المواضيع الأخيرة
» اغاني الطمبور الفنان عبدالقيوم الشريف تحميل مجاني
الإثنين 12 يونيو 2017 - 1:14 من طرف زائر

» بالصور : تعرف علي اسعار اغلي 5 سيارات في العالم ومن يملكها
الأربعاء 24 مايو 2017 - 20:02 من طرف سيارات مستعملة

» عناوين صحف المريخ الاثنين 10/4/2017
الأربعاء 24 مايو 2017 - 17:20 من طرف زائر

» اعمدة الصحف السودانية اليوم
الخميس 20 أبريل 2017 - 0:09 من طرف Admin

» انضم لنا بفيس بوك وتابع احدث الاخبار لحظة حدوثها
الخميس 20 أبريل 2017 - 0:06 من طرف Admin

» عناوين الصحف السودانية يوميا
الخميس 20 أبريل 2017 - 0:00 من طرف Admin

» احدث الاخبار الرياضية واعمدة وعناوين الصحف
الأربعاء 19 أبريل 2017 - 23:58 من طرف Admin

» من هنا عناوين واعمدة الصحف يوميا
الأربعاء 19 أبريل 2017 - 23:57 من طرف Admin

احدث الملفات بالموقع
تابعونا عبر فيس بوك

قوقل ‏+‏ ‏
Use the English Language
شارك

قاتلة الفرح أشكيكي لي وجع الضمير واشكيكي لي رب العباد

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

قاتلة الفرح أشكيكي لي وجع الضمير واشكيكي لي رب العباد

مُساهمة من طرف حمزه عوض في الأربعاء 29 ديسمبر 2010 - 20:26

أشكيكي لي وجع الضمير واشكيكي لي رب العباد
سهمآ طعنتيبو الفؤاد يرتد يرجع ليكي صاد
‏‏
دربك مشيتو بلا دليل وقلبك وصلتو بلا ميعاد
سايقني شوق بت البلد الفيها ما يقبل مذاد
جيتك موشح بالامل كايس عليكي بلاد بلاد
شايل معاي حلم السنين وحاقب أماني اللقيا ذاد
دفقت تيراب الفرح ورويتو بي دم الفؤاد
وزربتو بي حبل الصبر وغذيتو دمع العين سماد ‏‏
لحظة لقيتك قت خلاص يادوبو أنتم المراد
وكتبت ليك محظوظ انا وبقيت من الناس السعاد
‏‏
وزعت كيمان الفرح للجنبي والناس البعاد
لكن لقيت مخدوع انا واحلامي أعلنت الحداد
كل البراءه الفيك وهم مكتوبه بي زيف المداد
ذي حية ناعمه مرقطة لكنو نايبا سام وحاد
لون زهره في شدرة عشر زول منها ابدآ ما استفاد
‏‏‏
أديتك أحساسي الرهيف لقيتك احساسك جماد
كل ما أقرب من خطاك مشوار شقاي ألقاهو ذاد
وكل ما ألين واصبح حنين ألقاكي ذودتي العناد
من يوم عرفتك دابا عيني عرفت البكا والسهاد
كتلتي في نفسي الفرح عتمتي دنيتي بالسواد
ضيعتي محصول السنين وباقيلو مسرة علي الحصاد
‏‏
مغروره صيادة فرص ملهوفه لي دوسة الزناد
لكني ماني البنهزم ويقبل شروط الاضطهاد
ومهما تكون نارك لظي باكر اكيد تصبح رماد
أنا ياني انا الصاين العهود والصاد محال يوم يبقي ضاد
وشن تسوي عاد سيخة خرز منضومه جم عقد الجلاد
‏‏
ندمان علي اليوم العرفتك فيهو وكان كبوة جواد
ندمان علي كل لحظه فيها أديتك الحن والوداد
ندمان علي الزمن القضيتو معاكي رحال سندباد
ندمان علي الامل البنيتو عليك تبقي ام الولاد وبتضوقي يوم طعم الندم وتبقالك الاحزان مهاد

وشاكيكي لي رب العباد ونتلاقي في يوم الحساب



حمزه عوض


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى