تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. زنطور وبينا مشغول

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

12082015

مُساهمة 

في السلك .. بابكر سلك .. زنطور وبينا مشغول




في السلك
بابكر سلك
زنطور وبينا مشغول

زنطور وبينا مشغول
*الشفوت يوم شكرهم ما يجي
*فقبل وقفة الاولتراسات ولجنة التعئبه وتجمع الروابط وجميع الروابط لمشرفه
*كانت وقفة المدائن والقري المشرفه جدا
*شفوت القضارف وناس الشماليه بي تمرهم
*ناس الدمازين كعادتهم كاوا في الصفوف الاماميه
*اما اهل الدويم اخوان محمد لعوته
*فماقاموا به يشرف
*ولو كانت فيرالقصخ شوبش
*لزغردن الحسان مع ذكر اولاد الدويم شفوت النيل الابيض
*وقفات مشرفه من مدن ومدائن
*تشرفنا بها
*مدينه مدينه
*بكري بكري
*قريه قريه
*حله حله
*حي حي
*انه سودان المريخ
*ايها الناس
*التفاف الجماهير حول الزعيم
*وقيام اي زول بي شغلو بدون ان يتدخل في شغل غيرو
*هو ما اوصل المريخ للاستقرار
*والاستقرار هو ما اوصل المريخ لهذه الدرجه
*لدرجة ان الكاف يرشحه في المرتبة الاولي لنيل هذه البطوله
*ونحن نرشحه كذلك لبطولة السوبر
*-كاس العالم للانديه لو اخروهوا شويه عندنا راي
*لانو جيمي بكون دعم الزعيم بي لاعبين تلاته يجيبوا الفارق
*ووقتها عينكم ما تشوف الاالنور
*قلناها من عزام
*شامين ريحة مطار
*ما قلناها فارغه ساي
*شفنا في عيون الشفوت مدي الاصرار ومنبع الاعصار
*شفناها في ثقة المجلس في الجهاز الفني
*وايمان المجلس في الجماهير
*وشفناها في ايمان الجماهير بالجهاز الفني ومن قبله بالمجلس
*فكانت صورة المطار تلمع في عيون تعرف معني الانتصار والتحدي
*ايها الناس
*كلنا نواصل علي هذا الدرب
*بودينا لي طريق المطار
*المهم
*لو لقيت ليك زول ماشي مصنقع بعاين للسماء
*ده شفت بفتش في الطياره
*ولو لقيت ليك زول ماشي مدنقر في الواطه دي
*قول ليهو ارفع راسك انت تطواني
*مدنقر ليه
*موش زمان قالوا ليك ماعندك حاجه ابيت تصدق
*اها
*اسي المخارجه كيف
*يا تطير قبل ما تطير
*يا تطير بعد ما تطير
*وخسر ابو الهل بالتعادل في كادوقلي
*لان الكوكي ساطها
*مشكل من الرديف والاساسي
*كان يخليها رديف او اساسي
*لكن الاساسي سبب المآسي
*والرديف كتير ما بقيف
*عشان كده لخبطها
*الله يجازيك يا التطواني
*المهم
*سعادتو صلاح بابكر شفت كبير
*امس بتونس معاي
*قال لي زنطور شابكنا نقه
*الحكم جاملكم
*لاعب الوفاق ما بتنطرد
*علاء مفروض ينطرد
*بكري مثل
*بالعين منشطات
*جمهور قدر ده جبتوهوا من وين ؟؟
*جمال الوالي زاتو ماشي مخليكم
*وهضربة شديده
*قالوا ليهو درنت في كادوقلي ليه ؟؟؟
*قال ليهم متين ؟؟
*قالوا ليهو اسي
*حتي يادوبك بدأ يسأل بالتلفون الليله لاعبين ولا ما لاعبين
*زول ماعارف فريقو لاعب ولا ما لاعب
*ومشغول بي فريق تاني
*زنطور وبينا مشغول عشان كده صفرك حايطول
*ايها الناس
*الثقه لاتدفعنا للتفريط
*نواصل علي نفس المنوال
*واكتر
*عشان نجيب الكاس ده
*والسوبر
*دايرين البلد دي تفضي شويه
*دايرين الجماعه يعملوا ليهم اقامات بره
*البلد دي تاني ما بتنقعد ليهم
*شعارنا لاتطوان في السودان
*ايها الناس
*فيكم زول شاف محمد عبدالماجد ؟؟؟
*سلموا لي عليهو لو ترك الاحتجاب وابدي الاعجاب
*لكن صدقوني
*الكوكي مفروض يستف
*ويدقق الشرموط ويسحن البهارات
*سفرتوا قربتايها الناس
*جنينتنا شايفها اتملت شتول صغاااار بختنا
*بالذات اب صره ده بنجض سريع
*ازرع عنب يا كردنه
*باقي بنحب العنب
*ايها الناس
*بنفس القوه والاصرار
*بنفس القدره علي تحقيق المحال
*نواصل المشوار
*مشوار المطار
*واتمطري
*وعليك الله مطري
*الحر طير نافوخنا
*والله انا ماعارف الهلالاب ديل بالعليهم ده مستحملين السخانه دي كيف ؟؟؟
*اقعوا البحر يا روشا
*البحر بخفف كتير
*ايها الناس
*ان تنصروا الله ينصركم
*اها
*نجي لي شمارات والي الخرتوم
*انت يا والينا
*الناس البجوا ينضفوا المجاري لينا
*ليه بفتحوا الغطايات ويمشوا ويخلوها فاتحه لينا
*تاني بتتملي ورق واكياس وتتردم بالتراب علينا
*هل شغلهم حدو فتح الغطاء وجدعوا في الشارع امام ناظرينا
*ولا ده اهمال منهم يا والينا ؟؟؟
*تعال شوف شارع العرضه كم فتحه مفتوحه فينا
سلك كهربا
ننساك كيف والكلب بقي يخاف يقع في الحفر الفاتحه لينا ,,,لكن اسرع من الكلب بكري المدينه
قول ماشاء الله يا والينا
والي لقاء

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى