تابعونا عبر توتير
تابعونا عبر فيس بوك

قوقل ‏+‏ ‏
شارك
2شارك
مواضيع ذات صلة

اندياح - داليا الياس - أهو كان حلم

إرسال مساهمة في موضوع

اذهب الى الأسفل

اندياح - داليا الياس - أهو كان حلم

 من طرف  Admin في السبت 3 ديسمبر 2016 - 16:17

اندياح - داليا الياس - أهو كان حلم

"أهو كان حلم"...
بس قلبي منك ما سلم..
رغم المسافات والظروف.. مشتاقة ليك وانت المهم..
خليني جواك زي زمان.. بيناتنا ما انقطع العشم..
محتاجة بالك لي يطول.. تهواني لكن بي فهم..
البيني بينك سر نبيل.. واحساس علي القلب اترسم..
وانا من عرفتك يا جميل.. ودعت أطياف الوهم..
والواقع أصبح بيك نضير.. والدنيا موسيقى ونغم..
بس كنت عارفك طيف خيال.. مرات حلم مرات علم..
وأنا قلبي منك مااااااا سلم!
***
قصة هواك والذكريات.. ساقوني لي حد الجنون..
وبقيت مقسم كلو يوم.. بين الهواجس والظنون..
يا البيك ربيع عمري بيطول.. يوم فرقتك شفت المنون..
غرد معاك عصفور هناي.. لكن وراك هجر الغصون..
علمتني الحب والهيام.. ووريتني في الخذلان فنون..
وزي ما ضحكت كتير معاك.. الليلة بكيت العيون..
وزي ما عرفت تسيب هواي.. أنا غير هواك ببقى وبكون
ولو هانت الأيام عليك.. شخصك علي خاطري بيهون..
بس قلبي منك ماااااا سلم..
***
جرحك بيتاور في حشاي.. لا ارتحت منو ولا شفيت..
وأنا يوم طريت حبي الكبير.. من غير شعور نحت وبكيت..
خاطري الكسير يوم ما انجبر.. لا قدرت أطرا ولا نسيت..
حاولت يا ما كتير معاك.. وجريت وراك لامن حفيت..
جنيت بلاك والله عديييل.. لا عرفت رقت ولا هديت..
شمتَّ كل الناس علي.. وبقيت حكاية في كل بيت..
أنا كنت راضيه أعيش معاك.. لكنك انت الما رضيت..
باريت غرورك والضلال.. وبقيت أناني وافتريت..
وأنا قدر ما أديك حنان.. ألقاك مع الأيام قسيت..
قدامي ما خليت خيار.. لملمت أحزاني ومشيت..
وسبتك وراي للحسرة والخوف والندم..
والظالم الجواك تراجع وانهزم..
وأنا هسه فقتا من الوهم..
بس قلبي منك.. ماااااااسلم
تلويح:
نحن لا ننسى.. ولكننا نجتر الذكريات لنصنع من أخطائها واقعا أفضل.


الحديبة نيوز

للاعلان اتصل ‏:‏ ‏0919496619‏ مع تحديد مكان ظهور اعلانك

Admin


الرجوع الى أعلى الصفحة اذهب الى الأسفل

مواضيع ذات صلة
السابق التالي الرجوع الى أعلى الصفحة