قوقل ‏+‏ ‏
Use the English Language

دق الدلجة – محمد عبد الماجد – لو قلنا ليكم قاصدنها بتصدقونا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

دق الدلجة – محمد عبد الماجد – لو قلنا ليكم قاصدنها بتصدقونا

مُساهمة من طرف Admin في السبت 8 أكتوبر 2016 - 16:22

من رأسي :
عصام الحاج وقت كان في المعارضة كان بتاع )بيانات( – قلنا ما مشكلة – اصلا طبيعة عمل المعارضة )البيانات(.
عصام الحاج دخل مجلس المريخ )بص الوالي( برضو ما فك )البيانات(.
والله يا عصام راحت عليك لو الايامات دي كنت في )المعارضة( كنت لقيت سوقك.
جمال الوالي دا زول مفتح جاب المعارضة وانصاره والاعلام في مجلس واحد ..وسافر برة.
من كراسي:
)القاعدة الذهبية عندما تقرأ قائمة الطعام التى تقدم لك في المطعم : اذا لم تستطع نطق اسم الصنف ..فانك لن تستطيع احتمال ثمنه!(.
*.لو قلنا ليكم نحن الدوري الممتاز السنة دي قعدنا ليه في الواطة ، عشان يطلع بالصورة التى طلع بها الآن بتصدقونا؟.
*.يعني حكاية حسم الدوري من قبل اسبوعين – عاملنها مخصوص – عارفين ممكن في اي لحظة تظهر اجسام غريبة تقوم تحول مسار الدوري للمريخ زي ما حصل في الموسم الماضي.
*.نحن اصلا ما عندنا ثقة في لجنة استئنافات.
*.او لجنة حكام.
*.بنتوقع منهم اي حاجة.
*.عشان كدا الموسم دا عملنا احتياطينا من بدري تحسبا لي اي تدخل )مكتبي( في نتائج المباريات.
*.حاسبنها كدا.
*.المريخ يطالب بتأجيل مباراة القمة لتلعب بعد التسجيلات.
*.ونحن ولا نقول شيء.
*.عشان الهلال يجيب سادومبا وشيبولا وشيبوب.
*.انتوا قايلين اهداف شيبولا وسادومبا في المريخ كانوا )صدفة(.
*.ابدا نحن ما عندنا حاجة صدفة.
*.انتوا طلبتوا التأجيل.
*.وانتوا رفضتوا تلعبوا مباراة القمة.
*.عشان الهلال يجيكم في الدورة الثانية بي شيبولا وسادومبا وشيبوب.
*.قاصدنها.
*.وعاملنها مخصوص.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.قصدنا نشرك شيبوب في اخر )3( دقائق من مباراة القمة والهلال متقدم – عشان نقطع ليكم رأسكم.
*.ونشوف فصاحتكم بتوديكم لي وين؟.
*.وعشان تحصل ليكم اللخبطة دي كلها.
*.عاوزين تنسحبوا وما عاوزين تنسحبوا.
*.ما عارفين تعملوا شنو؟.
*.رتبناها كدا.
*.انتوا قايلين شيبوب دا قفز من الطابق الرابع من رأسو كدا.
*.الموضوع مرتب.
*.مرتب من بدري.
*.يلعب في المهدية.
*.من المهدية يمشي الموردة.
*.ويلعب )هاوي( في المريخ.
*.عشان الهلال يضرب الضربة الكبيرة.
*.حتى تأجيل مباراة القمة ليوم 13 اكتوبر ..قاصدنها.
*.بشه يرجع.
*.وكاريكا يرجع.
*.وبويا يرجع.
*.والشغيل يرجع.
*.وشيبولا يرجع.
*.واطهر يرجع.
*.وشيبوب ذاتو يرجع.
*.قالوا ليكم نحن سكتنا ساكت كدا على )التأجيل( لو ما كنا عندنا فيه مصلحة.
*.يدردقوكم كدا.
*.يجيبوكم مغمضين.
*.اصلو ما في اسلوب بنفع معاكم إلّا الاسلوب دا.
*.نخليكم تطلبوا الحاجة ..وتسعوا ليها ..وبعدين الحكاية تكون في مصلحة الهلال.
*.كلو مخطط ليه.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.ندخلكم في )حرج( مع الاهلي شندي.
*.نشبكم في المركز التاني.
*.تبقوا تتشاكلوا في )وصافة( الهلال.
*.ونحن ولا علينا.
*.ولا شغالين بالموضوع.
*.مباريات المريخ والاهلي شندي زمان كلها كانت مباريات )مسامحك يا حبيبي( و )ويا اجمل الحلوين(.
*.المرة دي ولعناها ليكم.
*.مجلس المريخ يهاجم الاهلي شندي.
*.ومجلس الاهلي شندي يهاجم المريخ.
*.المريخ يهدد بالانسحاب.
*.الاهلي شندي يعترض على البرمجة الجديدة – وبرضو يهدد بالانسحاب.
*.ونحن قاعدين نتفرج.
*.عاوزين نشوف البحصل شنو؟.
*.عاوزين نستمتع.
*.عاوزين نفك الارتباط.
*.ونكمل فهمكم.
*.نشوف )الدواس( ببقى كيف بين الاهلي والمريخ؟.
*.بي طريقتكم.
*.الاهلي يغلب ما عندنا مشكلة.
*.المريخ يغلب.
*.تنتهي تعادل.
*.كلو ما فارقة معانا في شيء.
*.الفارق معانا ..اننا وضعناكم في هذا الموقف – عشان تلعبوا لينا بي قوة وحماس شوية.
*.بدل )مليس( الكورة الكان بيعمل لينا فيه الاهلي شندي امام المريخ.
*.اها يا ناس الاهلي ورونا شطارتكم.
*.نحن عملنا العلينا.
*.اتحاسبوا بي طريقتكم.
*.مباراة القمة ذاتها رتبنا ليها ..يفوز الهلال المريخ ينزل الكونفدرالية.
*.ترتيب عجيب.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.الاشتباك الذي وضع فيه الهلال فريقا الاهلي شندي والمريخ لم ينته على تلك الصورة.
*.الموضوع ما وقف هنا.
*.الاشتباك الاكبر حصل بين الاتحاد والمريخ.
*.تتخيلوا ناس المريخ بقوا يهددوا يسحبوا الثقة من الاتحاد العام.
*.وهم الثقة من صلاح نمر ما قادرين يسحبوها.
*.عجبنا ليكم.
*.دا اتحادكم.
*.اتفاهموا بي طريقتكم.
*.نحن قصدنا هذه الوضعية.
*.قاصدنها.
*.عاملنها مخصوص.
*.انتوا قايلين اشراك شيبوب في اخر )3( دقائق في مباراة القمة كان طالع من فراغ.
*.ابدا.
*.نحن ما عندنا حاجات زي دي.
*.ولا بنعرف حاجة اسمها )صدفة(.
*.اي حاجة بنخطط ليها.
*.ونقعد ليها في الواطة.
*.باقى ليكم لو الهلال ما حسم موضوع الدوري قبل اسبوعين ..كان بخلى الفوضى دي كلها تحصل.
*.كان حسمها ليكم من بدري.
*.لكن بما ان الهلال حسم الدوري – ما عندنا مانع نقعد نشوف )الصغار( ديل بتصرفوا كيف؟.
*.قاصدنها.
*.ومرتبين ليها.
*.وعاوزنها كدا.
*.حتى وصول مباراة الخرطوم الوطني لهذا المركز لتلعب امام الاهلي شندي وهى برة اللعب..قاصدنها.
*.اصلو ما في حاجة ساي.
*.ما في حاجة جايبنها من برة.
*.اقول ليكم شيء.
*.موضوع )الانسحاب( دا برضو مخطط ليه.
*.عبدالصمد في جناح.
*.ومزمل في جناح تاني.
*.وناس عصام الحاج ومتوكل …لا عندهم رأي ..لا عندهم قروش.
*.بقوا يرددوا في كلام مزمل ابوالقاسم زي اعلام المريخ.
*.كلهم بقوا كورال.
*.الحصل علينا الموسم الماضي ..جينا طبقناه فيكم بالورقة والقلم الموسم دا.
*.ما خلينا حاجة.
*.الانسحاب الكانوا بيسخروا منو ..الليلة قاعدين يفاخروا بيه.
*.بيعتبروه )موقف(.
*.هو انتوا عندكم موقف مع الناس.
*.البيانات الما عندها قيمة.
*.والتصريحات )الفشنك(.
*.كلها قاعدين نستمتع بيها.
*.حتى احتفالية قناة النيل الازرق ..خطننا ليها.
*.لكن بي صراحة ما كنا فاكرنها بتعمل الشغل دا كلو.
*.ووبتطلع المريخ من النص.
*.تصريح فوزي المرضي.
*.قون مهند الريدة.
*.كلو – كلو مخطط ليه.
*.اقول ليكم شيء…حتى برمجة الممتاز قصدنا ان يكون تتويج الهلال امام حبيبنا )الامل(.
*.عشان نعيد احتفالية الموسم الماضي.
*.ولمن الفارق بقى كبير بين الهلال والمريخ قلنا نتهزم امام مريخ الفاشر.
*.عارفين ليه؟.
*.عشان احتفالية التتويج باللقب في قناة النيل الازرق تكون مع الامل عطبرة وليس الاهلي.
*.رتبناها كدا.
*.وقعدنا ليها في الواطة.
*.وشلنا ليها ورقة وقلم.
*.لكن الشيء الما قادر افهموا لغاية الآن – ناس المريخ ديل وقت بقلدوا فينا في اي حاجة بما في ذلك )الانسحاب( – ليه يا ربي كاس العدالة ما قلدونا فيه.
*.يعني كان ممكن يجيبوا ليهم فريق – النيل الحصاحيصا او جزيرة الفيل ويعملوا معاه مباراة تحت مسمى )كاس العدالة( زي مباراة الهلال الموسم الماضي مع الامل عطبرة.
*.يكونوا شافوها شينة.
*.يكونوا خجلوا ساي.
*.التقليد والمحاكاة كترت عليهم.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.…………….
و
*. الخرطوم الوطني رغم انه فقد مركزه الذي يؤهلها للتمثيل الخارجي، إلّا انها قدمت افضل مواسمها.
*.ولا يهمكم.
*.الاهلي شندي الاقرب لوصافة الهلال.
*.عاوزنها كدا.
*.……………
*.
السيدة )ل( – انتي مفروض تضربي مع الاطباء بي عيونك ديل.
*.
وقرّط على كدا.

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى