تحروا الهلال - شوربجي - ملك عظيم ووصيفين

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

29102016

مُساهمة 

تحروا الهلال - شوربجي - ملك عظيم ووصيفين




تحروا الهلال - شوربجي - ملك عظيم ووصيفين
-
اللهم احفظ الهلال :
فمن يجمع بين الدوري والكاس يكون عرضة للعين
ومن يجمع بطولتين هو بالتأكيد محسود
ولابد من المعوذات
ولابد من ياسين
ولابد من الصافات
ويا عين يا عنية .. يا حمراء يا ردية
ويا كافره يا نصرانية .. عرضتك اللدية
قهرناهم بالقاهر والنبى الطاهر
ومن عين الوصيف الهارب
ومن عين الوصيف الواهن
ومن عين الوصيف الخايف
اللهم احفظ الهلال من حسد الحاسدين
اللهم احفظ الجوهرة من عيون الحاقدين
اللهم احفظ شيبوب من كبسور و الشكايين
اللهم احفظ كردنه من بص الوالي والهاربين
اللهم احفظ شيبولا من حقد الحاقدين
اللهم احفظ كاريكا من ضربات المدافعين
اللهم احفظهم جميعا وقولوا آمين
فاذا كانت الجوهرة هديه لجماهير الهلال
فرئيس الهلال واركان حربه يستحقون تكريما يليق بهم
ومن لا يشكر الناس لا يشكر الله
كرموهم تحت اي مسمي
وفي كل ارض وتحت اي سماء
وليكن )الوفاء لاهل العطاء(..
فالرجل واركان حربه قدموا ما لم يقدمه الآخرون
والرجل واركان حربه اعطوا ما لم يعطه الآخرون
والموضوع كبير وفيهو ملك ووصيفين
وهاهو الهلال يجمع ما بين الدوري والكاس
وهاهي جماهير الهلال فرحة بالبطولتين
ولا نريد الا تكريما يليق باهل العطاء والوفاء
وما احلي ان يغرد جمال فرفور في التكريم ..
ومياده قمر الدين في التكريم ..
ومنار صديق في التكريم ..
وبلال موسى في التكريم ..
وجعفر السقيد في التكريم ..
ومهاب عثمان في التكريم ...
وابراهيم الشاطئ في التكريم ..
وما احلي ان نشف آذاننا بكلمات المبدعه سوهندا عبد الوهاب ...
وما احلي ان يبدعنا ود البشرى
وكلهم سيغنون للملك وفي معيته الوصيفين
افرحوا اهل الهلال فقد جاءكم الفرح كله
ولم لا فكل امانينا ان يفرح اهل الهلال
ونرجو ان تتفاعل كل القنوات الفضائيه بهذه الاحتفاليه
اوقفوا البث الرسمي
مادايرين نشرات اخبار
ما دايرين فلسفات حسن خوجلي
ما دايرين نشوف حوارات شهد المهندس
ما دايرين الشروق مرت من هنا ومحمد موسي
ما دايرين برنامج اغاني اغاني وضحكات السر قدور
ما دايرين رضا وسيحه والبلنتات التي ضاعت للمريخ
فانتم في حضرة الملك وحوله الوصيفين
لا نريد اصابع الحقد الحمراء تعكر الاحتفاليه
نريد حضورا علي اعلي المستويات
واكيد هي فرحة مستحقه لموسم حافل بالذل والعطاء
وهي بالتأكيد تباشير لفرحه كبري بالاميرة السمراء
فأهنأ ايها الملك السعيد ذو الرأي الرشيد ففي معيتك وصيفين
والف مبروك كل الاهله في مشارق الارض ومغاربها
دعونا نفرح وقد تسيدنا البلاد طولا وعرضا
افرحي جماهير الهلال الوفيه بكل الرياده
وافرحي جماهير الهلال الوفيه بكل السياده
افرحي روابط الهلال اسما اسما
فكلكم عاشق للهلال
وكلكم متيم بالهلال
وكلكم محب للهلال
افرحوا كما يجب ان يكون ودعوا الحزن للآخرين
دعوهم يشقون الجيوب و يلطمون الخدود
دعوهم يبكون ويولولون ويهضربون ويهزون
دعوهم يسخرون ففي دواخلهم يتحسرون
دعوهم يضحكون ففي دواخلهم يبكون
دعوهم يخدعون جماهيرهم بوعودهم الكاذبه
دعوهم يسجلون انتصارات وهميه في التسجيلات كما في السابق
دعوهم مع الصاوي وجكسا المصاب وميسي ورونلدو
واهنأ ايها الملك السعيد ففي معيتك وصيفين
دعونا نفرح فمن حقنا ان نفرح
دعونا نكرم قائد الركب واركان حربه كما يجب ان يكرمون
هذا هو حبنا للهلال ورؤساء الهلال
وسنبقي مع الهلال منتصرا او مهزوما
هذا عهدنا بالهلال فاشهدوا
واهنأ ايها الملك السعيد ذو الرأي الرشيد ففي معيتك وصيفين
وصيف باليمين
ووصيف بالشمال
ووصيف للكاس
ووصيف للدوري
ووصيف من الابيض
ووصيف من امدرمان
ووصيف تبلدي
ووصيف دلقوني
وتتويج في الخرطوم
وتتويج في مدني
ودهب في الخرطوم
ودهب في مدني
ونيل ازرق و اس ٢٤ في الخرطوم
وملاعب في مدني
وسهرة رهيبه في الخرطوم
وسهرة جميله في مدني
والمجموع ملك ووصيفين
ويا ملك عايزنك ديمه تكون ملك
ملك عظيم يا زول
عايزين ديمه نشوف الملك
ده سور العالي المنشبك
يحمينا يا زول
حراسو بتمسك ما بتفك
بالموت دايرين نشوف الملك
لو جيت بعيد سور الملك
ده عبيرو بجيك فايح المسك
احذر حبو لا تنشبك
ده كتير الحباهو وهلك وما بهموا
الما قادرين يصلو الملك
قالوا الأمير زي الملك
ده كذب يا زول
كيفن أمير يعادل ملك
ده بعد الهلال من المسك
بكتير يا زول
لو شفتو مره بترتبك
انوار جلالو حرس ملك
تشيلك ي زول عفه وبراءة
وطيب خصال ودلال وجمال ملك
محمد حسن شوربجي



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى