بابكر سلك .. في السلك .. ثورة … ثورة .. ثوره نفرين تلاته .. ثورة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

08092015

مُساهمة 

بابكر سلك .. في السلك .. ثورة … ثورة .. ثوره نفرين تلاته .. ثورة




بابكر سلك
في السلك
ثورة … ثورة .. ثوره نفرين تلاته .. ثورة

*طبيعي جدا ان يثور الناس ضد الظلم والاستبداد
*يخطئ ولا يظلم
*طبيعي جدا ولو استمر الظلم آلاف السنين
*طبيعي جدا ان يقود الظلم الناس لويلات لاقبل للظالم بها
*وكلما كبر الظلم بالنفوس
*كبرت شدة الثوره
*وانفجر الغضب العارم
*يقضي علي الاخضر والظالم
*وحينها لن تجد حتي ولو اطلال للظالمين
*قد تجد اشلاء
*ولكن تبقي سيرة الظلم مابقي التاريخ
*لتتشرف الثوره ببزوغ شمسها وسط ظلمات ظالمات حالكات
*ونحن شعب يقدس الثورات ويمارسها
*والدليل ان معظم مدننا فيها احياء تسمي الثوره
*المهم
*الظلم هو بمعناه البسيط الخيار والفقوس
*وهو في معناه الوسيط سلب الناس حقوقهم
*وهو في معناه الغليد اعطاء البعض لحق الغير
*ثم التبرير بعبارات سمجه
*من شاكلة يخطئ ولا يظلم
*وبعدها تتجسد الظلمات
*فتظهر مبررات الحكم شال التقرير وسافر بيهو
*واستفسرنا الفيفا
*ثم يتجسد الظلم الاجتماعي في الكيل بمكيالين
*قلق يتأخر عن المنتخب يوقف ويغرم عشرين مليون
*غيره يعفي
*فالسبب الذي اوقف قلق وغرمه عشرين مليون
*لا يعاقب نزار حامد الذي تخلف عن النتخب ولعب بعدها ضد النسور ؟؟؟
*ومن مظاهر الظلم وعدم المساواه
*تغريم المريخ خمسه الف جنيه لان جمهوره قذف بالقارورات
*ولنفس السبب يغرم امل عطبره الفين جنيه
*ومريخ الفاشر لنفس السبب وبنفس الحيثيات الفين جنيه
*فهل قذف جمهور المريخ بقارورات حجم عائلي لذا ارتفعت العقوبه ؟؟؟
*ايها الناس
*انها الثوره ضد كل اشكال الظلم في هذا البلد
*انطلقت
*الثورة انطلقت
*رأيتها بام عيني في عيون الشفوت وهم ينالون شرف التوقيف بقسم الشرطه
*كانوا يرددون مربوحه
*انها معركة الثوره
*اذن فهي مربوحه
*كيف لاتكن مربوحه وهي ثوره
*وثورة مين ؟؟؟؟
*ثورة ناس طهقوا
*ذاقوا علقم الظلم سنوات طويله
*ادركوا ان العقل هبل في فهم الظالم
*ان احترام القانون عبط في فقه الظلمه
*ايها الناس
*القصه تعدت حكاية نشجب وندين
*القصه وصلت الناس للجنون
*لذا الثورة تندلع بجنون
*فلكل فعل رد فعل مساو له في القوه ومضاد له في الاتجاه
*والثوره المجنونه
*تحتاج قرار مجنون من المجلس يحير بعشر والتيجاني الماحي
*داير آله اعلاميه ادني مقوماتها اذاعة وفضائيه
*داير قناعه
*بان الموت واحد
*وان الناس بتعمل للمجنون الف حساب
*ومابتشتغل بالعاقل
*بل ممكن تستغل عقل العاقل المتعقل ويسلبوهوا حقو
*يقولوا ليك عاقل ما بسوي الشينه
*ايها الناس
*هناك قاعده فقهيه قانونيه تقول
*السكوت في معرض الحاجه للبيان بيان
*وهناك حكمه تقول
*العقل في معرض الحاجه للجنون جنون في حد ذاتو
*والثورة المجانين قد اندلعت
*وهي لا تعرف منطق
*ولا تحتكم لعقل
*هكذا سمعت من الشفوت بالامس
*ودي الحته الكنا خايفين منها
*الجنون ماعندو فرمله
*الناس جنت
*وحتي اغنيتها المفضله
*شقي ومجنون
*وفي عشق الزعيم
*اريتني اجن وازيد في الجن
*ايها الناس
*من الظلم الواقع علينا
*من تكراره الكثير
*نتوقع ان يقتادونا في المره القادمه للاجانب
*ونترحل من هناك
*فرقنا من الاجانب شنو ؟؟؟
*رحلونا اديس يكون احسن زاتو
*حيث الجو والجمال
*حيث المساواه والعداله
*نلعب ضد سانت جورج
*زول بظلمنا مافي
*لاحكم يخطئ
*ولا حكم يسافر بالتقرير
*ولا بلنت تدق في الماسوره
*ولا اداري يحكمنا بتسلط وبدون عداله
*لكن تلقوها عند الغافل
*البلد بلدنا
*لن نخرج منها
*بل نخرج من يتعدي علي حقوق الناس ويظلم
*وعلي الاتحاد ان يتحمل تبعات مايبدر منه
*لاننا لانستطيع ان نسيطر علي جمهور وصل لما اوصلتموهوا اليه
*وردة الفعل عمل طبيعي لاي فعل منحرف
*واي فعل ينحرف عن المسار الصحيح بتعمد او بالخطأ
*ايها الناس
*الامر وصل لمنطقة خطره
*كنا نحذر منها
*ولكن دردقت منكم
*لسوء القياده الشاحنه طاحت
*يا تنقلب
*يا من العقبه تتلب
*ايها الناس
*كنا نتوقع القرار المجنون من المجلس
*لكن مجلسنا حبذ العقل علي الجنون
*نجن نحنا كفايه
*ولكن جنوننا ليس بالجنوح
*عقلاء فقط بما يحقق استقرار الفريق للتنافس الافريقي
*نلتف حول الفريق كالسوار علي المعصم
*ونواصل مسيرتنا للمطار
*في مبارياتنا الافريقيه نشجع بجنون برضو
*وبعد الانتصار نهتف بحلاقيم قويه ضد الظلم والاستبداد
*نهئ لاولانا المناخ المناسب
*وصدقوني
*البطوله الافريقيه ستقضي علي الظلم والظالمين والمظلوم لاجله
*ليبدا المظلوم لاجله رحلة البحث واللهث خلف بطولة جويه
*ولمدة سبعه وتمنين سنه قادمه
*بالجديد كمان
*فالمظلوم لاجله سيظل صفر اليدين شلولخ طالما كان الظلم يطبق لصالحه
*ايها الناس
*المريخ غني بشفوته
*غني برجاله ورجالاته
*حكيم وحليم
*ولكنه شفت
*فاحذروا غضبة الحكيم الحليم
*المهم
*لاندعوا للتفلت
*ولكن الاستفزاز الشديد المباشر اذا انطبقت شروطه يستفيد منه الفاعل
*ويوم مباراة الهلال والنسور في استادنا
*قابلت شفت زعلان شديد
*قال لي بعضهم كسر كراسي
*حانتسداها
*قلت ليهو ابدا
*اذا صح الكلام ما بنتسداها
*يفترض فينا ان لاننزل لكل المستويات
*قال لي لازم نمشي استادهم ونكسر
*قلت ليهو في استادهم شئ بتكسر مافي
*الا تكسر الوكت
*ايها الناس
*الناس لاتتفلت الا اذا احست بالظلم
*اعدلوا حتي يرضي الله عنا وعنكم
*وندرأ عن شعبنا كوارث ونحمي الوطن
*ايها الناس
*ان تنصروا اله ينصركم
*اها
*نجي لي شمارات والي الخرتوم
*كان شفت يا والينا
*واحد كان مقعدنا ولي اسعار العمله بورينا
*الجنيه الاسترليني بي كوم كميه وكمين كده يا والينا
*ونحنا نقول لأ اله الا الله يا اخينا
*الريال السعودي بدشلون دشليار يا والينا
*ونحنا نقول لأ اله الا الله يا اخينا
*الدرهم الامارتي بترليون مهيار يا والينا
*ونحنا نقول لأ اله الا الله يا اخينا
*الين الياباني بي هكتار وخمسه وستين يا والينا
*ونحنا نقول لأ اله الا الله يا اخينا
*اليوريو بي ميل بحري ونص جنيه يا والينا
*ونحنا نقول لأ اله الا الله يا والينا
*الليره السوريه دي ,, السوريه العاده دي بي اتنين كيلو جنيه يا والينا
*ونحنا نقول لآ اله الا الله يا والينا
*الرنين المغنطيسي لي نفرين بمليون جنيه يقول لينا
*ونحنا نقول لأ اله الا الله يا والينا
*قام واحد تاني قال لينا
*انتوا جنيهنا ده ياهو الاصلي الزمان داك ولا صيني كمان جابوهوا لينا
سلك كهربا
ننساك كيف والكلب لو لقي جنيه واقع في الواطه ولا بشمو , مابغطي معاهو
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى