تابعونا عبر فيس بوك

قوقل ‏+‏ ‏
Use the English Language

بالعربي الكسيح - محمد الطيب الأمين - دموع الستات غالية برضو يا ريس !!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25112016

مُساهمة 

بالعربي الكسيح - محمد الطيب الأمين - دموع الستات غالية برضو يا ريس !!





* في كل العالم تقريبا إنتهت صلاحيات )الحبِل( الذي كان يدخل في كل تفاصيل حياة الناس ..
* غير أن هنالك غرام كبير بين الشعب السوداني و)الحبل( ..
* الشعب السوداني ما زال يحفظ الوفاء لـ)الحبال( ، بداية من )حبل الغسيل( و)حبل الود( وكذلك )حبل المشنقة( و)الحبال الصوتية( ..
* ولعل سيد هذه )الحبال( هو )الحبل السري( ..
* ولكن أشهرها على الأطلاق : )حبل الكضب( ..
* أهلنا بيقول ليك : )حبل الكضب قصير( ..
* ولذلك الزول )المُفتح( قبل ما يكضب بيشوف )طول الحبل( ..
* ومجلس إدارة نادي الهلال الذي يتمتع بذكاء دون الوسط فات عليه أن ينظر للحبل قبل أن يصدر بيانا )مُخجلا( يتحدث فيه عن )إحتمال( إنهيار صفقة السوري )المُنهار فنيا( بسبب )خوف زوجته( ..
* وبغض النظر عن )طول الحبل( وعن من هو الطرف الثاني الذي كان سببا في تخويف )زوجة الشبح( نقول أن البيان لا يشبه الهلال ولا يشبه حتى الأندية الأقل قامة من الهلال ..
* لا نتحدث عن الأستاذ خالد عز الدين ولكن نتحدث عن )سذاجة( يدار بها نادي الهلال العظيم ..
* سذاجة بلغت بنا أن نُعلن لكل العالم إنهيار صفقة أجنبية بسبب )دموع مرا( وفي النهاية طلع إنو )المرا لا بكت ولا خافت أصلا( ..
* عيب والله أن يحدث هذا في نادي بحجم الهلال ..
* سيبك من خالد عز الدين وسيبك من مقاطعة )قوون( هل أصبح الهلال )هينا( لدرجة إنو يحمل فشل إنهيار صفقة لـ)مرا خافت وبكت( ؟؟
* هل مثل هذه البيانات المخجلة تُشرف الكاردينال ؟؟
* نحن نقول الكاردينال لأن ما يصدر من نادي الهلال سيكون بموافقة الرئيس ..
* مؤسف أن يحدث هذا داخل نادي يمثل قيمة كبيرة في حياة الناس وفي تاريخ هذا البلد ..
* وما يؤسف له حقا أن كل ما تم ويتم الآن هو بين )هلالاب وهلالاب( وبموافقة كاملة من رئيس الهلال ..
* عندما قرأت البيان لم أصدق وتمنيت أن لا يكون حقيقة ليس لأن خالد عز الدين طرفا في )القصة الهندية السورية( ولكن لأن الهلال أكبر بكثير من هذا )العبط( ..
* الواضح إن اللاعب السوري قد رفض عرض الهلال أو هو طلب مهلة لـ)48( ساعة يفكر فيها ومن ثم يعلن موقفه من الإحتراف بالسودان ..
* وقد طلبوا منه أن يمضي الـ)48( ساعة في الخرطوم ويفكر براحته ، ولكنه رفض بحجة أن له إرتباطات في بلجيكا ..
* يعني الزول ده قبل ما يمشي )مول عفراء ويقابل خالد عز الدين والمرا تبكي( قبل الكلام ده كلو )تذكرتو كانت في جيبو( ..
* التذكرة كانت في جيبو ومواعيد الطيارة بعد المغرب ..
* أكرر تاني .. الشبح لما مشى مع )المرا البكاية( مول عفراء وخالد قابلهم هناك كانت تذكرتو في جيبو ..
* يعني مسافر مسافر ..
* طيب ..
* الحصل إنو رئيس التحرير قابلهما في المول وطلب صورة وحوار ، واللاعب وافق غير أن موظف الهلال رفض وحدث إحتكاك بين خالد وموظف الهلال ..
* إحتكاك بين خالد وموظف الهلال … المرا السورية دي الببكيها شنو وده إحتكاك بين أتنين سودانيين ..
* يعني خالد ما ضرب زوجها كف عشان هى تبكي ..
* ثم ثانيا .. المرا السورية دي في دمشق بتسمع صوت )الدوشكا( أكتر من صوت الألعاب النارية في الأعياد ..
* الببكيها شنو ؟؟
* يعني خلاص المشاكل جديدة عليها ولا هى جديدة على المشاكل ؟؟
* حتى لو إفترضنا إنو خالد وموظف الهلال إضاربو والدم للركبة .. المرا دي البخليها تدخل في غيبوبة شنو ؟؟
* السوريين اللاجئين في السودان قالوا الأمن الموجود في السودان ما فيش حتى في سوريا قبل المشاكل ..
* يعنى المرا السورية دى عارفة إنو السودان خالى من المشاكل من خلال اللاجئيين السوريين ..
* يأخ إنتو لو ما دايرين تحترمونا إحنا حقو تحترموا جمهور الهلال لأنو الجمهور هو صاحب الوجعة وهو البيدفع من جيبو وهم أهل الهلال لأنهم يحبون بدون مقابل..
* جمهور منتظر ساماتا والأخطر من ساماتا تجوا في النهاية تقولوا ليهو )المرا بكت والمرا خافت والمرا دخلت في غيبوبة( ..
* الكلام ده عيب يا كاردينال وعيب كبير ..
* يعلم الكاردينال ويعلم جمهور الهلال أننا والحمدلله )ما في زول ماسك علينا حاجة( ورأسنا مرفوع وما عندنا غرض غير إنو نشوف الهلال بدون علة وبدون هذه التصرفات الطائيشة التى تؤكد أن الهلال في محنة ..
* محنة سببها الكاردينال الذي سمح بأن يكون القرار في الهلال بيد ناس يضعون مصلحة الهلال في المرتبة التانية ..
* عموما .. اللاعب السوري وقبل إقلاع طائرته قال فيما معناه: )البلد سمحة وما حدث في المول أمر عادي تم تهويله من قبل الإعلام( وكمان قال : )سأذهب إلى بلجيكا أنا وخطيبتي ومن بعد ذلك سأرد على عرض الهلال( ..
* ده كلامو ..
* يعنى حتى المرا القالوا مرتو طلعت خطيبتو ساكت ..
* خطيبة وبتبكي ..
* غايتو جنس غايتو ..
* الشبح هو براهو رد على بيان نادي الهلال وأثبت أن )الحبل( قصير وأن الذين أصدروا البيان )ما شافوا طول الحبل( ..
* لمتين تنجرح سمعة الهلال بمثل هذه الصغائر التى يحسبها الكاردينال كبائر ..
* صغائر من شاكلة )نقاطع صحيفة( و)المرا بكت( وكلام يمثل عار ما بعده عار ..
* لمصلحة من يعادي الكاردينال صحف الهلال ؟؟
* ولماذا لا يكون الكاردينال أذكى من الذين يرغبون في مقاطعة صحف هلالية لها في خدمة الهلال عرق وعرق ما ساهل كمان ..
* يشهد الله أنا لا أتحدث عن )قوون( لأنني أعمل بها ، بل أتحدث عن صورة مقلوبة جعلت من يحكم الهلال مسيرا وليس مخيرا ..
* يأخ لاعب غاني زي )الطلقة( قاعد ليهو أربعة أيام ما دايرين تسجلوا ومنتظرين ليكم عجوز سوري وخطيبتو البكاية ؟؟
* بدأ الكاردينال التسجيلات المحلية بشكل مميز ولكنه عندما جاء لملف المحترفين )فتح أضأنو للسماسرة والمنتفعين( فضاع الهلال وحدث تخبط لا يمكن أن يحدث حتى في نادي المريخ الذي هو أقل قامة ومكانة من الهلال ..
* في أيام زي دى كنا بنتمنى نتكلم عن المريخ ولكن الكاردينال قصد أن يزرع الفتنة بين إعلام الهلال وهو يقرب من يريد من الصحف ويبعد ما يريد وإذا سألته لماذا فعلت ذلك لما وجدت عنده إجابة لأن الفعل فعلوه آخرين وهو نفذ أفعالهم وبس ..
* يتناحر الآن إعلام الهلال بينما الكاردينال يتصور مع المحترفين ثم يطلق سراحهم بسبب )الكشف الطبي( أو بسبب )دموع مرا( أو بسبب )بدون سبب( ..
* من حقنا أن نشكك في التقرير الطبي الخاص بـ)جاجا( بعد أن تبين لنا حجم )الغش( في موضوع الشبح ..
* عيب والله أن يكون الصراع في الساحة الرياضية بين )هلالاب وهلالاب( ..
* أطرد الشيطان يا كاردينال وأفرض هيبة الهلال وأبعد المنتفعين لأن هيبة الهلال تمثل هيبة بلد بحالو ..
* والله في ..



ـــــــــــــــــــــــ


.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى