دق الدلجة – محمد عبد الماجد – نقطة والسفر

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

29092016

مُساهمة 

دق الدلجة – محمد عبد الماجد – نقطة والسفر




من رأسي:
قالوا ليك في )روسي( جاب ليه )ديك( قال عاوز يقلبو )طاؤوس( ، يركب ليه لمبة صوت ولمبة اضاءة ويشيل ليه )علعلو(..ناس الحلة قالوا ليه والله
عمليتك دي )لجنة الاستئنافات( ما تعملها.
من كراسي :
الى محمد عبدالوهاب / اشكرك لأنك قلت لي : خسرنا مطربا نص ونص ، وكسبنا كاتبا كبيرا.
انيس منصور
•على كيفي…
•اكتب لي قصيدة فرنسية باللغة العربية.
•واعمل لي حفلة ليلية نص النهار.
•على كيفي.
•اقلب )الطبق(.
•طبق البيض ما طبق النيلين.
•قناتكم دي )بيض( ساكت.
•الواحد يكون بحضر في مباراة مريخ نيالا والخرطوم الوطني يجيبوا ليه هدف في مباراة هلال كادوقلي والرابطة كوستي.
•الكورة في الملعب تطلع )كورنر( ..يجيبوها ليك في قناة النيلين )ضربة جزاء(.
•الحكم في المباراة يطلع )الكرت الاحمر( في قناة النيلين يجيبوا ليك )الكرت الاحمر( انزار شفهي.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•على كيفي.
•اجيب لي )جبنة( وفول وشعيرية وطحنية.
•اشيل )الجبنة( واكبها في )الشعيرية(.
•واكب )الطحنية( في الفول.
•ما في زول بقدر يقول حاجة.
•على كيفي…شلنا الممتاز قبل )شهرين( من نهاية الممتاز.
•بطولة جنا سبعة.
•المريخ البشيلوا )مكتبيا( وبعد ان ينسحب الهلال من قبل )5( مباريات مابحقق البطولة ، إلّا في اسبوعها الاخير.
•الموسم الفات..نحن ما بنلعب…المريخ لم يحقق البطولة ، إلّا بعد اجتماع اللجنة المنظمة بعد انتهاء الموسم.
•السنة دي الهلال قبل )شهرين( الممتاز فاز باللقب.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•على كيفي.
•ركبت في حافلة الحاج يوسف بـ )الردمية( من السوق العربي ..قعدت جنب الشباك.
•فتحت الشباك – أمال قاعد جنبو لدعم المجهود الحربي.
•قلت للكمساري …اوعك )تطقطق( لي – عاوز انوم.
•نازل محطة الصهريج.
•الكمساري استغرب ..شال ليه كمية )استغراب( مبالغ فيها.
•الحافلة كلها استغربت معاه.
•والسواق من الاستغراب قرب يشاكل.
•وضحت ليهم.
•شرحت ليهم الموقف.
•قلت ليهم انا قرش ما بدفعو ليكم …)شلنا الممتاز(.
•شلناه بي شرف.
•حبة زلابية واحدة ما دفعناها فيه.
•في 22 راكب وقت سمعوا كلامي دا ..كلهم قالوا ما بدفعوا…كلهم قالوا )هلالاب(.
•لكن في اتنين شاكي فيهم – ما عندهم قروش …عملوا فيها هلالاب ساكت.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•قالوا ليك اللجنة المنظمة لو شافت )الجوهرة الزرقاء( من الاسبوع التاني للدوري الممتاز بتمنح الهلال البطولة.
•السنة الماضية المريخ منحوه اللقب عشان )لوري طوب(.
•عليكم الله ما ظلم.
•دي ما حقارة.
•المريخ السنة دي بي )بص الوالي( مجلس فيه )28( عضو …)فصل مدرسة( بفتش في )الوصافة( في مدني.
•تتخيلوا!!.
•المريخ السنة دي سافر مدني قبل )72( ساعة، تقول عاوزين يقابلوا مازيمبي.
•ودخلوا في معسكر مقفول قبل اسبوع.
•ومرقوها لي مدني.
•كل دا عشان شنو؟.
•عشان يحققوا )المركز الثاني(.
•هسع المركز الثاني دا عاوز ليه سفر لي مدني.
•عاوز ليه )هدف تسلل( في نيالا.
•الناس ديل بي اهدافهم )التسلل( وصافتهم مجهجهة.
•جرايد.
•واعلام.
•الصدي..
•والزعيم..
•والزاوية..
•والبحث عن هدف.
•وعالم الرياضة في الاذاعة القومية.
•وعالم الرياضة في التلفزيون القومي.
•ونقل مباريات في النيلين.
•تتخيلوا بعد الحاجات دي كلها..المركز الثاني الى الآن المنافسة فيه حامية بين الاهلي شندي والمريخ وهلال الابيض والخرطوم الوطني.
•تتخيلوا.
•نفرة رئاسية.
•ومجلس بتكون من 28 عضواً.
•ولجنة التحكيم.
•وبعد دا كلو المركز الثاني ما اتحسم.
•الوصافة البيسافروا ليها لي مدني دي – اصلو ما سمعنا بيها.
•ولا جابوها لينا قبل كدا.
•والله نحن )وصافة( لي الجديدة الثورة ما بنسافر ليها.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•بمناسبة السفر دا.
•الزول وقت يكون طالع الصباح.
•وقت يمشي الميناء البري او يمشي موقف شندي.
•او السجانة عشان يسافر.
•اول ما ينزل على الموقف بيلقى ليك زول بكورك ليه على )بص( باعلي صوته نفر والسفر.
•ناس الهلال هسع نقطة وبطولة الممتاز.
•نقطة من 9 نقاط.
•نقطة من تلاتة مباريات.
يعني التعادل يكفي الهلال للفوز بالممتاز.
•تعادل مع الامل وليس مع المريخ.
•المريخ برة الموضوع.
•ما شغالين بيه الشغلة.
•تعادل في مباراة الغد – وباقى المباريات ان شاء الله نخللهن.
•نلعبهن بالرديف.
•او بالشباب.
•او بمجموعة من نادي فلاح للغناء الشعبي.
•ما عندنا اي مشكلة.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•عندي فكرة.
•مباراة القمة في نهاية الممتاز مفروض نشرك فيها عاكف عطا.
•عشان ناس المريخ يمشوا يشتكوا.
•ما معقول السنة دي يمرقوا بدون )شكاوي(.
•لكن انتوا عارفين لو الاتحاد العام لو لقى ليه شكوى في الهلال ممكن يعمل شنو؟.
•ممكن يخصم )12( نقطة من رصيد الهلال.
•خاصة لو اشركنا عاكف عطا.
•بقولوا لينا دا استخفاف بي ناس بكري المدينة وعنبكة.
•اقول ليكم شيء.
•مباراة القمة ألعبوها باعضاء المكتب التنفيذي في الهلال.
•ناس المريخ كورتهم اصلها )مكتبية(.
•عشان كدا مباراة القمة ألعبوها بالمكتب تنفيذي.
•ناس بشه وكاريكا ولا يتعبوا في الموضوع دا.
•ولا يرهقوا نفسهم.
•كورنر ما عاوزنو منهم.
•خلوهم بعد كدا يركزوا لينا في كاس السودان.
•الموضوع بتاع الممتاز دا انتهي.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•اذا سألنا سؤال وقلنا من هو اللاعب الذي افتقده المريخ هذا الموسم.
•هل هو علاءالدين يوسف؟.
•ام امير كمال؟.
•ام علي جعفر؟.
•ام بكري المدينة؟.
•ام سالمون؟.
•صراحة – صراحة كدا …اكتر لاعب افتقده المريخ هذا الموسم هو سمير فضل.
•غياب سمير فضل رفع الفارق الى )9( نقاط بين الهلال والوصيف.
•غياب سمير فضل جعل المريخ مهدد حتى بفقد )وصافته(.
•الـ )28( عضو لو شلتوهم وجبتوا )سمير فضل( كان احسن ليكم من )البص( دا.
•وكان لي علي جعفر …افتقدوه الاندية التى تباري المريخ.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
و
• بكرة الاحتفالات ح تبدأ في مدني ..وتكتمل في الجوهرة الزرقاء.
•تبدأ عصرا وتستمر مساء.
•الاهلي مدني ح يعلن تتويج الهلال باللقب من العصر.
•المساء ذاتو ما بننتظر.
•بكرة الجمعة جمعتنا.
•تعالوا بكرة كلكم الجوهرة الزرقاء.
•وجوة الملعب.
•جوة الملعب ما في المكتب.
•تعالوا شوفوا الفرق.
•تعالوا اتفرجوا بس.
•بكرة يوم خاص للهلال.
•يوم من ايام الهلال ان شاءالله.
•عودة اللقب لاهله.
•و
•)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
•السيدة )ل( – شاي اللبن بدون لبن بيبقى شنو؟.
•وقرّط على كدا.

____________
تابعونا عبر فيس بوك
.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى