في السلك - بابكر سلك - دور بينا البلد ده

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

06112016

مُساهمة 

في السلك - بابكر سلك - دور بينا البلد ده




* وتمضي عجلة علمية ومنهجية التسجيلات علي قدم وساق
* تسجيلات لم يدرك البوبار فيها سبيلا
* ولم تستطع الشوفونية الفارغه ان تجد لها مكانا بين المنطقيه والعقلانيه
* البوبار والشوفونيه شوفوا ناسها وين
* زمان كنا مرات بنتبوبر مع المتبوبرين
* يجيبوا درة الملاعب
* نجيب قنبلة الملاعب
* يجيبوا فلتة الملاعب
* نجيب نجم التسجيلات
* بوبارنا وبوبارهم ذكروني قصة الراجل المعرس مرتين
* مسكنهن لصق بعضهن
* زول بتاع مكنات وامور تلاته ورقه
* هو لو زول ثعلب ده زمن يعرس فيهو الزول مرتين !!!!
* ده زمن لو كان بجوز كلو اربعه يشاركوا مره كان يكون اخير
* المهم صاحبنا عندو مرتين
* الليله بايت في تلفزيون السودان )المرة القديمه (
* بالليل اداها سته غوايش دهب وقال ليها ما تكلمي الفقر ديك
* ديل جايبن ليك براك
* قالت ليهو سمح يا ابو جناي
* تاني يوم بايت في النيل الازرق )المره الجديده (
* اداها حلق قدر الحله
* فدو. عيار واحد وعشرين مستورد ومختوم
* وقال ليها ماتكلمي العجوزه ديك
* انا بجيب الحاجات البتليق بيك انتي وبس
* الصباح مشي شغلو
* طلع بي جاي المرة القديمه لبست الغويشات ووقفت تحت الحيطه رافعه اليد الفيها الغويشات وتدق بيها في الايد التانيه
* يا هزار عليك الله ما القي عندك فندك ادق وارجعوا ليك
* ومع ادق دي تدق باليد الفيها الغويشات علي اليد التانيه
* كشو كشو كشو
* هزار شافت الغويشات
* قالت ليها اصبري يا بتول اشوفو ليك
* وجرت جابت تربيزة طلعت فيها وبقت تهز رأسها افقيا والفدو يقومن ويقعدن
* بري ما لقيتو يا بتول
* بوبار شغل نسوان غايتو
* تسجيلات عندكم فندك بالغوايش ويخبرنا ما عندنا بالفدو دي تسجيلات بوبار ساي
* ايها الناس
* في احتفال كردنه كان عدد الكاميرات اكتر من مليشيات الكسكته
* وكانت الاضاءه ضعيفه لدرجة زول ماشي امبده انقطع جوه الاستاد افتكر انو دي لمبات الموقف
* الراجل معذور كشافات زي دي شافها في جدة في موقف المواصلات
* المهم
* جاء دور كردنه
* وكعادته رمي دراب من قلاب مابترمي بالصورة دي
* حقيقة يمتعني الرجل عندما يخاطب الناس
* يجبرك علي الابتسامه ثم يتطور الامر لضحكه ثم قرقره ثم انفجار
* والرجل صرح بانو بكري واجعو شديد لما قال الواحد مننا بي عشرة
* انت قريت وين يازول
* حسابك غلط
* بكري بي عشرين قبل رفع الدعم بتاع اول امس ده
* الليله بكون حصل التمنيه وعشرين بتاعت البنزين
* وبمناسبة البنزين دي وين بنزينه !!!
* بكري يا كردنه من ناحية واجعك واجعك شديد
* وكديس فداسي المربيهو جمال لو قصد آدم بشيلو
* آدم بتاع يا آدم جيب التمنمية
* المهم
* شخصيا استمتعت بالاحتفال
* فأنا لا يضحكني الا عادل امام واللمبي وشارلي شابلن وكردنه
* سعيد صالح مره مره
* ماطوالي زي كردنه
* المهم
* كتبت فطومه اختي ما يلي
* الجمهور قال كردنه رئيس للابد ولا مكان لمنقولي
* منقولي !!!
* عندكم )منقولاب (???
* انا زاتي قلت كده يافطومه
* الحكاية دي ما طبيعيه
* كتار يا فطومه منقولابكم ??
* انا زاتي قلت كده
* لكن اذا عملتوا ليهم معهد يهتم بهم و يعيد صياغتهم ومقدراتهم يكون شئ جميل
* في قطعة جمب معهد سكينه
* سوروها واعملوا فيها لافته كبييييره
* معهد فطومه لذوي الحاجات الخاصه
* والله يتملي ملي
* اسكتي بس
* اللافته ضروري عشان الناس تفرز بين معهد سكينه ومعهد فطومه
* وطوروهوا اعملوا فيهو منقولاب ديليفري
* واتمنقلي
* ايها الناس
* المنقولاب قالوا السنة دي…
* ولا

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى