تابعونا عبر فيس بوك

قوقل ‏+‏ ‏
Use the English Language

في السلك .... بابكر سلك .. ساعة الحوبة جات يا دوبة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

09082015

مُساهمة 

في السلك .... بابكر سلك .. ساعة الحوبة جات يا دوبة




في السلك .... بابكر سلك
ساعة الحوبة جات يا دوبة
* شفوت الحاره رجال الحوبه
* الحوبة جات يا دوبة ما بتتوصوا
* شفوت الداخل والخارج
* الجايين الاستاد
* من عصراً بدري عشان نعصر الناس ديل
* الما جايين الاستاد يساعدونا بالدعوات والضحكات
* كلو زول يرسل رقم تذكرتو علي الرقم ) 2870 ( زين وسوداني
* نجي الاستاد
* كل الروابط جاهزه
* كل الجماهير جاهزه موية ونور
* عشان نطلع الوفاق زنطور
* مهما الفريق كبر
* قدامنا بتظنطر
* نحنا الاكبر مننا منو
* ايها الناس
* كل زول عارف شغلو
* لا بنحبط لاعب
* ولا بنتدخل في تشكيل
* ولا بنضيع زمنا في الصفير
* نشجع وبس
* نشجع طيلة التسعين دقيقة مهما كانت الظروف
* مهما كانت الظروف
* واجبنا هو التشجيع
* هدف واحد يؤدي الغرض
* ولو اخوهو جا معاهو ما بناباهو
* يبقي ما نستعجل القون
* لو وحدنا هتافنا بجي
* لو فضلت دقيقة بجي
* تتذكرو يوم عزام
* قونين في اخر اربعة دقائق
* يعني مافي داعي الشفقه
* شامي لي ريحة مطار
* وريحة المطار تنطلق من حناجرنا علي المدرجات اول
* ثم تعم سماء البلاد
* نحنا كجماهير واعيين بدورنا تمام
* ناس الوفاق لو قدروا يمسكوا بكري وكوفي واوكرا وديدية
* ما بقديوا يمسكونا
* نحنا ما بنتمسك
* يبقي نجيب القون بي حناجرنا
* بثقه نهتف ونشجع
* حتي ولو لا قدر الله تأخرنا في التسجيل
* أو تأخرنا بهدف
* يمكننا أن نطلق الاهداف من حناجرنا لنعيد المباراة لنصابها وعقلها
* يبقي شفقه لأ
* إستهجان لأ
* تبويظ أعصاب لاعبين لأ
* وما بوصوكم ي شفوت الحوبة
* ايها الناس
* اياً كانت التشكيلة ده ما شغلنا
* اياً كان الاداء دا ماشغلنا
* شغلنا نشجع للنهاية
* النهاية السعيدة بأذن الله
* ايها الناس
* الوفاق ما زنطور
* الوفاق بطل اخر نسخه
* لكن المريخ برضك ما زنطور
* اسمو في لوح الشرف الافريقي قبل الوفاق
* يبقي كفتنا ارجح
* رجوووووووووووووووح
* وإترجحي
* ايها الناس
* بي اعلامنا
* بي تي شيرتاتنا بالوان فريقنا
* دايرين نقلب الاستاد احمر يرهب الوفاقيين
* واصفر يسر الناظرين
* ايها الناس
* ايها الشعب
* الشعب السوداني البطل
* من حقه أن يفرح
* ومن غيرنا علم هذا الشعب معني أن يعيش وينتصر ؟
* من ؟؟
* المهم
* لا نستعجل الهدف
* طالما نعرف جيداً هدفنا
* ننشن عليهو كويييييييييس
* وطاخ
* وعندها تنطلق الزغاريد من جوف الحسان
* تشع الفرحه من عيون الاطفال
* وتنشق حلاقيم الرجال ابشر بالخير
* عملوها رجال الحوبه
* افرحونا من اصغر طفل لاعظم حبوبه
* مقدماً
* نشكر المجلس الموقر علي ما قدمة
* مقدماً نشكر الجهاز الفني علي مجهوده
* مقدماً شكرنا لاولادنا واجب علينا
* مقدماً شكرنا لجميع الروابط الجماهيرية
* مقدماً شكرنا للجمهور الشفت
* مقدماً قبل كل ذلك نشكر الله تعالي
* ايها الناس
* الصديق والرفيق الشفت عراقي
* وعدنا قبل كده
* وقال الاميره السمراء مسؤليتة
* وبالامس جدد العهد والوعد
* قال لي بالحرف الواحد
* جيب راية ريحة المطار وارجوني في المطار
* سلمتوا الراية لاني اثق فيه اكثر مما اثق في نفسي
* ايها الشفوت
* جهزوا غيارات المطار
* قشره من امها
* بس قبل ذلك تقوموا بواجبكم كاملاً في الاستاد
* يوم شكرك ما يجي يا عراقي
* اللهم انصرنا
* اللهم وحقق املنا
* جدد انجازاتنا يارب العباد
* ايها الناس
* إنها اهم مباراة في الموسم
* بالنسبة لي مباراة كاس
* فوزنا فيها
* يعني احجز مكانك في المطار
* لذا نقوم بواجبنا كاملاً
* من اجل مشوار عشقناه
* الا هو مشوار المطار
* فدرب المطار بنعرفا كويس
* ويشتاقنا كثيراً
* من سيكافا الفين واربعطاشر ما مشيناهوا
* وحشنا
* والوحشه ما حاتطول يا اعز درب في الحياة
* ايها الناس
* إنتصروا الله ينصركم
* اها
* نجي لي شمارات والي الخرتوم
* كان شفت ي والينا
* البتعملوا شركات الاتصالات فينا
* كان جضمتها لينا
* معقوله ي والينا
* الشبكه طاشه علينا
* والخدمة مامتوفره لينا
* ولما تضرب تلفون لي عزيز لدينا
* تجيك ناطه تابت يا والينا
* حزمة جديده علينا
* للاشتراك اضغط وارسل تقول لينا
* اكضب بت شفناها يا والينا
* التلفون فاتح تقول ليك مقفول تخيل كم فتنه اتعملت فينا
* التلفون موجود تقول ليك رقم زي ده بري بري ما شلنا
* والرقم قديم وقاعد يا والينا
* الناس ديل بضحكوا علينا ؟
* ولا بمرمطوا فينا ؟؟؟؟
* ولا ما شغالين بينا ؟؟؟
عشان مافي مسؤول سائل فينا ؟؟؟؟؟
سلك كهرباء
ننساك كيف والكلب لحق الشبكه طشه عديل بقي ما بجينا
والي لقاء
سلكال

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى