ﻓﻰ ﺍﻟﺴﻠﻚ - ﺑﺎﺑﻜﺮ ﺳﻠلك - المريخاب الزعلانين تانى زعلوا ليه

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

15102016

مُساهمة 

ﻓﻰ ﺍﻟﺴﻠﻚ - ﺑﺎﺑﻜﺮ ﺳﻠلك - المريخاب الزعلانين تانى زعلوا ليه




* طبعاً الهلالاب كلهم مريخاب زعلانين
* لأنوا الناس الزعلوا من تسمية المريخ قعدوا فى بيوتهم لى سنة تلتين ثم أسسوا القحطانى السودانى
* هذا دليل
* ومن الأدلة الجنائية فطومة اختى
* يشهد على هلاليتها حوارها على صفحات السوبر العتيقة
* وثوبها الأحمر ذو النجمة الصفراء الفاقع لونها والتى تسر الناظرين
* وسعدية عبدالسلام
* فطومة أختى دأبها كدأب الأهلة
* مريخابية زعلانة
* الزعلها منو والله ما عارف
* لكنى واثق من انها مريخابية زعلانة
* وسامع تحت تحت قالوا ناس الصدى دايرين يعيدوا حوار فطومة مع السوبر
* حوار وطنى كان يا عمتك
* فطومة حفيدة سيده فرح
* المهم
* كل الأهلة مريخاب زعلانين
* والمريخاب ما هلالاب زعلانين
* ولأنو المريخ إتأسس قبل الهلال
* وما ممكن الزول ينتمى للعدم ويتحول للواقع
* الهلال إتكون سنة تلتين
* مريخاب سنة تسعه وعشرين وتمانية وعشرين وسبعه وعشرين كانوا هلالاب كيف والهلال وقتها فى كورية العصيدة وبس!
* طيب مريخاب سنة تمنيه كانوا هلالاب سنة تلاتين كيف!!!
* الهلالاب مريخاب زعلانين من إحقاق الحق وذهبوا يبحثون عن الطريقة القحطانية التحكيمية التزويرية الإطناشرية الأتنينية المنشطاتية فى الدورة العربية
* المهم
* المريخاب الزعلانين زعلوا تانى
* زعلوا لأنو المريخاب الأصليين لم يستجيبوا للإستفزاز والجر الى الإنسحاب لينجوا هم من لدغة العقرب
* ولنفقد نحن فرصة التمثيل الخارجى
* ومع إحترامى للرأى الآخر إلا أننى أساند الرأى الذى نادى باللعب ومواصلة التقاضى
* وذلك لعدة أسباب
* أولاً للمريخ قضية واضحة ومضمونة والسعى فيها بسبل القانون هو ما يضمن كسبها ولو خارج الحدود حيث ينكشف هناك الإتحاد هذا ويعرف العالم اى منقلب يتقحطنون
* ثانياً المادة 104 تعطينا الحق فى التمسك بها وإلزام الإتحاد بعدم إعتماد نتائج الموسم والتتويج إلا بعد نظر طلب الفحص المقدم أمامهم
* ثالثاً أخلى إنتصار لنا هو أن نأتى بقرار يقضى ببطلان إنتقال شيبوب وتورط سودانيين قحطانيين وإتحاديين مع تونسيين فى هذه الورطة
* ووقتها
* ووقتها لا بتنفعنى أنت يا أنت ولا بتدسك الكسكتة
* رابعاً
* ماذا إستفاد الهلال من إنسحابه فى الموسم الماضى غير فقدان البطولتين وطيران التيم من دور الإتنين وتلتين وإحراج الإتحاد والدولة بتعطيل القانون والإبقاء عليه مع فرق الممتاز مجاملةً ومجازاً؟؟؟
* الحل أيها الناس فى إتباع السبل القانونية إذا كنا نثق فى صحة موقف شكوانا
* ومتابعتها حتى آخر مراحلها الدولية
* وبذا نكون قد قمنا فعلاً بمحاربة الإتحاد والفساد وأعلنا للعالم من هم الأسياد
* أسياد الفكرة والعقل والتكتيك
* المهم
* فى مريخاب أصليين برضوا زعلانين
* خاص صفحة ابطال مانديلا
* وقولوا لهم أن إحترامكم وإحتكامكم لرأى الأغلبية هو فهم راقى منكم
* ونعلم بمدى مريخيتكم ووفائكم
* وأخص الحبيب ميزو الذى لايختلف على مريخيته إلا مكابر ومجنون
* وأخص السيد عصام الحاج الذى يدرك الجميع كم هو هصور فى اى معركةٍ طرفها المريخ
* أثق أنها زعلة
* ولكنها ليست كتلك التى كانت سبباً فى ذهاب بعضنا للإنضمام للقحطانى سنة تلتين أو دفعة فطومة أختى
* أناشدكم أخوتى بمواصلة المسيرة وسمح السيرة الذى عرفتم به
* وشدة وتزول
* ومن لوزان بجينا قرار يا مان
*أيها الناس*
* عنتريات القحطانى لم تأت له بمكسب
* فكلما إنسحب خسر قضية ومعركة ومنطق وإحترام
* وبقى ضمن المنظومة تجاوزاً
* تلك العضلات التبش التى يدعيها لم تأت له بجوية يبل بها ريقو
* وإكتشف الجميع أنها عضلات لا تبش ولا شئ
* عضلات قدر الشطة الخضراء
* زى حقاتى انا وحقات ابومنذر ود المسالمة حفيد سيدة فرح الزعلان
* نحن ناس منطق عضلاتو تبش وبطيخ وقرع ذاتو
* ناس أدب وتأدب لا نجارى من يخرق القانون ولا نتبع طريقة المتلفتون فى حل القضايا
* هنا فى راس
* إذن هنا فى مخ
* خاص صفحة ابطال مانديلا
* أمال الراس ده أدونا ليهو نخت فيهو كسكتة !!!
*ايها الناس*
* مبروك لشبابنا إنتصارهم الداوى بالأمس
* وقبلهم نبارك لتلك الجماهير الوفية التى وقفت خلف الشباب بقوة
* اووووووو مريخ الأمه
* اووووووو حانوصل صوتنا
*أيها الناس*
* بحثت عن كلمات أنعى بها أخى بشير عبدالمجيد
* فلم أجد إلا ما يرضى الله
* إن العين لتدمع وإن القلب ليبكى وإنا لفراقك محزونون يا بشير
* ولا حول ولا قوة بالله العلى العظيم
*أيها الناس*
* إن تنصروا الله ينصركم
* أها نجى لى شمارات والى الهرتوم
* والينا
* طاشر مادة فى الثانوى والسبت إجازة لينا
* وين الوكت لإكتشاف المواهب وتطويرها والنشاط المدرسى بس قول لينا
* وهل سور المدرسة فقط للأكاديميات معمول لينا !
* أم أن كل النشاط المدرسى أصبح إسبوع يتكلفت لينا !!!!
*سلك كهربا*
** ننساك كيف والكلب قال بتتذكروا الجمعية الأدبية يا قليلين الأدب???
والي لقاء



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى