ما قلتو ما دايرين كبار في السن.. ديل جايبنهم خبراء تغذية ولا شنو؟

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

12082015

مُساهمة 

ما قلتو ما دايرين كبار في السن.. ديل جايبنهم خبراء تغذية ولا شنو؟




ما قلتو ما دايرين كبار في السن.. ديل جايبنهم خبراء تغذية ولا شنو؟
في الـ18
عمر الطيب
ما قلتو ما دايرين كبار في السن.. ديل جايبنهم خبراء تغذية ولا شنو؟
# ما حذرنا منه بالأمس عبر هذه الزاوية حدث.
# حذرنا من التراخي والاستهتار، ولكن رفض الكوكي ان يستجيب.
# ضعف إمكانيات الكوكي، قاد الهلال للسقوط في الجبال.
# الكوكي الذي فشل في قيادة الهلال افريقيا وهو ينهزم داخل ملعبه، يبدو أنه سيفشل كذلك في قيادة الهلال محليا.
# كل ذلك يحدث والكاردينال يتفرج.
# أقولها بالفم المليان، الفريق دا ما فريق بنافس على بطولة.
# طالما رئيس النادي موجود السنة كلها في دبي والمدرب الكوكي ما تعشموا في بطولة.
# دا حلم ليس إلا.
# أنا المزعلني، الناس ديل طوالى هم في حالة اجتماعات.
# إنتو بتجتمعوا لشنو يعني.
# فهمونا معاكم.. يا الكاردينال.
# الغرض شنو من الاجتماعات دي.؟.
# مجلس دورو كلو اجتماعات وتجديد ثقة.
# اجتماعاتكم دي ما ظهرت في الهلال.
# دي ما حالة ناس بعملوا اجتماعات يومي.
# مجلس عشوائي وبلا تفكير وبلا تخطيط .
# ما قادرين زاتو نعرف رئيس النادى منو والمدرب منو؟.
# ناس الكاردينال ديل لا لامين في )البقرة( ولا في خشم البقرة.
# خشم البقرة زاتو ما لامين فيهو .. قاعدين ساكت.
# أدى ناس المريخ بكري المدينة وعمر بخيت والمعز وجاب لينا فيصل موسى وجوليام واندرزينهو.
# شطبوا الأولاد.. وجابوا الخيلان.
# إنتو ما قلتوا ما دايرين كبار في السن.
# الجانا منكم قلتوا كدا.. أندرزينهو دا مسجلنو غفير للاستاد ولا شنو.
# ولا ديل “خبراء تعذية”.
# بعدين تاريخيا، نحنا بالكبار ما عملنا حاجة الصغار لشنو.
# ناس عندهم خبرة ما شلنا بيهم الكأس.. يبقى مافي داعي.
# ما تكرهونا البلي ياخي.
# والله بسببكم.. الواحد “الباسطة” بقى يشوفها “كمونية”.
# الباسطة شنو.. طيرتو لينا النوم من عيونا.
# صحيح نحنا مع الشباب وكذلك المستقبل للشباب، ولكن ليس بهذه الطريقة لابد من التدرج.
# قلنا مع الشباب بس ما بالطريقة دي.
# تلاتة اربعة لاعبين كفاية.
# قبل الطبع: لو منتظرين بطولة من الهلال “الترابة دي في خشمكم”.. أبقوا مارقين.
# وو بـ قليبك تقول لي تعال.. في الفيس تعمل مني رايح.
# ووالله بشكلكم دا.. الواحد خشمو ما قادر يفتحو.
# أحرجتونا مع ناس المريخ.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى