بابكر سلك: معركة أم بلنتات

إرسال مساهمة في موضوع

اذهب الى الأسفل

14092018

مُساهمة 

بابكر سلك: معركة أم بلنتات




بابكر سلك: معركة أم بلنتات


< كانت معركة أم بلنتات شاهداً على سقوط جميع الأرقام القياسية الوهمية الصفرية
< فزناطير هذا الزمان لايملكون مع الصفر فكاكاً
< لذا هم لايملكون غير نشر وهم إنجازات ليست في حقيقتها كذلك
< علي شاكلة كأس الكنغو
< وعاشوا على وهمة كأس الكنغو حتى خرجت عليهم فطومة أختي بالحقائق المرة التي اختتمتها بسؤال محرج جداً للحشرات.
< هكذا أطلقت عليهم
< سألتهم متى حقق الهلال بطولة جوية طيلة تسعين سنة حتى تطالبوا كردنة بالحفاظ عليها
< هنا سقط كأس الكنغو بفريته وتعرى الصفر
< كان لابد لهم من بديل
< فأتوا بستينية الحفاظ على سجلهم بالدوري بدون هزيمة
< فكانت الواحد وستينية
< تاني هلالابي بجي بجي شارع واحد وستين ساي مافي
< معركة أم بلنتات سجلها التاريخ مع معركة أم دبيكرات
< لأنها أول لقاء بما يسمى النخبة
< دايماً أول اي شيء يسجله التاريخ باسم المريخ
< وأول مرة يتحسب بلنت بالممتاز ضد الهلال
< وميدو هو أول لاعب مريخي تتحسب لصالحه ضربة جزاء في مباراة دورية بالممتاز ضد الهلال
< وميدو هو أول لاعب مريخي يسجل في شباك الهلال بالممتاز من ركلة جزاء
< وميدو هو أول لاعب يشوت فاول بره الخط تدخل قون في الهلال ويشوت بلنت وبرضك تدخل قون في نفس الهلال
< ميدو من جانا ما تم سنة جاب ليهو قونين في الهلال
< والتشششش
< أول تش يجيب بلنت يقول كش ويدخل القش
< قلنا ليكم بنتشكم ما صدقتونا يا روشا
< ولكن نأخذ على مدربنا إنو اكتفى بالهدفين وجاط الكورة
< لو ما اكتفى .. كان لي أسي ما قلتوا كفى
< والراجل تونسي والتوانسة ديل بعرفوا معنى كلمة زناطير كويس
< قلت لي زناطير طايرة يا فطومة وزناطير زاحفة
< زاحفة نحو الإستاد ولا من البف باف؟
< أفرزي يا فطومة يا أختي عشان الإبادة ما تكون من طرف
< المهم
< أهل المنتجع الكورة في ملعبهم
< ونظن أن يوم تسعه وعشرين سيحتل المنتجعاب المكان ويقتلوا الدبيب ويشيلوا الجوهرة
< الدبيب دايماً يحرس الجوهرة لابستفيد منها ولا بخلي الناس تستفيد
< أجي يا السرة!
< هكذا تسأل حواء الهلال
< أيها الناس
< تطور الكورة في البلد دي مرهون بتحكيم صاحي
< في هذه الحالة أجزم لكم السنة الجاية الهلال حايفارق صفرو يلعب في دوري العشرة تفادياً للهبوط
< قال ستين مباراة قال
< المهم
< البطن طاااااامة .. فتحية كبي حرجل
< فطومة كبي الزوغة
< بس أبعدن من النار دي ماتشكن
< تشششششش
< حاااارة .. حية
< أيها الناس
< إنها بداية المشوار لنيل البطولة لا خاتمة المطاف
< نحتاج لمزيد من الجهد والإصرار
< بالمناسبة
< الهلال عمرو ماغلبنا في النخبة
< رقم قياسي جديد يا روشا
< حااااااار
< أعمل حسابك ما يتشك
< أيها الناس
< إن تنصروا الله ينصركم
< آها
< نجي لي شمارات والي الخرتوم
< في التشكيل الجديد ما سمعنا بوزارة الباعوض الحصل فيها شنو ؟
< دي وزارة مهمة لأنو الباعوض يمثل تسعين بالمائة من سكان هذا الوطن
سلك كهربا
ننساك كيف والكلب قال وهل وزارة الباعوض حاتدمج مع وزارة الضبان تقليصاً للصرف؟
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

بابكر سلك: معركة أم بلنتات :: تعاليق

لا يوجد حالياً أي تعليق

الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى