في السلك - بابكر سلك - حرام تروح ساي شمار في هاي

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

11112016

مُساهمة 

في السلك - بابكر سلك - حرام تروح ساي شمار في هاي





< افلح ونجح وانجز مجلس المريخ في ملف التسجيلات
< ضم لاعبين ما فيهم كلام
< حسب الخانة
< بدون بوبار
< بدون يا آدم بوبر
< ولكن حقو المجلس يكمل جميلو
< حرام فريق مكتمل زي ده يروح شمار في هاي
< هاي سمعنا بيهو مدرب منتخبات
< لا نحكم بانه جيد او ردئ
< ولكن جناً نعرفوا اخير لينا من جناً مابنعرفوا
< وجننا المعروف هو غرزة
< يتكلم كتير
< يطنطن
< يحرد العشا
< المهم شاطر وبصمتو واضحة ومدرب كبير
< والدليل رفضه للزناطير
< رمي بالكسكتة وقال ليهو بتلعب انت؟
< داير كأس افريقيا وتسجل اب ستة ؟
< رفض غرزة للزناطير دليل يؤكد ان الرجل لايسعى خلف المال بدون آمال
< وحقو يا والي الجمال تجدد الاتفاق والعهد مع الثعلب الفرنسي
< الخامة الحالية افضل من تلك التي صنع منها تيما ًادهش افريقيا كلها
< وعودة غرزة تعني عودة الروح للمدرجات
< اعملها يا والي و اعتبرها تكريم للشفوت
< ومنها منافع اخرى
< ليدرك الناس اين المال
< عشان يغيروا نغمة فلس دي ويعرفوا اننا لو درنا الكسكتة لنزعنا تلك الاصلية من رأس رئيس مازيمبي اللابعرف الله ولا الرسول داك
< موش التقليد دي
< ايها الوالي
< لو استفتيت جماهير المريخ حول عودة غرزة لنصحوك باعادته
< ولو سألت غرزة عن عشقه الاكبر لن يقول لك المال بقدر ما يؤكد عشقه لشفوت المدرجات
< جيبوا يا والي جيبو لي
< جيبو حي
< المهم
< اوكراكم جزء من ماضينا
< ولو كنا نتعامل بالعاطفة والفوضى لما تركناه
< اعدكم
< شهر ستة اوكرا في غانا
< واب ستة )لو ربنا طول في العمر ( حايعار لهلال الجبال
< اما ابراهومة فاتمنى ان يجد الفرصة في المشاركة
< المهم
< اعتقد ترامب انه يستطيع اقناع اي زول
< ففشل في اول محطة
< وكعادة الاهلة لما يفشلوا في اللحاق بي زول بعاينو للمشلعيب و يقولوا عففففن
< بره
< تصنقعي لما رقبتك تنكسر اللبن الفرنسي ده مابتقدري عليهو
< ده شعراً ما عندكم ليهو رقبة
< جيبو يا والي واضرب مية عصفور بي دولار
< قالوا فلس
< وعمك المصور جوه الدولار بشبه ناس فداسي
< يفلس كيف
< و توقيع محافظ البنك علي الدولار زي الكاتب فداسي بالانجليزي تقول لي فلس
< المال المركز ما كسكتة بشيلها الهوا
< ايها الناس
< التمديد لجمال سالم مسك ختام هذه التسجيلات
< ولو حصل يا جيمي
< واعدت غرزة
< صدقني المريخاب يهتفوا
< الوالي الوالي رئيس طوالي
< والهلالاب يهتفوا كردنة كردنة رئيس طوالي
< اصلهم بحبوا التقليد واحلامهم جزء من ماضينا
< والعقلاء منهم والمنقولاب سيهتفوا
< حيرتونا يا فطومة غشيتونا يافطومة
< احلامنا جزء من ماضيهم
< المهم
< اتمنى اكمال تسجيل عاشور
< عاشور بشوت من بره الخط
< ومكسيم اتفاقو البرة الخط برة العقد
< وللللللللللب
< ايها الناس
< اعد المجلس عتاد الموسم الجديد
< فهل اعد الشفوت عتاد المدرجات للموسم الجديد
< هل قامت التنظيمات الجماهيرية بمراجعة مردودها للموسم السابق وقيمته بحيث تؤكد على الصالح وتتدارك القصور؟
< نريد جمهوراً ينافس المجلس على العطاء
< فبمثلما اعطينا انفسنا الحق في اطلاق لقب بص الوالي على المجلس عند القصور
< يكون للمجلس الحق في اطلاق لقب بص السيرة على الجمهور عندما يقصر
< لا نريد ان نغني بقدرما نريد ان نشجع بقوة وفتوة وحماس
< الغناء ملحوق
< بعد الكورة نربها
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< الناس نوعين
< يازهجان يا خجلان
< الزهجان من الحاصل لينا
< والخجلان من العملو فينا
< قلت لي ما دايرين دقيق فينا ؟
سلك كهربا
ننساك كيف والكلب قال القال ليكم منو الكلب بريد خانقو ?? والله اتفكفك اقطعوا حتة حتة
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى