تابعونا عبر فيس بوك

قوقل ‏+‏ ‏
Use the English Language

بدون حجاب .. خالد عزالدين - مخرجات المريخ الوطني !!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

11102016

مُساهمة 

بدون حجاب .. خالد عزالدين - مخرجات المريخ الوطني !!n





#الحديبة_نيوز
والله بيني وبينكم الورطة كبيرة .. عايزة ليها تدخل حكومي وتاجيل امني وقرارات وزارية ..
كملوا أي حاجة بس باقي ليهم الحوار الوطني .. يعني أولاد المسالمة ديل وصلوا مرحلة الحوار الوطني تاااااني..
يعني رجعوا زي القرن الماضي عملوا حوار مع الخليفة عبد الله لحي ما اداهم الأمان خرجوا من بيوتهم .. ديل البطلعهم للأهلي شندي شنو !!
هسة راجين الحوار الوطني ده يحل ليهم مشكلة المركز الثاني مع الأهلي شندي .. برضو ممكن ..
تلاتة يوم من أسامة عطا المنان .. يومين من اللجنة المنظمة .. يوم ونص من لجنة الحالات الطارئة .. 72ساعة من رئيس الاتحاد .. يوم إجازة بمناسبة عودة جمال الوالي .. خمسة يوم للحوار مع عبد الصمد لحضور الاجتماعات .. دعوة طارئة للجنة الاستنئافات .. أربعة يوم لتقديم الفحوصات .. أسبوع عشان جمال سالم .. عشرة يوم لامير كمال !!
وبعد ده كلو الاهلي شندي قاااعد راجيكم .. المعسكر شغال وكلتشي بتمرن وعماري جاهز وسفاري زعلان وصدام ناوي علي الصدام وعبد المهيمن يضحك .. مركز تاني عملوا لي حوار وطني .. البطولة يعملوا ليها انقلاب يعني ولا شنو !
عصام الحاج قال نحن ما قلنا بننسحب .. قلنا ما بنلعب !!
دي حقو يدخلوها لي ناس الحوار يفسروها لينا .. المريخاب ديل لذيذين خلااص .. رئيس الأهلي مدني مريخابي برضو .. قال الأهلي ما انسحب في مباراة الهلال .. رفض أداء المباراة !!
والله حلوة .. مزمل قال شيبوب )هاوي( وممكن ينتقل لجوبا وعااادي جدا الهلال ممكن يعيدوا ويسجلوا والحكاية دي مافيها مشكلة لانو المادة ما بتنطبق عليهو !!
مزمل زعلاااان جدا كيف ناس لجنة الاستنئافات يسعموا كلاموا ويقولوا اللاعب هاوي !!
مزمل فجاة كده قال ليك لا )شيبوب( ما هاوي .. شيبوب )محترف( والمريخ كان بصرف علي وبعالجوا وما بنطبق عليهو تعريف اللاعب الهاوي والمريخ عندو مستندات بتاكد كده !!
ومزمل زاتو قال ناس الاتحاد ديل مفروض يعرفوا شيبوب هاوي ولامحترف لانو الورق عندهم .. لو محترف عندو عقد في الاتحاد ولو هاوي ما عندو عقد في الاتحاد !!!
انا امس اليوم كلوا بقرا في أعمدة مزمل عشان اعرف عايز يقول شنو ؟؟ لحدي ما لقيت الساعة واحدة صباحا جات .. والجريدة مشت المطبعة ما كتبت عمودي !!
محتار في )شيبوب( مزمل ده هاوي ولا محترف !! برضو الجماعة بتاعين الحوار ديل طالما اجلوا ليهم مباراة المريخ والأهلي مفروض طوالي يحسموا القصة دي !!
بالمناسبة هو المشاركة في )الحوار( اجباري ولا اختيار .. هواية ولا احتراف .. لو احتراف .. نحن موافقين تأجلوا المباريات ..ولو هواية نحن ما عايزين نتابع جلسات الحوار عايزين نتفرج في الكورة !!
تلاتة يوم إجازة ده )حوار( ولا )حداد(
السنة الفاتت امن العاصمة قال يؤجلوا مباراة الهلال والمريخ لاسباب امنية .. معتصم جعفر وشروني واسامة ومجدي والاتحاد كلوا قال الامن مستبب .. هسة في عز استتباب الامن وفي قمة الحوار ..امن العاصمة قال يؤجلوا مباراة المريخ والأهلي شندي ..الاتحاد ما صدق طوالي عايز يعمل برمجة جديدة !
في البرمجة الجديدة اعملوا حسابكم لاصابة محمد الرشيد احتمال يحتاج لي أسبوع ..
انا لو مكان الهلال اسرح اللاعبين الكبار وانهي الموسم واخلي فوزري المرضي وجهازه الفني يرتاحوا .. واسلم الامر لمدرب الرديف .. شنو يعني .. الناس بتلعب أصلا من اجل البطولة .. الدوري الممتاز ده عملوا عشان الناس تشيل البطولة وتحدد الصاعد والهابط وتعرف الممثلين في البطولة الافريقية ..
البطل قام بدوره وحدد البطولة .. تاني في شنو .. خلوا الناس يتفرغو للحوار الوطني .. ناس الخرطوم الوطني ما يكونوا طلعوا من المربع الذهبي عشان عندهم مشاركة في الحوار الوطني !
مجلس المريخ زاتوا بجتمع بدون رئيس ونائب رئيس .. فعلا محتاج حوار وطني !
السودان بلد الحرية والديمقراطية واحترام الأقلية .. حتي الأقليات يتم التعامل معها لدرجة إيقاف النشاط لتمارس حقها في الحوار !
وبعد ده كلوا البحصل شنو .. طلب الفحص الأول بنتهي .. الرفض واضح وطلب الفحص التاني بنتهي الرفض أوضح من واضح وطلب الفحص الثالث بنتهي الرفض واضح جدا .. في طلب رفض رابع ولا بتلعبوا يا عصام الحاج .. عبد الصمد طلع اكتر زول عاقل في الناس دي .. شال الفريق وركز علي التدريبات ودخل معسكر .. خلي لي ناس عصام الحاج )الجعجعة والتحديات(
وواضح جدا انو عبد الصمد متفق مع جمال علي أداء المباراة .. وفي النهاية عبد الصمد عارف المريخ ما عندو قدرة علي مشاكل الانسحاب .. الانسحاب ده سلاح خطير .. بتسعملوا الدول الكبرى في المعارك الكبرى رغم انو محرم دوليا .. المريخ ما عندو قدرة علي استعمال السلاح ده حتي ولو كان الأمين العام للأمم المتحدة معتصم جعفر .. نفسي اعرف الطريفي الصديق قاعد وين ؟؟ مرة شفتو في نادي الحكام مع الحكام المعتزلين .. فعلا هو )معتزل( لكن ما معلن الاعتزال !!
المريخ خاطب مجدي شمس الدين بتاريخ 30 ديسمبر 2015 مؤكدا علي ان شيبوب لاعب محترف !!
سكرتير الاتحاد حول الخطاب للجنة شؤون اللاعبين غير الهواه .. ما المريخ قال اللاعب غير هاوي !
اللجنة فتشت في الأوراق لقت شيبوب هاوي !!
رجعوا الورق للمريخ .. ناس المريخ ارسلوا خطاب جديد بتاريخ 27يناير 2016 الوقت داك شيبوب كان في شبيبة القيروان .. ذراع طويلة ما بتجيبو الا يكون لونها ازرق !
شيبوب رجع السودان .. لعب مع الهلال ضد المريخ زاااتو .. المريخ اشتكي بس المره دي قال ده لاعب هاوي مفروض يرجع لناديه القديم اللي هو المريخ !!
لجنة الاستنئافات رجعت لعمود مزمل وقرات الاتي )اللاعب الهاوي لاحماية له والقوانين المحلية والدولية تمنحه كامل الحق في التحول الي لاعب محترف متي ما حصل علي عقد مرض مني نادي سوداني او اخر ( وقرات أيضا لجنة الاستئنافات في عمود مزمل )بمقدور الهلال ان ينقل شيبوب ويعيده في منتصف الموسم اما معارا او بصفقة انتقال لان المادة التي تلزم اللاعب الهاوي الذي ينتقل الي الخارج بالعودة الي ناديه الأول اذا لم يكمل 18شهر تختص بمن يحتفظ لنفسه بصفة الهواية ( رئيس وأعضاء لجنة الاستئنافات شكروا مزمل وقالوا انه اختصر عليهم الوقت والجهد وقرروا رفض شكوي المريخ !!
نقيف هنا ولا نرجع ليكم لي جوبا تااااني ! يلا نشوفكم بعد الحوار ينتهي ؟!!



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى