نبض الصفوة - أمير عوض - كاردينال يتحدي الملل

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

06112016

مُساهمة 

نبض الصفوة - أمير عوض - كاردينال يتحدي الملل




★في كل عام يبقي دوي صفعات المريخ لخصومة مترددا بفعل الصدي حتي الموسم القادم.
★و مع ذلك.. فرئيس المدعوم يحاول أن يغير كيمياء الأشياء بإدعاء أمور و بطولات وهمية.
★عزيزي رئيس المدعوم.. صفعة العقرب هي العلامة الفارقة.. و ما دونها تخبط و هزيان.
★تسجيلك )للمشاطيب( لا يعني قوتك المالية الضاربة.. فالمريخاب يريدونها ساخنه كما حدث في تسجيل السماني.
★شيك السماني )أبو ٧٠٠مليون( هل تذكره أم تتغابي عن ذكره؟
★عملية )إنتزاع السريحة( هي ما يبرع فيه بني الأحمر.
★قلعنا السماني كده عديييل )رجالة حمراء(.. و زدنا )الطين بله( بأن منعناه من أداء مباراته الرسمية الأخيرة.
★لا نفعت )صورتك( لا شفعت )كسكتتك( و لا )شيكك( غير في الأمر شيئا.
★ما تسجل في المشاطيب و تجعجع في الفارغة ساكت.
★حدثنا حديث القادرين علي التمام.. زي كلامنا في عاطف خالد.
★عاطف الرسلت خطاب للخرطوم الوطني بتطلبوا فيهو.
★الحصل بعدها شنو؟
★ناس الوطني بلو خطابك في مويه )ساااااقعة(.. و رشو بيها زهور )الزينة( و أدونا الولد.
★دي عملية سميناها )قدم الكيشة و كعبلو(.
★)الكعبلة( بتاعتنا دي بتكون رمتك علي نخرتك و خلتك تتخيل إبراهومة المشطوب إنتصار.
★مسكين.. حالتك تحنن الكافر.. الوالي )المفلس ده( بهدلك و سجل )عشرة لعيبة( و إنت سجلت )المشاطيب(.
★قلت لي بكري بي عشرة.
★عشرة بلدي.
★عارفين عملية بكري حارة.. و كنا متخيلين انك بديت تنسي.
★لكن الظاهر انها ورم خبيث.. كل ستة شهور بتاور.
★و عشان ما تنسي أو تتناسي.
★ميدو كييييف؟
★قلت لي عايز تعاين لي ركبة سالمون.
★طيب.. ركبة ميدو كيف؟
★من هسه و بديت تنسي.
نبضات أخيرة
★صالون أسامة تحول لقاعة من قاعات الإتحاد العام.
★كسير القواعد و )التلج( ده ما بحلك من حل إتحادك.
★تسجل ليهم في الصالون.. في الصالة.. في الحوش.. برضو حتمشوا )الخور(.
★الجوهرة دي ليها سنة عبارة عن أعمدة خرسانية و شوية رمل.
★الخوف يبقي عليها قصة )الضل الوقف ما زاد(.
★أكتر من عشرين تأريخ إتحددوا لإفتتاحها و مضوا في سلام.
★المدعوماب ناوين يشطبوا )بشة( و ما قادرين.
★خايفين عليهو من العين.
★بشة سيبقي في كشف المدعوم رغم أنف الكارهين و الكارهات.
★عضم التيم ما زال موجودا.. )جمال - امير - علاء - مصعب - عمر - ضفر - عجب - بكري(.. هؤلاء اللاعبين من مريخ ٢٠١٥.
★الإضافات القادمة من محلين و محترفين مع الحرس القديم ستشكل فرقة الأحلام التي ننشد بحول الله.
نبضة أخيرة
شكرا جمال الوالي.

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى