الي ان نلتقي قسم - خالد مفاجأة - اكتوبر الانتخابية ..!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

26102016

مُساهمة 

الي ان نلتقي قسم - خالد مفاجأة - اكتوبر الانتخابية ..!




مفاجأة اكتوبر الانتخابية ..!
في الولايات المتحدة الامريكية تعد مفاجأة أكتوبر حدثا مهما ينتظره الجميع قبل الانتخابات الامريكية التي تنعقد في اول يوم ثلاثاء من شهر نوفمبر ، وهي عبارة عن حدث مهم يقع قبل الانتخابات وينطوي علي على قيمة صادمة بما يكفي لاستمالة الناخبين في الانتخابات القريبة. وعندما يكون مخططًا لها، فإن مفاجأة الانتخابات قد تكون عملاً من أعمال الدعاية. وعادة ما تصنف بمفاجأة الانتخابات أو فضيحة الانتخابات!
فالقيمة الصادمة بالطبع بالنسبة لجماهير واعلام ومجلس المريخ هو خروج الفريق من نصف نهائي كاس السودان علي يد فرقة هلال شيكان التي ابلت بلاء حسنا وحققت ما فشل فيه المريخ !
وفي اعتقادي ان مجلس المريخ مع اعلامه )السالب( هم السبب الرئيس في خروج الاحمر وفشله في التاهل للنهائي لان المجلس برمته ادخل اللاعبين في اجواء )انهزامية ( قبل مباراة الفريق امام الاهلي شندي فالمجلس المتواجد بالخرطوم قرر الانسحاب صراحة لكن استعاض عن كلمة انسحاب بكلمة )رفض اداء مباراة( اما المجلس الحقيقي المتواجد بالسعودية فكان له رائ اخر .. مجلس المريخ بالسعودية قرر ان يؤدي الفريق مباراتيه امام الاهلي والهلال علي التوالي فما كان من المجلس المتواجد بالخرطوم الا وان انصاع لقرار مجلس السعودية !
بأمر مجلس السعودية خاض الاحمر مباراة اهلي شندي وكسبها واحتفل )بالوصافة( مع الجماهير وعندما دنت ساعة نزال اصحاب السعادة تحجج المجلس الاحمر )بالفحص( وبدأت الجرسة الحمراء من خلال الاجتماع التقليدي ظهر يوم المباراة ويتسـآل مندوب الاحمر )هل هناك تتوييج لاصحاب السعادة ( لم يجد الاجابة فحزم اوراقه وغادر ولم يقل ان فريقه منسحب .. ناس لجنة الاستئنافات شعروا ان الاحمر )خائف .. مرتعب( من مواجهة اصحاب السعادة .. قالو نقطع ليهم حليتهم ادوهم رد طلب الفحص .. اها وين المشكلة تاني ..!
حضر اصحاب السعادة للملعب للاحتفال مرة لهزيمة الاحمر .. وثانيا لتتوييجهم بلقب الممتاز للمرة الثالثة عشر .. وحضرت جماهير المريخ وهي تحمل اللافتات )احلامكم جزء من ماضينا( ولا ادري ماهية الاحلام التي يقصدها من خط تلك العبارة .. ان كان يقصد ببالاحلام بطولة الممتاز فاصحاب السعادة ولله الحمد شبعوا بطولات )13 بطولة( من اصل )19 بطولة( وفي بطولة ناس لجنة سمير ادوها للاحمر دي ما قاعدين نحسبها .. طيب وين الاحلام هسي ؟؟
اما ان كان من خط تلك اللافتة يقصد دوري الابطال فالهلال يعد هو الفريق السوداني الوحيد الذي ظل دائم التواجد في مراحلها المتقدمة .. ليس هذا فحسب فسجلات بطولة الابطال تؤكد ان اصحاب السعادة تشرفوا بالتواجد في النهائي مرتان كاول فريق سوداني يصل الي هذه المرحلة وبالتالي فالافتة المكتوبة لا تساوى ثمن الحبر الذي كتبت به لكن مصيبة كل اهل المريخ المكابرة والسعي للتضليل حتي باتت جماهيرهم تصدق ما يكتب في الاعلام للاسف الشديد !
قبل المباراة كانوا يتحدثون عن بطولة كاس السودان .. وعن افضليتهم .. وعن قدرتهم الكبيرة في الاحتفاظ باللقب الذي منحهم له السيد الهلال بامر مجلسه بعد ان اعلن انسحابه صراحة )يعني ما تخفى حول الكلمات( لكن اصحاب السعادة )اولادنا في الابيض( لم يقصروا ووضعوا الاحمر في مكانه الصحيح وفازو عليه بجدارة واستحقاق ضاربين موعدا مع )اصحاب السعادة الكبار( في مدني .. ويا شباب مدني يلا لي مدني ..!
اخيرا اخيرا ..!
رائكم شنو اصحاب السعاد يعلنوا الانسحاب من النهائي .. ويقوم الاتحاد السوداني باختيار هلال الابيض والاهلي شندي للعب في نهائي بطولة السودان واي فريق منهم يفوز بالبطولة والله بسعدنا جدا لان الفريقين اولادنا .. الاول يحمل اسمنا .. والثاني راعيه كان رئيسنا يعني لو فاز الهلال الابيض بالبطولة ح نكون فرحانين شديد .. ولو فاز بيها الاهلي برضو ح نكون فرحانين شديد .. المهم لا مكان للونين الاحمر والاصفر في النهائي كلو ازرق وابيض .. وما اجملهما من الوان !
واحد هلالابي جميل جدا رسل لي رساله بتقول) يا استاذ مش حرام عليكم دا شنو البسوى فيه الهلال دا .. رديت ليهو لقت ليهو قصدك هلال السودان .. قال لي لا هلال شيكان .. قلت ليهو مالهم عملو شنو الاولاد ديل .. قال لي ولا حاجة بس وروهم )منو الطفا النور ( !
بيني وبينكم منو الطفا النور هل هي لجنة الاستئنافات ؟ ام هو الاتحاد .. ام بص الوالى ؟ ام هو الاعلام السالب ؟ ام هم اصحاب السعادة ؟؟ ترسل الاجابات الي )الابيض( محافظة )شيكان( ص.ب 3/2
اخيرا جدا ..!
تحول الاعلام الاحرم السالب الي دور المصلح فبعد ان كانوا يتحدثون امس الاول عن قدرة الكريخ الكبيرة في الفوز والاحتفاظ باللقب جاءت اعمدتهم بالامس اما تحمل هجوما علي جبره .. او هجوما عهلي اللاعبين .. بس )بص الوالي ( ما بقدورو يقولو فيهو ولا كلمة عارفين ليه .. لان البص يقوده الوالي ؟؟؟
اذهبوا فانتم الطلقاء



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى