في السلك .. بابكر سلك .. جوبا مالك عليا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

19092015

مُساهمة 

في السلك .. بابكر سلك .. جوبا مالك عليا




في السلك
بابكر سلك
جوبا مالك عليا

*الشيخ فرح ود تكتوك
*اشتهر بالحكمه
*واشتهر بالفطنه وسرعة البديهه
*عشان كده الناس بقولوا الشيخ فرح ود تكتوك حلال المشبوك
*سابق لعمك قوقل في الفكره والزمن
*انت ما عليك الا تسأل
*الشيخ فرح يجاوبك في لمحة بصر
*قوقل زمانو وقوقل كل الازمنه
*وامتاز الشيخ فرح عن عمك قوقل بالتفقه والحكمه كمان
*من اقوال الشيخ فرح المأثوره
*يحكي ان رجل هارب من الجند
*جا جاري جمب عمك الشيخ فرح
*طالبا منه الستر
*قال ليهو دسني يا شيخنا
*جوار الشيخ كان في كوم تبن كبييييير
*شيخنا قال للراجل ادخل جوه التبن ده
*الراجل دخل
*وصل الجند وسالوا الشيخ
*يا )شيه في واهد راجل جاري هنا انت شوف ؟(
*الشيخ فرح قال ليهم بالحيل
*دخل جوه التبن ده
*الخواجه ساق عساكرو ومشي
*قال الشيخ ده فاطي سطر
*تبن شنو البدخل فيهو زول مطارد من الجيش الانجليزي
*بعد الخواجه مشي
*الشيخ فرح قال للزول امرق
*الزول مرق
*لكن كان زعلان من الشيخ شديد
*قال ليهو يا شيخنا داير تضيعني
*توصف للخواجه مكاني ؟؟؟
*الشيخ فرح قال ليهو
*لو الصدق مانجاك يا والدي الكضب ما بنجيك
*ساقني لهذه المقدمه
*افتقادنا للصدق في منظومة العمل الرياضي عندنا
*شهادات ميلاد مضروبه
*الزول شنبو خشن يقولوا ليك شبل من مواليد الفين وواحد
*ويقابلك زول يقول ليك الشبل ده قرا معاي سنة اتنين وتسعين في الثانوي
*كضب شهادات شديد
*وعمليات الاحتيال في اصدار القرارات
*حيثيات مابتشبه القرار الاخير
*وصافرات تكذب طيلة الموسم
*تعلو صيحاتها كذبا في فارغه
*ونفتقد صوتها في لحظات كان من واجبها ان تطلق صوتها للعنان والبيان
*فتتستر خلف عبارة واهيه
*يخطئ ولا يظلم
*كضب شديد
*تقارير تخبأ
*وسيستم يفتح
*وحكام يسافروا بالتقرير كذبا واهمالا
*اتحادات تهمل في تطبيق مواد وجوبيه
*هم قالوا كده
*ويا ريت يكون الامر مجرد اهمال
*مايكون الاهمال يخطئ ولا يظلم برضو
*نحتاج لمية شيخ فرح في تنظيمات العمل الرياضي
*نحتاج للصدق والشفافيه عشان نمشي قدام
*حتي اتحاد دولة الجنوب الوليده
*استفاد من مقولة الشيخ فرح
*وبقي يقصد الصدق بغرض النجاة
*والتحيه لرئيس اتحاد دولة الجنوب الوليده
*الرجل الحقاني والصادق والمحايد الذي ينشد من صدقه النجاة من الانهيار الاخلاقي والتدهور الكروي
*عشان كده كورتهم ماشه صاح
*وهنيئا لهم فوزهم علي غينيا الاستوائيه
*وصدقوني بالطريقه دي بجي اليوم البغلبونا هنا وفي جوبا
*لانهم يتحرون الصدق في معاملاتهم ونتحري نحن اي شئ الا الصدق والشفافيه
*خريج جامعي لما يلعب في الاشبال
*بنكون صادقين ولا كضابين ؟؟؟؟
*رئيس اتحاد الجنوب يستحق ان نرفع له القبعات
*ونلمع له الصلعات والجلحات
*فمن اول اتصال قطع الشك باليقين
*ولم يقصر في الافاده المن امها
*ولم نتعب في سبيل الوصول الي الحقيقه معه
*اعجبنا هذا الرجل عندما تعاملنا معه مستفسرين
*ادهشني وافحم متوكل وشرق حامد بدوي ووقع مهند ميرغني في احضانه طربا
*الامر لم يكلف غير مكالمة قبل ان ينتصف الليل
*فكان الامر كله بيد الحق
*شكرا رئيس اتحاد الجنوب
*والتحيه لك مجددا
*وشخصيا ماشي ادخل لي معهد لغات
*اتعلم فيهو لغة النوير والدينكا واللاتوكا
*لغات صادقه
*لاتوجد فيها مفرده اسها الكذب
*يارئيس اتحاد دولة الجنوب
*جوازكم ممغنط ولا نجي سااااي ؟؟؟؟
*المهم
*عاد الحق لاهله بفضل الصدق الذي ينجيك ان قصدته
*ولنا سؤال
*هل كان هلال عطبره يعلم بايقاف اللاعب ؟؟
*اقصد هل كان امل عطبره عالما بالايقاف ؟؟؟
*العاوز يجاوب يجيب الدليل
*شخصيا الدليل عندي آلولو
*ولنا سؤال تاني
*القصه بين هلال كادوقلي والمريخ
*وهلال عطبره والمريخ
*الدخل هلال الصفر و التاريخ شنو ؟؟؟؟
*ايها الناس
*بدأ العد التنازلي لاقصاء مازيمبي
*يبقي نجهز انفسنا من اسي
*خمسين الف شفت في الاستاد جوه الجك
*لابنعرف معيد بعيد
*ولا بنعرف الفوج فاتنا
*مريخاب الولايات
*لو تضبحوا في الاستاد تجوا
*واجب وليس فرض كفايه
*فرض عين عديل كده
*نجي كلنا
*لنعلن للناس اقصاء مازيمبي من هنا
*مازيمبي يشوف موسومو الجديد وين
*المهم
*ماهي العلاقه بين سمكة محمد عبدالماجد وبغلة عبدالخير ؟؟؟؟
*ترسل الاجابات في مظروف تعنون لاتحاد الفنانين لعناية الاخ كمال ترباس
*ايها الناس
*بين بكري المدينه ولقب هداف البطوله قونين
*واحد في مازيمبي هنا
*وواحد في اتحاد الجزائر هناك
*ولو معاهم تالت يبقي خير وبركه
*نقابل مازيمبي في العيد
*عيد الضحيه
*ذا شيب
*شون يا حبيب
*الكمونيه يا بت
*الشطه يافطومه
*المهم
*اسلام قالت لي دروسنا يا بابا
*قالوا لينا اي عدد تضربو في صفر النتيجه صفر
*قلت ليها وانا اقول البطولة المحببه طوالي بتطلع صفر ليه ؟؟
*اتاريهو عشان روشا بضربها وبضربها في صفر يا بتي
*السنه دي نحنا ضاربين البطولة المحببه في واحد يا بتي
*يعني بتبقي المعادله كالأتي
*الاميره السمراء في مانديلا بتساوي واحد
*نعوض
*الاميره السمراء في واحد )مانديلا واحد صحيح طبعا ( بتساوي واحد
*يبقي الاميره السمراء بتساوي واحد في البطوله المحببه
*واحد في واحد يساوي واحد
*وواحد زايد واحد يساوي اتنين
*بطولتين من بطولات الكاف
*الكاف ده كاف شاخور يا ربي
*بطولاتو كلها تبقي عندنا
*والغريبه السوبر
*اسي كاس العالم للانديه
*باقي ليكم ميسي بشمها مع ايمن سعيد ده ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اجمل كلام اتقال لينا
*واتلحن واتغني لينا
*لو كان بالمراد واليمين محقوق
*ماكان بتشنق ود اب كريق في سوق
*هييييييييييييييييييييييييع
سلك كهربا
ننساك كيف ولما يغنوا لينا ما كان بتشنق ود اب كريق في سوق ونقوم نعرض
الكلب بضحك علينا ويقول في سرو يا حليلكم يا القعدتو ساي , ارفعوا السيستم قبال تعرضو
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى