قوقل ‏+‏ ‏
Use the English Language

دق الدلجة – محمد عبد الماجد – تقسيمة داخلية في تمرين الهلال بين )الهلال والمريخ(

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

دق الدلجة – محمد عبد الماجد – تقسيمة داخلية في تمرين الهلال بين )الهلال والمريخ(

مُساهمة من طرف Admin في الإثنين 28 نوفمبر 2016 - 16:10


من رأسي :
في ثقافة الافلام الهندية )بطلة( الفيلم مازالت بتظهر في المشهد الاول للفيلم كبنت جميلة وبسيطة وصغيرة ومن اسرة فقيرة ومتواضعة.
من كراسي :
نظرية الخيل الحرة بتجي في اللفة ، بقت ما شغالة في الزمن دا ، عشان الخيل الحرة اتخارجت بدري من البلد دي.
هسع الخيل القاعدة دي خيل الحكومة العجوزة.
*.في واحد زي عندو مشكلة مع )المدام( ، او ما عندو انا ما عارف. وقف في نص الحوش )من غير مناسبة( وقال : هسع الواحد لو طقتو كهربة …الطقة بتكون من التيار بتاع الكهربة وإلّا من سعر الكهربة الطار السماء؟.
*.والله بقينا ما فاهمين اي حاجة.
*.ما عارفين اي شيء.
*.مرة مشينا لينا مطعم – طلبنا لينا )سمك(.
*.جابوا لينا سمك عجيب.
*.السمكة متل مفتش السكة الحديد.
*.حاجة ما تخلص.
*.ضربنا ليك في السمك دا ، لمن السمك فهم حاجة.
*.السمكة نتشالبها ليك في لحظة.
*.نعمل ليها )جنبلق(.
*.تنزل في الحلق متل )منديل الورق(.
*.وقت بقينا على )الحساب( ، في واحد مننا خنقتو )شوكة(.
*.نحن كنا فاكرين )الخنقة( من )الشوكة( ، اكتشفنا بعد تلاتة ايام ان )الخنقة( حقتو من )الحساب(.
*.الحساب طلع كتير.
*.صاحبكم عاوز يزوغ من الحساب.
*.عمل لينا فيها )مخنوق بي شوكة(.
*.ونحن نشيل ونخبط في الضهر.
*.فاكرنها )شوكة(.
*.و
*.)ونحن عايشين والحمدلله، )النفس( بينزل ويطلع إلى الآن ..ولاينقصنا شيء سوى رؤياكم الغالية(.
*.و )دروووريضروووريتروووري( تجونافيالاجازةالكبيرة!!.
*.تاني عادي جدا – لمن نشتهي لينا )هلال مريخ( ..بنمشي )تمرين الهلال(.
*.نشيل الترمس.
*.والفول والتسالي.
*.وقصب السكر.
*.والغلاط الفي صف الكورة.
*.شفتوا قوة العين دي كيف؟.
*.دي قابلتكم قبل كدا.
*.انتوا في )برد( وإلّا انا براي؟.
*.ناس الهلال من قوة عينهم.
*.من فراستهم )هلال مريخ( بقوا يلعبوها في تمرينهم.
*.ح تقولوا لي كيف؟.
*.وتقعدوا تتشرطوا لي وتنظروا.
*.وانا جني وجن التنظير في )البرد(.
*.بقبل منك اي شيء.
*.إلّا التنظير في البرد.
*.التنظير في البرد عندي زي )الجريمة مكتملة الاركان(.
*.المهم – عشان الموضوع ما يطير لي من رأسي.
*.تاني لو عاوزين )هلال مريخ( بنمشي )الجوهرة(.
*.يقوم المدرب بتاع الهلال يقسم لينا تمرين الهلال.
*.بشه وكاريكا وصهيب الثعلب ونزار حامد وتيتيه وشيبولا في تشكيلة وشيبوب وجابسون واكرا ووليد علاءالدين وابراهومة في جانب.
*.عليكم الله دي ما )هلال مريخ( عديل كدا.
*.الكاردينال يعمل ليكم شنو تاني.
*.جاب ليكم )هلال مريخ( في تقسيمة تمرين الهلال.
*.لا بنتعب.
*.ولا بنقرأ لي ناس سلك.
*.اختصرنا ليكم هلال مريخ في تمرين الهلال.
*.والله اعصاب لهلال مريخ ذاتو ما عندنا.
*.احسن نقسمها في )التمرين(.
*.ونرتاح من الدوشة دي.
*.هيع.
*.يا ابوشيبة ..لو اتعصرتوا تعالوا علينا.
*.والله ناس التاج وحقار وجلال ابراهيم ما في زول بيشجعهم.
*.ولا في زول بيستحملهم.
*.احسن ليكم تعالوا للمتعة دي.
*.ولاد صغار في السن..والمستقبل قدامهم.
*.فريق المريخ الحالي بقى ما عندو فرق من النيل الحصاحيصا سنة 2010م.
*.ما في فرق.
*.نيل الحصاحيصا معدل.
*.و
*.)ونحن عايشين والحمدلله، )النفس( بينزل ويطلع إلى الآن ..ولاينقصنا شيء سوى رؤياكم الغالية(.
*.و )دروووري ضروووري تروووري( تجونا في الاجازة الكبيرة!!.
*.اعلام المريخ قبل ان يشوفوا العين الحمراء ويفهموا حاجة )قبل الغاز ما يطير السماء(.
*.هسع الغاز الدخلو هنا شنو؟.
*.اعلام المريخ كان بيعتبر تسجيل )مشاطيب( الهلال فلاحة.
*.وكانوا شايفين الموضوع )فراسة( منهم كدا.
*.شايفنها رجالة.
*.وفرحانين بالموضوع دا.
*.اي لاعب يشطبه الهلال يسجلوه تاني يوم.
*.مجاهد احمد محمد.
*.ريتشارد.
*.المعز محجوب.
*.هيثم مصطفى.
*.عمر بخيت.
*.التاج ابراهيم.
*.كلتشي.
*.محمد عبدالرحمن.
*.ديل كلهم لعبوا في الهلال اكثر من )10( سنوات ، وسعى لهم المريخ وسجلهم بعد ان تخلى عنهم الهلال.
*.ناس المريخ ما عارفين …الهلال بشيل حقو من )الكشف(.
*.من اللحم الحي.
*.بحسوا بيها في )العضم(.
*.في الفشفاش.
*.بنسجل نحن من )الرديف(.
*.ولاد تحت السن.
*.تتخيلوا اي لاعب سجله الهلال من المريخ لم يتجاوز الـ )23( سنة.
*.ناس المريخ لاعب الهلال لمن يسجلوه بكون اتجاوز الـ )35( سنة.
*.كلتشي والتاج الآن شهود على ذلك.
*.الهلال سجل في الفترات الاخيرة شيبوب )وهو لاعب رديف( واكرا وجابسون وابراهومة ..وكلهم ما في واحد فيهم اتجاوز الـ )23( سنة.
*.ما في مقارنة بين اكرا وكلتشي.
*.بين عمر بخيت وابراهومة.
*.شيبوب والتاج.
*.اقل حاجة ..الفرق بين لاعب الهلال الذي يسجله من المريخ ولاعب المريخ الذي يسجله من الهلال )10( سنوات لصالح الهلال.
*.بكري المدينة طبعا الموسم دا وصل )سن المعاش(.
*.زولكم فتر.
*.وبقى يتمها )ضرب( للحكام.
*.و
*.)ونحن عايشين والحمدلله، )النفس( بينزل ويطلع إلى الآن ..ولاينقصنا شيء سوى رؤياكم الغالية(.
*.و )دروووري ضروووري تروووري( تجونا في الاجازة الكبيرة!!.
*.هذا النهج الذي سار عليه الكاردنيال وهو تسجيل لاعبين صغار السن من المريخ ومن فريق )الرديف( ، لا نريد ان يفسده الكاردينال بالتفريط في اطهر الطاهر.
*.اطهر الطاهر لاعب صغير في السن.
*.يعني ضربتو ما زي ضربة المعز وعمر بخيت.
*.والتاج وكلتشي.
*.وضربتو ما زي ضربة شيبوب واكرا وابراهومة وجابسون للمريخ.
*.اعادة قيد اطهر الطاهر في هذه التسجيلات ، يمثل ضربة اخرى للمريخ.
*.ويسد الباب البجيب الريح.
*.عشان الهلال يتفرغ لي )اولاده( التانين في المريخ.
*.في كتيرين في المريخ بيحلموا بالهلال.
*.ومنتظرين الفرصة.
*.منتظرين اليوم الذي ينتقلوا فيه الى الهلال.
*.…………….
و
*. السيستم باقى ليه 48 ساعة ويقفل.
*.ونرتاح من الموضوع دا.
*.التجنيس.
*.والتحنيس.
*.عماد الطيب قال اجتماعتهم في اليوم بتستمر )15( ساعة في اليوم.
*.لو ما طلعتوا ليكم بي )جنسية( ..يبقى اجتماعاتكم دي ما فيها فايدة.
*.جمال الوالي )الجنسية( كان بطلعها زي شريحة التلفون.
*.ولو عاوز يقصها بقصها.
*.اندية الخرطوم دي كلها معقولة ما فيها )مدافع( يمكن يلعب في الهلال.
*.اندية الممتاز دي كلها ما فيها مدافع يلعب في الهلال.
*.مدافع من الولايات ما في.
*.ناس الهلال لو فتشوا من بدري وبحثوا كان لقوا ليهم مدافع.
*.بدل ما يقعدوا يحرسوا لينا )الجنسية( التسجيلات كلها.
*.ناس المريخ ما يقعدوا يتريقوا ساكت على ناس الهلال.
*.ناس المريخ قالوا جايبين الحضري وما جابوه.
*.وقالوا ح يسجلوا هداف البطولة الافريقية وما سجلوه.
*.وجمال الوالي ليه عشرة يوم بتكلم عن )مفاجأة(.
*.والتسجيلات انتهت.
*.مفاجأة المريخ )حقار(.
*.تيتيه مهاجم الهلال الجديد ح يكون المفاجأة الحقيقية في التسجيلات.
*.لاعب صغير في السن.
*.وهداف.
*.وصاحب بنية جسمانية مميزة.
*.الفرحة سوف تكتمل بالمدافع العاجي.
*.يلا ورينا شطارتك يا الكاردينال.
*.العمل في الجوهرة وصل مرحلة التشطيب.
*.في هدوء العمل ماشي في الجوهرة.
*.اختيار الشفيع عبدالعزيز لقناة الهلال الفضائية قرار اكثر من موفق.
*.الشفيع الى جانب قدراته التلفزيونية العالية …هو يعرف الاستثمار الفضائي.
*.كما ان استعانة الشفيع بفريق اركانه ياسر عركي ومحمد عكاشة.
*.هذه اسماء قادرة على ان تصنع من الفسيخ شربات في المجال الفضائي.
*.و
*.)ونحن عايشين والحمدلله، )النفس( بينزل ويطلع إلى الآن ..ولاينقصنا شيء سوى رؤياكم الغالية(.
*.و )دروووري ضروووري تروووري( تجونا في الاجازة الكبيرة!!.
*.………..
*.
السيدة )ل( –الدوم رفعو منو الدعم بقى تفاح.
*.
وقرّط على كدا.

____________
اضغط اعجبني واحصل علي الاخبار بسرعة وبسهولة دون جهد

.
سبحان الله و بحمده عدد خلقه و رضا نفسه و زنه عرشه و مداد كلماته(3 مرات)

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى