تابعونا عبر توتير
تابعونا عبر فيس بوك
شارك
2شارك
مواضيع ذات صلة

وجعة بلد ) رثاء اطفال المناصير ( : محمد النصري



اذهب الى الأسفل

وجعة بلد ) رثاء اطفال المناصير ( : محمد النصريn

 من طرف  Admin -‏ ‏في الخميس 13 سبتمبر 2018 - 21:38

وجعة بلد ) رثاء اطفال المناصير (
كلمات : كمال حسن محمد
ألحان وأداء : محمد النصري

https://b.top4top.net/m_9869wv371.mp3


وجعة دار قمر وجعة بلد لا حدو
البحر الكبير بلع الصغار ما نِّدو
كان الموت مصير فِعلة ضُراعو ويدو
والمشوار أخير تاني البلد ما صدوا
خنت أهلاً قبيل يتفاسلو ويتحدوا
واديك ما بيهون كان في عيونن سدوا
رغم ايمانا بيك من حقهم يرتدوا
لو أصلك كريم ديل حُلماء مابينسدوا
يا نيل ليه تشيل أحلام شباباً لسه
زي زمناً جميل في جوف كتاب مُندسه
ما ضُقت الرحيل وكتين يباغت خِلسه
زي غُلب الضغاف صاب البلد في كبدو
يانيل ياتو ليل ما وآنسوك صباحي
الطمبور شليل لا طار ولاد الماحي
والطلاب نشيد تِلو النشيد ياصاحي
كفنت القصيد بعت الفرح بي ضِدو
ناس ملكاً قديم اسياد نحاس وجسارة
والقلب الـ يهيم عِند دقة النقارة
الصبر الجميل فوق حِزتهم شُمارة
لو الموت خصيم كان يضبحوا ويتعدوا
يانيل البنات الخمسة والأنداد
والدكتورة والأستاذة كالمعتاد
كان بتصبحوك زي فرحة الأعياد
طولو والفوك ماجوك هسا جداد
أسفاً وآلفوك انت التراك صياد
من غيرهم كتير الغِرقوا ما بتعدوا
حسَّبنا الله يا بحر السواد الميري
املاكنا وكرونا وحتى اي جزيري
عينتك كشرت زفرت هواها دميري
مويتك عكرت مصرت شرابك ديري
سيرتك في البحيرة اتشوهت ما سيري
مقطوع راس تحوم بين السؤال لا ردو
ان جيت للكلام الديمه يرضي الله
كلنا بي إلتزام قولنا الدوام لله
لا يلعبنا إبليس البمنّح آه
مات خير الأنام يبقى العمر لا حدو
كل صاحب فقيد يا الله جمل صبرو
وآي طفل شهيد الرحمة تسكن قبرو
محزون الشمال يا الله عظم أجرو
الوطن الحزين يا ربي أجبر كسرو
طلابنا الصغار عند الصراط ينتظروا
يشفعوا للكبار فِطن الجنان يتمدوا

الرجوع الى أعلى الصفحة اذهب الى الأسفل

مواضيع ذات صلة
الســـابق التالــي الرجوع الى أعلى الصفحة


الحديبة نيوز :: الاخبار :: اخبار منوعه

وجعة بلد ) رثاء اطفال المناصير ( : محمد النصري
 

رابط فيسبوك )انسخ رابط وعنوان الخبر(