قوقل ‏+‏ ‏
Use the English Language

دق الدلجة .. محمد عبد الماجد .. لو دا كلام همد .. )المطر( ليها حق تعمل فينا كدا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

09092015

مُساهمة 

دق الدلجة .. محمد عبد الماجد .. لو دا كلام همد .. )المطر( ليها حق تعمل فينا كدا




دق الدلجة
محمد عبد الماجد
لو دا كلام همد .. )المطر( ليها حق تعمل فينا كدا

• ما عارف عبدالقادر همد دا مساعد الرئيس وإلّا مساعد المدرب؟.
• بيدخل في امور فنية خالصة.
• قالوا ليك في مباراة المريخ وهلال الابيض التى خسرها المريخ في عقر
داره – قالوا ليك همد نزل اتكلم مع غارزيتو ووجه له نقد قاسي..وقال ليه
الكلام البتعمل فيه دا غلط.
• وضفر مفروض يعمل …والريح علي ما يلعب …وعلي جعفر تقيل ما بطلع مع الهجمة.
• غارزيتو ثبت ليكم )همد( وقال ليه بالفرنسي يا زول انت ترجع )مقصورتك( –
ما قدرت على )المطرة( عاوز تشطر علي انا.
• امشي شوف شوارعك كلها مقفلة …وولايتك غرقانة ..وانت قاعد تحضر في
مباراة المريخ وهلال الابيض.
• وكمان بتنزل تتكلم مع المدرب.
• همد من تجيب ليه سيرة )المطرة( ما بقدر يقول اي حاجة.
• ولا كلمة.
• زولكم رجع )مقصورتو(…وقال احسن نشوف لينا )شكوى( – غارزيتو دا صعب ما بتفاهم.
• احسن )الشكوى(.
• نهاجم مجدي شمس الدين.
• نهاجم الحكام.
• نهاجم اي زول بس )غارزيتو( دا لا بتهاجم ولا حاجة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• قالوا ليك عبدالقادر همد لمن تصب )مطرة( بدل ما ينزل ويشوف الشوارع
ويحرك عربات الشطف ..قالوا ليك بقعد يفتش ليه عن )شكوي(.
• لمن المطرة تقيف بستدعوه في الولاية ..ويقولوا ليه يا زول انت ما تلخبط
لينا بين المريخ والمطر.
• الامطار دي ما فيها )شكاوي(.
• ح تشتكي تقول شنو يعني يا همد؟.
• المطرة جات بدون )برق(!!.
• الرعد المصاحب للمطر كان ما فيه صوت!!.
• بتقول شنو يا همد؟.
• الشارع )موقوف( – اقصد )مقفول(.
• المطر جابها )الهوا(.
• يا زول الحاجات دي ما فيها )شكاوي( ولا فيها )مريخاب الجنوب(…احمد
الله بس واشكرو.
• مزمل ابوالقاسم امس شبكنا ليك مريخاب الجنوب قالوا – مريخاب الجنوب
قالوا ..وسكرتير مريخ الرنك ..وشنو كدا ما عارف؟.
• انتوا بتشجعوا مريخ ام درمان وإلّا مريخ الرنك؟.
• سؤال.
• بقينا نتلخبط.
• المريخ الذي لعب امام هلال الابيض …مريخ ام درمان ام مريخ الرنك؟.
• الجماعة ديل شايفهم عصروا شديد على مريخ الرنك.
• الظاهر كدا قنعوا ليك من مريخ ام درمان.
• مريخ ام درمان يعملوا بيه شنو؟..الفرق بقى )6( نقاط.
• تم الاستبدال.
• احسن ليهم مريخ الرنك..على الاقل مريخ الرنك دا ما فيه علي جعفر ولا
عندهم الريح علي.
• الزهور والورد.
• ولا عندهم زول اسمو )همد( بخلي مطرتو ويمشي يحضر لي في مباريات المريخ.
• البلد غرقانة…وهو قاعد في التمرين.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• الغريبة ان همد بعد رفض شكاوي المريخ اصدر اغرب تصريح في الدنيا.
• الزول دا ما عارف مساك ليه منصب عام كيف؟.
• همد قال ان المريخ سوف يسحب لاعبيه من المنتخب الوطني ما لم يتم معاقبة
نزار حامد.
• شوفوا الزول دا.
• لاعبو المريخ كلهم الذين يلعبون في المنتخب الوطني ربط مشاركتهم مع
منتتخبهم الوطني بمعاقبة نزار حامد.
• في عصبية اكتر من كدا.
• لاقتكم عدم وطنية بالشكل دا.
• والله ليها حق )المطر( تعمل في الخرطوم كدا – اذا كان مسؤول كبير في
البلد بقول ان لاعبي المريخ سوف يسحبوهم من المنتخب ما لم يتم معاقبة
نزار حامد.
• عاشت الوطنية.
• وعاش الفريق القومي.
• معقولة همد بنظر للمنتخب الوطني بهذه الصورة.
• تصريح همد لمعلوميته ما فيه استخفاف بالوطن فقط ..تصريح همد فيه
استخفاف بلاعبي المريخ ايضا الذين ربطت مشاركتهم مع المنتخب بمعاقبة نزار
حامد.
• همو كلو بس معاقبة نزار.
• عليك الله يا همد بعد كلامك دا – دا بيبقى منتخب وطني وإلّا اجتماع لجنة شعبية؟.
• يا همد المنتخب اكبر من معاقبة نزار حامد.
• ولاعبو المريخ يفترض ان يكون انضمامهم للمنتخب اكبر من الحتة دي – اكبر
من ان يربط مصيرهم في المشاركة بمعاقبة نزار حامد.
• اذا كان امير كمال وضفر ورمضان عجب بلعبوا للمنتخب الوطني تحت هذه
الشروط – احسن من هسع يتخارجوا.
• المنتخب في غني عنهم.
• المشاركة مع المنتخب واللعب له شرف ..يبحث عن تمثيل المنتخب اي وطني اصيل.
• اللعب في المنتخب يفرضه الانتماء والوطن ….لن ننتظر شيء من لاعب يلعب
للمنتخب مجبور.
• ولن ننتظر نتيجة من لاعب يشترط على منتخب بلاده.
• اي لاعب لو كان )بنقطها( اذا ما كان عندو حس وطني ..ما يلعب للمنتخب.
• المنتخب في غنى عنه.
• يمكن لهذه الاسباب يخسر المنتخب بي الاربعة.
• ولهذه الاسباب المنتخب السوداني بلا وجيع.
• اكيد نتراجع ونتدهور اذا كان مثل همد يشترط مثل هذه الاشتراطات من اجل
تمثيل الوطن.
• اذا كان همد المسؤول الكبير في الدولة ..والذي بلغ سن يجيب ان يكون
الشعور بالوطن عنده كبيرا ..اذا كان همد بقول مثل هذه التصريحات ..ناس
رمضان عجب يقولوا شنو؟.
• ناس ضفر!!.
• وهمد ممثل الدولة في مجلس المريخ يأتي بمثل هذه الكلمات.
• خسارة المنتخب ليس من الجابون.
• وخسارة المنتخب لن تكون من ساحل العاجل.
• خسارة المنتخب الحقيقية من مثل هذه التصريحات.
• خسارة المنتخب من )همد(.
• لا المعز محجوب ولا ضفر.
• هزمنا همد.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• والمطرة…
• المطرة اصلو ما غلطانة عليكم.
• ليه حق تبشتن شوارعكم كدا …وتكسر بيتوتكم.
• ومسوؤل في الدولة يحتقر منتخب بلاده بهذه الصورة.
• لو كنا نملك اتحاد كورة حقيقي ..اتحاد كورة قوي كان يفترض ان يعاقب
اولا همد ومتوكل أحمد علي قبل معاقبة نزار حامد.
• المعاقبة اولى بها همد ومتوكل ..وهما يتطاولان بهذه الصورة على المنتخب
وعلى الاتحاد العام.
• اذا لم يكن الاتحاد العام قادر على ايقاف مثل هذه التفلتات الادارية
..عليه ان لا يبحث عن انتصارات للمنتخب.
• الانتصار قبل ما يكون في الملعب بيكون في المواقف.
• الانتصار الذي نحتاجه انتصار في حب الوطن – والانتماء اليه.
• حقيقة كارثة المنتخب ليس في مازدا.
• ولا في الدعم والامكانيات.
• ولا في المعز وضفر.
• كارثة الوطن في ناس همد ديل.
• الوطن عندهم اخر ما يكون.
• يقدمون المريخ الف مرة ثم يأتوا للمنتخب بعد ذلك.
• غارزيتو اعطي )همد( درس في المريخ.
• درس في تصريحاته العوجاء.
• في تدخلاته الفنية.
• ليت غارزيتو يعود ويعطي )همد( درس في الوطنية.
• ليتهم يعلموه ان المنتخب اولا واخيرا.
• يمكن معاقبة نزار حامد..او اي لاعب يتأخر عن تلبية نداء الوطن.
• واجب هذا.
• ولكن دون ان تكون تلك العقوبة مرتبطة باشتراطات مقابلة…واهواء خاصة
ونظرة ضيقة…وهلال مريخ.
• لكن قبل معاقبة نزار …يجب ان يعاقب همد فهو قد هدم اي شعور وطني
للمنتخب عند لاعبي المريخ.
• عاقبوه ..قبل ان تسألوا الدعم والسند للمنتخب.
• المنتخب الوطني ليس مركز صحي.
• ولا حديقة حبيبي مفلس.
• المنتخب اكبر من هذا يا همد.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• وعشان كلامك دا يا الله الليلة تجي مطرة ما تقيف إلّا تاني يوم ..عشان
نشوف الاولى بالمعاقبة منو نزار حامد ..ام المسؤول الذي ترك )مطره( ومشى
يحضر تمارين المريخ.
• ………..
و
• يا جماعة مباراة سموحة قربت.
• والحكاية صعبة.
• فريق سموحة ح يلعب بدون ضغوط.
• الهلال عليه ان يقفل كويس.
• نقطة تكفي.
• ما تبحثوا عن الانتصار تقوموا تفقدوا التأهل.
• الدفاع ..الدفاع ..الدفاع اول.
• هدفنا الاول التأهل.
• ……..
• السيدة )ل( – انتي والمطرة زي الزول الواقف قدام المرايا.
• وقرّض على كدا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى