تابعونا عبر فيس بوك

قوقل ‏+‏ ‏
Use the English Language

بابكر سلك .. في السلك .. لو اشتكينا غارزيتو ما بدونا نقاط الابيض ؟؟؟

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

03092015

مُساهمة 

بابكر سلك .. في السلك .. لو اشتكينا غارزيتو ما بدونا نقاط الابيض ؟؟؟




بابكر سلك
في السلك
لو اشتكينا غارزيتو ما بدونا نقاط الابيض ؟؟؟

*الخساره من هلال الابيض ابت تتبلع لينا اصلو
*قدر ما قلنا نلقي عذر لي غرزه الشاطر
*الا اننا فشلنا في ايجاد عذر مقنع
*فلو كان الاساسيين مصابين مثلا
*او يخاف غرزه علي اصابتهم ونحن نقبل علي الختام الافريقي بثبات
*كان عليه ابعادالعناصر التي اثبتت فشلها
*والاستعانه باولاد الرديف البتمرنو مع غرزه
*ناس شمس الفلاج وابرهومه ونمر
*وحتي مصعب متوسط دفاع الرديف
*كان بنقبلهم وبنقبل نتائجهم
*لكن الاصرار علي اشراك الباب البجيب الريح بعد كندكنا كتاحه
*والاصرار علي اشراك علي جعفر الذي فقد الثقه بنفسه
*فيه خطأ كبير يا غرزه
*علي الاقل كان بالامكان افضل مما كان
*برغم اننا لانعلم الظروف الداخليه للفريق والشخصيه لاي لاعب
*الا اننا لانجد مبررا لما يحدث من غرزه محليا
*بالذات في المباريات الاخيره
*غرزه ده كلموهوا
*بالفرنساوي يا ابو سفيان
*ترجموا ليهو الباب البجيب الريح دي
*وورهوا اننا نقدر الاهتمام بالبطوله الافريقيه
*وعلي قناعه بانها لاتقارن بالمحليه
*ولكن الظفر بها لا يعني الفشل في المحليه باي حال
*ايها الناس
*قديما قالها رودر
*سألنا
*جبتوا الدوري كم مره
*قلنا ليهو كتير
*قال لينا وجبتوا بطولة من بطولات الكاف كم مره ؟؟؟
*الوكت داك كنا زناطير ساكت
*بطوله افريقيه ماعندنا
*قلنا ليهو ولا مره
*قال خلاص نجيب الماشلتوها دي
*ووقتها اشرك رودر محليا بالدوري اولاد الاشبال
*منها صقلهم
*ومنها حافظ علي الاساسيين للبطوله الافريقيه
*فنجح منهم ابراهومه وخالد وقورماهيا وحاتم محمد احمد وغيرهم
*لكن يا غرزه رودر ماكان بشرك لاعب اثبت فشلوا اطلاقا
*الزول ده كلموهوا بالفرنساوي والايطالي
*قولوا ليهو ايطلي بيتزا يا عمك
*المهم
*اشتكينا امل عطبره بشكوي صحيحه سوف تأتي اكلها باي حال
*وربنا اكرمنا بي شكوي صحيحه في لاعب هلال كادوقلي
*غرزه ده
*لو اشتكيناهو المره دي مابدونا نقاط الابيض ؟؟؟
*المهم
*لو تأهل الهلال للمرحله القادمه
*لو تفتح عمل الشيطان
*والشيطان اليومين دي عملوا كتر
*نفسو قام
*وعمل الشيطان بودي النار
*والنار هي الخروج من جنة المربع الذهبي
*يبقي خبر الشوم خبر الروم واااارد
*الدباره كيفن يا روشا ؟؟؟؟؟
*ايها الناس
*مجتمع الرياضه سمح ومتسامح
*ومابتصدقوا كم فرحت عندما علمت بزيارة فطومه اختي لاخونا صلاح حمزه المريض قبل سفرو للقاهره
*وتأثرت جدا لدموع فطومه وهي تودع صلاح حمزه
*فطومه قلبها كبير
*ممكن تكون كلامها حار في احيان
*لكن قلبها لايزال قلبا كبيرا محبا
*التحيه ليك يا فطومه يا اختي
*والتحيه لمجتمع الرياضه المتسامي المتسامح المرهف المحب
*ايها الناس
*ناس الوسط الرياضي
*تعالوا نتمسك بولائنا لانديتنا
*تعالوا نحب تلك الانديه بجنون
*لسنا مجبرين ان نحب انديه اخري
*ولكن علي الاقل مجبرين علي احترامها
*تعالوا نمارس الاحترام المتبادل بين سطور المداعبات البريئه السمحه
*تعالوا نمارس احترام بعضنا لبعض
*فجميعنا يستحق الاحترام
*تعالوا نتسامي فوق تفلتات وجراحات بدرت من البعض
*لنغرس مكانها احترامات وابتسامات وموده
*اهل الرياضه
*احبكم
*المهم
*بعد مراجعتنا لتشكيلتنا ضد هلال الابيض
*اكتشفنا انها كان ينقصها
*علاء الدين وايمن وكوفي ورمضان وبكري وراجي
*فعاد عطر المطار يعطر انوفنا من جديد رغم انف الحاقدين
*ايها الناس
*كلموا غرزه بالفرنساوي
*قولوا ليهو خمسين في الميه من انتصارات المريخ الافريقيه يحققها الجمهور
*وعندما تحبط الجمهور في المنافسه المحليه
*فانك تفقد خمسين في الميه من قوتك
*الكلام ده ترجموهوا ليهو بالحرف الواحد
*وقولوا ليهو من جديد حانستقطب الجمهور الواعي
*بس تاني يا بصيره ام حمد ما تفركشوا لينا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اخلاقنا بقت هنا
*الجابها هنا شنو يا والينا ؟؟؟
*وبالنا بقي سلبه
*البقاهو سلبه منو يا والينا ؟؟؟
*وشمس امبارح عندنا ابرد من مس بكره
*السخنها منو علينا يا والينا ؟؟؟
*والقلع غني ان شاء الله القيامه تقوم
*نقول آمييييييييييييييين يا والينا ؟؟؟؟؟؟
سلك كهربا
ننساك كيف ولما القلع يغني ان شاء الله القيامه تقوم الكلب بحتو جنس حت , ويهوهو ,,وقلبا قلبا قلبا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى