تابعونا عبر فيس بوك

قوقل ‏+‏ ‏
Use the English Language

دق الدلجة - محمد عبد الماجد - كان تمسكوا قوي في "طلب الفحص"

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25102016

مُساهمة 

دق الدلجة - محمد عبد الماجد - كان تمسكوا قوي في "طلب الفحص"




• من رأسي :
• قالوا ليك مجلس المريخ )بص الوالي( قرر تاني يقدم )طلب فحص( – بس المرة دي ما في )شيبوب( – المرة دي في )السماني الصاوي( لاعب هلال الابيض – قالوا ماشي الهلال.
• من كراسي :
• )وحدي أعيش على بؤس ومعرفة واكتب الشعر ألوانا من الوجع.. وما ندمت على ضوء ظفرت به صبرا أنيسا ونجما غير منتزع(.
• محمد المهدي المجذوب
• جيب ليك )علبة ساردين( لو عاوز تفتحها دق تلاتة سبعات.
• العالم اطور.
• جيب ليك )بطيخة( – لو عاوز تعرفها حلوة ام لا – ارسل رسالة فاضية للرقم 345.
• العالم اتقدم.
• جيب ليك فريق – لو عاوز تسحبو قدم ليك )طلب فحص(.
• مالو )الصباح( دا – الليلة متقولب لي زي قالب الحلو.
• مالو )العدس( دا – الليلة طعمو باقى لي سمك سمك.
• وانا لا عندي قدرة للسمك..ولا عندي استطاعة ليه.
• طيب قول انا احساسي زايد شوية ..فلت – الكديسة دي مالها حايمة تحتي؟…عمرها ما عملتها مع )العدس(.
• مالو الشاي السادة دا لبنو متقنن لي كدا – وهو )احمر(.
• وصوت الباب من فرحتي – باقى لي زي صوت وردي.
• بتحصل.
• مرات بتكون في لخبطة كدا.
• فتحت التلاجة – عاوز اطلع جركانة الموية – طلعت )شاحن الموبايل(.
• المشكلة ما في اني لم اطلع )جركانة الموية( – المشكلة ..)شاحن الموبايل( الدخلو )التلاجة( شنو؟.
• الظاهر اني تقلت شوية في )التبلدي(.
• قالوا ليك ناس المريخ تقدموا بطلب فحص لمشروب )التبلدي(.
• قالوا فيه حاجة.
• واتتضح بعد الفحص ان مشروب )التبلدي( فيه شوية )شربوت(.
• عشان كدا كورة جمال سالم طلعت برة.
• وكورة بكري المدينة.
• ومحمد الرشيد.
• وكوفي.
• وابرهيم جعفر.
• الجماعة ديل تقلوا شوية في )التبلدي(.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• و)درررروري ضروري( تجونا في الاجازة الكبيرة!!.
• قلت افتح المروحة في )5( واقعد اكتب.
• وانا وقت افتح المروحة في )5( ما في حاجة بتثبتني.
• ما في حاجة بتوقفني.
• ما بتلفت.
• ولا بجيب سيرة )المريخ(.
• ولا بشتغل بيه.
• دقتنا ليك مطرة.
• حاجة ما تتخيلوها.
• الموية وصلت النخرة.
• فقدنا في المطرة دي )21( نفر.
• وقعن لينا )51( صالون – غير الحيشان الواقفة ساكت.
• المشكلة ما كانت في فقدنا لـ )21( نفر.
• ولا في الصوالين الـ )51( الوقعت.
• ولا في الحيشان الما عندها موضوع.
• ولا في الموية الوصلت )النخرة(.
• المشكلة كانت اصلا ما في )مطرة( صبت…ولا في نقطة نزلت.
• طيب )الموية( الوصلها النخرة شنو؟.
• الصوالين الوقعها شنو؟.
• معقولة )الاحساس( بالمطرة ممكن يعمل الحاجات دي كلها.
• معقولة )التبلدي( بيعمل كدا.
• طيب )الشربوت( بيعمل شنو؟.
• على العموم )صوالينا( دي ما بعيدة عليها.
• سيرة المطرة ساكت بتجيب اخرها.
• بس محيرني )الموية( وصلت النخرة كيف؟..ومواسيرنااليوم كلو قاطعة.
• ما بعيدة.
• مرة ضبحنا لينا )تور(.
• 15 نفر نسلخ في التور.
• ضبحنا التور ..وسلخناه.
• وقطعنا اللحمة.
• وكسرنا العضام.
• وشدينا )اللحمة( في الحلل.
• وقت بقينا على الاكل – اكتشفنا ان )التور( – جوز حمام بعيد عنكم، ما اكتر من كدا.
• اكشفنا في النهاية ان كنا بننفخ ساكت في )جوز الحمام(.
• تقلنا الاعلام.
• ورفعنا )الدعاية(.
• هسع عليكم الله في داعي )15( نفر ، طول وعرض يقعدوا ليك في )جوز حمام(.
• وكمان بنسلخ فيه.
• والله عدم موضوع بس.
• زي اعلام المريخ ..بنفخ ليك في المريخ ..لمن الفرق بين الهلال والمريخ في الممتاز بقى )1( نقطة.
• والمريخ طار من دور الاربعة في كاس السودان.
• 28 عضو ..وتتطيرو من دور الاربعة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• و)درررروري ضروري( تجونا في الاجازة الكبيرة!!.
• وقت دا دفاعكم – اصلو ما في زول كان بلومكم.
• نحن غلطانين.
• افحصوا على كيفكم.
• وقت دا صلاحكم – )صلاح نمر( …كان تقدموا تاني )طلب فحص(.
• صلاح نمر دا لا بيلعبوا بيه ولا حاجة.
• بالله يتلفت متل الساعة تلاتة إلّا ربع.
• زول بتلقاه واقف مافي.
• لو فكيت ليه )جنيه( بتجهجهو.
• كان تقولوا ما بنلعب.
• ما في زول بيسألكم.
• ما في زول بقول ليكم شيء.
• نحن لو فريقنا زي فريقكم دا ..برضو كنا ما بنلعب.
• ولا بنجامل بيه.
• وكان موضوع )طلب الفحص( وصلنا بيه )الفيفا(.
• كان تمسكوا في )طلب الفحص(.
• احسن ليكم – تقولوا المريخ عندو قضية.
• والاتحاد بيستهدف المريخ.
• ولن نسكت بعد ذلك.
• والمجلس في حالة انعقاد مستمر.
• كان تتمسكوا بي موقفكم ..وقت ما عندكم فريق.
• كمان )موقف( ما يكون عندكم.
• إلّا يحسموا لينا )طلب الفحص(.
• دا ما )صلاح( يلعبوا بيه.
• مصعب عمر متل كسرة الفتريتة.
• نحن ساكت كنا ضاغطين عليكم.
• نحن ساكت كنا ما مقدرين ظروفكم.
• دا ما فريق يلعبوا بيه.
• دا ما فريق يغامروا بيه.
• دا ما فريق يجازفوا بيه.
• بخيت خميس.
• ابراهومة.
• وضفر وصلاح نمر في الدفاع.
• ديل في )مناسبة( ما بخلوهم يركبوا )الكشافات(.
• الموية ما بمسكوها ليهم.
• دفاعكم زي )محل تحويل الرصيد(.
• معقولة بطولة تنسحبوا فيها من امام الهلال.
• وبطولة تتطيروا منها من دور الاربعة امام هلال الابيض.
• انتوا عندكم عقدة من الهلال.
• عندكم مشكلة في الهلال.
• خليتوا شنو لي )النيل الحصاحيصا(.
• النيل الحصاحيصا قالوا نزل التانية.
• وشكلكم كدا ح تحصلوه.
• ما بعدين منو.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• و)درررروري ضروري( تجونا في الاجازة الكبيرة!!.
• القرعة ظلمتكم.
• ليكم حق تعترضوا.
• لو لعبتوا قدام الاهلي شندي – صلاح ادريس كان قدر الحالة.
• والاهلي شندي كان اتهزم خمسة امام المريخ – عشان يرهب الهلال.
• لكن وقعتوا مع هلال الابيض.
• وناس هلال الابيض عندهم )والي( رسمي.
• والي عديل كدا.
• والي ما زي واليكم اسم ساكت.
• والي بالجد جدا.
• ما والي جرايد ساكت.
• غايتو يا ناس المريخ حتى )الوالي( عندكم )اسم( ساكت.
• شغلكم كلو بقى جرايد.
• ما عندكم حاجة حقيقية.
• جمال الوالي ما والي.
• صلاح نمر ما نمر.
• عمر بخيت ..ما بخيت.
• بكري المدينة ..ما مدني.
• محمد الرشيد ..ما رشيد.
• رمضان عجب في محرم.
• …………….
o و
• مشطايب المريخ ارتفعوا الى )21( لاعب.
• وقالوا ح يتموهم بي مزمل ابوالقاسم والفريق طارق.
• الفريق طارق تصريحاته تصريحات صول.
• للامانة كدا.
• الحمدلله يوم الخميس ارتحنا من حكاية )طلب الفحص(.
• وما بنلعب.
• دا ما فريق يمشوا بيه مدني.
• جمال الوالي قالوا قرر يحفز كوفي وبكري المدينة وابراهيم جعفر ومحمد الرشيد وجمال سالم على اضاعتهم للضربات الترجيحية.
• الله مرقكم.
• الله شافكم من السبعة.
• بكري المدينة اللكمة التى وجهها لفريد لو وجهها للكورة كان سجل من ضربتو الترجيحية.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• و)درررروري ضروري( تجونا في الاجازة الكبيرة!!.
• …………….
• السيدة )ل( – المطرة الشغالة في العمود دا ما تشتغلي بيها كتير.
• وقرّط على كدا.



ـــــــــــــــــــــــ


.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى