دق الدلجة – محمد عبد الماجد – هو )البيه( موش معاكم

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

15102016

مُساهمة 

دق الدلجة – محمد عبد الماجد – هو )البيه( موش معاكم




من رأسي :
قالوا ليك اللجنة القانونية لفريق المريخ مجتهدة هذه الايام واجتماعاتها متواصلة "المجلس في حالة انعقاد مستمر" وذلك لاثبات ان كلمة "الانسحاب" التى اعلن عنها المريخ مقصود بها "المشاركة"..وان "الانسحاب" في اللغة "الهندية" يعني الاستمرارية والمشاركة.
انتوا قاعدين وين؟.
من كراسي :
"قال ربان السفينة للضباط الاول في لهجة فلسفية :
*.منذ 30 عاما لجأت الى البحر لكي انسى فتاة تسمى أليس مارجريت جنكنز المقيمة في المسكن رقم 18 ب في عمارة فذربريدج رقم 27 شارع ساوث سان بحي هاميستيد بلندن ..وقد نسيتها تماما!!".
*.عشرة ايام بالتمام والكمال شابكننا )المجلس في حالة انعاقد مستمر( ، والمريخ لن يلعب في الدوري الممتاز ما لم تحسم شكواه المعلقة.
*.نتيجة )الفحص( طلعت شنو؟.
*.وهاك يا تنظير.
*.وهاك يا مُثل.
*.وهاك يا قيم.
*.وهاك يا شعارات.
*.وفي النهاية كدا فرحانين بالمركز التاني.
*.نحن ما كنا فاكرين )وصافتنا( غالية كدا.
*.ومستنكرين على الهلال الذي حقق اللقب قبل اسبوعين ان يفرح بلقب البطولة.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.تفتح قناة النيل الازرق تلقى متوكل احمد علي )مقنقن( مرة بالبدلة ومرة بالجلابية العمة.
*.مرة بي نضارة.
*.ومرة بدون نضارة.
*.بالبدلة متوكل احمد علي بقول المريخ لن يلعب.
*.وبالجلابية والعمة للامانة برضو كان بقول المريخ لن يلعب.
*.بالنضارة ما بيلعب.
*.وبدون نضارة برضو ما بيلعب.
*.طيب )النضارة( لزومها شنو؟..وقت في الحالتين ما بتلعب.
*.احرجت )النضارة( ساكت.
*.وجبت ليها فلايت.
*.تفتح سودانية 24 تلقى مزمل ابوالقاسم – بيستعرض ليه في )25( مادة – مادة واحدة فيهن بتبطل تسجيل شيبوب في الهلال ما في.
*.تقتح قناة ام درمان تلقى متوكل احمد علي برضو بتحدث عن )الانسحاب( وان للمريخ قضية عادلة.
*.قضية عادلة يا بتاعين المريخ لن يلعب!!.
*.تمشى قناة الشروق تلقى عصام الحاج قاعد وبقول ان قرار الانسحاب قرار مجلس.
*.مجلس مع جمال الوالي.
*.نشرة عشرة في الشروق بتكلم فيها مزمل ابوالقاسم عن )الانسحاب(.
*.المريخ لن يلعب.
*.أهو كلام.
*.اذاعة هوي السودان بتكلم فيها عبدالتام …)عبدالتام عشان من بقية مجلس اسامة ونسى ما بدوه اكتر من اذاعة هوي السودان(.
*.الغريبة وسط )الجوطة( دي كلها عبدالصمد ولا ظهر.
*.ولا قال حاجة.
*.ولا كلمة.
*.هيع.
*.عبدالصمد ما بتكلم.
*.عبدالصمد زول )عملي( ما زول كلام – ناس عصام الحاج ومزمل ابوالقاسم بأكدوا في الانسحاب وهو بيلعب في المباريات الودية مع نجوم ابوسعد.
*.ولا شغال بيهم الشغلة.
*.وناس متوكل في الوقت الذي كانوا بقولوا فيه المريخ لن يلعب – عبدالصمد كان معسكر بالفريق في فندق ابشر.
*.وناس مزمل يطلعوا في البيانات.
*.كل 48 ساعة بيان.
*.ومتوكل بقول ان المجلس في حالة انعقاد دائم.
*.عشرة يوما شابكننا ليك )رأي الاغلبية( – والمجلس اتخذ القرار بالتصويت وبالاغلبية.
*.اغلبية مع جمال الوالي.
*.انتوا بتلعبوا؟.
*.انتوا ما نصاح؟.
*.انتوا جيتو بي الاغلبية عشان تتكلموا عن )الاغلبية(.
*.لو بتعرفوا )الاغلبية( كانو تجوا بالجمعية العمومية.
*.جمال الوالي رجع الليلة ..اجتمع في نفس اليوم مع اللاعبين في الفندق.
*.طلع ليهم حافز 4 مباريات.
*.وناس مزمل ابوالقاسم وعصام الحاج بقولوا ان )الانسحاب( قرار مجلس وان المريخ لن يلعب.
*.ومتوكل احمد علي شغال من قناة النيل الازرق الى قناة ام درمان الفضائية )جاري الشارع(.
*.مرة بالجلابية والعمة.
*.ومرة بالبدلة.
*.مرة بالنضارة.
*.ومرة بدون نضارة.
*.وفي الحالتين بقول ان المريخ لن يلعب.
*.وان المجلس في حالة انعقاد مستمر.
*.وان القرار اتخذ بالاغلبية.
*.مرة بالنضارة.
*.لا استغفر الله المرة دي كان بدون نضارة.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.اغلبية شنو؟.
*.انتوا صدقتوا؟.
*.الاغلبية دي تاني اوعكم تجيبوا سيرتها.
*.وحكاية القرار كان قرار مجلس ما عاوزين نسمع بيه تاني.
*.والمجلس في حالة انعقاد دائم ..)طلع كلام ساكت(.
*.وبياناتكم التى اكدتم فيها ان المجلس متمسك بقراره وملتزم بفحوي المذكرة الاولى بلوها واشربوا مويتها.
*.وحكاية جمال الوالي بارك القرارات – قولها لي زول ما عندو )شاحن جلاكسي(.
*.والمريخ عندو قضية.
*.ومن اجل عدالة المنافسة وشرفها…
*.الكلام دا كلو انتوا ما قدروا.
*.الحاجات دي انتوا ما بتقدروا عليها.
*.والنظريات والشعارات التى كنتم ترفعوها وتقولوا الهلال في الموسم الماضي فعل وفعل ..وضح انكم ما قدرها.
*.يا عصام الحاج..
*.يا متوكل احمد علي …الهلال انسحب عديل كدا.
*.تدخل البرلمان.
*.وتدخلت وزارة الشباب والرياضة.
*.وتدخلت وزارة العدل.
*.وتدخلت رئاسة الجمهورية.
*.والهلال رفض يلعب.
*.انتوا يا ناس المريخ )اللجنة الشعبية( ما تدخلت في موضوعكم …وترجعوا من الانسحاب.
*.براكم كدا.
*.ولا هببوكم.
*.جمال الوالي جاء راجع من السعودية..رجع المريخ ..وخلي ليك ناس عصام الحاج ومزمل ابوالقاسم وادروب ونادر مالك يقدموا في الاستقالات؟.
*.وينو مولكم؟.
*.وينو ناديكم الاجتماعي؟.
*.وينو فندقكم؟.
*.الحاجات دي كلها خلوها.
*.وينو انسحابكم.
*.)الانسحاب( ما قدروا عليه.
*.الانسحاب دا لا فيه دفع ولا فيه قروش.
*.برضو ما قدروا عليه.
*.اي حاجة اتكلموا عنها ..ما قدروا ينفذوها.
*.اتكلموا تاني قدر )وصافتكم(.
*.ما نسمع تاني منكم اي كلمة.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.الطريف ان عصام الحاج ومزمل ابوالقاسم قالوا برة المجلس.
*.قالوا هم اصلا ما في المجلس.
*.طيب الاستقالة من شنو؟.
*.في زول بيستقيل من مجلس هو ما فيه.
*.في زول بينزل من )بص( هو ما راكب فيه؟.
*.يا مزمل انت اسمك ما مكتوب.
*.أنا اسمي مكتوب؟؟.
*.مزمل ابوالقاسم يكتب في البيانات.
*.ويطلع في التصريحات.
*.ويعمل في الحوارات التلفزيونية.
*.وهو برة المجلس.
*.عبدالصمد طلع عندو حق.
*.الناس ديل بتكلموا ساكت.
*.ذكروتني عادل امام وقت قام ليك في واحد من المنتظرين في مسرحية )شاهد ما شافش حاجة(.
*.واحد راجي دورو في المحكمة.
*.المنتظر طالب من سرحان عبدالبصير ان يجيب باختصار وبشكل محددة ..عشان الحكاية تخلص.
*.عادل امام في البداية احترم ليك الزول دا وقعد يعتذر ليه.
*.افتكروا من ناس المحكمة.
*.القاضي وقت قام ليك في المنتظر الذي طلب من سرحان عبدالبصير ان يخلصهم..ونهرو ليك قدام عادل امام…عادل امام فهم حاجة.
*.عادل امام اتهجم.
*.عادل امام قعد يسأل ..قال ليهم هو البيه موش معاكم؟.
*.قالوا ليه : ابدا.
*.عادل امام قام ليك فيه.
*.انفصم ليك فيه عديل كدا.
*.هو انا ناقص يا اخويا.
*.لكن للامانة كدا.
*.يا مزمل بياناتكم دي بيانات زول جوة المجلس.
*.تصريحاتك.
*.انسحابك ذاتو.
*.اصلو ما انسحاب زول برة المجلس.
*.لقيت لي ناس متوكل وعبدالتام المساكين ديل ..ودورت في الموضوع.
*.لمن جمال الوالي رجع.
*.لا اجتماع مجلس.
*.ولا اغلبية.
*.ولا عدالة المنافسة.
*.المريخ رجع.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.………………
و
*. هسع قالوا ناس مزمل وعصام الحاج عاوزين يسحبوا )الاستقالات(.
*.يسحبوها على شنو؟.
*.هم ناس اصلا ما في المجلس.
*.برة الحكاية.
*.مرات بكون في )راكب( قاعد قدام مع السواق.
*.الراكب دا بقوم يدخل ليك في )سواقة( السواق ذاتو.
*.يقول ليه تمشي بي جاي.
*.لا تلف بي هناك.
*.ويقعد يحرس فيه.
*.اعمل حسابك.
*.قدامك مطب.
*.تقول سايق )البص( هو.
*.الكلام دا عند جمال الوالي ما بنفع.
*.ولا بقبلوا ليكم.
*.………………
*.
السيدة )ل( – لو استمريتي بالطريقة دي ..انا ذاتي بنسحب ..لكن انسحاب زي انسحاب المريخ…)صوري( ساي.
*.
وقرّط على كدا.



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى