قوقل ‏+‏ ‏
Use the English Language

دق الدلجة – محمد عبد الماجد – بعيدوها ليكم!!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

دق الدلجة – محمد عبد الماجد – بعيدوها ليكم!!

مُساهمة من طرف Admin في الأربعاء 26 أكتوبر 2016 - 15:59

من رأسي :
مريخابي عندو ود عمتو وبنت جدو واتنين من اصحابو ماتوا في حادث حركة..المريخابي سرقو منو موبايلي – وفوق دا كلو وقعت فيه )حيطة( ، ونضارتو اتكسرت.
المريخابي قال لو مشيت حكيت ظروفي دي للجنة الاستئنافات ما بعيدوا لينا مباراة هلال التبلدي في الكاس.
من كراسي :
وما قيمة الانسان اذا لم لم يبعث به الغرور فيخيل إليه انه قادر على كل شيء ، وأن من حقه بل من الحق عليه ان يحاول كل شيء.
طه حسين
*.)عمر كوارع( – زول في الحساب عمنا – لكن باللفة ، المهم هو )عم الجميع( اي زول في الحلة بقول ليه يا عم عمر.
*.اسم )كوارع( ما عارف جابو من وين؟..لكن في ناس بقولوا عندو جدو )روسي(.
*.طيب علاقة الروس بالكوارع شنو؟.
*.ما عارف والله العظيم.
*.ما تسألوني.
*.البلد دي بقيت ما عارف فيها اي شيء.
*.عمر كوارع – كان زول صعب ، ما بتفاهم – المريخ دا بيضارب فيه.
*.الكلمة والتانية ..بيجيك )طشت( طاير.
*.ما بتفاهم.
*.الزول دا مباري المريخ منذ سيدة عبدالمسيح.
*.عمنا عمر كوارع كسر ايدو )18( مرة في مباريات المريخ.
*.9 في الدوري المحلي.
*.و9 في البطولات الافريقية.
*.زول مخلص اخلاص عجيب للمريخ.
*.وغير كدا عم عمر كوارع كان زول كبير في السن – عشان كدا ما كنا بنحب نقعد نتغالط معاهو.
*.حضر سيدة عبدالمسيح يعني ح يكون خريج جامعي!!.
*.اي حاجة يقولها لينا قاعدين نمررها.
*.بنفوتها ليه.
*.خاصة ان الاطباء حذرونا.
*.قالوا لينا الزول دا ما بيستحمل – اي حاجة يقولها ليكم في المريخ – مرروها ليه.
*.صحتو ما بتستحمل.
*.ناس صلاح نمر ديل بقوموا يكتلوا ليكم.
*.عامل ليه )12( عملية في قلبو.
*.قلبو من العمليات الكتيرة بقى زي )بيت الضبع(.
*.عشان كدا ما كنا قاعدين نسألو.
*.بنمرر ليه حاجاتو.
*.ونكتلها في قلبنا.
*.يقول لينا المريخ سنة 2007 وصل نهائي الاندية الافريقية للابطال.
*.ولا قاعدين نقول ليه شيء.
*.رغم اننا عارفين المريخ سنة 2007 طلع من )التمهيدي(.
*.من دور الـ )64(.
*.لكن نقول ليه شنو؟.
*.الزول دا صحتو ما بتستحمل ليها غلاط.
*.قال لينا هيثم مصطفى لعب )17( سنة في المريخ ..وسنة واحدة في الهلال.
*.قلنا ليه كلامك صاح.
*.اصلو ما غلط.
*.عمك عمر كوارع شغال معانا بالطريقة دي.
*.ونحن ما قادرين نقول ليه شيء.
*.الدكاترة حذرونا.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.اها مباراة هلال الابيض والمريخ قلت امشي احضرها معاهم.
*.كنت فاكر المباراة مضمونة للمريخ.
*.قلت المباراة دي ما محتاجة ليها غلاط.
*.بعدين بي صراحة ناس عم عمر كوارع ديل عندهم شاي بي لبن ، حاجة ما بتخلص.
*.انا احسن حاجة امشي اتونس معاهم واحضر المباراة واشوف عمك عمر كوارع اخبارو شنو؟.
*.مشيت ليهم في البيت.
*.لقيت ليك عمك عمر كوارع قاعد قدام…اول ما دخلت عليهم ..قال لي تعال الليلة شوف اولادكم ديل بنديهم تسعة.
*.التسعة حرقتنا.
*.تدوهم تسعة بي ناس صلاح نمر ومصعب عمر.
*.لكن ما قلت شيء.
*.الاطباء حذرونا.
*.قعدت ليك قدام – مع عمكم عمر كوارع.
*.عمر كوارع كان بحكم السن ما بشوف كويس.
*.كان كل ما صلاح نمر يمسك الكورة بقول لي الولد دا منو؟.
*.بقول ليه دا صلاح نمر يا حاج.
*.عمر كوارع حسب تصريجات )صلاح نمر( كان بيسألني ويقول لي وبيلعب وين الولد دا؟.
*.بقول ليه بيلعب في المريخ.
*.عمك يسكت ..ويقطعها في قلبو ..ويقول لي بعد مسافة ..زول قوي لكن؟.
*.شوف الزول دا نصيح كيف؟.
*.الكورة تلف وتاني تجي لي صلاح نمر.
*.وعمكم تاني يسألني ويقول لي دا منو؟.
*.بقول ليه دا صلاح نمر يا حاج.
*.يقول لي والله ما شايف لي اي )نمر(.
*.برجع يقول لي وصلاح نمر دا بيلعب وين؟.
*.بقول ليه بيلعب في المريخ.
*.بيرجع يهمهم براهو كدا ويقول في نفسو والله كنت فاكرو رأس الحربة بتاع هلال الابيض.
*.عمك وقت يستدرك ..برجع يقول لكن زول قوي والله.
*.شوف نصاحة الزول دا.
*.انا طبعا حسب تحذيرات الدكاترة ما قاعد اقول ليه اي شيء في صلاح نمر.
*.قاعد ابلع كلامه متل )الشاي المر وتقيل(.
*.خايف على صحتو.
*.الشوط الاول وقت انتهي من المباراة – عمك دخلتو خوفو شوية كدا ..اتلفت وعاين لي وقال لي نحن الجماعة ديل بنديهم ستة.
*.كنت عاوز اقول ليه انت ما قلت تسعة..لكن خفت يقوم يروح فيها.
*.المهم جابو لينا الشاي ابولبن بين الشوطين ..قطعناه ليك.
*.معاه )رغيفات( حارات – الله يسألني.
*.قطمناهن مع الشاي.
*.الشوط التاني بدأ – عمك بدأ يتململ.
*.ودقات قلبو ارتفعت ..لمن خفت عليه.
*.قلت ليه رمضان عجب بجيب ليه قون.
*.سكت ما قال حاجة.
*.في الساعة دي ..بكري المدينة انفرد بالمرمى ..الكورة دقت في ساقو وطلعت برة.
*.عمك عاين لي ..عاوزني اقول اي حاجة – عشان يموت لي.
*.قلت ليه بكري المدينة كان بعيد من اللعب.
*.زول واقف )4( شهور – والله كتر خيرو انو وصل لغاية المرمى.
*.عمك بلع كلامي ..لكن ما قبلها من بكري المدينة.
*.ظاهر.
*.نص الشوط التاني ..عمك الكورة في نص الملعب ..قال لي دي ضربة جزاء ..شوف الحكم صرفها لينا.
*.قلت ليه واضحة شديد.
*.الدكاترة محذرننا.
*.شوية كدا بكري المدينة رفس ليك فريد زي الحصان – قدام الحكم.
*.بينو وبين الحكم متر.
*.الحكم يكون خاف على نفسو.
*.عمكم عمر كوارع اتلفت لي وقال لي بالله شوف الحكم دا.
*.انا افتكرت عمك بقى حقاني..قبل ما اعلق ليه ..قال لي مفروض يطرد فريد ويوسف ابوستة.
*.كنت عاوز اقول ليه يوسف ابوستة ذنبو شنو؟..اتذكرت كلام الدكاترة – والشاي ابواللبن ..الشربتو هسع دي.
*.بكري المدينة في اخر دقيقة شات ليه كورة في المرمى.
*.عمك اتلفت علي وقال لي الكورة دي قون.
*.عاوز اقوم فيه…واقول ليه انت الكورة البتدخل عديل في المرمي ما قاعد تشوفها…عاوز تشوف دي.
*.رجعت قلت ليه ..ظاهرة – والله جابو ليكم حكم )الكورة( لو قعدت جوة في المرمى 6 شهور ما بحسبها ليكم.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.المباراة انتهت.
*.والضربات التريجيحة بدأت.
*.عمك قعد يعاين لي قال لي اها الضربات دي كيف؟.
*.قلت ليه …جمال سالم ممتاز في صد الضربات التريجيحة ..بعدين ناس هلال الابيض ما عندهم خبرات…خايف يموت لي,
*.اول ضربة كوفي ضيعها.
*.عمك قال لي اها كيف؟.
*.قلت ليه البيضيع اول ..دائما بيكسب الضربات الترجيحية.
*.ناس هلال الابيض جابو الاولى.
*.بكري المدينة ضيع التانية..
*.عمك قال لي اها كيف؟.
*.قلت ليه اصبر..ما تشيل هم.
*.ناس هلال الابيض جابو الضربة التانية.
*.ناس المريخ جابو التلاتة.
*.الرابعة.
*.قلت لي عمك ما قلت ليك.
*.ناس هلال الابيض ضيعو التالتة والرابعة.
*.محمد الرشيد ضيعها.
*.قلت ليه ولا يهمك..
*.ابراهيم جعفر ضيعها..
*.قلت ليه ما مشكلة…
*.جمال سالم لعبها برة …
*.عمك حمبك لي…
*.قلت انا الزول دا اتصرف معاه كيف؟.
*.كمان يقوم يموت لي..
*.السماني الصاوي نفذ الاخيرة وسجل منها والمريخ طار.
*.الموضوع حرقني..قلت والله بعد كدا عمك دا انا ما بسكت ليه.
*.يعني عاوزني اسكت بي شاي بي لبن.
*.قلت ليه تطيروا من كاس السودان ومن دور الاربعة كمان..ومجلسكم فيه 28 عضو..
*.عمك وقع لي في الواطة…بقى يفرفر براهو.
*.قلت احسن اكمل كلامي – ساكت ليه )90( دقيقة..قلت ليه عملتوها لينا كلها شكاوي وشركة صينية ..ما شفنا ليكم )طوبة(.
*.عمك حالتو بقت خطيرة ..بقي يتنفس بي صعوبة..
*.قلت اكمل..
*.قلت ليه والله تبارو لي جمال الوالي دا تلحقو النيل الحصاحيصا.
*.وصلاح نمر ما عندو علاقة بالكورة.
*.عمك شهق…ولدو جاء داخل ..قال لي عملت ليه شنو؟.
*.قلت ليه اعمل ليه شنو كمان؟ – ديل ناس صلاح نمر وابراهيم جعفر ..عاوزين يكتلو ابوك.
*.المهم عمكم دخل لينا في غيبوبة ..ما رفع رأسو منها إلّا وقت الدكتور )طلب فحص( شامل…
*.عمك رفع رأسو قال لينا )طلب الفحص( ان شاءالله قبلوه.
*.قلنا ليه قبلوه وح يعيدوا ليكم المباراة عشان شعر السماني الصاوي ما قانوني.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.……………..
و
*. رأيكم شنو في عمنا دا؟.
*.عليكم الله انتوا ما شايفين اني جاملتو كتير.
*.وسكت ليه.
*.عمكم هسع شايل ورقو بتاع الدكاترة وحايم في اكاديمية الاتحاد العام ، عاوز يعيدوا ليه المباراة ، مستغل ظرفو الصحية.
*.………..
*.
السيدة )ل( – لمحتك ..سمعت جدول 9 و11 و12 و7 و3 في سري.
*.
وقرّط على كدا.

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى