في السلك - بابكر سلك - الجري ده ما حقي

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

10102016

مُساهمة 

في السلك - بابكر سلك - الجري ده ما حقيn





#الحديبة_نيوز
.
< واهم من يظن أن المريخ سينسحب
< ليس لان المريخ ضعيف ولا يستطع القيام بذلك كما يدعي بعض الاهلة بقصد استفزاز المريخ على اعلان الانسحاب ويضمنوا بذلك نجاة موسمهم الوهمي من الضياع بعد ان ايقنوا ان بطولتهم الوهمية المدعومة بالاخطاء التحكيمية قد انكشف امرها
< واهم من يظن ان المريخ سينسحب لان الانسحاب حينما يكون هروبا ًيعد جبنا والجبناء معروفين وهم الذين ادمنوا الفرار والانسحاب لاسباب وهمية مرة دفاعا ًعن حقوق نادٍ آخر في خلاف لا يعنيهم وليسوا طرفا ًفيه ومرة زعلة ساي من الاتحاد ومرات لاسباب لم يتفق عليها اتنين منهم
< حتى على المستوى القاري والإقليمي افريقياً وعربياً يعرفون الانسحاب عندما يكون جبناً ويمارسونه بدون خجلة
< واهم من يظن ان المريخ سينسحب لان المريخ يعلم جيداً ان المادة 104 تعطيه حق التمسك بعدم اعتماد نتيجة الموسم الا بعد استيفاء جميع مراحل الشكوى التي تقدم بها
< واهم من يظن ان المريخ سينسحب لان المريخ مقتنع تماماً بان ما تبقى عليه من مباريات نسبة فوزه فيهما تزيد عن التسعة و تسعين بالمائة
< واهم من يظن ان المريخ سينسحب لان الشعار في المريخ هو
< الجري ده ما حقي
< شوفوا ناسو وين
< ايها الناس
< هذا الاتحاد والذي قبله
< من زمن شداد
< كل العمل من جميع اللجان يأتي دعماً للمدعوم
< ومشكلة نيل الحصاحيصا في زمن شداد خير مثال
< وقتها اذا انسحب المريخ متمسكاً بتطبيق القانون علي من زاغ من التنافس
< كان يعتبر تصرفاً ايجابياً من المريخ ولا يعد جبنا
< كان يا الحال انعدل يا ما اتدقت كورة في البلد دي تاني
< وحتى اخطاء التحكيم التي ازكمت الانوف وقرفت الملايين والالوف
< كانت مبررات كافية جداً لافشال الموسم الرياضي منذ بداياته
< والسكوت عليها موسما ًكاملاً لا يوجد ما يبرره في الاحتجاج عليها آخر الموسم
< ايها الناس
< اهمال الكيان المريخي لانتخابات الاتحادات وتكوين اللجان هو ما يأتي بضعاف النفوس الذين يمارسون فساداً يضر بالكرة في وطن يحلم ان يرفرف علمه بين اعلام الدول المنافسة في نهائيات كأس العالم
< وبصراحة شديدة
< إن ممارسة الديمقراطية في مجتمع لا يفقه معناها تعتبر ممارسة دكتاتورية بحتة
< ولنا أن نسأل
< من هم أعضاء الجمعية العمومية بالاتحاد??
< وكم صوت لاي عضو او جهة في تلك الجمعية???
< ومن يحدد اعضاء مجالس الاتحادات الولائية ???
< ومن يدير تلك الاندية والكتل ويدلي بالصوت في تكوين تلك الاتحادات ???
< والتي بدورها تكون جزءاً كبيراً من الجمعية العمومية للاتحاد السوداني ???
< لا اقول كل ولكن معظم
< شوفوا الواقع وفندوا الناس و عندها ستعلمون ان الممارسة الديمقراطية لا تعني القدرة علي اعطاء الصوت بقدرما تعني القدرة على فهم الدور وامانة الصوت و نزاهة من يصوت ومن يعطي له الصوت
< الشغل ده شغل دولة
< ولكن الدولة مشغوووولة < لذا يجب ان يقوم به الرياضيون الشرفاء وفي مقدمتهم طبعاً المريخاب
< ايها الناس
< في زول بصدق إنو ممكن زول مرشح يجيب الناخبين وينزلهم في المنشية او خلافها
< ويكرمهم
< ويجيز اصواتهم ويدفع حقها لتنعق كالبوم في صناديق الاقتراع
< يفوزوا لينا بلوة ويفرتقوا
< تاني لا بنشوفهم ولا بشوفوا الرياض والمنشية ولا بشوفوا البروست والشية الا في دورة انعقاد جمعيه عمومية
< عن اية حركة رياضية نتحدث
< عن اية ممارسة ديمقراطية نتحدث!!!
< وهل تعد الصناديق للصناديق!!!
< حال الياباني والتايواني واليابا صديق
< ايها الناس
< اذا كانت اخطاء التحكيم تحدد نتائج المباريات وترتب روليت الدوري فعلي المنافسه السلام
< واذا كانت لجان اتحاد تعلل وتفسر قيامها بخطأ شنيع في تسجيل لاعب لان سعادتهم لا يعرفون اللغه البرتغالية ويفوت على تلك اللجان إن الارقام في اللغه البرتغالية هي نفس الارقام في كل اللغات اللاتينية القديمة والراندوك الحديث
< اذا كانت شكوي فريق صحيحة وتتعلل اللجنة بان الحكم شال التقرير معاهو يوغندا تبقي فضيحة بجلاجل
< والناس الذين لايرون لرملة خلخال يجول حقوا يدركوا ان رملة بي خلخالها ولكنه السمن الشديد الذي يمنع الخلال من التجول علي الساق وافتضاح امر رملة بأنها تلبس خلخالاً
< هذا هو اتحادنا
< وهذه هي جمعية اتحادنا العمومية التي تمارس الديمقراطية
< وهذه هي لجان اتحادنا المساعدة
< لا بتعرف برتغالي ولا بتشيل التقرير من الحكم قبل يرجع يوغندا
< ايها الناس < فنيا نحن في هذا الموسم في اسوأ حالاتنا
< ولكن صدقوني اسوأ حالاتنا فنيا افضل من افضل حالات غيرنا التي تحتاج للدعم المتواصل
< ايها الناس
< سعى الهلال في ختام الدورة الاولى لتأجيل مباراتيه لتلعب في الدورة التانية
< وقتها كان الهلال قد قام بعملية التخلص من اجانبة قبل فتح باب التنقلات في سابقة لم يسبقه عليها ابليس بدوري الابالسة
< شطب ايشيا وموكورو و المدافع نمرة اتنين وعشرين الدخل قون اهلي ليبيا بشباك مكسيم < وكان الشرط هو عدم اشراك من يسجلهم في التكميلية في المباريات المؤجلة
< واحدة من المباريات تلك المباراتين كانت ضدنا
< قلت للجنة ونسي الاصرار على عدم التأجيل
< الزناطير ديل ما عندهم مباشرة يتموا بيهم التشكيلة
< واسي بتمسكنوا
< وبعد التسجيلات ما بقبلوا بعدم اشراك الفزع
< وبشبكوكم دستورياً ومن حقنا
< يا الاصرار على عدم التأجيل يا تكتبوهم تعهد امام الاتحاد
< ما سمعوا كلامي
< ووقتها كان الانسحاب وقيادة الموسم للخراب جائز وليس جبن
< ولكن فاتت الفرصة بالمسكنة وعدم الشفتنه
< ايها الناس
< الجري ده ما حقي
< وشيء بخوف المريخ مافي
< فدفاع الهلال فيهو مية )نمر( من ورق
< وبلنتياتهم في السهلة على قفا من يشيل
< وكان راجل يومها يخطئ اليخطئ عشان يعرفوا النور بطفوهو كيف
< لا للانسحاب وللمريخ قضية نصل حدها < ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< قالوا حميدة ماشي مخلينا
< يمشي وين يا والينا
< لسه في مستشفيات ما اتجففت علينا
< محتاجة تجفيف يا والينا < لسه في باقي دويات من التأمين ما مرقوها لينا
< الادوية المنقذة للحياة الماجابا لينا
< مستنين يودر معاها الحياة حتي يفوت يا والينا
< قول ليهو اصبر اولاد شارع الحوادث دايرين يعملوا عنبر جديد يفتحوا لينا
< موش كان زعلان لما ست الشاي الحاجة قسمة افتتحت العنبر لينا
< اتمسكوا بيهو يا والينا لما يودينا سلك كهربا
ننساك كيف والكلب قال المرض برضو فيهو مرض اتحادي و مرض ولائي ???
و حك اضانو بي رجلو الورا وهز ضنبو وجري
والي لقاء
سلك

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى