في السلك - بابكر سلك - سيدنا بلال

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

21112016

مُساهمة 

في السلك - بابكر سلك - سيدنا بلال




* الزول بتاع KNEE PROBLEM. طلع فعلا PROBLEM زي ماقلنا ولا السبب في الشغل القام هو قل المال الببكي يا روشا ???
* سمعنا تحت تحت قالوا الكسكتة فضت
* تدخل ايدك في الكسكتة
* تطلع فاضية
* موية صحة مابتمشي فريق
* ياخ ايام البرير الشامبيون فتر وغلبو يلبي كل الطلبات
* المهم
* طماطم الملاح الجبتوها دي يافطومه مابتفع الا صلصة
* واتصلصي
* اها
* اذا احس الانسان بالظلم فانه حتما سينفجر
* والانفجار ببدأ بي دق الجرس
* ولما تدق كل الاجراس
* وقتها لن يستطع احد ان يوقف الاجراس
* وسيندم من يريد ان يوقف الاجراس
* لان قومية الامر ستتحول الي شخصية الخصم
* ويبقي التمن غالي
* لذا ماتخلونا ندق جرس ونردح ونسمعكم صفقة ما بتتخيلوها
* فلن يوقف الاجراس بشر
* ولكنها اذا دقت فانها تنادي بعضها بعضا
* تلك المناداة تسمي الفزعه
* فهي تمثل نحاس الذي يجمع الفرسان لحرب ضروس تهن في سبيلها كل القيم حتي الارواح
* المهم
* شنو قصة رئيس النادي الكبير البمشي يومي للوزير من وراء الجماهير !!!!
* ماهو يا اما رئيس النادي الكبير عوير يا عوير الوزير او الاثنين بفتكروا انو الجمهور عوير
* والغريبة الجمهور عندو جميع التفاصيل
* حتي التسليم والتسلم الفي الطائف الجمهور عارفو
* واقتحام الطائف ما بحتاج حوثيين
* بالمحليين يمكن ان يقتحم موضوع الطائف ليخرج المستور لكل الجمهور
* المهم
* شاهد جمهور المريخ الجدد
* اقتنعوا بان تسجيلات هذا العام غير
* وشكرا كبيرا للوالي وبصه علي هذا العمل المتقن الجيد
* بالذات و غيرنا لسه بعزل في طماطم الملاح
* هو جنس عفيص
* وجنس كسير
* صلصة يابت
* سوي الصلصة
* اها
* سمعنا تحت تحت انو الاتحاد قرر ) كعادته ( ان يقفل الباب علي الهلال فمد تسجيلات الاجانب حتي يوم تلتين
* اذا بقي الكلام ده صاح
* يبقي فعلا الاتحاد شغال ضد الهلال
* لانه بالطريقة دي بسهل علي الهلال احضار المزيد من طماطم الملاح
* ايها الناس
* قالوا لينا الجوع كافر
* لكن في الحقيقة الجوع ما كافر
* الجوع جهاز لكشف اصحاب المبادئ
* فكلما جاعوا تمسكوا بمبادئهم في موقف تحيطه الانظار بالاعجاب
* يا سلام علي سيدنا بلال رضي الله عنه وارضاه
* مثال للصبر علي الشدائد
* احد احد
* رددها سيدنا بلال وهو موثوق وعلي صدره صخره تحت هجير الشمس
* وعطش،وجوع
* ولكنه تمسك بالمبدأ
* فكانت كلمته التي بقيت عبر الاجيال
* أحد أحد
* فالجوع لو كان كافرا لقاد سيدنا بلال خلفه
* الجوع ما كافر
* كافر البكفر عشان جاع
* فهل نحلم في زماننا هذا ببلال بمواصفات سيدنا بلال رضي الله عنه وارضاه ???
* ايها الناس
* ان تنصروا الله ينصركم
* بس ماتنسوا
* في يوم يرقد فيه الانسان علي جمبه اليمين مستقبلا القبله
* في تلك اللحظة اغلب الناس مابكون عندهم وش يقابلوا بيهو القبلة
* موقف محرج جدا
* اها
* نجي لي شمارات والي الخرتوم
* كان شفت يا والينا
* ود اخوي صغير كان يسأل فينا
* يا عمو ليه بقولوا وزير كده ووزير كده
* قلت ليهو عشان اي وزير عندو مجال محدد يوفر ليهو كل المعينات
* قال لي اسي المزارع يشتري التيراب و يمشي يزرع في الخلا وربنا يجيب المطره والزراعه تقوم ويحصدها المزارع براهو وزير الزراعة هنا عمل شنو ???
* قلت ليهو يا ولدي لو بحسبوها كده ما كانت دي حالتنا
* اسي يا ولدي بلد عدمانة التعريفه وزير المالية شغال شنو ????
* العلاج بالشئ الفلاني و الدواء بره التأمين وزير الصحه قاعد لي شنو ????
* المصانع بقت مخازن مليانه جقور وزير الصناعة شغال شنووو???
* شعب كلو عاطل وزير العمل لييييه!!!
* كورتنا بتشبه لقمتنا البتشبه عيشتنا البتشبه مدرستنا وزير رياضه لي شنو وجميع المناشط بره الشبكه !!!
* بكرة لما تكبر يا ولدي بتعرف ده كلو لييييه
سلك كهربا
ننساك كيف والكلب قال عدد الوزراء العندنا اكبر من عدد المواطنين الزينا
والي لقاء
سلك



ـــــــــــــــــــــــ




Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى