في السلك - بابكر سلك - نضيفة وما فيها ريحة جيفة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17102016

مُساهمة 

في السلك - بابكر سلك - نضيفة وما فيها ريحة جيفة




في السلك - بابكر سلك - نضيفة وما فيها ريحة جيفة
○ سألني البعض
○ رئيس اهلي شندي عمل شنو في قون محمد كوكو التعادلي الصحيح الما اتحسب ؟
○ قلت ليهم ده السؤال الفات علي مزمل في حلقة الشاشة السودانية
○ لانو مزمل لو سأل السؤال ده كان الارسال قطع وكان حضرنا شخشة افادتنا اكتر من الدراب الذي رماهو رئيس اهلي شندي الهلالابي الما داسيها
○ لذا احتار الجميع
○ حتى كرة محمد كوكو وهي تتهادي داخل الشباك المكسيمية لم يحيرها نقض شقيق مدير الكرة للهدف الذي قسم ظهر البعير القحطاني بقدرما حيرها موقف رئيس اهلي شندي الهلالابي الما داسيها
○ والمحيرني اكثر صمت جمهور اهلي شندي على رئيس اهلي شندي بعد لقائه بميزو.
○ وما اعلمه عن ناس شندي الاعتزاز بالانتماء لا على احضان الغير الارتماء
○ وكنت أظنهم سيدعون الناس لمأدبة عشاء الرئيس باشا ولكنهم لم يفعلوا
○ ماداير اقول يا حليل المك نمر
○ المهم
○ داعبني قحطاني بقوله النجمة الوصيفة
○ قلت له نقاط نضيفة تشرف خالية من ريحة جيفة
○ لا فيها قون كوكو ما عدوا
○ ولا فضيحة في حجر قدو
○ ولا مستشفى صانو
○ ولا مدني قيت
○ قيت العدو
○ قيت اليابا البنيات لي حدهن
○ لكن سم العقرب حايعدل الصورة المقلوبة
○ ايها الناس
○ بموجب المادة )104( لا تتويج حتى نستلم الرد الذي يوصل قرف الممارسات للسلطات العالمية
○ وحينها ما احلاها لما نجي بقرار الجهات العليا البات والذي لا يقبل الطعن فيه بارجاع الحال لما كان عليه.
○ والحال لما كان عليه هو الزعيم بطلاً
○ نقاطنا ونقاط الاخوة الاهله زي ارض الخطة الاسكانية والارض الحيازة
○ بتاعتنا )300( متر بكروكي وشارع معروف عرضو كم
○ وبتاعتهم )400( خاضعة لاعادة تخطيط وفتح شوارع
○ لأنها قطعة بوضع اليد
○ عشوائية ساكت
○ فيها الشارع يقسمها نصين
○ وفيها الشارع يشيلها كلو كلو وياخدوا تعويض في دار السلام
○ وفيها الشارع يشيل منها )200 ( متر
○ عشوائية ساي
○ وفيها تتنزع وتبقي ميدان خدمات
○ وضع اليد لا يقنن الأمور
○ وفيها يتشال منها )300( متر والمية الفضلت يدوها للجار او تبقى بسط امن شامل
○ وفيها تتنزع لانو الجهات الرسمية مطلعاها زريبة تنفع سكان الجوار
○ ده الفرق بين الزول البقدم وبالقانون بدو والزول البهمبت ساااي ويخت يدو ويظلم كوكو
○ ايها الناس
○ من يضحك اخيراً يضحك كثيراً
○ وكي نضحك كثيراً على الزول القارصاهو عقرب
○ لازم نتحزم ونتكرب
○ لازم نتشفتن
○ وننهي الموسم نتكشم
○ اصلو ما نضحك بصوت عالي
○ بس نتكشم ونتبسم
○ التكشم والتكشم ده بغيظ ناس كده شديد
○ واتكشمي
○ ايها الناس
○ كل المسميات الجماهيرية تجهز نفسها
○ تشجيع يأتي بالنصر من المدرجات قبل الملعب
○ وطالما فيها دمازين وجريف وشغيل
○ صدقوني بلنت وقونين عديل مضمونات
○ فلا يستطيع التحكيم في ذلك اليوم ان يخطئ
○ لا مجال للخطأ في تلك الموقعة
○ شيل ايدك عشان ماتشيل ايدك
○ لانو ماكينة النصر الكبير شغالة يا صلاح احمد
○ قربت ليعرف الجميع من هو البطل من هو الكبير من هو الما محتاج لالغاء قون كوكو او بلنت جبريل
○ ايها الشفوت ما بوصوكم
○ ايها الناس
○ ان تنصروا الله ينصركم
○ اها
○ نجي لي شمارات والي الخرتوم
○ والينا
○ صحي مأمون تاني شهرين قاعد لينا!!
سلك كهربا
ننساك كيف و...... قال علي الطلاق يقعد شهرين يكمل باقينا
وإلى لقاء.
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى