المواضيع الأخيرة
» جلب الحبيب بصورته فقط 00201210598112
الأحد 19 نوفمبر 2017 - 19:21 من طرف دكتور محمود

» شيخ روحانى يجلب الحبيب 00201210598112
الجمعة 17 نوفمبر 2017 - 1:45 من طرف دكتور محمود

» عناوين صحف الهلال اليوم الاحد 5/11/2017
الأحد 5 نوفمبر 2017 - 8:47 من طرف Admin

» عناوين صحف المريخ اليوم الاحد 5/11/2017
الأحد 5 نوفمبر 2017 - 8:47 من طرف Admin

» عناوين الصحف السودانية اليوم الاحد 5/11/2017
الأحد 5 نوفمبر 2017 - 8:45 من طرف Admin

» عناوين الصحف السودانية اليوم الخميس 14/9/2017
الخميس 14 سبتمبر 2017 - 8:20 من طرف Admin

» عناوين صحف الهلال اليوم الخميس 14/9/2017
الخميس 14 سبتمبر 2017 - 8:19 من طرف Admin

» عناوين صحف المريخ اليوم الخميس 14/9/2017
الخميس 14 سبتمبر 2017 - 8:19 من طرف Admin

احدث الملفات بالموقع
تابعونا عبر فيس بوك

قوقل ‏+‏ ‏
Use the English Language
شارك

على صفيح ساخن - نادر التوم - مريخ بخير وهلال بحير

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25022017

مُساهمة 

على صفيح ساخن - نادر التوم - مريخ بخير وهلال بحير




)1(
• إضاءة: )مرَّة تانية( الهلال إتعادل
• اعلامو المنظر ياما خاصم و جادل
• كاردينالو كبَّ مالو فيهو و ناضل
• ما قادر فريقو يفوز مهما سوَّى و حاول
• تسخينة: في الأبيض او في أم درمان أو في نيالا
• دايما درون هلالنا حالتو بطالة
• جمهورو المنتظر حالتو صبحت حالة
• سرحوا اللاعبين و افتحوهو ياخي بقَّالة
• بكل سهولة و سلاسة و أريحية عاد المريخ بالعلامة الكاملة
• من مورتانيا.. من بعيد
• ليواصل مشوار الإنتصارات العربيَّة
• بعد أن قفل الملف الافريقي جزئيا
• و الممتاز )في الراحة( لحين تعادل آخر
• استقرار فني و اداري و إعلامي و )صَفَوِي(
• ما شاء الله لا قوة إلا بالله!!
• الناس مبسوطة و مريخنا زينة
• و يعود حبيبنا و العود أحمر
• و يبقى المريخ شعاع النور و شعلة الأمل الوحيدة
• و يبقى غيره مع الفشل في تأبيدة! تأبيدة بطرس؟؟
)2(
• للمرة الرابعة على التوالي يتعثر الهلال
• ملت جماهيره الصبر والانتظار
• و في كل يوم مدرب جديد و وعود جديدة
• و لا حياة لمن تنادي
• الهلال يمرض و لا يموت
• بس المرة دي قعد في العناية كتير
• أربعة تعادلات مع هلالين و مريخ و أهلي؟
• و تعادل التبلدي )شنبي(
• من التريعة تاني ما غلبتو زول
• التريعة ذااتها غلبتوها ساكت
• طولتو ما غلبتو و بعدين معاك لو جيييت
• تريدون من الديبة أن يفعل مثل مصطفي يونس
• و يصنع من فسيخ تيمك شربات؟؟
• على الاقل فسيخ المصري كان كبار
• المرة دي استعجلتو الشبكة لمَّت سمك صغار كتيير
)3(
• الغريب الى الآن بعد سلسلة النزيف المتواصل
• يكتب بعض الكتاب ان الهلال ما اتغلب
• لا ياخ! أصلو ما ممكن
• هو اريت كان اتغلب و تاني غلب
• بالاستراتيجية دي بتجوا الطيش براااحة
• حتى لو ما اتغلبتو
• كل يوم متعادلين بقينا نقول الهلال متعادل مع منو؟
• و الهلال متعادل كم؟؟
• التعادل ذاتو واحد بي شنب و واحد بي شرف
• و كلو بي أشرف!
)4(
أخبار الغد
• سيل )الوادي( المنحدر يبتلع هلال الصفر
• المدرب الجديد: همنا الأبطال و فترنا من الممتاز
• الهلال يفاوض هاي
• الهلال يفاوض مغرزة
• مدرب الوادي الحكم ظلمنا و الهلال نجا من هزيمة قياسية
)5(
• عندنا مثل سوداني بضربوا في حالة الحاجة تكون ما أصلية
• لكين بتمشِّي
• بقولوا )ما والدك لكن بربيك(
• بالطبع سيقوم بواجباته تجاهك لكنها تكون منزوعة الحنان
• المدربين ديل كلهم بربوا في الهلال ساكت
• كل مدرب )يأبوا( يجي والد أقصد واحد تاني
• الغريبة بدرن تاني
• ممكن نقول ما مدربك لكين بدرِّن ليك!
)6(
مقترح
• المدربون الاجانب كلهم درنوا للهلال و مشوا
• المدرب الوطني برضو جربتوهو
• عندي ليكم مقترحين
• واحد بقدموا هسه و واحد في عمود بكره إن شاء الله
• المقترح الأول: طيب مااا تجربوا العنصر النسوي
• سلمى الماجدي دي مالها؟
• و بعدين انتو خسرانين شئ؟؟ كردنة بتدفع
• أدوها فرصة فازت خلاس إتعادلت تكون زي باقي الناس
• المشكلة و ين؟؟
من عدة زوايا
• ضربة زينة كان محتاجة هلال التعادلات الحزينة
• في زمن عجييييب
• بالمناسبة كاريكا طول ما لعب
• هو و بشَّة
• ما تكونوا ناوين عليهم!!!
• هلال الجبال و هلال الرمال و هلال التعادلال
• تعادلات الهلال دي دايرة صفيح ساخر و الله قريب إن شاء الله
• زهجتونا ذاتو كلو يوم تتعادلوا ياخ ما تجددوا شوية
• يوم انسحبوا برضو تغيير
• و الاتحاد برجعكم يعني الخبر يكون الهلال ينسحب
• و البعدو: الهلال يعود!
• على جعفر للمرة الثانية يعود بالنصر للمريخ من جديد
• و الهلال يعود بالصفر من الغرب من جديد
• جمال سالم يبدع في حراسة العرين الأحمر!
• و مكسيم مطلب أحمر في التكميلية ان شاء الله!
• ثوار وجيه: الهلال اتعدَّ )التريعة( يا الله ح يتعدَّ ليكم )البحير( كيف؟
• رئيس مريخ البحير عمل العليو وأكد ان تصريحاتو ما كلام جرايد!
• هسه متعادلين تاني في نيالا متين؟؟
• بتكرروا في نفسكم بي صورة رتيبة خلاص!
• و الديبة مواصل ولا لي الفاتو محصِّل؟؟
• تخريمة: لا خوف على الهلال افريقيا ففريق )اوتوبيس( منتهي أصلاً
• كل من سوني و زينة زادوا المواجع العلينا!
• و يظل المريخ الحاضر و المستقبل و التاريخ
• و يبقى الهلال ملك التعادل المسيخ!
• و كلنا بنغلط… و كل الفرق بتتعادل!
• آخر قطرة: إنتو ما تجرِّبوا تغيرونا حاجة تاني غير الديبة
• و غير كردنة بالتاكيد!
• عمود تحت تاثير )دوران البحير( اقصد الإلتهاب، نعوضكم بكره ان شاء الله!
• تغريدة: تاني لو في زول سألنا الخبر شنو؟؟
• بدون تفكير نقول الخبر درون!
• آخر قطرة: الفرحة الجاية وين؟؟
• تقفيلة: )شطَّبنا(
• و برضو ما غلبنا! و البنسوي غلبنا!
• اللَّهُمَّ صَلِّ وَ سَلِّم وَ بَارِك عَلَى سَيِّدِنَا مُحَمَّدٍ وَآلِهِ، كُلَّمَا ذَكَرَكَ وَ ذَكَرَهُ الذَّاكِرُون
وَ غَفَلَ عَنْ ذِكْرِكَ وَ ذِكْرِهِ الغَافِلُون!
و هذه بصمتي


Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى