اجمل قصائد مختاره من برنامج ريحة البن

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

09092016

مُساهمة 

اجمل قصائد مختاره من برنامج ريحة البن




أعلي مافـي الخيل ركـبـتــو
يعني إنتي إرتحـتـي هـســه ؟
ماتراكـي مسـاهره تـبـكـي
ودوني برضو تعانـي لســـه !!
فالحه تخربي بيــت فرحـنــا
وفي النهاية تموتـي جرســه ؛؛
وكان طبيعي أسيبك أمــشي
وزي قساوتك برضي أقسـي ؛؛
وبقــدر إرتـــاح من ظنونــك
وقادر إني أعيـــش وأنسـي
ــــــــــــــــــــــــ
ﺃﻋﺬﺭﻧﻲ ﻳﺎ ﻗﻠﺒﻲ ﺍﻟﺤﺒﻴﺐ ... ﺗﺠﺮﺑﺘﻲ ﻛﺎﻧﺖ ﻣﻮﺟﻌﺔ ....
ﻣﺎ ﺍﻟﻄﻌﻨﺔ ﺟﺎﺗﻚ ﻣﻦ ﻗﺮﻳﺐ ... ﻣﻦ ﺣﺘﺔ ﻣﺎ ﺑﺘﺘﻮﻗﻌﺎ ...
ﺻﺎﺩﻗﻴﻦ ﺩﺧﻠﻨﺎ ﻋﻠﻲ ﺯﻣﻦ ... ﺣﺘﻲ ﺍﻟﻤﺸﺎﻋﺮ ﺑﺼﻨﻌﺎ ....
ﻓﻲ ﻏﻔﻠﺔ ﺇﻧﺴﺮﻕ ﺍﻟﻌﻤﺮ ... ﺃﻳﺎﻣﻮ ﻛﻴﻒ ﻧﺴﺘﺮﺟﻌﺎ ؟ ...
ﺃﺩﻳﺖ ﻣﺸﺎﻋﺮﻱ ﺑﺪﻭﻥ ﺣﺪﻭﺩ .... ﻣﻦ ﻋﺎﻃﻔﺔ ﺻﺎﺩﻕ ﻣﻨﺒﻌﺎ ....
ﻭﻣﺎ ﻛﻨﺖ ﻗﺎﻳﻞ ﺍﻟﺮﻳﺪ ﺣﺴﺎﺏ ... ﻭ ﺍﻟﻨﺒﻀﺔ ﻋﺎﻳﺰﺓ ﻣﺘﺎﺑﻌﺔ ...
ﺩﺍﻳﻤﺂ ﺑﺠﻲ ﺍﻟﺤﺐ ﻟﻲ ﺍﻟﺒﻜﻮﻥ ... ﻻ ﺧﺖ ﺑﺎﻟﻮ .. ﻭ ﻻ ﺳﻌﻲ ....
ﻭ ﺍﻟﻘﻠﺒﻮ ﺷﻼﻻﺕ ﺣﻨﺎﻥ .... ﺑﻲ ﻃﻴﺒﺔ ﺗﻠﻘﻲ ﻳﻮﺯﻋﺎ ....
ﻟﻜﻦ ﺃﻛﻴﺪ ﺃﻗﺴﻲ ﺍﺧﺘﺒﺎﺭ .... ﻭ ﺍﺻﻌﺐ ﻫﻤﻮﻡ ﺗﺘﺠﺮﻋﺎ ....
ﺟﺮﺣﻚ ﻳﺠﻴﻚ ﻣﻦ ﺃﻏﻠﻲ ﺯﻭﻝ ... ﺯﻱ ﺇﻳﺪ ﺗﺨﻮﻧﺎ ﺃﺻﺎﺑﻌﺎ ....
ﺃﻧﺎ ﻫﺴﻪ ﻓﺎﻗﺪ ﺍﻹﺗﺰﺍﻥ .... ﻭ ﺍﻓﻜﺎﺭﻱ ﻻ ﺿﺪ .. ﻻ ﻣﻊ ....
ﺇﻧﺴﺎﻥ ﺻﺒﺢ ﻣﻠﻴﺎﻥ ﻇﻨﻮﻥ .... ﺷﺎﻛﻲ ﻑ ﺟﻬﺎﺗﻮ ﺍﻷﺭﺑﻌﺔ .....
ﻣﺎ ﺑﻘﺪﺭ ﺃﻋﺮﻑ ﻫﻞ ﻓﻲ ﻧﺎﺱ .... ﻣﻦ ﻏﻴﺮ ﻭﺷﻮﺵ .. ﺃﻭ ﺃﻗﻨﻌﺔ ....
ﺑﺲ ﺑﻌﺮﻑ ﺇﻧﻮ ﺍﻟﺤﺐ ﺧﻼﺹ .... ﺑﻘﻲ ﺳﻴﺮﺓ ﻣﺎ ﻋﺎﻳﺰ ﺍﺳﻤﻌﺎ ...
ــــــــــــــــــــــــ
كيف احوالك عامل كيف وهل بالجد انا لسة في بالك ؟؟ طيب اخبارك والناس الجمبك والسامعين لحسك والشايفين السمحة عيونك ...
# هو
كويسين بخير وبيسالو منك وانا برضو سالت احوالك وكيفينك ولسة في بالي معششة قاعدة وما بنساك انا بالساهل وحاضره معاي دايما في الخاطر ويومي علي انا طاريك انت الكيف من بعد غيابي عليك بالقوة ومن خليتك ودمعك نازل كيفك كيف طمنيني عليك ؟؟
# هي
انا بخير طارياك مرات وقت ما افرح لما اتوسد ليلي بذكراك كمان طارياك طاريه وداعك لي يوم داك يوم ما شلت الفرح ورحت وراحت فيني الراحة وراك طارياك لما حنيني يزورني يعاود لما يلح علي في هواك واتذكر كيف كنت وكنا وكانو وخلاص روحنا انا بخير ...
#هو
انا متالم انى فقدتك انه الروح من بعدك تعبت انه وداعك كان اجباري وكانت رايحة علي احوالك وما فكرت حقيقي انا فيك كنت اناني ورحت مشيت خليتك تاني بعد ما اول ليك ودعت وتاني رجعت وسامحتيني وتاني مشيت خليت الجرح السابق يفتح وليك بكيت انا اسف جدا لو ما قدرت لو اهملت وما اهتميت ...
#هي
عادي ع فكرة في قلوب بتوب من اول مرة وقلوب بتعيد من تاني الكره وبراي العدت علي جرحي زدت نواحي وزاد المي عادي تودع وترجع وانا ليك اقبل بس من اول ما كنت فهمت انه الوجعه صعبة شديد لما بتتني ولما بتتكرر ورضيت وقبلت وشلت الهم مع باقي العبرة ودمعه عين ما نامت ليل فضلت تسال بس لبتين عادي ع فكرة بكل عفوية جيت وبسأل كيفك كيف ما شرط الالم يغير فينا او يمحي الطبع القايم بينا في ناس جواها صعب تتغير ممكن تزعل ومرات ترحل بس كل جميل تفضل حافظه ....
#هو
ده الخلاني اجيك من تانى واندم جدا اني مشيت وسبت ملاك ما بشبه زول ل روحي جنيت وعلي قلبه ختيت مشتاق لامانك لتحنانك لحنك لي ل سؤالك عني وفرحك لي ياخ زعلك ساكت واحشنى ورغم عنادك وقوة راسك بس متاكد كانت لي ماعارف اسف تقدر تمسح وجع احزانك او تحفظ شانك وتطيب خاطرك وترضيك بس اسفه انى جرحتك جدا دون ما وعيت اني سرقت اطفال احلامك واتبنيت انى وجعت القلب الفيك وما هميت بس انا لسة بحبك وقدر ما ابعد برجع ليك ...
.............
رانيا دياب
ــــــــــــــــــــــــ
مالك يا قلبي الليلة
وقت ما شفتها دقاتك ما زادت؟؟
ولا حركت إحساس بالريد
ما تكون الأشواق الجواك راقت؟
وأوع تكون حبيت غيرا وعينك زاقت
ولا خلاص اعتدت الغيبة
وقلت اخير تضمن روقة بالك؟
وانت براك العارف ريدي
وقاعد تبعد ماخد بالك؟
ما تقول لي الجرح الفات
لسع هازي عليكا كيانك !؟
عارف انا لو كنت مكانك ..
كان احترت اسوي شنو
واسع عازرك ... ريد الدايرو
يمكن يكترو يوم حبانك
ــــــــــــــــــــــــ
إزيك يآخي !!
وكيف الحآل؟؟
من شكلك ظآهر ماشآء الله ,,
رآايق، مطمن، وهآدئ البآل ،،
وأنآ لي بي حآلك ما حآسدك،،
مآ زيك لكن مآ بطآل ..
وأصلك قدر إيش ؟!
أدهشني مجيك !!
ده اليوم البتمنآهو مني
يآخطوه عزيزه ,,
وطله بآل
ويبقي ظلآم أيآمي سناء ,,
صحيني أكون حلمآن بمجيك *
أو فعلآ إنت معايآ هنآ ,,
خليني أصحي الشوق وأرجآك ,,
أحلآم , أنغآم ,
حروف وغنآء
ــــــــــــــــــــــــ
ذكرني بيك الجو ..
كان المطر نازل ..
سأل النسيم عنك ..
قال ليك شنو الحاصل ..
ذكرني بيك الجو..
وانا حالتي قلت نسيت
جيت انت في الغيمات .
.نقرت زنكي البيت ..
وانا رحت من ذكراك
يا روح غناي غنيت .
ذكرني بيك الجو ..
ــــــــــــــــــــــــ
والكيف ما بن ،،
ما قهوة وشاي
الكيف همسات من صوتك سااي
يا زول محسوس حوشك بالريد جواي
مرشوش اتفضل شوف هل عندك رأي ،، ؟
وانا لسة بقول الكيف ما شاي
الكيف همسات من صوتك ساي
من مدة إيدك بالإحساس
شايل الفنجان قاصدني وجاي ،،
من حس الريد الفيك غناي
من لون عينيك الفيهو دواي
يا زولي مناي ما تمد ل زول
شربني براااي ،،
نكهات الشاي طقات البن دقات الفندق فيها أساي
كلها مكبوكبة قصاد عينيك أرحمني كفاي ،،
قريفت الشاافع في الاحساس اصببح
خرمان وعليك بكاي
والكيف ما بن ما قهوة وشاي الكيف
همسات من صوتك ساي ،،
ونعمل تااق للزول البن والشاي البتخرم ليهو عدييل
وللجنو يشرب بن وشاي
ويا زوولي ،،
يا زول أسمر انت القهوة وانت السكر
و حتى الشاي الكيف العااادي
لو من إيدك ممكن يسكر



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى