تابعونا عبر فيس بوك

قوقل ‏+‏ ‏
Use the English Language

المادحه نوره بنت سالم

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17082011

مُساهمة 

المادحه نوره بنت سالم




المادحه نوره بنت سالم

قصيــدة / شوقي علي المولي



(شوقي على المولى)
الله الله شوقي على المولى
ختام المرسلين الرادو الله
***
بسم الله بادي القول بي الله
ثنيت بالمصطفي اب قدراً معلى
شفيع الامة يوم الناس في زرة
لولاك يامحمد مافي حلا
***
طاهر وضعوه بالانوار مجلا
بيهو الكون فرح نار واستسرا
حاجبو زي الهلال الدابو هلا
فاق يوسف جمالو حلفت الله
***
من قام لاب يعيق لاقالو ضره
مطروح الجبين مافيهو صرة
واصل الجار بالايتام بر
ذو الخلق العظيم المدحه الله
***
جبريل الخليل في مقامه مر
قام ركب البراق فرتبو فره
احيولو الرسل اماها صلى
واجه بالعيان لي ربو جلا
اعطاه الرياسه وليهو ولى
شفاعة الامة في يوم المزلة
***
اصحابو الكرام ما فيهن ضلة
شايلين السيوف في بدر برة
اب جهل العنيد بي صالحو ضر
شوف كيف حالو في النار استقر
***
يا نعمة العنا ولي بلدو فر
شرب زمزم روى ولى شوقو بله
طاف البيت سعى وفي حرمو صلى
طلع عرفة ونزل لامثقال ذرة
زار قبر الرسول باله استمره
سعيد أن مات وان جاء بيحمد الله
***
الصلاة والسلام من غير قله
عدد ماشال سحاب للموية دلى
بي عدد القلم في اللوح ماجر
من الحاجة نورة على المبرا


قصيــدة / صاحب المنصب



(صاحب المنصب)
صاحب المنصب
الليلة البريق شال والنسيم هبهب
ذكرني اب جبيناً خافي للكوكب
بسم الله ابتديت شرحي وعليه نسب
احمد صادق القول حاشا ماكذب
عبد الله ابوه وامو بنت وهب
ديل اعيان قريش والله اعز نسب
اختارو الاله ناداه ليه قرب
رسله للامم بالحق سيدي خطب
صديق صدقه وقال حاشا ما كذب
اتغاز اب جهل منه اب لهب يغضب
التبع الرسول جنة ونعيما كسب
والعاداه في النيران بيتعذب
نبياً من نشاء وقام كله ذوق وادب
حسين الخلق طيب حاشا ما بيغضب
تمام ضرع العجوف بي مسو در حلب
وان مرق النهار ربط الغمام سحب
ينبع من بهامو الماء سال سرب
وان مشى في الظلام قدامو نورو ضرب
يارب ياكريم هون على صعب
اقطع للتذاكر وفي ام جناح اركب
نطوف بي مكة من زمزم نشيل نشرب
نصل عرفات نقضي ونمحى كل كعب
نوصل لي المدينة الدخري نتعجب
ننظر لي مقام روضة ام نخيلها دهب
اردفلو السلام ليهو القلب يطرب
مناي اموت هناك وفي البقيع اترب
يوم تم العمير ولى الفراق يصعب
وساعتي الرقدوني وعلى نكير قرب
سوالاً بي لطف ياربي ما اتعب
وتفتح لي طاقة نسيمها بتهبهب
الصلاة والسلام الاف على الاقرب
عد ما قام نبات جرجر وشال الحب
ترضي المصطفي والآل والأصحب
من نورة عليك ياصاحب المنصب



قصيــدة / عالي الدرجات والمقام

(عالي الدرجات والمقام)
عالي الدرجات والمقام
كدي على شانو الحجيج قام
***
بادي بسم الله النظام
وثاني بيك ياخير الانام
يالشفيع في يوم الزحام
وبي شفعاتك تم المرام
***
يوم وضوعك خير عم تام
وفاضت الاكوان بالسلام
بي قدومك نار الظلام
واتهد ايوان اللئام
***
جاه جبريل اغراه السلام
والحبيب تلك الليلة قام
واجه الحي الماب ينام
اصطفاهو وادى المقام
***
من هجير ظلاه الغمام
ليه يابس العود ناوى قام
المكسح مساه حام
واحياء لي الكان راقد عظام
***
البريق شال تالا ام رخام
حس عيني وابت المنام
شاشا قلبي وزاد الغرام
ياكريم هون لي القيام
***
نعمة يالعبا الزاد وقام
حج طاف البيت الحرام
في مدينتو ام صيني ام رخام
الدخول بي باب السلام
***
السلام لي خلفا الكرام
الصديق والفاروق همام
سيدي عثمان كارب الحزام
ابن طالب فارس اللطام
***
ديل هانو الكفر اللئام
دمروهم وضو الظلام
عزو للدين جابوهو تام
ظهروهو كبدر التمام
***
السلام ردد باحترام
للرسول واصحابو الكرام
بي عدد ما غرد حمام
وعد حجيجاً بي مكة حام
***
في نهار يوم الحر طام
نوري والكرو فيك عشام
اكرمهم ياسيد الانام
بالبشاير وحسن الختام
***
هدية من نورة على الامام
بيها نورة تنال المقام
تلقى تقوى وعملاً تمام
وترقى في الجنات بانتظام
*

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

المادحه نوره بنت سالم :: تعاليق

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى