قوقل ‏+‏ ‏
Use the English Language

الى ان نلتقي – قسم خالد – حضرنا ولم نجدكم

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

الى ان نلتقي – قسم خالد – حضرنا ولم نجدكم

مُساهمة من طرف Admin في الأربعاء 19 أكتوبر 2016 - 15:33

عندما اعلنت المعارضة السودانية عن تجمع وسط الخرطوم للتظاهر واعلان العصيان ضد الحكومة حضر الامين العام للحزب الشيوعي الراحل محمد ابراهيم لميدان ابوجنزير، ولم يجد احدا من الداعمين للتجمع تناول سيادته ورقة مهملة علي الارض )عبلة سجائر فارغة( وكتب عليها )حضرنا ولم نجدكم( وهي جملة بليغة للغاية فيها الكثير من المعاني والمضامين لكن بسخرية معهودة عند الراحل..!
وبالامس حضر السيد الهلال الي ملعب استاد المريخ لمنازلة )وصيفه( الدائم لكن الوصيف لم يحضر فما كان من السيد الهلال الا وان اخذ ورقة خضراء هذه المرة وكتب عليها عيب عليكم )حضرنا ولم نجدكم (!
هي عادة قبيحة درج عليها المريخ منذ القدم … لكننا نذكر فقط حادثة )الهروب( الاكبر للمريخ امام الهلال في العام 96 وعلى ملعبه عندما اعلن حكم المباراة عن ضربة جزاء ارتكبت مع الراحل والي الدين، فلم يجد زيكو مفرا لايقاف الهزيمة التاريخية المتوقعة سوى حمله الكرة والذهاب بها الى الحكم الرابع وقام بتسليمها له معلنا عن انسحاب المريخ من المباراة التي اقيمت علي ارضه ووقتها كان المريخ خاسرا بثنائية وبالامس تكرر ذات المشهد لكنه بسيناريو جديد .. سيناريو يظهر المريخ بمظهر الفريق المقصود من قبل الاتحاد ولجنة الاستئنافات فكان ان هرب كعادته من المباراة ولم يحضر للملعب في سابقة جديدة لم تعهدها مباريات القمة!
شخصيا كنت اتوقع ان يكون مجلس المريخ كبيرا في كل شيء ..كان عليه ان يؤدي المباراة يذهب في قضيته حيث يريد ان كانت له قضية اصلا .. الحقيقة تقول ان المريخ بلا قضية … الحقيقة تقول ان المسئولين بالمريخ سعوا لمداراة سوءات فريقهم بهذا الهروب الكبير .. الحقيقة تقول ان الرعب الذي ادخلهم فيه السيد الهلال عشعش في اذهانهم ولم يقووا علي الحضور!
فوزي قالها لهم قبل ان يفكرو في الانسحاب … قالها لهم بصوت الواثق )سنحرق المريخ( واذا قال الاسد شيئا ارتعبت الضباع خوفا وهلعا .. رأوا ان مواجهة الهلال ستكشف سوءات فريقهم وسيلحق بهم الهلال الحريق كما وعد فوزي المرضي لذا فكروا وقدروا … ثم قدروا وفكروا واخيرا قررو الهروب من الباب الواسع خشية هذا الحريق الذي وعدهم به فوزي المرضي!
يا للعار .. يا للخذلان … ياللخوف والهلع .. اسم السيد الهلال وحده كاف لارهاب اعتى الاندية الافريقية والعربية ناهيك عن فريق يتواجد في صفوفه صلاح نمر ومصعب عمر .. هؤلاء وفي وجودهم كان بالامكان ان يصبح كاريكا هدافا لمسابقة الممتاز متفوقا علي نجم الاهلي شندي كليتشي .. ولانهم يدركون تلك الحقيقة بادروا بالهروب من المباراة خشية من بطش السيد الهلال..!
ان كنت مكان مجلس المريخ لفعلت ما فعلوه … ان كنت مكانهم لهربت لان الهلال الذي نعرفه والمريخ الذي نعرفه كان بالامكان ان تحدث كارثة رياضية .. بالطبع ليست ككارثة بورسعيد كما دعا كتاب الاحمر ..لكنها كارثة اهداف ربما تصل لعدد خرافي يدخل الي موسوعة غينيس بل ويتصدرها .. انه اهلال ولاكذب..!
نعم انه الهلال ولا كذب مروع الاندية وباعث الرعب والهلع في نفوسها .. انه السيد الهلال ولا كذب بطل عموم اندية السودان .. وزعيم انديتها وسيد البلد شمالها وجنوبها .. شرقها وغربها ووسطها انه الهلال ولاكذب حامل لواء الكرة السودانية واكثر الاندية تتويجا باللقب!
اخيرا اخيرا..!
الان وبعد ان هرب المريخ من مواجهة السيد الزعيم الهلال نطالب لجنة المسابقات بمنح المريخ نقاط هذه المباراة .. نطالبها ونرجوها ونتوسل اليها بان تمنح المريخ النقاط وتبت في فحصه وتمنحه نقاط المباراة الماضية التي خسر فيها بامر شيبولا وسادومبا بل ويمنحوه اللقب .. مش السنة الفاتت ادوهو اللقب برضو شنو الحصل يعني زاد بطولة واحدة لبطولاته في مسابقة الممتاز والتي لم تتعد الـ7 بطولات ولم يحدث جديد ؟؟
اعزائي اعضاء لجنة المسابقات…احبائي اعضاء لجنة الاستئنافات امنحو المريخ النقاط لنر هل سيكسب المريخ اي مباراة في وجود صلاح نمر ومصعب عمر ؟؟؟
كما قلت واؤكد الان ان مصيبة المريخ المزمنة .. والمزمنة دي ما زي مزمنة مجلس الكاردينال بخصوص محمد عبدالرحمن المزمنة دي جاية من كلمة )شابولا( هسي علاقة شابولا بكلمة مزمنة شنو عليكم الله .. العلاقة موجودة .. توقيع شابولا في كشوفات السيد الهلال مرض )مزمن( اصاب اهل المريخ .. مرض فلا فكاك منه بدليل )الفحص( الذي قدمه المريخ مش اي مرض مزمن بعملوا ليهو )فحص( .. المريخ مريض مرضا مزمنا وهذا المرض الممزن اسمه )الاعلام( واخيرا انضم له بص الوالي .. هسي علاقة بص الوالي بمرض المريخ شنو ؟؟؟
العلاقة موجودة… بص الوالي بات بدون )سواق( في اعقاب سفر السواق ناس عصام الحاج لقوا الارض خلا قامو ضرو عيشهم!
اخيرا جدا..!
ناس عصام الحاج ما صدقوا الوالي سافر قاموا طوالي دعو لاجتماع طارئ .. انتو عصام الحاج دا ما سمع تصريحات وزير الرياضة ولا شنو .. وزير الرياضة قال كلام واضح جدا انو مجلس المريخ او لجنة التسيير او بص الوالي مافيها واحد اسمو عصام الحاج طيب البخلي عصام يجتمع ويقود ويظهر في وسائل الاعلام متحدثا ومهددا ومتوعدا شنو عليكم الله .. المهم عصام قاد البقية لاصدار قرار الهروب الكبير .. طبعا عبد الصمد عندو رأي واضح .. عبدالصمد عارف ومتاكد ومتيقن انو المجلس غيرو وغير جمال مافيهو زول .. قام خلى الجماعة في الاجتماع ومشى تمرين الفريق لانو واثق انو الناس المجتمعين ديل لا بحلوا لا بربطوا .. قامو ناس متوكل اصدرو قرار .. القرار دا ما قعد ليهو اكتر من يومين بس وصل قائد البص فرجع )الكماسرة( يطقطقون وانتهت الزوبعة … انتهز جماعة عصام سفر الوالي وتركه )البص( فقاموا دعوا لاجتماع طارئ اعلنوا الهروب .. والله مباراة الهلال دي لو كانت بكرة كان المريخ لعبها عارفين لانو جمال كان ح يقول ليهم بطلوا الكلام الفارغ البتعملو فيهو دا والعبو كوركتم طوالي عصام كان ح يستقيل!
هسي اليلة عبدالصمد ح يستقيل وح تشوفو..!
هرب … هارب … هربوا … هاربين ديل منو ياربي؟؟؟
اذهبوا فانتم الطلقاء

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى