قوقل ‏+‏ ‏
Use the English Language

الي ان نلتقي – قسم خالد – البطل للمرة 13 وفارق النقاط 13

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

الي ان نلتقي – قسم خالد – البطل للمرة 13 وفارق النقاط 13

مُساهمة من طرف Admin في الخميس 20 أكتوبر 2016 - 16:32

تقول المادة 16 البند 2 من اللائحة: "لا يجوز لأي ناد أن يتخلف أو يغيب دون عذر مقبول أو يرفض أو ينسحب عن أي مباراة من مباريات الدوري الممتاز وأي نادي يخالف هذا النص تطبق عليه الأحكام الآتية: " في المباراة الأولى يعتبر مهزوما 0-2، بالإضافة إلى خصم ثلاث نقاط من رصيده وغرامة مالية لا تقل عن عشرة آلاف جنيه".. و اللجنة المنظمة يحق لها اصدار قرارات اكثر صرامة بحسب رؤيتها لتقرير المراقب والحكام وخلفيات واقعة الانسحاب عليه فان رأت اللجنة ضرورة ان تفرض مزيدا من العقوبات علي المريخ فهذا من حقها بحسب منطوق المادة المعنية واذا تحل اعضاء لجنة المسابقات بالشجاعة الكافية لحرم المريخ من تمثيل السودان افريقيا العام المقبل حتى لا يكرر ما حدث عشية الثلاثاء !
لجنة )بص الوالي( كان قرارها واضحا ان فريقها لن يخوض المباراة مالم يتسلم رد لجنة الاستئنافات بخصوص طلب الفحص الذي قدمه … ردت لجنة الاستئنافات علي فحص المريخ وايدت ما ذهبت اليه في قرارها الاول وقرار لجنة المسابقة وقالت )لايوجد جديد( اها لجنة الاستئنافات قامت بالرد على فحصكم )الهروب ليكم شنو تاني( ولا الموضوع متعلق بتمرد جمال سالم الذي طالب قبل سويعات من القمة بماله والا لن يخوض المباراة … مش دا جمال سالم ذاتو الاجلتو ليها مباراة اهلي شندي اكثر من اربع مرات .. اها جا وقال ليكم ما بلعب مالم استلم قروشي كاش داون فلاحتكم بس في لجنة الاستئنافات ردت … ماردت !
طيب بعد ما ردت عليكم ما استلمتو ردها مالكم .. الموضوع بقى ما موضوع رد علي طلب فحص .. الموضوع خوف عدييييييييييل وجرسه من الحريق بتاع فوزي .. والله يا فوزي بالغت لكن ما كان في داعي تصرح .. كان تخليهم لحدي ما يجو الملعب لانهم قاعدين علي الهبشة وبعد داك خلي الحريق يقوم !
الغريبة انو جمال الوالي قال في تصريحات ليهو انهم انسحبوا عشان ما تحدث كارثة .. عليكم الله الكلام دا بقنع ليهو شافع .. هو انتو انسحبتو والانسحاب في حد ذاتو اكبر كارثة وكان ممكن جماهيركم المسكينة دي تعمل كارثة لانها )اخر من يعلم( تعلنو انكم ما ح تلعبوا .. تقومو تلعبوا … يحددو ليكم الاجتماع الفني لمباراة القمة تجو .. ومندوبكم ما قال انكم ما جايين … يسلموكم رفض فحصكم ترفضو تستلموه .. تعلنو انسحابكم اها نعمل ليكم شنو تاني
اقول ليكم خلاااااص امشو الفيفا ممكن ترجع ليكم نقاط المباراة .. اها قول الفيفا قالت انتو فائزين علي الهلال في مباراة شيبولا وسادومبا ح تشيلو الكاس يعني بعد هروبكم الفضيحة دا !
تعرف يا جمال الفرق بينا وبينكم في النقاط بقى كم ؟؟؟ بتكونو حاسبنها كويس ولو ما عارفين ح نوريك .. الفرق الان 13 نقطة بالتمام والكمال .. السيد الهلال عندو من النقاط 84 نقطة )خدمة يمين وعرق جبين( زايد 3 نقاط هروبكم الكبير يعني الهلال الان عندو 87 نقطة .. وانتو قبل عملية الهروب الكبير عندكم 77 نقطة .. نخصم منها 3 نقاط عقابا ليكم عشان تاني ما تهربوا يبقى عندكم 74 نقطة يعني الهلال بطلا للدوري الممتاز للمرة 13 .. وفارق النقاط 13 والله عظمة يا هلال ..!
اخيرا اخيرا ..!
هسي ما وريتونا لاعبين كاس السودان ولا برضو منسحبين ؟؟ كاس السودان دا لحدي الان مافيهو اي شكوى ولا فيهو طلب فحص .. يعني ما عندكم سبب .. رغم انو في هروبكم ليلة الثلاثاء برضو مافي سبب مقنع .. من هسي ورونا عشان نعرف وعشان نطلب من فوزي يقول ليكم تصريح علي شاكلة )دايرين انطنه ولا حريق( اختارو برااااكم العايزنو فوزي موافق عليهو .. بس لازم نعرف من بدري عشان ما تكون في اي خرخرة منكم وبرضو عشان نعرف نعد فريقنا بشكل كويس وعشان برضو تاني ما تجنونا بانو كاس السودان دا حقكم .. فوزي حالف يمين انو يشيلو واذا قال فوزي فصدقوه … امبارح قال حدو مع التدريب نهائي الكاس … يعني فوزي اصطحب معاهو تصريحه الاشهر )انطنه ولا حريق( فوزي قاااعد بس انتو ورونا منسحبين ولا ح تلعبوا لانو في حاجات معينة بعملا فوزي قبل المباراة بي اسبوعين كدا عشان كدا لازم نعرف من بدري !
الغريبة ناس المريخ )لجنة بص الوالي( ما عارفين عايزين شنو لحدي هسي .. فحص ورفضوه .. الهلال بطلا للممتاز للمرة 13 .. وبفارق 13 نقطة )الرقم الشوم( عارفنو ولا دا برضو ما عارفنو الهلال افضل دفاع … افضل وسط .. وافضل فريق اها قولو دي ما عارفنها .. لو ما عارفنها اعملو طلب فحص جديد وودوهو لي لجنة الاستئنافات وح نكلم لجنة الاستئنافات تتماطل في الرد عليكم لحدي يوم المباراة وبرضو تعالو اهربو علي الاقل عشان يكون عندكم سبب وجيه انكم ما عارفين انو الهلال افضل منكم في اي حاجة!
اخيرا جدا ..!
لكن بيني وبينكم لجنة )بص الوالي( عندها حق لا عندها الف حق .. معقول صلاح نمر ومصعب عمر ضد سادومبا وشيبولا وكاريكا ومن وراء جاي بشه ونزار حامد .. بيني وبينكم لو كنت في محلهم كان اعلنت الانسحاب من زمان .. لاعبين زي ديل والله ناس صلاح نمر ما بقدرو عليهم والمصيبة برضو في غياب جمال سالم الاحتياطي في منتخب بلاده وعامل فيها لي ناس المريخ ولا )بوفون( .. اها قولو ما بتعرفو )بوفون(.. لو ما بتعرفو بوفون طلب فحصكم دا طواااالي تودوهو لوزان لانو ناس لجنة الاستئنافات دا ما تخصصهم .. تخصصهم لحدي شيبوب وبس !
اقول ليكم ما ح نخليكم .. لحدي ما تطلعوا لي جماهيركم المسكينة دي بي كذبة جديد علي شاكلة )فحص( وكدا … بس خلو روحكم رياضية !
اقول ليكم حاجة اخيرة … اذهبوا فانتم الطلقاء

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى