المواضيع الأخيرة
» الصراخ يبدأ - اخر الليل ‏‏‏‏إسحق احمد فضل الله
الأحد 15 أبريل 2018 - 20:59 من طرف Admin

» ورونا شطارتكم !
الأحد 15 أبريل 2018 - 11:40 من طرف Admin

» العودة لهذه البدائل
الأحد 15 أبريل 2018 - 11:40 من طرف Admin

» عُذرا أيها الحمير !!
الأحد 15 أبريل 2018 - 11:39 من طرف Admin

» ‏‏‏‏أكثر من عبور.. افتتاح جسر النيل الأزرق
الجمعة 13 أبريل 2018 - 21:31 من طرف Admin

» شكرا أخوات بصمة
الجمعة 13 أبريل 2018 - 21:31 من طرف Admin

» ضد التيار - هيثم كابو - ‏‏‏‏اليمني.. “نخلات الشمال اتماصن”..!!
الجمعة 13 أبريل 2018 - 21:30 من طرف Admin

» حميدتي يدعو المجتمع الدولي لرفع اسم السودان من قائمة الإرهاب
الجمعة 13 أبريل 2018 - 5:35 من طرف Admin

تابعونا عبر فيس بوك

قوقل ‏+‏ ‏
Use the English Language
شارك
احدث الملفات بالموقع

نبض الصفوة - امير عوض - المحروق يروق!!

اذهب الى الأسفل

26022017

مُساهمة 

نبض الصفوة - امير عوض - المحروق يروق!!




نبض الصفوة - امير عوض - المحروق يروق!!

هبة السماء لأرض المريخ تمثلت في مجلس الإعجاز و الإنجاز الحالي.
كل هذه الأفراح التي نتنسم عبقها الآن هي صنيعة خالصة لهؤلاء الرجال الذين قرنوا قولهم عملا و بذلا فاق حد التصور.
و الآن فالكل يقف مع المجلس في خندق واحد إسمه إعمار مريخ التميز حتي الوصول للدرجات العلا.
حراك جماهيري ضخم دب في خلايا الحمر الميامين ليسري في الجسد الأحمر بردا و سلاما و دعما غير محدود.
أعضاء الشرف و قروبات الدعم و الأقطاب.. الكل يجود بالموجود لمجابهة التحديات و تواصل القتال حتي بلوغ سدرة المنتهي في البطولات الأربع.
إرتفاع سقف الطموح يقابله المزيد من التعاضد و التوالف الأحمر فلا فرق بين مريخي و أخيه إلا بمقدار ما يختص به المعشوق من الدعم و المؤازرة في كل حين.
و بيد الجراح الماهر غارزيتو سيقوي عود المارد الأحمر ليشب عن طوده فاردا ذراعيه لأفريقيا و العرب كافة.
و علي كتيبة النجوم يقع العبء و المرتجي بقيادة )التيم دريم( للمنصات التي يستحقها عن دون منافسية الذين لا يملكون معشار ما يمتلكه الزعيم الفخيم من قوة بشرية أعتي من أي قوة أخري في الكرة الأرضية.
*نبضات متفرقة*
مطالعة الحروف )الزرغاء( عقب الإخفاقات متعة لا تضاهيها متعة.
تكرار السقوط كل أسبوع جعل القوم يهرفون بما لا يعرفون و جعلهم يناقضون أنفسهم بين اللحظة و الفينة.
المنسقة )معاش( كتبت بأن الديبة باق في منصبه لأن المجلس لا يتعامل بردود الأفعال!!
أشي أشي علي ردود الأفعال.
المنسقة التي نفخت )١٥كيس مدرب( في عامين باتت تكتب عن ردود الأفعال.
الأفعال الخمسة واللا )الخمستاشر( يا فطومة؟!
و علي نفس العمود نقضت المنسقة غزلها بيدها.. إذ كتبت: )الديبة لن يتمكن من قيادة الهلال و يبدو أن معارضيه كانوا علي حق و لابد أن نعترف بذلك بدون مكابرة(.
قولوا إنتوا يا متعلمين يا بتوع المدارس.. ده نفخ كيس واللا أنا غلطان؟
كلو كوم و الحديث عن السحر و الذهاب للشيوخ كوم تاني!
قلت لي العراب دعمهم.. أوعه تنزلي كشف بالأسماء و تحددي نسبة )٨٠%( منهم كمان.
بالأمس تغزلت في إعادة اللاعب وليد علاء الدين و قالت بأن الديبة لو فعل ذلك لكفاة.. و اليوم هاجت مرعدة حول إشراك الفتي!!
الديبة ده يتقطع ليكم يعني؟ يشاركو تكوركي.. يخليهو تنقي!!
و تبقي مطالبتها بإعادة الصيني الذي وصفته بأنه يظن أن كرة القدم عبارة عن )شلاليت( إمتدادا طبيعيا لحالة التناقض الناتجة من حمي الدرونات.
الحمي شديدة و الوجع راقد.. كتري من البطاطين الأيام دي.
عملتوا لينا شنو في موضوع مستشفي الكبد الخرافي؟
حجوة )أم ضبيبينة( بتاعت الجوهرة الزرغاء دي بقت ما بتغطي معانا.
الجمهور المقهور عايز تيم غير المواسير الموجودين حاليا.
خط الدفاع ده إلا يقيف قدام مستشفي!
وقفتو براهو في الصقيعة دي بتخلي الكورة تخش من السنتر زي قون ولدنا مارتن.
قون مارتن ده إسمو لو ما فاطر ما تخاطر.
عطرون بس في الحلق.
مكسيم لليلة ما عارف الكورة إتشاتت فيهو واللا ده ضوء قمر صناعي.
غايتو لو ما العارضة.. كان نصحناكم تبنوا مشرحة عديل.
لكن برضو فكروا في قصة المشرحة دي.
سيل الوادي المنحدر لو شال الجنازة دي ما بنلقي اليدفن معانا.
المشرحة ضرورية لتحديد أسباب الوفاة.
قون تاني زي بتاع مارتن ده بنكتب في التقرير )سكتة دماغية بسبب كورة صاروخية(.
الأقوان الرأسية بنكتب فيها )تهتك في الأوردة و الشريان التاجي(.
التاجي ده ضروري في التقرير.. لأنو عندو علاقة مع الكاسات الخارجية.
بالمناسبة.. شلتو قدرة الفول من معرض الخرطوم واللا نسيتوها؟
ناس الكنغو يضحكوا فيكم إسبوع لما شافوها في النت.
واحد سغيل من الكنغو شاف الصورة المفبركة قال للتاني ده منو الواقف جنب القدرة ده؟
صاحبو قال ليهو ده كابتن المدعوم.
السغيل قال بالله نادي الحركة الوطنية بقي بتاع فول و طعمية؟
و إتطعمي.. من الدرون.
*نبضة أخيرة*
ناس أفراحها زايدة و ناس بتألموا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

 
صلاحيات هذا المنتدى:
لاتستطيع الرد على المواضيع في هذا المنتدى