المواضيع الأخيرة
» تحطم طائرة عسكرية
اليوم في 0:00 من طرف قيس كمال

» فندق يطلب من اليهود الاستحمام قبل
أمس في 23:32 من طرف قيس كمال

» رحلت فاطمة وهل يُجدي البُكاء..؟
الإثنين 14 أغسطس 2017 - 12:27 من طرف Admin

» الإنتهازيون وفاطمة..!
الإثنين 14 أغسطس 2017 - 12:27 من طرف Admin

» هددوا بتنفيذ وقفات احتجاجية
الإثنين 14 أغسطس 2017 - 12:26 من طرف Admin

» غضبة الجرافة
الإثنين 14 أغسطس 2017 - 12:26 من طرف Admin

» الريال يقهر برشلونة في الكامب نو ورونالدو يفتتح الموسم بطرد مثير للجدل
الإثنين 14 أغسطس 2017 - 6:18 من طرف Admin

» الموت يغيب فاطمة أحمد إبراهيم وسرادق للعزاء بدار الشيوعي ومنزل الأسرة بالعباسية
الأحد 13 أغسطس 2017 - 11:58 من طرف Admin

احدث الملفات بالموقع
تابعونا عبر فيس بوك

قوقل ‏+‏ ‏
Use the English Language
شارك

بدون حجاب - خالد عز الدين - إنتهى زمن الشفهي يا أسامة!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

28112016

مُساهمة 

بدون حجاب - خالد عز الدين - إنتهى زمن الشفهي يا أسامة!





#الحديبة_نيوز
• في زمن من الأزمان كان حديث اسامة قطعياً.. قابل للتنفيذ دون شك او تأويل.. كان اسامة يفتي في كل شئ والاندية تنفذ خصوصاً نادي المريخ .. مرت الايام واتضحت جرأة اسامة على الافتاء وعدم تردده في اصدار القرارات وانكشف المستور وتأكد للجميع بأن اسامة يدير الكرة تحت شعار ) لا يوجد ممنوع لدينا ( حتى في مجال المال الذي لا يحتمل الفوضى كان اسامة عطا المنان يفعل ما يريد.. يوقع مكان مجدي ويكتب لنفسه الشيكات ويأمر بصرف المال بالتلفون ويتحدث ويقول لآمال أصرفي وآمال تنفذ !
• كان أسامة يوقع العقوبة ويرفض العقوبة ويفتي في التسجيلات ويسجل بالدين ويبدل الارانيك ويفعل ما يريد.
• أسامة عطا المنان كان يفتي في مشاركة مساوي !! وفي ترتيب الاندية افريقياً وفي قرعة كأس العالم !!
• أسامة وحتى الموسم الماضي كان يستلم نصيب المريخ من الاتحاد الافريقي .. بالدولار الحار ومن غير مستندات .. كده بس .. شفهي .. تحريري مافي !! 500 الف دولار ..600 الف دولار .. 700 الف دولار .. كلو شفهي .. عندنا ديون .. كلمة والسلام .. حتى اموال الفيفا اكثر من مليون يورو .. وين يا اسامة !! كلو ديون يا شيخنا ديون .. طيب وين المستندات .. مستندات كيف يعني !! الكورة فيها مستندات !! أسامة كده غير قابل للتحريري .. مرة واحدة امتحن تحريري في ايقاف بكري المدينة وقف الموسم كلو !!
• ايقاف علاء الدين يوسف من الكاف .. ستة شهور عن ممارسة كرة القدم لا تنقص يوم الا في عُرف أسامة .. أسامة او )ابوسريع( كما يلقبه مجدي شمس الدين لم يتردد في الافتاء السريع لاهل المريخ.. لعبوه طوالي.. على مسؤوليتي انا .. علاء الدين ممكن يشارك في التدريبات الجماعية . أيوه انا المسؤول علاء ممكن يشارك في التدريبات !! ناس المريخ طلعوا مفتحين المرة دي .. قالوا لاسامة عايزين شيك ضمان .. شيك معتمد من البنك .. توقيع عديييل .. اسمك وتوقيعك .. ما تجيب لينا اسم مجدي وتوقعيك انت !! ورقة من الكاف .. خلاااص نحن بقينا نخاف !! شفهي نهي يا اسامة !!!!
• يا اسامة الزمن اتغير .. أنتبه يا صديقي العزيز .. الناس خلاص فتحت .. انتهى زمن الشفهي ودخلنا في التحريري !! عندك قرار مكتوب من الكاف.. سلمنا.. ما عندك نحن تاني شفهي ما معانا ..
• والقرار جا من )رايموند هاك( رئيس لجنة الانضباط بالكاف .. بتذكر لجنة الانضباط يا اسامة ؟ شايفكم نسيتو الموضع ده نهائي في اتحادكم.. رئيس لجنة الانضباط قال موقوف يعني موقوف.. مع انو الموضوع ما عايز تفكير كتير واعادة سؤال .. اي لاعب موقوف لسوء السلوك عن ممارسة كرة القدم يجب ان يقف تماما عن ممارسة كرة القدم بشكلها الرسمي المعروف بما في ذلك التدريبات الجماعية .. سواريز وقفوهو يا جماعة !!
• الكاف قال هو اخطر الاتحاد السوداني قبل فترة بهذا الموضوع .. يكون أسامه خارج الاتحاد السوداني ونحن ما عارفين !! يا ابوجبل شنو الحصل .. وصديقي ابوجبل لا يمكن ان تخرج منه بمعلومة او جملة مفيدة !! يعطيك الكثير من الابتسامات والقليل من الشكوى من حال الاتحاد ومعلومة لا تغني ولا تسمن من جوع .. تسأل عن ايقاف علا الدين يوسف يقول ليك الدوري الممتاز حيبدأ في يناير ! تقول لي الجمعية العمومية متين ؟ يقول ليك مجدي مسافر !! وأسامة عكس ابوجبل تماما .. تسأل عن انتخابات الاتحاد ؟ يقول ليك نحن بنجهز لانتخابات المكتب التنفيذي للاتحاد الافريقي .. تسألوا عن اعمار لاعبي الرديف؟ يقول ليك سجل ساكت هو الكورة فيها عمر ؟؟ أسامة شخصية )ممتعة( وهو انسان بسيط وطيب القلب ومن ميزاته انه يتحمل النقد بصورة غريبة .. يلتقيك دوما مبتسم .. لا ينفعل ولا يمنع السلام مهما كان نقدك له عنيفا .. قد تكون اخطاء اسامة في الكرة جسيمة ولكننا نحفظ له الود لأنه في النهاية فعلا انسان ودود ويحترم العلاقات الخاصة.. بس يا اسامة الشفهي ده خلي للعلاقات الخاصة .. الرسمي عايز التحريري وطالما اهلك ناس المريخ قالوا ليك كده معناها تاني ناس التحرير ذاتهم ما بقبلوا منك شفهي !!!
• المدرب السري والمجلس العسكري !
• حتى صباح أمس لم تظهر صورة للمدرب )لافاني( انا شخصيا لا لاقيتو لا لاقاني .. عشان ما فجأة تلقوا مافي تقولوا ده خالد عزالدين .. لافاني وكأنه مدرب سري .. جاء في الخفاء ومازال في الخفاء .. لا صورة لا تصريح ولا حتى عماد الطيب اتكلم عنو .. مع أنو قاااعد في البلد .. تكون ما عارفو يا عماد .. برضو جائز .. الهلال اليومين دي زي الحزب الشيوعي في منتصف السبعينيات !! سرية متناهية .. حتى المعسكر في الدفاع الجوي .. ممنوع الاقتراب او التصوير .. صورة موبايل ممكن تعتبر ارهاب !! سوف احكي لكم قصة المول .. بس في الوقت الذي أقرره أنا .. بس بقول ليكم علي الماشي )سنحريب( كان بضحك للصورة والمفاجأة موجودة .. زول كان زعلان مافي غير وكيل اللاعب .. ولحدي الان انا ما عارف زعلان في شنو !! ليش تصور اللاعب ! ليش تصور ؟ والغريبة انا لقيتهم بتصوروا وبضحكوا كمان .. بنرجع للقصة بس ما هسة … على العموم نحن نعطيكم الامان .. اطلقوا صراح المدرب فنحن لا نريد منه صورة .. اكتفينا بالانترنت .. على الاقل لحدي ما نتأكد انكم بقيتو عليهو خلاااص !!! أخي العزيز الكاردينال نحن ليس في حرب .. الموضوع أبسط من كده بكتير !!!!
• كلمة واحدة ..
• لا أحب الحديث عن نفسي واترك للآخرين حق التقييم تماما .. فقط اقول للذين يعتقدون انني أخاف من شخص او اتجنب نقد شخص .. اقول لهم هذا اسلوبي الذي تطور مع الايام ومع تقدمنا في السن .. نكتب عن الفكرة وننتقد باحترام مع التركيز في الموضوع فقط دون الجنوح لاساءة او الدخول في امور شخصية .. اما الخوف فأنا أقول بالصوت العالي وليسمعها الجميع .. أنا لا أخاف الا من الله ..
• سؤال الختام .. أين الشجاعة في الاساءة للآخرين ؟!!

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى