قصيدة رائعة : هي ﻭﺻﺎﺣﺒﺎﺗﺎ ﻣﺒﺴﻮﻃﺎﺕ ﻭﺁﺧﺮ ﺭﻭﻗﻪ

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

12092016

مُساهمة 

قصيدة رائعة : هي ﻭﺻﺎﺣﺒﺎﺗﺎ ﻣﺒﺴﻮﻃﺎﺕ ﻭﺁﺧﺮ ﺭﻭﻗﻪ




هي ﻭﺻﺎﺣﺒﺎﺗﺎ ﻣﺒﺴﻮﻃﺎﺕ ﻭﺁﺧﺮ ﺭﻭﻗﻪ
ﻭﺍﻧﺎ ﻣﻤﻜﻮﻥ ﻣﻌﺬﺫﺏ ﺑﻲ ﻏﺮﺍﻣﺎ ﺷﻮﻗﺎ
ﻋﺎﺭﻑ ﺑﻘﺔ ﺍﻟﻌﺴﻞ ﺍﻟﻤﺤﺮﺭﻡ ﺿﻮﻗﺎ
ﻣﻲ ﺭﺍﻳﺪﺍﻧﻲ ﻟﻜﻦ ﺑﺮضي ﻣﻴﻴﺖ ﻓﻮﻗﺎ
ﻣﺎ ﺑﺎﻟﻐﺘﻲ ﻳﺎ ﺍﻟﻨﺠﻤﻪ ﺍﻟﻤﻼﺯﻣﻪ ﻣﺪﺍﺭﻙ ؟
ﺑﻌﺪ ﻣﺎ ﺗﻜْﺘُﻠﻲ ﺍﻟﺤﺒﺎﻛﻲ ﺗﻄﻠﺒﻲ ﺗﺎﺭﻙ ؟
ﻟﻮ ﺍﻟﺠﻨﺔ ﻏﻴﺮﻙ ﻭﺍﻟﺠﺤﻴﻢ ﻓﻲ ﺩﺍﺭﻙ
ﺑﻔﺎﺭﻕ ﺟﻨﺔ ﺍﻟﺒﻨﻮﺕ ﻭ ﺑﺴﻜﻦ ﻧﺎﺭﻙ
بعد صادفت مايقو و فيني دقَّ اجنتو
جوة فؤادي بي إسم المحبه سجنتو
لخييت فرحو بي دمعي البسيل وعجنتو
قدَّ قليبي ذي ما ربي قدَّ وجنتو
ﻣﻨﻚ ﻳﺎ ﺍﻟﻌﻠﻴﻚ ﻗﻠﺒﻲ ﺍﻟﺒﺮﻳﺪﻙ ﻭﻟّﻒ
ﻳﻨﺰﻝ ﺩﻣﻲ ﺑﺎﻟﺸﻮﻕ ﻭﺍﻟﻮﺟﻊ ﻳﺘﺄﻟّﻒ
ﻟﻮ ﻳﺮﺿﻴﻚ ﺗﺸﻴﻠﻲ ﻓﺆﺍﺩﻱ ﻣﻬﻤﺎ ﻛﻠّﻒ
ﺑﺮﺳﻠﻮ ﻟﻴﻜﻲ ﻓﻲ ﺻﻨﺪﻭﻕ ﻫﺪﺍﻳﺎ ﻣﻐﻠّﻒ
ﺿﻮ ﺍﻟﻨﺎﺱ ﺑﻨﺎباهو ﻭﺑﻨﻬﻮﻯ ﺿﻼﻣﺎ
ﻧﻔﺮﺡ ﻓﺮﺣﺔ ﻻﻣﻦ ﺗﺮﻣﻲ ﻓﻮﻗﻨﺎ ﺳﻼﻣﺎ
ﺍﻟﺒﻐﻠﺒﻨﺎ ﻣﻦ ﺷﺪﺓ ﺳﻤﺎﺣﻬﺎ ﻣﻼﻣﺎ
ﺻﻤﺘﻬﺎ ﺭﻭﻋﻪ ﻭﺍﻟﻌﺠﺐ ﺍﻥ ﺳﻤﻌﺘﺎ ﻛﻼﻣﺎ
ﺍﻟﺤﺎﺯﺕ ﻓﺆﺍﺩﻱ .. ﻭ ﺭﻳﺪﻱ ﻟﻴﻬﺎ ﺑﻜﻨﻮ
ﻗﺎﻟﻮ ﻣﺴﺎﻓﺮﻩ ﺑﺎﻛﺮﻳﻪ .. ﻭ ﻧﻬﺎﺍﺋﻲ ﺍﻇﻨﻮ
ﺍﻧﺎ ﺭﺿﻴﺎﻥ .. ﺍﻛﺎﻥ ﻓﺎﻳﺘﻪ ﺍﻟﻔﺮﻳﻖ ﺑﻲ ﺇﻧﻮ
ﻣﻮﺗﻲ ﻳﺠﻴﻨﻲ ﺑﻲ ﺍﻟﺒﺎﺏ ﺍﻟﺒﺘﻤﺮﻕ ﻣﻨﻮ
ناسا" ساقو زولتي الإصطفيتا و نجعو
مان عافيلون ان ما حنو ليا و رجعو
ليلي بمر بعد كل الخلايق هجعو
ليل الضرسو بنتح و ما بنوم من وجعو
يا الفاهك بينضح بي اريجو و فلو
عاشقك ضاقت اخلاقو و مشاكل ضلو
بدل ما قلبو يتقطع عشان ما تطلو
هاك ليهو اصلو مو نافع مقدد كلو
ﻣﻦ ﺍﻟﻔﻴﻨﻲ ﺑﺠﺮﺡ ﻭ ﻟﻴﻬﻮ ﻗﺎﻋﺪ ﺍﺗﻮﺩﺩ
ﻣﺮﺿﺎﻥ ﺇﻻ ﻣﺎ ﺍﻧﻌﺮﻑ ﺍﻟﻌﻠﻲ ﻭ ﺍﺗﺤﺪﺩ
ﻓﺮﻕ ﺍﻟﻠﺤﻈﻮ ﻧﺸﻦ ﻓﻲ ﻓﺆﺍﺩﻧﺎ ﻭ ﺳﺪﺩ
خلى ﺍﻟﻌﺒﺮﻩ ﺧﺎﻧﻘﺎﻧﺎ ... ﻭ ﺣﻠﻘﻨﺎ ﻣﺴﺪﺩ
ﻧﺎﺣﻞ ﺟﺴﻤﻲ ﻣﻴﺖ ﺭﺳﻤﻲ ﺣﻴﻠﻲ ﻣﻬﺪﺩ
ﺟﺎﻳﻂ ﺭﺍﺳﻲ ﺟﺮﺡ ﺍﻟﺮﺍﺳﻲ ﻓﻴﺎ ﺍﺗﺠﺪﺩ
ﺟﺎ ﺍﻟﺪﻛﺘﻮﺭ ﻭ ﺷﺎﻑ ﺍﻟﺒﻲ ﺳﺮﺡ ﻭ ﺍﺗﺮﺩﺩ
ﻗﺎﻝ ﺍﻟﺰﻭﻝ ﺩﺍ ﻋﺎﻳﺶ ﻛﻴﻒ ﻭﻗﻠﺒﻮ ﻣﻘﺪﺩ ؟
ﻗﺎﺳﻢ ﺻﺪﻳﻖ ﺍﻟﺰﺑﻴﺮ

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى