

ست المكان "كلمات" خالد شقوري

مُساهمة من طرف حمزه عوض في السبت 3 سبتمبر 2016 - 22:41

ست المكان
كلمات : خالد شقوري
ألحان و اداء : محمد النصري
"
"
يا صوتها..يا صوت المطر
وكتين يصب فوق السلم
والهمسة في الخاطر حفيف
تمرق مع الاشواق نغم
السمحة فيها سماح عيون
وجمال خصال وحلاة طعم
وانا هسّة في البسم الجميل
ولا الجميل.. الابتسم
****
دخلت غُناي بي باب هواي
الما مصدقو يتفتح
واتوهطت بين الكلام
قبل الحروف تقعد سمح
في حضرتا الايام تطيب
والحسرة كُلها تتمسح
والقافية تنزل ..ياسلام
مناسبة صافية بلا جَرِح
*****
دمعاتها ضحكات الرذاذ
في صفحة الورد النضير
واحساسها اشواق البلد
لي جية العيد الكبير
الشايله مُترار القصيد
والمعنى والشوق الكتير
سرحانة تغزل فى الحروف
زي البتغزل في الحرير
*****
عينيها في ليلها الطويل
زي التقول قطعة نهار
او زي كأنها نيل ونيل
قاسمة القمر قمرين صُغار
ريّانة زي ورد الخميل
من كل ناحية تَشِع نضار
وانا غايتو شايف مستحيل
الغُنية غيرها تكوس مدار
****
الظاهر الاحساس مَسَك
درب الغُنا الماعندو قيف
واتداخلت فينى الفصول
مابين شتاء واحلام وصيف
قعدت.. تقول سِت المكان
والغيرها كلو كأنو ضيف
والغنية بالشوق القديم
تسألنى جات من وين وكيف
****
رابط تحميل الاغنية
http://e.top4top.net/m_2165d3f0.mp3


اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

حمزه عوض


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى