دق الدلجة – محمد عبد الماجد – لو عاوز ليك )سواق بص( يتسجل في المريخ قول الهلال عاوزو

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

31102016

مُساهمة 

دق الدلجة – محمد عبد الماجد – لو عاوز ليك )سواق بص( يتسجل في المريخ قول الهلال عاوزو





من رأسي :
لاعب عاقل كدا وعنده موهبة اصلا ما ممكن يدخل كشوفات المريخ بارادته ، ما في لاعب بيلعب في المريخ إلّا يخطفوه.
من كراسي :
)ابتعد عن أولئك الذين يستهينون بطموحِك، الصّغار يفعلون ذلك دائمًا، لكن العظيم يجعلكَ تشعر أنّ بإمكانكَ أن تصبح عظيمًا أيضًا (.
مارك توين
*.ناس الهلال بقوا )شفوت( ومفتحين ، وعارفين اي حاجة وما في حاجة بتفوت عليهم.
*.شغلوا ليك المريخاب بـ )السماني( وحسموا ليك موضوع )ابوستة(.
*.خطة خطيرة.
*.عملية كبيرة.
*.في الهلال شغالين ليك بي نظرية ـ لو عاوز تسجل من الخرطوم محمد آدم فاوض حمزة داؤود.
*.ولو عاوز تسجل من الاهلي شندي والي الدين خضر ، فاوض خطاب.
*.ناس المريخ بغشوهم كدا.
*.الهلال وقت جاب من مريخ كوستي رمضان كابو ، عارفين كان بفاوض في منو؟.
*.كان بفاوض في الوك!!.
*.معلمة لكن.
*.عارفين الهلال لمن جاب من الامل عطبرة اللاعب الفلتة نزار حامد ، المريخ جاب من الامل منو؟.
*.مجدى ام بدة.
*.هسع المريخ جاب من هلال التبلدي السماني ..والهلال ح يجيب ان شاءالله ابوستة.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.حكاية السماني ..واضحة ومشكوفة والسيناريو مكتوب بي عناية فايقة.
*.والاخراج عالي.
*.خطف ووصل.
*.وفرحة خداعة.
*.مسلسل السماني بدأ بنشر تصريحات واخبار تؤكد ان الهلال حسم موضوع لاعب هلال الابيض مطلق السراح )السماني(.
*.والسماني لاعب خطير.
*.والسماني افضل طرف شمال.
*.جرايد الهلال ومجلسه ذهب ليك ابعد من ذلك في هذا الامر وقام بنشر قيمة الصفقة.
*.عليكم الله ، هسع في لاعب اتسجل في الهلال نشروا ليكم سعرو ، او المقابل المادي الذي حصل عليه اللاعب.
*.ناس الهلال لم يكتفوا بالقيمة ، بل نشروا ليك صور اللاعب مع حسن علي صالح ، عندما سجل السماني الضربة الترجيحية الاخيرة لهلال التبلدي في المريخ في مباريات المربع الذهبي لكاس السودان..
*.الموضوع اتسبك تماما.
*.صور.
*.وخبراء يدلوا ليك بي اراءهم الفنية حول اللاعب.
*.السماني لمن صدق نفسو.
*.ابو اللاعب ذاتو صدق.
*.هو عليكم الله لاعب في هلال الابيض ما اساسي ..تدفعوا فيه )3( مليار جنيه غير البيت والعربية.
*.طيب ناس ضفر تعملوا ليهم شنو؟.
*.ناس رمضان عجب.
*.وسالمون.
*.لاعب )احتياطي( دفعوا فيه كل هذا القيمة.
*.لاعب مولف ..حركوه من الوسط عشان يلعب )باك( شمال.
*.ما كان عندو طريقة يلعب في وسط فيه ابوستة.
*.رجعوه يلعب )باك(.
*.في الحلة وقت يقسموها ..اكتر واحد )كيشه( بقولوا ليه انت تمشي تلعب وراء.
*.تلعب باك.
*.لكن السماني حتى في )الباك( ما نجح.
*.اسألوا ابراهومة المدير الفني للمريخ.
*.ابراهومة بقى يضع )السماني( احتياطي لـ )اورتال(.
*.يعني في خانة )الطرف الشمال( ما نفع.
*.واكبر دليل على ذلك ان مجلس المريخ بيبحث الآن عن اعارة اللاعب للفريق الذي خطفو منو اللاعب.
*.انتوا خطفتوه عشان تعيروه.
*.دافعين فيه )3( مليار جنيه وعربية وبيت ..عشان ترجعوه لفريقه السابق )اعارة(.
*.الكلام دا كان ممكن يحصل بدون )3( مليار.
*.بدون عربية.
*.وبيت.
*.وخطف.
*.بعدين انتوا خاطفنو الساعة واحدة صباحا – عشان يتصور معاه )رمرم(.
*.والله الزول دا لو خطفتوه في وضح النهار ما في زول بيسألكم.
*.الهلال دردقكم لي خطف السماني.
*.عشان اول حاجة علاقة المريخ تتدهور مع هلال التبلدي ..والطريق يبقى ممهد لانتقال ابوستة للهلال.
*.يدردقوكم كدا.
*.يغشوكم بالصورة دي.
*.بعدين في الدنيا كلها ..ما في )3( مليار بدفعوه في )باك(.
*.ليه عندو دبلوم عالي في الكورات العكسية.
*.عندو دكاترة في استخلاص الكور من الخصم.
*.غايتو )السماني( دا قروشو دي عشان تحللوها ، إلّا تجيبو ابوه يشتغل في الجهاز الفني للمريخ.
*.ان شاءالله مدرب احمال.
*.كورة السماني دا تموها بي )ابوهو(.
*.هذا المبلغ الكبير بيدفعوه في )مهاجم(.
*.في صانع العاب.
*.في لعاب ارتكاز.
*.ما بدفعوه في )باك(.
*.المبلغ يمكن يدفع في لاعب انتقل من الهلال الى المريخ ، او حتى العكس.
*.لكن لاعب )باك(…ومطلق السراح ، هل يمكن ان بدفعوا فيه كل هذا المبلغ.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.تسجيل السماني في المريخ ..قدم فوائد عديدة للهلال.
*.اول هذه الفوائد كما اشرنا انه تسبب في تدهور علاقة هلال الابيض والمريخ.
*.لاعب عنده مباراة مصيرية مع الهلال يخفطوه قبل المباراة بـ )12( ساعة.
*.هذه الخطوة مهدت الطريق امام ابوستة للانتقال ان شاءالله للهلال.
*.الفائدة الاخرى التى خرج بها الهلال من هذه الصفقة ، ان اموال المريخ وارصدته كلها شالها السماني.
*.قالوا ليك غرفة المريخ هسع فيها )4( حراس مرمى ما عارفين يسجلوهم بي شنو؟.
*.رصيد المريخ نفد في )السماني(.
*.الى جانب هذه الفائدة فان القيمة العالية لتسجيل )باك( قاعد احتياطي في هلال الابيض سوف تجعل ناس بكري المدينة يتململوا في كشف المريخ.
*.خاصة ان المريخ فيه )8( لاعبين مطلقي السراح.
*.يعني ما في لاعب ممكن يعيد قيده في المريخ اقل من )3( مليار.
*.وبراكم انتوا بتتفرجوا في البعمل في سالمون في المريخ الآن.
*.وعنكبة اختفى من ناس المريخ.
*.وعلاءالدين يوسف موقوفو ما معروف.
*.بالمناسبة محمد عبدالرحمن بعد ان عمل اقرار اللعب في المريخ ، قالوا ليك المريخ منتظر نتيجة )الفحص( عشان يسجل اللاعب او يصرف النظر عنه.
*.بعد انتظار )طلب الفحص( ..هم في انتظار )نتيجة الفحص( للاصابات التى تعرض لها محمد عبدالرحمن.
*.شفتوا الناس ديل )الفحص( بعمل فيهم شنو؟.
*.حارس المريخ جمال سالم ..ما عاوز اقول ليه الهلال ما يدخل طرف في تسجيله.
*.حارس ما كعب.
*.ولو الهلال ما عاوز ليه حارس احتياطي ..افتكر صلاح ادريس مفروض يتدخل في الموضوع دا.
*.جمال سالم بنفع في الاهلي شندي.
*.لكن العلاقات بين الاهلي شندي والمريخ الايامات دي علاقات عدايل.
*.وما بعيد ..صلاح ادريس يفاجئكم ويطلق صراح والي الدين خضر للمريخ عشان يخفف ليهم احزان ابوستة.
*.اصلو ما تستبعدوا الموضوع دا من صلاح ادريس.
*.صلاح ادريس عشان جمال الوالي ممكن يعمل اي شيء.
*.ممكن يترك كلتشي.
*.ويسيب محمد عبدالرحمن.
*.وجلال ابراهيم.
*.خدمات مبالغ فيها يقدمها صلاح ادريس للمريخ في هذه التسجيلات.
*.كل التسهيلات.
*.كل الخدمات.
*.و
*.)ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
*.و)درررروري ضروري( تجونا في الاجازة الكبيرة!!.
*.…………
و
*. ناس الهلال لو عاوزين يمقلبوا المريخ بالجد يقوموا ينشروا ليهم صور سواق بص في الجرايد.
*.ويقولوا دا اخطر لاعب في التسجيلات.
*.بكرة ناس المريخ سوف يخفطوا سواق البص دا.
*.ويعملوا ليك من الموضوع )بطولة(.
*.ويقعد يغنوا ليك.
*.بص الوالي ما عندو اي علاقة بالكورة.
*.28 عضو ..علاقتهم بالمريخ )صور(.
*.……….
*.
السيدة )ل( – البلد دي الواحد لو ما بقى فيها )شاعر( ممكن يلعب في المريخ.
*.
وقرّط على كدا.



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى