تابعونا عبر فيس بوك

قوقل ‏+‏ ‏
Use the English Language

بابكر سلك .. في السلك .. الاختبار والامتحان

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

04092015

مُساهمة 

بابكر سلك .. في السلك .. الاختبار والامتحان




بابكر سلك
في السلك
الاختبار والامتحان

*ايها الناس
*احباطات بدت تدخل نفوس بعض الشفوت
*مافي داعي ليها
*والحرب كر وفر
*فلا يعقل ان نطمئن عند الكر
*ونفقد الثقه في نفوسنا عند الفر
*بل يجب ان نستغل الفر في اعداد الصفوف من جديد
*ونواصل الكر
*الي ان نصل ساحة المطار التي تحبنا ونحبها
*وعندها نحمد الله كثيرا
*ايها الناس
*في الفصل في المدرسة
*نتيجة الاختبار لاتعني الفشل في الامتحان النهائي
*فالاختبارات تبين الضعف وين
*والزول الواعي بستفيد منها للامتحان الكبير
*ايها الناس
*البحصل محليا ده كلو اختبارات ساي
*ومجموع نقاطنا التي حصلنا عليها دوريا حقتنا
*لم يخطئ التحكيم لصالحنا اطلاقا
*واظنكم تذكرون هزيمة الخرطوم الوطني الموسم الماضي من الهلال
*الخرطوم يتقدم بهدف محمد موسي
*ويحرز محمد موسي نفسه الثاني
*ولكن الحكم يخطئ
*بدل يصفر قون ويؤشر علي السنتر
*صفر سااااي واشر علي الواطه دي
*وواصل اخطائه الي ان توج الهلال بالنقاط
*وهي بدورها توجته بالدوري
*الموسم ده
*كورةالنسور في الدورةالاولي
*ضربة جزاء راعي الضان في الخلا يحتسبها لصالح النسور في الدقيقه سبعه
*ومعاها طرد كمان
*وضربة جزاء اخري للنسور في الشوط التاني
*لكن بقدرة قادر خرج النسور من المباراه مهزوما
*يخطئ ياعمك ولا يظلم
*وفي مباراتنا ضد الهلال
*ضربة جزاء مع كوفي
*اوضح من الشمس
*ومعاها طرد
*لو ماسك الصافره الكاردينال
*كان احتسبها
*لانه برضك الراجل بخجل شويه
*ولكن الحكم ماشافها
*اللهم متعنا في ابصارنا وفي اسماعنا واجعلها اللهم الوارث منا
*قال ماشافها
*يعني ندخل جوه عينو ونقول ليهو شفتها ؟؟؟
*اما في كورة الميرغني كسلا
*فحدث ولا حرج
*في تقدير اي زول شاهد المباراه
*هناك هدف صحيح ملغي للميرغني المسكين
*وضربة جزاء ضاعت بسبب اخطاء التحكيم
*فالحكم يومها اخطأ ولكنه لم يقصد ظلم الميرغني المسكين
*وربنا بعلم بالنوايا
*وبحاسب عليها
*دنيا واخري
*ديل اسي كم نقطه جايه ساي اخطاء تحكيم ؟؟؟
*المهم
*صدقوني
*بعد ده اذا تلاشت عبارة يخطئ ولا يظلم
*لفارق الهلال الصداره فراق الطريفي لي جملو
*لكن طالما الطريفي لامي في جملو
*يبقي يخطئ ولا يظلم حاتتحكر في نفوس النزاهة ردحا من الزمن
*ايها الناس
*حكم يدير لقاء للمريخ
*متغدي بالحاج يوسف في نفس اليوم
*افصح عن رغبته في هزيمة المريخ علنا
*تقدروا تصدقوا الكلام ده ؟؟؟
*ابقوا معنا والتبقي تبقي
*ايها الناس
*كل الشفوت لهم بصمات واضحه في مسيرتنا للمطار
*والاختبارات لا تؤثر في الامتحانات سلبا
*بل ايجابا
*ونواصل في نفس الدرب
*-جميعنا يقدم مايستطيعه في مجاله
*وصدقوني بنصل المطار
*ايها الناس
*الحبيب عراقي يجدد العهد
*عهدك ما محتاج تجديد يا عراقي يا اخوي
*لكن صدقوني
*خبر الشوم خبر الروم لو في مصر اتناقلنو الحروم
*يبقي كلو زول عرف حجمو
*الكرستاله الصغيره بتكتشف انها لا تضاهي الحجم العائلي
*الكرستاله الصغيره
*في مصر بقولوا عليها الشحروره
*غايتو يا الشحروره لو خبر الشوم جاب ضقلك ملولح وخبر الروم يضحك علي الداير يتفولح
*الحجم العائلي بفرش عليك
*صغيره وجاهله يا حليله
*المهم
*مباراتنا ضد الاتحاد مافيها ضغوط
*ويجب ان لا نجازف فيها بلاعب مصاب
*او بلاعب يتوقع انذاره لنفقده في دور الاربعه
*الفوز فيها زيادة خير
*ولكنه ليس بالضروره ولا كسر رقبه
*يبقي علي الشفوت ان يعوا النقطه دي جيدا
*ولايشكلوا ضغوطا علي الجهاز الفني واللاعبين
*نحنا صعدنا بدري نحمد الله
*جوه دور الاربعه
*لاعندنا لولوه
*ولا احتمالات
*لكن ماعارف الذكرني الجزارة شنو
*في الجزارة تلقي الكلب حايم بي بره
*لابقدر يدخل
*ولا بقدر يمشي
*يلف بي بره كده بس
*يوماتي القصه دي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*لاناقشين البينا ولا العلينا
*شبكتنا طاشه بقينا
*تلاقيك واحده ملطخه البودره لي اضنينه
*تقول ليها ياخاله اظهارا للاحترام الفينا
*تقول ليك يخلخل ضروسك اسي انا اكبر منك يا اخينا
*تلاقيك غيرها الكريم مقطع بشرتها باقيه زي بصل السخينه
*تقول ليها يا اخت تعبيرا عن زوقا فينا
*تقول ليك انا قدرك يا عجوز يا المابتشبه زول فينا
*نقول ليهن شنو يا والينا ورينا
*كان اتغابينا فبهن العرفه وعملنا ما شايفين يبحلقن فينا
*زي ديل باقي ليك يا والينا بتعددن لينا ؟؟؟؟؟
سلك كهربا
ننساك كيف والكلب حايم بره الجزاره ويتمطق
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى