محمد النصري _ زينوبه (ياقمرة) رائعة الفنان صديق احمد

استعرض الموضوع السابق استعرض الموضوع التالي اذهب الى الأسفل

01052015

مُساهمة 

محمد النصري _ زينوبه (ياقمرة) رائعة الفنان صديق احمد




محمد النصري _ زينوبه (ياقمرة) رائعة الفنان صديق احمد

الفنان محمد النصري في رائعة الاستاذ صديق احمد _ زينوبه او ياقمرة
حفظ بالضغط هنا بصوت النصري.mp3

يا قمره
صديق احمد
عبدالله محمد خير
يا قمره ... صبي السنسني الحمـره
شوفي أبوي أنا الراجاهو كلو صبـاح
يا زينوبه أبوكي هو أصلو حالو بـره
لو قاري العلم هو ولاهو سيد خبـره
ومو زول غربه لكن الظروف جابره `
مالو إن كان صبر كل الخلوق صابره
والصابرات روابح لـو يجـن قمـاح
هو أصلو متين نساكم يُمة شان يطره
بيتنفـس هـوا ذكراكـم العـطـره
رهيف إحساس حنين قلبـو بالفطـره
نديمو بقت دموعو الديمـه منقطـره
وأصلو إن ما قعد بينكـم ولا بيرتـاح
جاهو العيد كمان زاد القليب حسـره
ساد العبره حلقـو ونفسـو منكسـره
هو لا لمّ القروش لا حصل المسـره
بلد ما فيها زول مات من عدم كسـره
فراقكم ليها يا أحباب ولا كان صـاح
يـا أمارتـي المـا طاعـت الأمـره
ندماني وبقـت محتـاره فـي أمـره
بعد قسن الـدرادر قصـرن عمـره
الشوق فاض وعماها الحنيـن غمـره
الشوق للبلـد لـي بهجتـه وسمـره
الشوق لي مقيلا تحت ضليل تمـره
الشوق لي حديثا ضـم ضـو قمـره
الشـوق للبلـد جابريـتـا وكـكٌـره
كان الشوق يخفف والله يبرى جـراح
مشتـاق للحسينـاب أسـه أوبكـره
مشتاق للقبيل إتربـوا فـوق حكـره
مشتـاق للدميـري ومويتـه العكـره
مشتاق للجزيـري وتشقـه وهكـره
مشتاق لي قطع بحره ودخول وكـره
مشتاق للأبي يفـارق الفـؤاد ذكـره
مشتاق للعلـى مشغـول دوام فكـره
مشتاق للصباح ديـدن غنـاي شكـره
وياريت كت بقدر أسوي شوقي جناح


Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
لاتستطيع الرد على المواضيع في هذا المنتدى