أعمدة الصحف الرياضية اليوم الاربعاء 20/2/2013

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

20022013

مُساهمة 

أعمدة الصحف الرياضية اليوم الاربعاء 20/2/2013




لقاء كل يوم | رمضان احمد السيد :: مدفع تراوري في مريخ السلطان يهز الرد كاسل في أم درمان


ثنائية رائعة ومفاجأة سارة وغير متوقعة من تراوري

المعز محجوب نافس تراوري فيالنجومية وأنقذ الهلال أكثر من مرة

جرس انذار لكل فرق الممتاز من هلال أم درمان

كرتان (لمساوي واكانقا) وحذارى من الجولتين القادمتين

الرومان لن يفعل شيئاً أمام المريخ وتصريحات حداثة (جعجعة) ساكت

{ وصدق كابتن لطيف عندما قالالكورة أقوان، ولايحلو طعم كرة في غياب الأهداف مهما كانت قيمتها ومكانتها.

{ وبالأمس استمتعت جماهير الهلال وكل من تابع لقاء مريخ السلطان والفوز الهلالي الغالي والهدفين الأكثر روعة للمحترف الجديد تراوري قذيفة لا تصد ولا ترد وكأنها منطلقة من مدفع ويا لقوة التسديد رغم بعد المسافة.

{ إذن اكتشاف جديد لميزة في محترف أكثر تميزاً.

{ بالأمس قدم تراوري نفسه لجماهير الهلال بصورة أكبر عبر لقاء رسمي وصعب.

{ وكذا فريق مريخ الفاشر فإنه قدم نفسه هو الآخر بصورة أروع وسنحت له من الفرص الكثير تصدى لمعظمها الحارس الأمين المعز محجوب والذي راهنا على الاحتفاظ بشباكه نظيفة وقد كان ـ تصدى لأخطر التسديدات وأبعدهابأعجوبة اثنتان للكورنر وواحدة ارتمى عليها وهكذا خدم فريق المريخ الهلال كثيرًا وقدم له تجربة مفيدة بكل حق وحقيقة بدليل هذه الفرص والضغط الذي تعرض له دفاع مريخ الفاشر والعديدمن الكورنرات ولولا الهدف الأسطوري لتراوري والذي كان مفاجئاً لأنصار الهلال خاصة وأنها المرة الأولى التي يسدد فيها من تمريرة كرة ثابتة ويسجل بهذه القوة وهذه الدقة، قد نكون شاهدناه عبر المقاطع بالفيديو وهو يسجل من كرات ثابتة ولكنه مع الهلال فعلها للمرة الأولى وحتماً ستكرر وكانت بحق مفاجأة سارة لجماهير الهلال وأيضاً لولا الهدف الثاني لتراوري والذي جاء عن موهبة فياستغلال المواقع والتمركز والاستلام والتخطي والانفراد والتسديد بقوة حتى ولو كان ذلك عبر زاوية، لولا كل ذلك من تراوري لكنا قد اخترنا الحارس الأمين المعز محجوب نجماً للمباراة أو حسن كمال جزيرة مهاجم المريخ نجماً للمباراة.

{ والحق يقال إن الهلال تألق كمجموعة على مدار الشوطين تماسك قوي لثلاثي الدفاع سنكاراومساوي وبوي ووسط أحكم السيطرة ساعد الدفاع وأحكم إيقاع الوسط وخلق الفرص للمهاجمين!! نزار وعمر ومهند واكانقا صانع الهدف أو تمريرة الهدف الأول الهدف المدفع الهدف القذيفة الحارقة للشباك!!

{ وفي الهجوم كان تراوري الأكثر توهجاً ولم تخل طلعات كاريكا وسانييه من خطورة.

{ هكذا ومن خلال التجارب الأخيرة للهلال عرف الكل القائمة الأساسية للهلال والتبديلات محدودة جنارو في حراسة المرمى، سامي وصالح الأمين دفاعاً وخليفة وبشة وسطاً.

{ من حق الأهلة أن يفرحوا ويسعدوا بالفوز الكبير لأنه جاء في استهلالية البرنامج وخارج الأرض ومع فريق مدعوم من كلالنواحي المادية والمعنوية ومع ذلك يتمتع أيضاً بعدد من عناصر الخبرة بحكم عدد من اللاعبين الذينكسبهم من فرق الممتاز الحارسأحمد موسى وحسن كمال من جزيرة الفيل ومالك ومشرف زكريا من هلال كادوقلي بجانب العديد من الأسماء الأخرى كانو ومحمد الجيلي وغيرهم.

{ التفوق الهلالي توقعناه قبل المباراة وقلنا إن الفوارق كبيرة ولكن لم نكن نتوقع أن المريخ سيظهر بهذا المستوى الجيد، والأهم أن يكون هذا ديدن الفريق في بقية مبارياته وإذا لعب بهذا المستوى على أرضه أو حتى خارج أرضه فإنه لا يمكن أن يخسر بسهولة حتى ولو لعب مع المريخ العاصمي.

{ المباراة كانت بمثابة جرس انذار للثلاثي الأقل أداءً من زملائهما بالفرقة مهند الطاهر وكاريكا وسانييه ليلحقوا بأنفسهم، فالمنافسة ستكون قوية وجار زيتولا يجامل اطلاقاً.

{ المعز محجوب طمأن جماهير الهلال وأكد أن هذا الموسم هو موسم المعز محجوب، والاطمئنان فات الحدود الهلالية للمنتخب الوطني وكم شهدنا علىالشاشة سعادة قادة الاتحاد بعرض الهلال وفوز الهلال ومستوى نجوم الهلال.

{ راهنا على رباعي الاحتراف الهلالي وكانوا عند الموعد ومع المزيد من الانسجام سيرتفع الهلال أكثر وأكثر.

٭ تواصل

{ يقول عاشق الهلال: تراوري عاوز يبقى حاوي .. واقدل يا هلال وجهجه الاتيام.. الهلال قدم درس عصر والكلام ليك يا المنطط عينيك.. وماشاء الله عيني باردة.

{ من دون اسم كتب هلالابي:-

الحضري فين ياعم!!

تراوري لعيب وحاوي

مهند يشفي ويداوي

ويا عالم صدقوني جاكم الهلال بلاوي

{.. ولهان الهلال..

بيت بيت دار دار.. تراوري مولع نار

{ مصطفى أبو رأسين الأبيض: الأزرق يمتع السلاطين ويتأهب (للجلاكين)!!

{ محمد إبراهيم على الأبيض: سر الدقيقة 40 هدف تراوري.. رقم تراوري (22) + رقم البطولة (18).

{ خالد محمد الطاهر - الحواته: سيدالبلد الفنان أبدع في فاشر السلطان بهدفي تراوري الحلوين والدور على وصيف أم درمان.

{ الطاهر العبيد الجموعية السمرة: حامل اللقب لي السلاطين ضرب وسيدا في الوصيف اترعب.

{ مجدي شمباتي يقول: نتخارج من سادومبا يجينا تراوري

٭ لحن الختام

{ استحق تراوري النجومية وجائزةسوداني ونافسه بقوة المعز محجوب الذي حافظ على الشباك نظيفة ومنع مريخ الفاشر من أهداف محققه.. بالمناسبة محسنسيد قال: إنها ست فرص مقابل فرصة للهلال سجل منها تراوري الهدف الثاني باعتبار أن الهدف الأول من كرة ثابتة ويبدو أنه نسى أيضاً تسديدة تراوري مع بدايات الشوط الثاني والتي حولها الحارس أحمد موسى بأعجوبة للكورنر.

{ عندما يرتفع سانييه وكاريكا ومهند للمستوى المطلوب فمعتراوري ستشاهدون البدع.

{ لايفوتنا أن نقول إن خبرة ومستوى جارزيتو وتفوقه على محسن سيد كان من أسباب فوز الهلال وخسارة مريخ السلطان.

{ قالها البعض أمس إن مدفع تراوري المدوي ربما يعجل برحيل الحضري..

{ أضحت المقارنة معدومة بين محترفي الهلال والمريخ!!

{ وكرت أصفر لمساوي لا مبرر له.

{ بويا ماشاء الله مستوى متطور والويل لمن يحاول المرور.. فقط نتمنى أن يقلل من المخالفات حول خط الـ 18

{ والحق يقال إن تراوري أنسانا وانسى جماهير الهلال تماماً محترف اسمه سادومبا ومعدل التهديف يوحي بأن هداف الممتازلن يقل عن الثلاثين هدفاًً! وربما يكون الهداف مشترك من الهلال!!

{ أتمنى أن تكون كل مواجهات فرق الممتاز في مواجهة الهلال بمستوى أداء فريق مريخ الفاشر حتى يجهزوا لنا الهلال للمشاركات الخارجية.

{ نعم مدفع تراوري في مريخ السلطان هز الرد كاسل في أم درمان ومعروف أن لقاء القمة في الأسبوع الرابع.

{ حذاري من الانذارات بالأمس أنذر مساوى واكانقا.. الأسبوعان القادمان لايحتملان أي كروت جديدة ولقاء القمة على الأبواب.

{ لايزال مستوى بدلاء الهلال بعيداً عن الأساسيين.

{ لن يفعل الإتحاد مدني أمام المريخ شيئاً، وتصريحات حداثة (جعجعة) ساكت.. برغم أن المريخ يعاني ويعاني ويدخل الممتاز دون تجارب ودية على المستوى المحلي بعد عودته من معسكر سوسة.

{ استمتعنا أمس بلقاء البايرن والارسنال وحلاوة الأهداف وحسن المفاجأة واليوم حتماً سنستمتع أكثر وأكثر بلقاء البرشا والميلان في أبطال أوربا.

{ ونذكر اليوم الأربعاء الذكرى الثامنةلرحيل الشيخ عبدالرحيم البرعي بقاعة الصداقة عند السابعة مساءً.. والبرنامج حافل بالعديد من الكلمات والمدائح.

{ استحق التلفزيون وقناة النيلين الإشادة وهما ينقلان افتتاح الممتاز والبرنامج المصاحبة بهذا المستوى الجيد جداً وينقلان على الهواء مباشر منذ وقت مبكر ويكملان الصورة واللوحة بالاستوديو التحليلي الذي أجاد من خلاله حاتم التاج مع النقر وزيكو .. ونشأت محمد وسيد محمد صالح!! بجانب الحكم الطاهر محمد عثمان..

.. واليوم تكتمل الصورة بنقل لقاء المريخ واتحاد مدني.

{ وحسمها البايرن بثلاثية مقابل هدف برغم أن المباراة جرت بملعب الارسنال الامارات.

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

أعمدة الصحف الرياضية اليوم الاربعاء 20/2/2013 :: تعاليق

مُساهمة في الأربعاء 20 فبراير 2013 - 8:17 من طرف حمزه عوض

وان طال السفر | محمد عبدالماجد:: بــس (تــلاولــي) بــس

· في قرارة نفسي ...(والكلام دا ما يطلع من العمود دا)..تراوري دا لو جاب ليه (مرايا)...عشان يشوف نفسو...بشوف ليه (غول) في المرايا.
· بي حلاقتو دي ما فايت (الغول).
· الله قادر.
· انا ما شايف غير كدا.
· الكلام دا ...ما درسونا ليه في(الجغرافيا)...عرفتو براي.
· في الجغرافيا ..ما في حاجات بالشكل دا ..ضيعنا وقتنا ساكت في جغرافية حوض النيل ..ومليون ميل مربع ...وجيتوا في النهاية قسمتوا لينا (الوطن) زي البطيخة.
· خربتو طبعنا ساكت بـ (المليون ميل مريع)..وقسمتوا ليناالسودان.
· هسع السودان من الضيق شايفنو زي (البرندة وغرفتين).
· زي القاعدين في بيت اجار.
· لو ولعت (لمبة) الشارع ساكت ..سيد البيت بجيك جاري..ويقول ليك : (اللمبة دي بتحرق).
· طيب ما تحرق ..ان حرقت..انت عندك (واط) فيها.
· ما علينا ...دي (جغرافيا) ما عندناليها نفقة.
· نرجع لي موضوع (تراوري)...الزول البقيف قدام المرايا ..يقوم يشوف نفسو (غول).
· الله قادر.
· عندنا واحد عندو لجنة ..بقلب (الراء)....لام ...شاف ليك ترواريجاب القون الاول ...(قون يقطع نفس خيل القصائد)...قال لي انت(تلاولي) دا بلعب وين؟.
· قلت ليه بلعب في برشلونة ...انت شايفو بيلعب وين؟...في مريخ الفاشر يعني.
· زولكم قال لي : لكن الزول دا ما لعاب.
· قلت ليه ما اصلو لعاب ...هو ما لعاب ..بحلق الحلاقة دي...حلاقتو دي (نجم الدين) بتاع المريخ ...براهو عاوز ليه 6 شهور ..عشان يفهمها.
· الزعل في شنو يا مريخاب؟.
· الكلام الزي دا ...انا عارفو بزعلكم.
· مالكم مضايقين كدا..نفسكم مرقت من الدوري الممتاز ...(من الاسبوع الاول) تقفلوا النفس يا هلالاب.
· اكيد قلتوا اخير (سادومبا)...يا حليل سادومبا...على الاقل سادومبا كان عندو رحمة شوية.
· كان عندو شوية (حنية).
· نحن عاوزين سادومبا.
· جيبوا لي سادومبا.
· دا انا بخاف من (سادومبا) يطلع لي (ترواري).
· قلت ليكم (تلاولي)...ما تقعدوا تلافحو في الكلام ساكت.
· لو كان (ترواري) دا ...في المرايا بشوف نفسو (غول)...باكات مريخ الفاشر..بكونوا يا ربي شايفنو شنو؟.
· اكيد شايفنو ...(صارووووخ).
· قالوا ليك (مشرف زكريا)...اصيب بي انسداد حلقومي فظيع.
· يا مشرف ..الجابرك على الكلام دا شنو؟.
· الجابك شنو من (كادوقلي).
· مشرف زكريا ...ترى مرق من الاسبوع الاول ...الكلام الناس الواقفين في الصف ...(لسه ما حلقو).
· وما عندهم قروش كمان.
· الله يستر على (بلة جابر) من(الفرتكة) في الاسبوع الرابع.
· دا لو بلة جابر قعد للاسبوع الرابع.
· يا بابكر سلك ...(تراوري) داحالف ...يفرتك ليكم (بلة جابر) سلك ..سلك.
· بلة جابر هسع ذنبو شنو؟.
· بلة في (التقشف) دا بكون هسع بظبط ليه في (بوش) هو واكرم الهادي سليم.
· وفي قرارة نفسي برضو (والكلام دا برضو ما يطلع من العمود دا) ....ابونا الشيخ (الحضري) 44 سنة...لو شاف اهداف (تراوري) في مريخ الفاشر ..لو دفعتو ليه (مقدم) 6 سنوات ..ما برجع.
· مقدم شنو؟.
· لو دفعتوا ليه (لواء) كامل...ابونا الشيخ الحضري بعد اهداف تراوري ديل ما بقعد.
· البقعدو شنو؟.
· ولا بضحي ليكم بي سمعتو.
· الحضري عرفها ..برضو (الخبرة) سمحة في الحتات الزي دي.
· ابونا الشيخ الحضري ..نفعتو (خبرتو).
· قال احسن اشوف لي سبب اتخارج بيه قبل الاسبوع الرابع..قام ..قال شنو؟.
· قال عاوز قروشي.
· قروش يجبوها ليكم من وين في الازمة دي؟ ...انت ما عارف جمال الوالي رفع ايدو.
· انت ما عارفو (استقال).
· عصام الحاج دا ...لو اشتغل (ترزي)...ما بطلع ليه (5) الف دولار.
· ترزي شنو؟..لو بقى (حاوي) عديل كدا ..وحام مدارس الاساس في ولاية الخرطوم مدرسة ..مدرسة ...ما بطلع ليه الف دولار.
· عشان كدا ...كتروا الباسطة والبسبوسة لي اكرم ..واقنعوا من عصام الحضري.
· الحضري عارف مباراة القمة في الاسبوع الرابع للممتاز ..عشان كدا ..قعد يعمل ليكم في الحركات دي.
· وبعد (تلاولي) دا ..اقصد تراوري دا ....ان كتبتوا ليه استاد المريخ بي اسمو ..ما بقعد.
· الكلام دا ..ما درسونا ليه في (التاريخ)...الكلام دا ...انا عارفو براي.
· خبرة بس.
· في التاريخ ضيعنا وقتنا ساكت مع (بسمارك).
· اها من اتخرجنا الي الليلة...(بسمارك) دا ...ما لاقنا في حتة.
· زاحمننا بيه ساكت.
· معانا اتصال من الفاشر.
· نعم في شنو؟.
· الو ...الو ...الو.
· في صوت ضرب صواريخ.
· نعم ..نعم ....في شنو؟.
· اتذكرت محمد فؤاد ..وقت عمل اتصال تلفوني بي عمرو اديب بعد خسارة المنتخب المصريمن المنتخب الجزائري في ام درمان.
· عارفين محمد فؤاد قال شنو؟.
· محمد فؤاد ..قال : (احنا بنضرب يا عمرو ...احنا بنموت....لا ..لا ..دي موش طريقة...نادوا لي ماما...دي موش انسانية دي ...حرام عليكم ...حرام عليكم البتعمل فينا دا)....جيبوا لي عمرو موسي ....انا عاوز عمرو موسي.
· ابراهيم حجازي في نفس الوقت كان بستقبل مكالمة من ام درمان ايضا من احدي المصريات.
· وابراهيم حجازي بطريقته المستفزة بقول : (امال فين وزيرالداخلية...ادوني أي مسؤول في البلد دي ...عشان اكلمو).
· ايه الفوضي دي.
· ايه البيحصل دا يا عالم.
· اها الكلام دا ..كلو حصل في الفاشر ...(عينك ما تشوفش إلا النور).
· يا ابني في ايه؟.
· يا ابني روق.
· ابوس ايدك ...تروق.
· زي ما بقول اخونا الامين طه..تعرضت امس مدينة الفاشر لقصف حي بالصواريخ والهاونات من قبل قوات (غارزيتو). التى (غزت) مدينة الفاشر امس عند الساعة الخامسة عصرا وعشرة دقائق ..وادي القصف الي اصابة عدد كبير من المريخاب في الفاشر وفي ام درمان.
· اها ناس ام درمان ذنبهم شنو؟.
· وقد اوضح ناشطون لوكالة فرانس برس عبر سكايب ان الصواريخ كانت من ماركة (التروارية) الاسكنافية العنقودية...والتى اشتهر بها الهلالاب ...فيقصفهم للمناطق الجبلية...وهي صواريخ حارقة ومبيدة لحراس المرمي...وتسبب فقدان الشهية..والذاكرة معا للباكات.
· وتقول مراجع طبية امريكية ، شديدة الدقة ...ان الصواريخ التى استعملها (تلاولي) في القصف...هى صواريخ كيماوية ..وذات اشعاع مضر ...وهى غير مصرح بها.
· في ذات الاطار قالت وكالة الانباء الروسية...(شفتوا الروس ديل جبتهم ليكم وين؟)..قالت وكالة الانباء الروسية ...ان الدوري السوداني موعود بقصف (تلاولي) مستمر ..مما يستدعي تدخل الامم المتحدة ...ومجلس الامن ..وعصام الحاج!!.
· شكلك كدا ..يا عصام الحاج باقي ليك 4 اسابيع في المريخ.
· 4 اسابيع و3 ساعات.
· لو في موظف ...ما شغال..شيلو.
· لو في كيس اسمنت..مطرف ..دخلو المخزن.
· لو في (كرسي) ناقص..سجلو...عشان انت يا عصام الحاج ..بي واضح العبارة كدا..باقي ليك معانا 4 اسابيع يا شاطر.
· 4 اسابيع ..فوقو دقيقة ما بنزيدك.
· عشان كدا ..ألحق صفي حساباتك من بدري.
· تلاولي دا ما معاه قعاد...(كمان عامل حلاقتو دي).
· دا افتراء عديل كدا.
· هسع دي حلاقة تحلقها في الفاشر ...انت ما عارف ناس الفاشر ديل ناس تقابة ...وما بحبو اللخبطة.
· انت ما عارف يا (تلاولي)....المريخ دا ...مريخ (السلاطين).
· اها يا جماعة تعال نتحاسب.
· جيبوا ورقة وقلم.
وخلونا نحسبها كدا بالمنطق.
· اذا كان (تلاولي) دا في السلاطين بعمل كدا ..في جماعتنا ديل بعمل شنو؟.
· في (الوصيف) بعمل شنو؟.
· مريخ الفاشر في الوقت الحاليعندو قروش اكتر من مريخ ام درمان.
· ناس مريخ ام درمان قالوا هسع شايلن صور (سيدا)..وبشحدوا بيها.
· والله لو كنا عارفنكم عاوزين تلقطوا قروش بـ (هيثم مصطفى)...كنا ما شطبنا ليكم.
· طبعا العجب ..ما بجيب حاجة.
· ما في زول بدفع ليه حاجة في صورة الباشا ..وإلا سعيد السعودي.
· وزعتوا صورة هيثم مصطفى..وبقتوا تلقطوا في القروش.
· حتى الدخل ..قنعتوا منو في وجود العجب.
· هيثم مصطفى رفع ليكم الدخل.
· شفت يا هيثم الناس ديل نظرتهم (مادية) كيف؟.
· عليك الله انت يا هيثم لعبت (17) سنة في الهلال ..في زول باع (صورتك).
· بعدين ديل باعوا الصورة..وقروش التسجيل ما ادوك ليها.
· شفتوا قوة العين دي كيف؟.
· والزول البيبع صورتك ..بيعو.
· والبيبع الصورة ..ببيع الاصل.
· تمشوا وتجوا لي كلامي دا.
· يا جماعة...العمود دا ..لسع.
· العندو ...(قهوة) ما شربها..يمشي عليها.
· والعندو (غنم) عاوزات ليهن سقاية ...يقوم يسقيهن.
· والراجينو بالغداء ..يقوم ما يدي الناس الجوع.
· العمود دا ..بدري عليه.
· والله لو ما مباراة الارسنال وبايرن مونخ ...كان للنباه الاول.
· تلاولي دا عاوز ليه (من الغلاف للغلاف).
· والا نصبر شوية للاسبوع الرابع.
· باقي نحن عندنا حملة (تطعيم) في الاسبوع الرابع.
· ما بنخلي زول.
· بنمسك من طرف ..ما تقعدوا تتلفتوا لي كدا ...زي (شاحن الموبايل) في المناسبات.
· من موبايل لي موبايل.
· في منعرج اخباري اخر ...ندخلعلى الجد.
· رصد حلف شمال الاطلسي اكثر من مرة امس "اطلاق صواريخ من نوع سكود"....(السنكارية)...وكان احد الناجين من القصف قد صرح في قناة الجزيرة ...وقال عبارة واحدة ...(واللهنحن زي دا قبل كدا ما شفنا).
· وقال كمان : الشيء دا...ناس بلة جابر ما بقدروا عليه.
· قلت ليكم (السلاطين)...ما قدروا على الشيء دا.
· ناس بلة جابر شن قدرتهم.
· الي ذلك كان والي ولاية شمال دارفور عثمان محمد يوسف كبر ..قد شوهد في (المقصورة) بعد القصف (الترواري) الرهيب ...الي جانب السيدمساعد الجمهورية.
· معتصم جعفر كان قاعد وراهم ...لكن (غتاتة) كدا ما شفتو ..او عملت نفسي ما شايفو...عشان بس ما اجيبوا ليكم فى النشرة دي.
· انت يا كبر ..قايل الدوري الممتاز دا لعب.
· شنو القروش الفي الولاية كلها كبيتها لينا في (الكورة)...زي جمال الوالي.
· انتوا قالوا ليك طلع لينا (التمرد) من ولاية شمال دارفور...قمت طلعت (مريخ) الفاشر للدوري الممتاز.
· هسع لو كان طلعت هلال الفاشر ...ما كان في زول سألكم.
· قروش الحكومة كلها..بتكبوها في (المريخ).
· الوالي (جمال) يكب في مريخ (ام درمان) ..والوالي (كبر)..يكب في مريخ (الفاشر).
· اشمعنا يعني هلال كادوقلي دا ما في (والي) شغال بيه.
· انتوا كادوقلي دا ما واقعة ليها في (ولاية)؟.
· الهلال هنا في ام درمان ما في زول بدعمو ...الهلال في كادوقلي ما في والي بدعمو..وهلال بورتسودان نزل من عدمالدعم.
· والي البحر الاحمر..ما عندو قضية بالرياضة.
· والي البحر الاحمر عاملها كلها (غنا).
· وكل شهر عامل ليه (مهرجان سياحة).
· قالوا ليه (السياحة) دي بدون (رياضة) ما بتبقى.
· بعدين انت ما شفت السياحة في الهدف الثاني لتراوري.
· هدف يقطع المصارين..تقول (باكات) مريخ الفاشر جيل ما قرأوا ..وما باروي طلبة.
· لا ماتوا لا شقوا المقابر.
· تلاولي دا صعب.
· انا خايف ينزلكم من الاسبوع الاول.
· انت يا مهند الطاهر...(الحصان) الظهرت بيه في (المهرجان)...في المباراة ما شفتو.
· حالتي دي ...انا المباراة كلها اترقب فيه.
· الظاهر (حصانك) دا حصان (مهرجانات) ساكت.
· حصانك ما جراي يا مهند.
· ملحوظة : لكن تلاولي شبعنا (نبق فارسي).
هوامش
· التلتلة دي ..ناس موسي الزومة ما بقدروا عليها.
· التلتلة دي ...ناس بلة جابر ما بعرفوا ليها.
· قون بجي من الفاشر.
· القون الاول ...المخرج عادوا 12مرة ..ما شفنا الكورة.
· الحاجة الشفناها بس ..الكورة في القون.
· خلاص يا مريخاب عندي فكرة.
· انتظروا تلاولي دا اربع سنوات زي سادومبا ..بنودي (الفجيرة).
· والا كمان لو كان بالكم طويل ...انتظروه (17) سنة.
· انتوا بترجوه ...(17) سنة ..ما كتيرة عليكم.
· هسع تلقى ناس مامون ابوشيبة ...قعدوا يعدوا.
· وتلقوا كمان اسماعيل حسن..علق ليه اجندة.
· غايتو يا المريخاب عندكم جنس صبر.
· هيثم مصطفى دا من (الامير)..راجنو.
· 17 سنة ...عشان بس تصوروا معاه.
· هدف تلاولي التاني ..زي الفيلمالهندي.
· البطل يتقدم للبطلة.
· ابو البطلة ..يقول للبطل...انا ما بعرس بنتي لي ولد من اسرة فقيرة.
· البطلة تزعل ..تقوم تهرب...مع البطل.
· ابو البطلة ..يشيل بندقيتو..ويطلع ...يقول عاوز يكتل البطل.
· يقوم ابو البطلة ..يضرب بنتو بالبندقية ...وهو قاصد (البطل).
· يحصل شنو تاني.
· ابو البطلة يندم ..ندم شديد..ويقول لي بنتو الوحيدة ...خلاص انا مواقف على زواجك ...البنت تقوم زي الحصان.
· اها القصة دي ...كلها حصلت في هدف تلاولي التاني.
· الباك دخل في الاستوبر...والاستوبر ..ما شايف حاجة..وحارس المرمي دخل في حالة تانية...وتلاولي جاب القون.
· عليكم الله هسع الحكاية دي..ما زي حكاية الفيلم الهندي الحكيتوليكم.
· بس حكاية (تلاولي) دي ناقصة (البندقية).
· يا نجم الدين ...في الاسبوع الرابع ...إلا تجي بي بندقيتك.
· والله الزول دا (دبابة) ما بتثبتوا.
· الزول دا في الفاشر ما ثبت.
· ايكانغا ..اتذكر فجأة كدا ...انو ما اخد كرت اصفر ...قام اخد كرت.
· الزول دا انتوا الكروت الصفر..بنزلها (رصيد) في موبايلو.
· كورتك يا ايكانغا بقت زي قصائد المطالعة.
· حفظناها ..حفظ.
· سنكارا ..كاد يسجل هدف للهلال ...وكاد ايضا ان يتسبب فيهدف على الهلال.
· عبداللطيف بويا ..كان ثغرة واضحة في دفاع الهلال.
· غارزيتو كان مفروض يسحبو من الدقيقة العاشرة من عمر المباراة.
· عمر بخيت ايضا كان بعيد عن (المعلم) الذي نعرفه.
· يا ربي الاتحاد العام سوف يحول مباراة المريخ العاصمي من الفاشر الي وين؟.
· اكيد ناس عصام الحاج ما بيلعبوا في الفاشر.
· الفاشر اخطر من كادوقلي يا كلتشي.
· عاجل : تلاولي وتلاولي وتلاولي لمن يجي قون.

الرجوع الى أعلى الصفحة اذهب الى الأسفل

مُساهمة في الأربعاء 20 فبراير 2013 - 8:18 من طرف حمزه عوض

حائط صد
ماذا يدور فى أشرف الإصدارات
• جماهير المريخ ومحبى الاحمر الوهاج على موعد لمعانقة الحبيب المنتظر مساء اليوم على ارضية القلعه الحمراء فى إستهلالية مشواره بالدورى الممتاز
• يعود زعيم الانديه السودانيه للظهور مجدداً من خلال مباراة الرومان مدنى والتى يترقبها شعب المريخ بكل شغف بعد ان طال غياب الزعيم عن الديار ونشر الابداع.
• الجميع يترقب ظهور اسطورتينمن اساطير الكرة السودانيه الملك فيصل الغالى والامير هيثم مصطفىكرار لاول مره بشعار فريق واحد.
• المتعة ستكون حاضرة كيف لا والمستطيل الاخضر يجمع الملك والبرنس فى قيادة الفرقة الحمراءوالجواب باين من عنوانو
• جمهور المريخ لا يحتاج لدعوة خاصه بعد ان طال غياب المحبوب والجميع فى شوق لظهوره منجديد والجميع سيكون فى الموعدباذن الله.
عزيزى حسن حمد قليل من المنطق يرحمك الله
• لم يتقبل السيد حسن حمد رئيس تحرير صحيفة المريخ إنتقادنا للحاله المذرية التى وصل لها حال الصحيفه وحاول بشتى السبل المشروعه (والغير مشروعه) إثبات العكس.
• لم يحالف السيد حسن حمد التوفيق فى إنتقاء الكلمات واطلقالعنان لقلمه ليُخرج كلمات لا تصدر من اصغر صحفى ناهيك عن رئيس تحرير صحيفة فى قيمة ومكانه صحيفة المريخ.
_من المؤسف ان يعتقد رئيس تحرير صحيفه المريخ ان الحديث عما تعانيه الصحيفه يحتاج إلى تحريك من اشخاص يحاولون إسقاط الصحيفه كما ذكر من خلال عموده لانه يدرك تمام أن أخبار صحيفة المريخ متاحه للقاصي قبل الداني لأن روائح الفساد التي اذكمت الأنوف شاعت وعمت القرى.
_عندما كتبت هنا عن صحيفة المريخ من واقع أنها واحده من مؤسسات نادي المريخ ويهمنا أن تكون في مقام النادي وإلا فلا داعي لها حتى لا تأخذ منه بدلا أن تعطيه ..كما كانت تفعل في فترة قيادة حاتم عبد الغفار لها.
الحديث الأنشائي المجوف الذي كتبه رئيس التحرير الذي _
(ينتظر) أشارة الوداع بعد أن أوصل الصحيفة إلى هذا الدرك السحيق والذي جعلها في المرتبة الثالثة بين الصحف المريخية وهيحقيقة لا يمكنه أنكارها، لأننا وانوضعنا أمامه مثلا أرقام طباعة وتوزيع صحيفة (الزعيم) سيتوارى خجلا
حديثه الاخير لا يمكن أن يسند وجوده على منصب يحتاج أن يكون فيه من يضفي عليه القوة من بين حملة الأقلام المريخيه.
• صحيفة المريخ تخنقها الديون وتحاصرها الأزمات وهي رهينة برضا المطبعة عليها ..وكل الأموالالتي تأتي قليلها وكثيرها يذهب لسداد مديونيات هذه المطبعة ، خلاف ما ينتظر الصحيفة من مديونيات أخرى يعرفها الجميع منمطابع أخرى تسبب فيها المدير العام عراقي (الصديق الشخصى) لرئيس التحرير !
_رئيس التحرير الذي حشد عبارات تدل على عدم (أهليته) بالمنصب الكبير الذي يجلس عليه.يدرك تماما أن أي نجاح للصحيفة لم يكن له فيه دور من بعيد أو قريب ..حتى وأن أدعى ذلك
• ما تحقق من مبيعات عاليه للصحيفه كان بفضل مجهودات حملة الأقلام بالصحيفة أصحاب الأعمدة المقروءة ولهم أسماء لها إحترامها في شارع الصحافة عموما ووسط جماهير المريخ بالاضافه للمجهودات الكبيره لطاقم المحررين ..وهو يدرك ذلك تماما حتى وإن (توهم) غير ذلك.
• ورغم ذلك نجد ان ابسط حقوق العاملين بالصحيفه مهضومه وكثير منهم لم يستلموا مرتباتهملعدة شهور ورغم ذلك نرى حروف السيد حسن حمد تحاول ان تنفى كل هذا وياللعجب.
• ما كتبه رئيس التحرير والذي (يستعد) لمغادرة الكرسي الذي (يضيق) عليه ..يمثل سقطة كبرى تستدعي تدخلا عاجلا من رئيس مجلس إدارتها الأستاذ عصام الحاج لأقالته وبالتالي تحرير الصحيفة منه هو وصديقه عراقي .
• هل يعتقد السيد حسن حمد ان ارقام التوزيع التى نشرها تمثل قمة طموحات أهل المريخ ..وهل يمكن أن تكون مثالية لصحيفة من المفترض أن تدعم خزينة النادي!
• إذا كان حسن حمد يعتقد أن هناك من يملي علينا لنكتب عن واقع الصحيفه ..مثل ما يفعل هو..فهو واهم ..لأننا نعرف قدر أنفسنا جيدا ..وسنظل نلاحق أمر صحيفة النادي حتى يخرج منها وكل من ساهم في تحطيمها..ولن نتوقف عن الأرسال مطلقا.
• يتحدث السيد حسن حمد عن إنجازات كبيره تحققت فى عهده ولم يُحدثنا ان ذهبت اموال التوزيع والعاملين بالصحيفه يعانون الامرين فى إستلام مرتابتهم الشهريه.
• اين تذهب اموال التوزيع ومكاتب الصحيفة تُعانى من إهمال لامثيل له ومن هو السبب فى المديونيه الكبيره التى تطالب بها المطابع صحيفة المريخ؟
• قليل من المنطق عزيزى حسن حمد حتى نستطيع إستيعاب مايخطه يراعك مع العلم انك تناقض نفسك بنفسك عندما تتحدث عن ارقام توزيع (تراها انت) مميزه وفى نفس الوقت تفشل الصحيفه فى توفير مرتبات العاملين بها.قليل من المنطق يرحمك الله.
• وحتى اكون اميناً مع نفسى.فان مجلس المريخ يتحمل ايضاً جزء كبير من السوء الذى وصلت له صحيفة المريخ خلال الفترة الاخيره
• الاهمال المبالغ فيه الذى تعرضت له الصحيفه من قبل مجلس الاداره تسبب بصورة كبيره فى تراجعها بسوق الصحافه الرياضيه.كيف لا والمجلس يُسرب الاخبار الحصريه لصحف اخرى وصحيفة النادى اخر من تعلم
• مللنا من الإنتظار عسى ان ينصلح الحال ونرى مجلس المريخ (يرمق) صحيفة النادى بنظرة إهتمام ولكن لا حياة لمن تُنادى.
فى السنتر
• نتمنى بداية مميزه لعجلة الدورى الممتاز بعيداً عن (جلطات)التحكيم الكارثيه
• تُعانى فرق الدورى الممتاز كثيراً من التحكيم الذى يكون دائماًبعيداً عن المستوى المطلوب
• تجتهد إدارات الانديه كثيراً فى الصرف والتجهيزات للفُرق ويذهبكل ذلك جفاء باخطاء التحكيم
• نتمنى رؤيه مستوى تحكيمى مميز يليق ببطولة الدورى الممتاز بعيداً عن المحاباة لفرق بعينها
• كما نتوقع من الاتحاد العام تقديم تسهيلات للانديه وتخفيض (الجبايات )التى يفرضها على انديتهالمغلوب على امرها
• لا يُعقل ان يذهب معظم الدخللخزينة الاتحاد العام وتجد الانديه (الفُتات) رغم الصرف الكبير من جانبها
• طفحت فى السطح مشاكل ومطالبات محترفى المريخ باموالهم المتاخره على النادى مما سبب ازمه داخل الفريق
• من حق اللاعبين المطالبه بحقوقهم ومن واجب الاداره توفيرمستحقات اللاعبين لانها حق ويجبان تُدفع
• نتوقع تحرك إدارة المريخ وتوفيرها مستحقات اللاعبين حتى ننعم بموسم احمر مستقر باذن الله تعالى
حائط اخير
مريخنا العظيم انت نجم فى السماء

الرجوع الى أعلى الصفحة اذهب الى الأسفل

مُساهمة في الأربعاء 20 فبراير 2013 - 8:19 من طرف حمزه عوض

وقس على ذلك | حسن عمر خليفة:: بـدايـة مـوفقة للـــهـلال


• بثنائية ملعوبة وشباك نظيفة وعرض جيد بدأ الهلال حملة الدفاععن لقبه في بطولة الدوري الممتاز على حساب الوافد الجديد مريخ الفاشر، الفريق الأزرق أعلن عن نفسه وعاد بأول ثلاث نقاط من الولايات بعد أن واجه فريقاً محترماً يمكن بالمزيد من المباريات واكتساب الخبرات أن يمثّل رقماً في خارطة المنافسة، وبشكل عام فقد ظهر الهلال بخطوط مترابطة وانسجام كبير بين اللاعبين ولياقة بدنية عالية حافظ عليها اللاعبون على امتداد شوطي المباراة مقدمين بذلك شهادة عملية على تميز المعسكرالإعدادي الذي أقامه الفريق بأديس أبابا.
• وإذا أردنا الوقوف على خطوط الفريق فلابد من الإشادة بالاداء المتميز لحارس السودان الأول المعز محجوب والذي كان ليقظته وثباته وحسن تصرفه الأثر الأكبر في الخروج بشباكه نظيفة وذلك بالتعاون مع خط الظهر الذي قام بدوره على الوجه الأكمل في ظل استمرار التفاهم الواضح بين سيف مساوي وعبد اللطيف بوي يضاف إلى ذلك القادم الجديد سنكارا الذي نجح في تقديم أوراق اعتماده وهو يقوم بأدواره بشكل جيد في التغطية والرقابة والمشاركة في دعم خط الوسط في حالة الاستحواذ، وتميز اللاعب كذلك بالبنية الجسمانية القوية واللياقة البدنية العالية وهي مواصفات يمكن أن تفيد الهلال كثيراً بالمزيد من المشاركات خاصة في المباريات الإفريقية التي تحتاج للاعبين بمواصفات سنكارا.
• خط الوسط الهلالي لم يطرأ عليه جديد حيث احتفظ بالثلاثي الدولي عمر بخيت القائد والذي قام بالأدوار المطلوبة منه في الدعم وقطع الامداد بين خطي الوسط والهجوم، والغزال مهند الطاهر الذي تحرّك بفاعلية قبل خروجه مستبدلاً ونزار حامد الذي حاول واجتهد لكنّه أكثر من الاحتفاظ بالكرة في بعض الأوقات، أما مدثر كاريكا فرغم محاولاته إلاّ أن وجوده على الطرف الأيمن أظهره بمظهر الغريب على التشكيلة، ويبقى اكانغا لغزاً محيراً باصراره الغريب على اللعب على الأجسام والسعي المتعمد لحصاد البطاقات الملونة بصورة تمثل خطراً على الفريق.
• ولابد من الإشادة بالمهاجم المميز تراوري الذي نجح في هز الشباك مرتين في أول ظهور رسمي له بالقميص الأزرق ليؤكد بذلك أن الهلال كسب مهاجماً من طراز فريد خاصة إذا نظرنا إلى هدفيه الذين كشف كل منهما عن ميزة مغايرة للاعب، فالهدف الأول جاء من تسديدة قوية بينما جاء الهدف الثاني بعد مرواغة واقتحام وتسديد من زاوية صعبة، تميز ترواري يأتي امتداداً لسلسلة المحترفين المتميزين الذين عرفهم الكشف الأزرق بداية بالأريتري يوهانس مروراً بالكونغولي زولو والنيجيريين قودوين وكليتشي وصولاً للزيمبابوي إدوارد سادومبا، مما أكسب الهلال القدرة على تجديد دمائه وتقديم لاعب قادر على جعل الجماهير تنسى سلفه، وإن كان تراوري قد برز بشكل لافتفي المباراة فإنّ زميله ساني يبقى مهاجماً مهاباً صاحب رأسياتننتظر أن نشاهدها في قادم المباريات ومقبل المنافسات.

الرجوع الى أعلى الصفحة اذهب الى الأسفل

مُساهمة في الأربعاء 20 فبراير 2013 - 8:20 من طرف حمزه عوض

علي صفيح ساخن / نادر التوم
حبيبى تعال نبدأ!
============
بذكريات الفهود يدخل المريخ لقاءاليوم ضد الإتحاد، و(الأمل) يحدو جماهيره لبداية ناجعة، وإنطلاقة فاعله فى بداية الموسم،تبُشر بمستوى طيب للزعيم فى الممتاز وفى التنافس الإفريقى، ظروف متداخلة ومعقدة تحيط بالمارد الأحمر.. غيابات لأسباب متفرقة ومتفاوتة، وظروف مالية تزداد سوء كل يوم وتحتاجللعلاج الناجع..
من ناحية فنية كشف الزعيم ممتلئ بالمواهب المحلية والاجنبية، ومنعجب أن الكوكى الذىأنهى موسمه الماضى ضد المريخ محققا الفوز عليه فى المفخرة، سيبدأ موسمه هذا مع المريخ، والصفوة تضع عليه آمالا كبيرة ليس لتحقيق الممتاز، بل للمضى بعيدا فى البطولة الإفريقية وتحقيق لقبها_ وان كان هذا صعبا وليس مستحيلا_، جماهير المريخ وفى اول ظهور فى الموسم الجديد ستتدافع لرؤية نجومها الجدد وفريقها _الجديد_، وجماهير المريخ (ما بتتوصى) لكنيجب أن تدرك أن أدوارها فى هذا الموسم أكبر، و المريخ لدعمها احوج (ماديا ومعنويا)..
الممتاز ليس هدفا فى ذاته، بل وسيلة لغاية أكبر هى البطولات الإفريقية، المطلوب من لاعبى الأحمر اللعب بجدية ومسؤولية، وتعويض الجماهير خسائر ومراراتالموسم الماضى على المستويين المحلى والإفريقى (إن شاء الله!)
يا حليل ربوع شندى!!
(الزعيم يتأهب للرومان غدا بملعبه، الإتحاد يصطدم بإعداد المريخ الناجح ونجومه، على حداثةتقبل الرباعية بصدر رحب، الحضرى يمارس هوايته ويتمرد على مجلس المريخ، قناة النيلين تنقل الممتازرسميا، أهلى شندى يُهدد النسور وبن ذكرى يراهن، الهلال يفتتح الممتاز بفاشر السلطان، جماهير شندى تستعد لإستقبال البشير)، هذه ليست عناوين صحيفة ورقية او إلكترونية، لكنها صحيفة الاخ الرائع مشجع المريخ (جحا)، الذىما أن علم بحضورى لشندى، إلا وطلب من الخال المريخى على الأمين أن أزورهم فى محلهم العامر وإستمتعت معهم لفترة مرت كالبرق، قفشات ومعلومات وقهوات،(جحا) نموذج للمشجع المُشرَف فهو يعمل فى ورشته، يداوى أعطاب السيارات، ومكانه قِبلة للرياضيين من كل لون وطيف.. وهو شخصية محبوبة، وحضر جلستنا العم الاستاذ على أبو راس، والاخ احمدالأمين سكرتير نادى مريخ شندى، حقيقة سعدت فى شندى التى تغيرت كثيرا، حيث كنا نسافر عبرها للبلد (العقيدة)، لكن إنسانها لايزال بنقائه وطيبته، ترحاب جحا ورفاقه أعطانى أكثر من حقى، وحفاوتهم ستظل محل إعتداد وترحاب، ونتمنى أن نلتقى والمريخ دوما فى المقدمة! شكرا للمريخ الذى منحناكل هذه المحبَة، وطوقنا بكلهؤلاء الأحبة!
وقفة!!
شكا الأخ أحمد الأمين _سكرتير مريخ شندى_ من إهمال ناديهم رغم صعوده للأولى وإنفضاض الناس عنه، وعدم إعطائه مساحات فى الإعلام، أحمد ورفاقه عملوا فىظروف سيئة وتحملوا المسؤوليةوالبعض إبتعد، المطلوب من كل المريخاب وبخاصة أبناء شندى دعممريخهم، حتى نراه فى الممتاز قريبا بإذن الله! فشندى وأهلها يستحقون..
نعستونا!
لست أدرى هل كانت مباراة الأمس حِبيَة بالصف الأول إفريقيا أم بالفريق (الجريف) أعنى الرديف، مباراة رتيبة مملة،والسلاطين تخوفوا من الهلال أكثر من اللازم وضيعوا فرصا أمام المرمى، رغم أنهم لم يُؤدوا مباراة كبيرة، الهلال بدأ واضحا فقدانه لرمانة خط وسطه الظاهرة الشيخ هيثم مصطفى سيدا حفظه الله ورعاه، رغم أنه لم يُشارك كثيرا مع الهلال الموسم الماضى، قلنا من قبل لوخسر السلاطين المباراة يكون هذا بيدهم لا بيد عمرو، وقد كان، فقد ظهر الإرهاق والتعب على اللاعبين وقلَت اللياقة فى الشوط الثانى
حقق الهلال المهم_زى كل مرة_ وظفر بأول ثلاثة نقاط من الولايات من الوافد الجديد والذى نخشى أن يكون مصيره مثل رابطة كوستى لأن السيناريوهات متشابهة..(شو) وإعلام، وعدم إهتمام بالفريق وقد بدأ واضحا الإستياء على مُحيا الأستاذ محمد يوسف كبروالى الولاية!
هل إطمأن الهلالاب الآن، بعد أن كانوا متخوَفين من اللعب قبل الزعيم بيوم؟؟؟ الهلال منتهى لكنه وجد فريقا خائفا أعطاه أكبر من حجمه!
دعم الإعلاميين!!
نتحدث نحن _الإعلاميين_ عن ضرورةدعم كل أبناء المريخ لناديهم فى هذه الفترة الحرجة، والتى تتطلب تكاتف الجميع، ودعم الجميع، لكن كثير منا ينسون أنفسهم وهم يدعونالآخرين للدعم ل(دفع) مسيرةالفريق، وحينما نقول إعلامى المريخ فلا نعنى الصحفيين فقط، المطلوب تكاتف وإلتقاء وتوحد ودعم للمريخ، صحيح إن أغلب الصحفيين يتوقفون، وصحيح إن مرتباتهم تتفاوت من ضخمة _ربنا يزيد_ إلى ضعيفة_ربنا يكون فى العون_ لكن يجب التواثق والإلتفاف،وتحدي ­د ريع من المرتب أو نسبة منه، أو مبلغ معين(حسب المرتبات) ويحدد أشخاص لجمع هذا الاموال حتى نكون قدوة حقيقية (بيانا بالعمل) وحتى يستمع لنا الآخرون ويستجيبوا حينما ندعوهم لدعم الزعيم، وبمثل ما حقق مهرجان المريخ دخلا محترما، فيمكن التنسيق لمباراة تجمع الإعلاميين بالمريخ ويعود الدعم للفريق تكون مبارياتإستعراضية تصحبها ليال ترفيهية وغنائية وكوميدية راتبة تساعد فى ضخ الاموال فى خزينة النادى الأحمر!
بركات!!!
الكرم والتواضع والزهد والزعامة سمات ميَزت وتميَز السادة المراغنةعلى ممر الازمان ،لذا كان حضور السيد جعفر الصادق الميرغنى_مساعد رئيس الجمهورية_ لافتا ومبهرا ومشرفا،وتشريفه الإفتتاح والفاشر(ضربة معلم)!
كارثة!
بمداد من دم كتب الصيق حسن حمد مادته أمس عن هذه الصحيفة ورغم أنه ألمح كثيرا إلا أننى أسفت (للحفر) الذى تعانيه صحيفتنا صحيفة _نادينا_، مع أن العكس هو الذى كان يجب ان يكون، إهتمام من مجلس الإدارة وإرتباط من الصفوة،ليس لإنها صحيفة النادى _وهذا سبب وجيه_ بل لأن بها من الكتاب والموضوعات ما يستحق، إهمال الصحيفة جريمة وإهمال للمريخ، ومن المصائب ذهاب الكثير من ابنائها ومغادرتهم بسبب إهمالها وهم يتنحون (حبا فى الزعيم)، لكن الارقام اثبتت تطور الصحيفة وسنظل نعطيها ، وأتمنى عودة المستقيلين والمبتعدين وإهتمام المسؤولين ومتابعة المشجعين!
(خلاص بعد دا .. بعدين)، لا يزال الاخ محمد فضل الله يُعلق بطريقةغريبة على المباريات، أما(كابتن) نشأت كما ظل الكوتش سيد يناديه، فقد وضح انه بعيد عن الكرة ويظهر كأنه (مجبور).
...
يتبع

الرجوع الى أعلى الصفحة اذهب الى الأسفل

مُساهمة في الأربعاء 20 فبراير 2013 - 8:21 من طرف حمزه عوض

من اسوار الملاعب | حسين علي جلال :: نجم وليد في هلال جديد

*. كما توقعنا فاز الهلال وباقل مجهود علي مريخ السلاطين بمدينة الفاشر في اولي مياريات الفرقة الزرقاء في افتتاحية مباريات الدوري الممتازبهدفي الوافد الجديد والمتالق تراوري الذي سحب بساط نجومية
*. المباراة بسرعة توصيباته واناقة مراوغته وحسن تصرفه في منطقة صندوق الخصم وتوقيع اهدافة علي مدار الشوطيين
*. كانت كل الترشحات المنطقية تصب في مصلحة الفرقة الزرقاء لعامل فارق الامكاناتالفنية والبدنية والتكتكية رغم التصريحات الكثيرة لابناء مريخ السلاطين وتحفيز الفريق في حالة فوزه علي الهلال
*. حيث كانت كل التوقعات في محلها ولم تخطي ونحن نعلمجيدا بان مباريات الرسمية تختلف تماما عن المباريات الحبية فمثلا الفرقة الهلالية تعرف تماما ماذا تعني لها مباراة الافتتاح الرسمية امام مريخ
*. الفاشر المتحفز في تحقيق مفاجاءة امام بطل الدوري الممتاز لاكثر من عشرمرات لذانجح الفرنسي جارزيتو وبمجهود لاعيبته المتاحة ان يخطف الاهم وهي نقاط المباراة حينما استغل سرعة ودقة مهاجمه الخطير
*. محمد تراوري في كيفية خلخلة مدافعي مريخ الفاشر وتهديد مرماهم بجانب انطلاقات مدثر كاريكا وتكميل الادوار الهجومية مع نجم نجوم المباراة تراوري بعد خروج السنغالي ابراهيما ثاني
*. مريخ الفاشر هاجم بكلياته لاحراج الهلال ومباغتة ونسيا تماما ظهره مكشوفا وهو يجازف امام فريق تلاعب بااعتي الفرق الافريقية وكان الحماس طاغيا علي الفرقة الحمراء وشكلت بعض الهجمات
*. خطورة علي الفرقة الزرقاء حيثلعب عامل قلة الخبرة وعدم التعامل الجيد من رماة مريخ الفاشر في اهدار الفرص السانحة امام مرمي الهلال العاصمي وفي المقابل نجح مدافع الهلال الجديد سنكارة في متوسط قلبي الدفاع بجانب
*. سيف مساوي في اجتياز ورقة اعتماده واضافة لقيامه في التقدم الي المناطق الامامية والتهديف بالراس وكان من احدي الهجمات ان يحرز هدفا في شباك المريخ ولكي نكون منصفين حاول فريق المريخ كثيرا في سحب
*. البساط الاخضر امام الهلال ولاكن صعوبة المسافات وسقف الطموحات الهلالية حالت دون ذلك للوصول الي الهدف اضافة الي المجهود والعمل الكبير للفرنسي جارزيتوفي ايجاد توليفة متجانسة وصنع بدلاء في
*. مستوي التوليفة الاساسية من خلال التجارب الاعدادية العديدة للمير الفني سواء كانت داخليةاو خارجية واستعداده لمثل هذهالمواجهات من اجل المحصلة الهامة للفرقة الزرقاء للمواجهات الافريقية والمحلية
*. الهامة لذا كسب الهلال الرهان امام الوافد الجديد مريخ الفاشر باارضه ووسط جمهوره لانه مزج الخيرة بالشباب ومنح الثقة في الجدد ورفض فكرة الاعب السوبر ومنح الفرصة لمن يسنحق وقفل باب الانقسامات وصنع الفارق
*. بمحترفيه واثبت بان تراوري قادم بقوة علي المستوي المحلي والافريقي والقادم احلي

اخر الاسوار

*. المستوي الرائع الذي ظهر بهالمحترف تراوري امام مريخ الفاشر واحرازه اهداف صاروخية ربما تلهب جماهير الموج الازرق بصورة لاتوصف في مدرجات الهلال في مبارياته القادمة بملعبه اوخارجه يابخت جماهير الهلال
*. مريخ الفاشر انشغل بالثلاث نقاط اكثر من العب بصورة واقعية امام الهلال فكانت الخسارة
*. معز محجوب لعب بفدائية كبيرة واستطاع ان يحمي شباك الفريق
*. استهلالية مبشرة واعلان هداف من طراز فريد خلق الرعب بين اركان الوصيف

الرجوع الى أعلى الصفحة اذهب الى الأسفل

مُساهمة في الأربعاء 20 فبراير 2013 - 8:49 من طرف حمزه عوض

المريخ السوداني(العالمي)
ﺍﻟﻤﺮﻳﺦ ﻳﺒﺪﺃ ﺍﻟﻤﺴﻴﺮﺓ ﺍﻟﻠﻴﻠﺔ
ﺑﺮﻭﻣﺎﻥ ﺍﻟﺠﺰﻳﺮﺓ
.
ﻓﻲ ﺍﻟﺜﺎﻣﻨﺔ ﻣﻦ ﻣﺴﺎﺀ ﺍﻟﻴﻮﻡ
ﺑﺎﻟﻘﻠﻌﺔ ﺍﻟﺤﻤﺮﺍﺀ
ﺍﻟﻤﺮﻳﺦ ﻳﻨﺎﺯﻝ ﺍﻟﺮﻭﻣﺎﻥ ﻓﻲ
ﺍﺳﺘﻬﻼﻟﻴﺔ ﻣﺸﻮﺍﺭﻩ ﺑﺎﻟﻤﻤﺘﺎﺯ
ﻛﺘﺐ: ﻫﻴﺜﻢ ﻣﺤﻤﺪ ﻋﻠﻲ
ﻳﻌﺎﻧﻖ ﺍﻟﻤﺮﻳﺦ ﻓﻲ ﺍﻟﺜﺎﻣﻨﺔ ﻣﻦ
ﻣﺴﺎﺀ ﺍﻟﻴﻮﻡ ﺑﻤﻠﻌﺒﻪ ﺑﺎﻟﻘﻠﻌﺔ
ﺍﻟﺤﻤﺮﺍﺀ ﺑﺄﻣﺪﺭﻣﺎﻥ ﺑﻌﺪ ﻃﻮﻝ
ﻏﻴﺎﺏ ﺟﻤﺎﻫﻴﺮﻩ ﻓﻲ ﺃﻭﻝ ﻇﻬﻮﺭ
ﻟﻠﻤﻮﺳﻢ ﺍﻟﺠﺪﻳﺪ ﺑﻌﺪ ﻣﻌﺴﻜﺮ
ﻧﺎﺟﺢ ﻟﻠﻔﺮﻳﻖ ﺑﺘﻮﻧﺲ ﺍﻟﺨﻀﺮﺍﺀ،
ﺣﻴﺚ ﻳﺴﺘﻀﻴﻒ ﻓﺮﻳﻖ ﺍﻟﻜﺮﺓ
ﺑﺎﻟﻨﺎﺩﻱ ﺍﺗﺤﺎﺩ ﻣﺪﻧﻲ ﻓﻲ
ﺍﺳﺘﻬﻼﻟﻴﺔ ﻣﺸﻮﺍﺭ ﺍﻟﻔﺮﻳﻖ ﻟﺒﻄﻮﻟﺔ
ﺍﻟﺪﻭﺭﻱ ﺍﻟﻤﻤﺘﺎﺯ ﻭﺧﺘﺎﻡ ﻣﺒﺎﺭﻳﺎﺕ
ﺍﻟﺠﻮﻟﺔ ﺍﻷﻭﻟﻰ ﺍﻟﻴﻮﻡ، ﺣﻴﺚ ﺃﻛﻤﻞ
ﺍﻟﻔﺮﻳﻖ ﺟﺎﻫﺰﻳﺘﻪ ﻟﻤﻮﺍﺟﻬﺔ ﺍﻟﻴﻮﻡ.
ﺍﻟﻤﺮﻳﺦ ﺑﺸﻌﺎﺭ ﺟﺪﻳﺪ ﺃﻣﺎﻡ ﺍﻻﺗﺤﺎﺩ
ﺳﻴﺮﺗﺪﻱ ﺍﻟﻤﺮﻳﺦ ﺷﻌﺎﺭ ﺟﺪﻳﺪ
ﺃﻣﺎﻡ ﺍﻻﺗﺤﺎﺩ ﺍﻟﻴﻮﻡ ﺣﻴﺚ ﻗﺎﻡ
ﻣﺪﻳﺮ ﺍﻟﻜﺮﺓ ﻣﺤﻤﺪ ﻣﻮﺳﻰ
ﺑﺎﺣﻀﺎﺭﻩ ﻣﻦ ﺗﻮﻧﺲ ﻓﻲ
ﺍﻟﻤﻌﺴﻜﺮ ﺍﻷﺧﻴﺮ.
ﺗﺸﻜﻴﻠﺔ ﺍﻟﻤﺮﻳﺦ ﺍﻟﻤﺘﻮﻗﻌﺔ
ﻣﻦ ﺍﻟﻤﺘﻮﻗﻊ ﺃﻥ ﻳﺪﻓﻊ ﺍﻟﻤﺮﻳﺦ
ﻓﻲ ﻣﺒﺎﺭﺍﺓ ﺍﻻﺗﺤﺎﺩ ﺍﻟﻴﻮﻡ
ﺑﺘﺸﻜﻴﻠﺔ ﺗﻀﻢ ﺃﻛﺮﻡ ﺍﻟﻬﺎﺩﻱ -
ﺑﺎﺳﻜﺎﻝ - ﻧﺠﻢ ﺍﻟﺪﻳﻦ - ﺑﻠﻪ ﺟﺎﺑﺮ
- ﻋﻼﺀ ﺍﻟﺪﻳﻦ ﻳﻮﺳﻒ - ﺭﻣﻀﺎﻥ
ﻋﺠﺐ - ﺃﻣﻴﺮ ﻛﻤﺎﻝ - ﻫﻴﺜﻢ
ﻣﺼﻄﻔﻰ - ﺍﻟﺒﺎﺷﺎ - ﺟﺎﻛﺴﻮﺍﻥ
ﻣﻮﺍﻧﺰﺍ ﻭﻣﺤﻤﺪ ﻣﻮﺳﻰ.
ﺍﻟﻔﻀﺎﺋﻴﺎﺕ ﺍﻟﻤﺼﺮﻳﺔ ﺗﻬﺘﻢ ﺑﺄﺯﻣﺔ
ﺍﻟﺤﻀﺮﻱ ﻣﻊ ﺍﻟﻤﺮﻳﺦ
ﺍﻫﺘﻤﺖ ﺍﻟﻔﻀﺎﺋﻴﺎﺕ ﺍﻟﻤﺼﺮﻳﺔ
ﺑﺄﺯﻣﺔ ﻣﺴﺘﺤﻘﺎﺕ ﺣﺎﺭﺱ ﺍﻟﻤﺮﻳﺦ
ﻭﻛﺎﺑﺘﻦ ﻣﻨﺘﺨﺐ ﻣﺼﺮ ﺍﻟﺪﻭﻟﻲ
ﻋﺼﺎﻡ ﺍﻟﺤﻀﺮﻱ ﺣﻴﺚ ﺃﺟﺮﺕ
ﻗﻨﺎﺓ ﺍﻟﺤﻴﺎﺓ ﺑﻮﺍﺳﻄﺔ ﺍﻟﻜﺎﺑﺘﻦ
ﺣﺎﺯﻡ ﺃﻣﺎﻡ ﺍﺗﺼﺎﻝ ﻫﺎﺗﻔﻲ ﻣﻊ
ﺍﻟﻼﻋﺐ ﻣﺴﺎﺀ ﺃﻣﺲ ﻭﺍﻟﺬﻱ
ﺃﻭﺿﺢ ﻓﻴﻪ ﺍﻟﺤﻘﺎﺋﻖ ﻛﺎﻣﻠﺔ
ﺑﺠﺎﻧﺐ ﺍﻟﻜﺎﺑﺘﻦ ﺧﺎﻟﺪ ﺍﻟﻘﻨﺪﻭﺭ ﻋﺒﺮ
ﻗﻨﺎﺓ ﺩﺭﻳﻢ ﻭﻋﺒﺮ ﺑﺮﻧﺎﻣﺠﻪ )ﺍﻟﻜﺮﺓ
ﻣﻊ ﺩﺭﻳﻢ

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى