قوقل ‏+‏ ‏
Use the English Language

الكرتة والفتة - بابكر سلك "في السلك"

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

الكرتة والفتة - بابكر سلك "في السلك"

مُساهمة من طرف Admin في الأحد 20 نوفمبر 2016 - 13:58


* امس اتمديت طوييييل ونمت
* الصاحي ليها شنو !
* حافز للصحيان مافي
* نمشي وين عاد
* العرس البقول انا انا بنتهي حداشر
* وقروشنا ما بتقدر تأهلنا عشان نعضي في امواج او فالنسيا او كورنثيا او البيه او كاااااك وكت كات وكتكوت
* ممكن تلقي ساندوتش عادي مابيرقر
* يقول ليك بخمسة وخمسين
* طبعا الخمسه وخمسين بدون تمييز
* لانو البائع بخجل من نطق الحقيقه الف
* والمشتري برضك وبحاول يكبر كومو
* يقوم يقول ساندوتش بي خمسة وخمسين الف جنيه ???
* فالمواطن لانو هو البدفع طوااالي وبدعم في الحكومه
* لما يدفع لازم يحي نفسو وينطقها كمان
* خمسه وخمسين الف جنية
* دي الحقيقه وما اعتقد في زول بيابي الحقيقة
* حتي المسؤل بعرف يقول جنية متين ويقول الف جنيه متين
* ممكن كبير في الضرائب يقول نحنا راعينا للناس بتاعين المنطقه دي وثبتنا الربط في عشرة مليون جنيه بس
* نفس الزول ده لما يجي عشان يوري انو الحكومة تبرعت بشئ
* بقول والحكومه دفعت مليار
* مابقول مليون
* كلمة مليون وانت دافع مابتملي الخشم
* لازم تقول مليار
* لكن في حالة انت القابض عشان تستصغر المبلغ قول قروش شنو كلها مليون
* المهم
* نمت وقمت حلمت
* حلمت بالسودان اتطور والدولار قصاد الجنية اتحور
* وعادي تركب تاكسي جوي من الصالحه للسكن الشعبي الحارة 67
* وفي تاكسي جوي شغال طرحه كمان
* المهم في الحلمه ديك التعليم مجاني و العلاج لو ماجيت للفحص الدوري بجوك في بيتك ويودوك الكرنتينه
* في الحلمة دولتنا دي غير انسانها ما عندها هم
* وفي الحلمه ديك
* اتنين مخطوبين قاعدين في حديقة لا جاهم نظام عام ولا في زول ضايقهم
* حتي بالامانة في الحلمه ديك جا بوليس شاقي الحدائق ولا سألهم
* تطور شديد و حريات بالهبل وبالردا وبالبرموده
* حريات داقه سيستم بكل حرية واريحيه
* بس في الحلمه ديك لقيت كافتريات جميلات مرصوصات باتقان علي النيل جوار المقرن
* لافتات جميله و رائعة واكل زي الاكل
* لفت نظري في الحلمه ديك انو في كافتيريا في وسطهم مكتوب عليها كرته وفته
* سألت جار الكافتيريا دي في الحلمه طبعا عن سبب تسمية كرته وفته
* قال لي اخونا ده اصلو بشغل متأخر
* و عشان الناس البتجي متأخرة غير الكرته والفته مابتشل
* قام الزول ده اتخصص كرته وفته
* المهم
* في الحلمه ديك ودعتهم و مشيت قعدت عند ست شاي كندية
* طبعا مافي سودانية بتبيع شاي لانو في بداية الحلمه قلت ليكم البلد اتطورت شديد
* اها
* وانا قاعد جمب ست الشاي الكنديه زي اللمحت كردنه واقف في محل الكرته والفته
* وبحاجج في السعر كمان
* حتي بالامارة كردنة قال لي سيدي المحل والله انا لو ماجيت متأخر كرتتك وفتتك ديل مابشيل منهن
* بتاع المحل قال ليهو زول جاب اب ستة يا ابن كسكتة يجيب شنو تاني غير الكرتة !!!
* صحيت لقيت الطين في طينو
* والدولة تجعجع ان الخطة وان الصبر
* والمواطن بقي لسان بس
* زي برنامج لسان العرب
* تسمع الكلام تقول الليلة اليهود ديل العرب بدخلوهم الفرن
* المهم صحيت
* ولما فتحت جريدة روشا وعاينت للKNEE تأكدت انو صاحب الكرته والفته واثق من بيعهم للزول البجي متأخر
* ياروشا بتاع الركب داك كرتة * والمدافع فتة
* كلم اب كسكتة وانت
* قولوا ليهو كرتتك بتطير كسكتتك وناس فطومه ما بلحقوها
* قلت لي قنابل !!!
* واحدة قالوا طرشقت في الطريق
* والتانيه ركب سااااااي
* لكن اوكرا بنفعكم
* اصلوا بتاع فلاشات
* لكن باقي ليكم يا محمد عبد الماجد كشافاتكم الزي رتاين عربات الباسطه دي بقدر اوكرا يلعب تحتها !!!!
* جري الاهله خلف اوكرا شئ عادي جدا
* فغاية طموحكم جزء من بواقينا
* وطبعا طبيعي لانو احلامكم جزء من ماضينا
* بالامس بدأ الاعداد لمسيرة ظافرة حدها المطار
* وعقد السيد هاي مؤتمرا صحفيا اوضح فية انه هتلري المزاج و الخطط
* فقط الكيان يحتاج للجمهور الشفت الواعي بدوره
* ودي في
* ايها الناس.
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* بقي مافي شئ هامينا
* ولا في زول سائل فينا
* جاريين طوالي يا والينا
* لاعارفين جاريين من شنو يا والينا ولا عارفين جاريين لي شنو يا والينا
* بس الخوف الكلب يعضينا
سلك كهربا
ننساك والكلب قال من ناحية اعضيكم بعضيكم بعضيكم
والي لقاء
سلك

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى