المواضيع الأخيرة
» عناوين الصحف السودانية اليوم الخميس 14/9/2017
الخميس 14 سبتمبر 2017 - 8:20 من طرف Admin

» عناوين صحف الهلال اليوم الخميس 14/9/2017
الخميس 14 سبتمبر 2017 - 8:19 من طرف Admin

» عناوين صحف المريخ اليوم الخميس 14/9/2017
الخميس 14 سبتمبر 2017 - 8:19 من طرف Admin

» أضرب في المليان
الأحد 27 أغسطس 2017 - 12:52 من طرف Admin

» أبداً.. لم يكن حباً..!!
الأحد 27 أغسطس 2017 - 12:51 من طرف Admin

» عناوين صحف الهلال اليوم الاحد 27/8/2017
الأحد 27 أغسطس 2017 - 7:23 من طرف Admin

» عناوين الصحف السودانية اليوم السبت 26/8/2017
السبت 26 أغسطس 2017 - 8:47 من طرف Admin

» عناوين صحف الهلال اليوم السبت 26/8/2017
السبت 26 أغسطس 2017 - 8:46 من طرف Admin

احدث الملفات بالموقع
تابعونا عبر فيس بوك

قوقل ‏+‏ ‏
Use the English Language
شارك

ﻓﻲ ﺍﻟﺴﻠﻚ .. ﺑﺎﺑﻜﺮ ﺳﻠﻚ ..هم شرى ماجاب حقو

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

ﻓﻲ ﺍﻟﺴﻠﻚ .. ﺑﺎﺑﻜﺮ ﺳﻠﻚ ..هم شرى ماجاب حقو

مُساهمة من طرف Admin في السبت 8 أغسطس 2015 - 12:35

ﻓﻲ ﺍﻟﺴﻠﻚ .. ﺑﺎﺑﻜﺮ ﺳﻠﻚ
..هم شرى ماجاب حقو..
* أمس كان تكريم الرائع أسماعيل حسن بدار النادى
* قروبات شفوت المريخ كرمت الرائع إسماعيل حسن
* الرجل يستحق التكريم وسلام تعظيم كمان
* تاريخ أسماعيل حسن مشرق ومشرف وجميل
* والرجل جميل وصاحب قلب كبير
* قدم للرياضة وللمريخ والإنسانية
* أستاذ فى الإنسانية وإحترام الآخر وحب الناس
* بل بروف بجدارة
* ولأن الرجل رائع
* كان يوم تكريمه يوماً رائعاً
* من أجمل الأيام التى عشناها يوم أمس ده
* إن شاء الله يا اسماعيل لو دى الطريقه كلو يوم يكرموك
* ويباركوا ليك ويباركوا لى
* لن ننسى يوم امس ده ما حيينا
* يوم شكرك ما يجى يا اسماعيل
* ولكن تستمر ايام تكريمك طيلة السنه
* المهم
*واحد مواعدنى بى قريشات لأمر هام
* كنت واثق فيهو لكن خايف من الشره
* الشره حااااره
* وشلت هم شرى
* شهر شايل هم شرى
* الراجل فى مواعيدو جانى براهو
* زعلت من نفسى
* كيف اظلم الراجل وأشيل هم شرى
* قام بعد شرب العصير فتح الشنطه
* قلت خلاص داير يعد لى
* طلع لى اوراق وقال لى
* شوف دى كلها قروش عند ناس ما جابوها
* والله لولا كده كان جبت ليك معاى القروش الطلبتها
* وكمل العصير وقام مرق
* بقت كمان عليها كباية عصير بآخر السكر الفى البيت
* والهم الشلتو شهر ما إشتغل بيهو
* هم شرى ما جاب حقو
* شكيتك على الله كان شيلتنى الهم فى القارغة
* أيها الناس
* غداً نستمتع بإبداعات أولاد غرزه
* غداً ننتصر للسودان ولطموحاتنا وللواقع
* كلو زول يقوم بى شغلو كامل
* وما يتدخل فى شغل غيرو
* كده سننتصر إن شاء الله
* وتشكيلة النصر هى
*غرزه وأنطونيو ومحسن فى الجهاز الفنى
* اللاعبون فى الملعب
* الشفوت على المدرجات
* أعضاء المجلس على المقصورة
* كلو زول يقوم بى شغلو فى مكانو
* زول يتدخل فى شغل زول مافى
* عشان نحتفل بعد المباراة جميعاً
* نحتفل مع بعضنا
* نرقص بأدب ممزوج بالفرحة
* رقيص هابط ما معانا
* أيها الناس
* ماتنسوا
* الشفوت خارج الإستاد
* كلو شفت يرسل تمن تذكرتو على الرقم 2870
* زين وسودانى
* وناس المقصورة
* عضو مجلس عضو مجلس وزراء
* كلو زول يدفع مليون
* دايرين ننافس أنفسنا فى الدعم
* دايرين نجهز اربعة مليار تودينا المطار
* أيها الناس
* ماتقصروا
* وصدقونى بنتقابل حيث نستمتع باللقاء
* بنتقابل زى ما إتقابلنا قبل كده لمانديلا وسيكافات تلاتة ودبى والشارقة
* بنتقابل فى الأرض التى أحببناها وأحبتنا
*أيها الناس
* قون واحد بكفينا
* يبقى ما نستعجل القون
* يجى بى مزاجو
* ويا حلاتو لو جابو العقرب
* ولو ما إتوفق لاقدر الله
* يكون بى باص من العقرب
* أصلنا الموسم ده إتعودنا أقواننا تكون قارصاها عقرب
* أيها الناس
* نحن الأجدر بهذه البطولة
* يجب ان نعمل على نيلها بوعى وإدراك وإصرار
* إنفعال ما حبابو
* وبالغير إنشغال برضو ما حبابو
* كلنا من أجلنا لا من اجل أى شى لايخصنا
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* المويه لسه لما تجينا بتجينا بى طينا
* الواحد لو داير يستحمى يا والينا
* يغسل المويه اول من طينا
* شربنا يا والينا
* يرضيكم نشرب بس وروينا؟؟؟
* أسى بالظروف الفينا
* لو لقينا طريقة لى غسيل عمله يا والينا
* نغسلها والمويه بى طينا؟؟؟
* دحين ما بتشربا علينا؟؟؟
* والعالم كلو يؤشر علينا
* ديل اسياد العمله الوسخه ويحرج فينا
* ﻧﻨﺴﺎﻙ ﻛﻴﻒ ﻭﺍﻟﻜﻠﺐ حلف بالتقطعو تانى ما يجينا؟!!
ﻭﺍﻟﻲ ﻟﻘﺎﺀ

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى