تابعونا عبر فيس بوك

قوقل ‏+‏ ‏
Use the English Language

بابكر سلك .. في السلك .. لا للمخدرات

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

07062015

مُساهمة 

بابكر سلك .. في السلك .. لا للمخدرات




بابكر سلك
في السلك
لا للمخدرات
*البلد بتقوم بي شبابها
*وشبابها لو باري المخدرات يبقي باري الخيابه
*والخيابه حا تزيد خرابه
*يبقي القصه دايره كلمه مننا بالصوت العالي
*لا للمخدرات
*لا لضياع الشباب والمكتسبات
*لا لضياع مستقبل العباد والبلاد
*المسئوليه ليست علي الدوله وحدها
*القصه علي عاتقنا جميعا
*علي اعناقنا كلنا
*الاب والام والشارع والمدرسه
*حتي الصديق لو كان صديق
*بقدر يحارب تعاطي صديقه للمخدرات
*آفة العصر
*بصراحه
*انتشرت
*خلونا نقولها بشفافيه عشان نعالج القضيه
*انتشرت وبين الجنسين كمان
*يا للحسره
*انتشرت واصبحت في درجه اللا عيب
*عادي
*اصنافها اختلفت
*ويا حسرة علي العباد
*لما يقابلوك خمسه شباب
*اتنين خارشين
*وواحد مسطول
*وواحد فاتح خيال من امس
*والخامس
*يتكشم زي نار القصب
*الشعار
*نفسين وحبه
*وقطرة تودر حمار العيون يا حبه
* ونضارة شمس استايل مربه
*وتمش
*ايها الناس
*شبابنا ينتحر امام اعيننا
*حكومه براها لا تحارب
*كل المجتمع يجب ان يشارك في الحرب
*والحرب لاتعني قتل المتعاطي
*بل تختلف وسائلها
*التوعيه ضروريه
*العلاج من الادمان واجب
*لان المتعاطي ضحيه
*ومريض يحتاج للعلاج
*اما المروجون
*ديل حربهم براها
*الاعدام اخف العقوبات
*التأبيده ما كفايه
*والحرب التي اعنيها علي التجار
*علي من يروج المخدرات وسط شبابنا
*والتوعيه للبقيه
*ايها الناس
*لا للمخدرات شعار يجب ان نرفعه طول السنه
*مدي العمر
*المهم
*تأجيل جديد من لجنة الاستئنافات
*اسي دي ما مخدرات ؟؟؟؟
*الناس سواسيه امام القانون
*اسي دي ما خرشه ؟؟؟
*الخطط الخمسيه والعشريه والعشرينيه وبعدها الرفاهيه
*السطلي ده كيف بس ؟؟؟؟
*واذا قابلك شاب شايل ورقو و ماشي علي لجنة التعيين
*الزول ده من ناحية متعاطي ما في شك
*اما الذي يحلم برفع المعاناه عن كاهل الجماهير وجادي في القصه دي
*الزول ده لاطي شديد
*غسلوا ليهو راسو بي موية بارده
*ايها الناس
*ادمان المخدرات بتعالج في المصحه
*بس في نوع ما بتعالج ابدا
*وده اخطر انواع المخدرات
*علي شاكلة
*المساواه والعداله الاجتماعيه ووظيفه لاي خريج
*والنوع الاخطر هو
*الاتحاد العام ولجانه لا يخدمون الهلال
*ده الجن الكلكي زاتو
*علاج مافي ليهو
*ولكن اخطر انواع المخدرات علي الاطلاق هو
*لا للمحسوبيه والفساد والجهويه والفئويه والمساواه بين الرعيه
*لما يكون شعار رافعو مسئول وبتهتف بيهو القواعد
*المسئول يروج
*والقواعد تتعاطي
*المهم
*البعض يقول بان اي لاعب يسجله المريخ من الهلال
*بقل ادبو ويتطنقع علي المريخ
*انا ماعارف الناس ديل قاعدين وين
*طمبل نجح ولا فشل ؟؟؟
*الم يهزم الهلال زاتو ؟
*كليتشي قدم ولا ما قدم للمريخ
*الم يهزم الهلال زاتو ؟؟؟؟
*اسي بكري المدينه ده
*الم تكن له بصمة واضحه في صعودنا للمجموعات ؟؟؟
*علاء طياره هل كان فاشلا مع المريخ ؟؟؟
*حتي الموسم الذي لعبه هيثم
*الم يكن له دور في حصولنا علي الممتاز ؟؟؟
*ده اسي
*تاريخيا
*ابو العائله كيف ؟؟؟؟؟
*يبقي حقو الناس تكون منطقيه في طرحها
*ولا تنتقد من باب تحقد
*الذين ينتقدون من باب يحقدون امرهم انكشف
*حقو يحقدون بالواضح وينسوا قصة ينتقدون دي
*المهم
*الهلال مدور موضوع بكري
*وصديقي عماد الطيب يصرح
*ما تزجزوا بالهلال في الموضوع
*كلم العوض يا عمده
*باقي زولكم
*ايها الناس
*تعالوا نحارب المخدرات
*من اجل غد اذا اتي يجد شبابنا واعي ومصحصح
*من اجل وطن بدون مخدرات كلامو كتر ونضمو كتر وعملو شويه
*من اجل اسر تنظر قطف ثمارها من الابناء بفارغ الصبر
*من اجل شعب اضحي اليوم كلو يخرش
*يخرش اسكراتش
*مفلس وما بخرش بي بلاش
*ويخرش
*ايها الناس
*برغم ارتفاع درجات الحراره
*وبرغم السخانه في الجيوب
*وبرغم الطقس الذي يعلمه علام الغيوب
*اصر الناس علي فتح المدارس
*لم يسمعوا لاي شخص
*كان رجال تعالوا بعد الفاس تقع في الراس اقفلوها
*وقتها لن نقبل منكم استقاله بعد ثقاله
*ولكن يكون الحل في الاقاله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*واحد قال لينا
*قروش افطار صائم تمت لينا
*نطه واحد تاني قال لينا
*قروش رمضان التسعين يوم اتلمت لينا ؟؟؟
*واحد تالت مننا وفينا
*قال ليهو رمضان ولا خريف العملتوهوا تسعين يوم يا اخينا
*حتي في افطار الصائم كباريكم مركبه لينا ؟؟؟؟
سلك كهربا
ننساك كيف ولو داير تعمل خير يدقسوك
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى