في السلك .. بابكر سلك .. سمكة محمد عبد الماجد

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17092015

مُساهمة 

في السلك .. بابكر سلك .. سمكة محمد عبد الماجد




في السلك
بابكر سلك
سمكة محمد عبد الماجد

*الرائع محمد عبدالماجد كتب اول امس مستدلا بعبارة شهيره لترباس
*العباره تقول
*جني وجن الزول البقلب السمكه وما دافع فيها
*ونسي او تناسي محمد عبدالماجد
*ان لترباس عباراة وتعبيرات كتيره راسخه
*منها علي سبيل المثال لا الحصر
*مشيت اشرب جيت لقيت الهلال اتغلب خمسه
*دي ابو حميد ما استصحبها معاهو في مقالو
*المهم
*محمد عبدالماجد قال المريخ في دور الاربعه زي الزول المادافع الشيرنق في السمكه
*ويقوم يقلبها كمان
*هو بالله يا ابو حميد السمكه بتاعت دور الاربعه تراها بالدفع ؟؟؟
*ما كان عندنا خبر والله
*عشان كده بدون ما ندفع قعدنا في صينية دور الاربعه واتحكرنا
*قايلين الحكايه مافيها دفع
*تراها بالدفع ؟؟؟
*والشير كم في سمكة دور الاربعه يا ابو حميد ؟؟؟
*ما تقول لي مليون وميتين
*سمكه ولا خروف اصلو ؟؟
*اول مرة في حياتي اسمع لي بي سمكه بتقول باع
*سمك الاسكندريه ده ببعبع ولا شنو يا ابو عبدالماجد !!!
*وشابكننا دور الاربعه دور الاربعه
*تراكم دافعين
*دافعين الشير بتاع السمكه
*واتسمكي
*يا محمد عبدالماجد
*سمكة بالدفع ده طرفنا منها
*لانو بالطريقه دي السمكه ام اتنين كيلو
*ممكن تعملوها اطناشر كيلو
*القصه دفع
*واتنين واطناشر دفعهم ما كتير
*اقصد فرقهم ما كبير
*سمكه بالدفع ؟؟؟
*اسي انا عندي عين سمكه بتجيب كم يا محمد عبدالماجد ؟
*باقي انتوا خبراء في اسعار السمك
*لكن نحنا ما بنعرف للحاجات دي
*مابندفع
*ونتحكر ونقلب السمكه كمان
*اصلها الصفره فيها اربعه
*تلاته دافعين
*لكن بقوموا سريع
*ونفضل نحنا الما دافعين
*بقوة عين نقلب السمكه
*وبعد تكمل نقزقز
*السمك مراجعه يا محمد عبدالماجد
*احلي حاجه في السمكه انك تراجعها
*تشيل اللحم الابيض البين الشوك الكلفتو قبيل داك
*والزعانف مقرشه
*والراس زاتو
*فيهو حلات قرمشه
*نقعد برانا ونراجع ليك السمكه شوكه شوكه
*بالشوكه والسكين
*وما دافعين
*لكن بصراحه اول مرة اسمع لي بي سمكه بتقول باع
*ناس الاسكندريه بالغوا
*لكن يمكن داك عشان سمك البحر الابيض المتوسط
*ببعبع ما زي سمكنا
*المهم
*ماقلت لي يا محمد
*لما دفعتوا حق سمكة دور الاربعه
*دفعتوا حق السلطه بتاعت الدكوه
*وحق البصل والشطه الخضراء
*ولا دي بتجي خدمات مع البيعه
*اقصد مع السمكه
*قلت لي اشهر بتاع سمك في الاسكندريه اسمو منو ؟؟؟؟؟
*ايها الناس
*ريحة المطار فاحت
*ناس انجمينا قالوا وصلتهم
*الحكاية حكاية وكت بس
*ومازيمبي لحق بغلة عبدالخير
*وقف
*واقصاء مازيمبي مسئولية الشفوت
*من كل حدب وصوب يأتون
*لمناصرة بطل افريقيا 2015–ولكن هناك مشكله
*شفوت النيل الابيض دايرين يجوا
*لكن ناس المرور بمنعوا السفر بعد سبعه تقريبا
*فحقوا ناس المرور يرفعوا الليت يوم كورتنا ضد مازيمبي
*عشان مانفقد شفوت النيل الابيض
*وعشان شفوت النيل الابيض ما يفقدوا شرف المشاركه في اقصاء مازيمبي
*والنيل الابيض دي ما بعيد هناك
*طرف السوط لاحق ناس القطينه وود الزاكي واحتمال بعد الجبل طوالي
*اخدمونا يا ناس المرور ومابتغلبكم
*لو بالطوف وصلوا لينا الشفوت ينوبكم ثواب
*المهم
*سمكة محمد عبدالماجد البتقول باع
*سمكة بي قرونها خلي بالك
*لو جات من النيل الابيض ماعندها مشكله
*ما بتركب الزلط
*بتجي بالنيل الابيض زاتو
*لكن مع الخزان كيف ؟؟؟
*شرينق برضو يا محمد ؟؟؟
*ايها الناس
*لاهمية العمليه التشجيعيه
*اليوم بالمكتب التنفيذي الساع اتنين ضهر
*اجتماع تنسيقي يضم قادة الروابط التشجيعيه
*كل الناس تجي عشان ننسق للمرحله القادمه
*عشان نشتغل مع بعض
*عشان نحنا قوة المريخ
*وعشان مدرب مازيمبي خايف من جماهير المريخ شديد
*وطالما قوتنا في جماهيرنا
*بتبقي جماهيرنا اقوي بوحدتنا
*نجي كلنا عشان نضع امكاناتنا تحت تصرف الزعيم
*مافينا زول بغرد خارج السرب
*والامتثال لراي المجموعه هو اكبر دليل علي ديمقراطية الفكر
*واكبر دليل علي عمق العشق والانتماء
*مافينا زول يتخلف
*عشان مافينا قبل كده زول اتخلف
*نجي كلنا
*بقلوب قويه وناصعه
*لا هدف لها الا مصلحة الكيان
*ريحة المطار فاحت
*ماتشتتوها يا شفوت
*عشان نقلب سمكة محمد عبدالماجد المادافعين فيها دي
*ونقزقز
*سمكه بي قرونا
*سمكه بتقول ببااااااااع
*حلوه حلا
*المهم
*واحد من الجماعه
*ناس ابو سمكه
*اهلو رسلوا ليهو خروف للضحيه
*ربط الخروف في الحوش الوراني
*بالليل الخروف قال باع
*صاحبنا جري وغمتو بالملايه
*قال ليهو اسكت الله يفضحك ما تفضحنا
*الخروف قال ليهو اعوم يعني ؟؟؟
*سمكه انا ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*عيد الضحيه جايينا
*والضحيه السنه دي يا والينا
*واحد فينا
*علي الاقل رب الاسره ارخص من الخروف يا والينا
*وبكا يومين تلاته اخير من اقساط سنه تتلتل فينا
*لكن ياتو اسره الربها لحمتو سمينه ؟؟
*غايتو اولادنا حايطفحوا كوراع لو ضحوا بينا
سلك كهربا
ننساك كيف والكلب خايف ناس المحليه يهرونا جلد لو ما اديناهم الجلد
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى